ಬಾಗಲಕೋಟೆ: ಅಪ್ರಾಪ್ತೆಯ ಮೇಲೆ ನಡೆಸಿ ಮಾರಾಟ ಮಾಡಲು ಯತ್ನಸಿದ ಆರೋಪದ ಮೇಲೆ ಮಹಿಳೆಯೊಬ್ಬರಿಗೆ ಹಿಗ್ಗಾಮುಗ್ಗಾ ಥಳಿಸಿರುವ ಘಟನೆ ನಡೆದಿದೆ. ಜಿಲ್ಲೆಯ ಪಟ್ಟಣದ ವಿದ್ಯಾನಗರದಲ್ಲಿ ಈ ಘಟನೆ ನಡೆದಿದ್ದು, ಆ ಬಡವಾಣೆಯ ಮಹಿಳೆರೆಲ್ಲ ಮನಸಿಗೆ ಬಂದಂತೆ ಮಹಿಳೆಯನ್ನು ಚಚ್ಚಿದ್ದಾರೆ. ಥಳಿಸಿದ್ದು ಸಾಲದು ಎಂಬಂತೆ ವಿದ್ಯುತ್ ಕಂಬಕ್ಕೆ ಕಟ್ಟಿ ಛೀಮಾರಿ ಹಾಕಿದ್ದಾರೆ. ನಗರದ ನಿವಾಸಿಗಳಾದ ಬಸಯ್ಯ ಮಠಪತಿ ಹಾಗೂ ಪತ್ನಿ ಜಯಶ್ರೀ ಎಂಬುವವರು ಅಪ್ರಾಪ್ತೆಗೆ ಲೈಂಗಿಕ ಕಿರುಕುಳ ನೀಡಿ ಮಾರಾಟ ಮಾಡಲು ಯತ್ನಿಸಿದ್ದಾರೆ ಎಂದು ಸ್ಥಳಿಯರು ಆರೋಪಿದ್ದಾರೆ. ವಿಷಯ ಹರಡುತ್ತಿದ್ದಂತೆ ಬಡಾವಣೆಯ ಹೆಂಗಸರೆಲ್ಲ ಸೇರಿ ಮಹಿಳೆಗೆ ಹಿಗ್ಗಾಮಗ್ಗ ಥಳಿಸಿದ್ದಾರೆ. ಮಹಿಳೆಯ ಜಡೆ ಹಿಡಿದು ಥಳಿಸಿ ಚಪ್ಪಲಿ ಏಟು ನೀಡಿದ್ದಾರೆ. ನಡೆದದ್ದೇನು: ಬಸಯ್ಯ ಮಠಪತಿ ಹಾಗೂ ಪತ್ನಿ ಜಯಶ್ರೀ ದಾವಣಗೆರೆ ಮೂಲದ ಅಪ್ರಾಪ್ತೆಯನ್ನು ಕರೆತಂದು ಮೂರು ತಿಂಗಳಿಂದ ಮನೆಯಲ್ಲಿಟ್ಟುಕೊಂಡಿದ್ದರು. ಶುಕ್ರವಾರ ರಾತ್ರಿ ಅಪ್ರಾಪ್ತೆಗೆ ಬಸಯ್ಯ ಲೈಂಗಿಕ ಕಿರುಕುಳ ನೀಡಿದ್ದಾನೆ ಎನ್ನಲಾಗಿದೆ. ಪ್ರಶ್ನಿಸಲು ಹೋದ ಸ್ಥಳೀಯ ಮಹಿಳೆಯರಿಗೆ ಬಸಯ್ಯ ಪತ್ನಿ ಬೈದಿದ್ದಾರೆ. ಆಕ್ರೋಶಗೊಂಡ ಮಹಿಳೆಯರು ಬಸಯ್ಯ ಪತ್ನಿಗೆ ಥಳಿಸಿದ್ದಾರೆ. ತೇರದಾಳ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.
from India & World News in Kannada | VK Polls https://ift.tt/2QqNb1X
