ಮುಂಬಯಿ: ಗಾಯದ ಸಮಸ್ಯೆಯನ್ನು ಎದುರಿಸಿದ ಬಳಿಕ ಬೆಂಗಳೂರಿನಲ್ಲಿರುವ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯ ಪುನಶ್ಚೇತನ ಕೇಂದ್ರಕ್ಕೆ ಬರುವ ಬದಲು ತಮ್ಮದೇ ಆದ ಖಾಸಗಿ ತರಬೇತುದಾರನ ಮೂಲಕ ಅಭ್ಯಾಸ ನಡೆಸಿರುವ ಜಸ್ಪ್ರೀತ್ ಬುಮ್ರಾಗೆ ಫಿಟ್ನೆಸ್ ಟೆಸ್ಟ್ ನಡೆಸಲು ಸಾಧ್ಯವಿಲ್ಲವೆಂದು ಎನ್‌ಸಿಎ ಸ್ಪಷ್ಟಪಡಿಸಿತ್ತು. ಇದು ಹೆಚ್ಚಿನ ಗೊಂದಲಕ್ಕೆ ಕಾರಣವಾಗಿತ್ತು. ಎನ್‌ಸಿಎ ಕೇಂದ್ರದಲ್ಲಿ ಫಿಟ್ನೆಸ್ ಶಿಬಿರದಲ್ಲಿ ಒಳಗಾಗದ ಆಟಗಾರನಿಗೆ ಫಿಟ್ನೆಸ್ ಸರ್ಟಿಫಿಕೇಟ್ ನೀಡಲು ಹೇಗೆ ಸಾಧ್ಯ ಎಂದು ಎನ್‌ಸಿಎ ಪ್ರಶ್ನಿಸಿತ್ತು. ಇನ್ನೊಂದೆಡೆ ಎನ್‌ಸಿಎ ಫಿಟ್ನೆಸ್‌ನಿಂದ ತೃಪ್ತಿ ಹೊಂದದ ಆಟಗಾರರು ತಮ್ಮ ಖಾಸಗಿ ತರಬೇತುದಾರರ ಅಡಿಯಲ್ಲೇ ಅಭ್ಯಾಸ ನಡೆಸಿದ್ದರು. ಈ ಎಲ್ಲ ವಿವಾದಗಳ ಬಗ್ಗೆ ಎನ್‌ಸಿಎ ಮುಖ್ಯಸ್ಥ ರಾಹುಲ್ ದ್ರಾವಿಡ್ ಜತೆಗೆ ಅಧ್ಯಕ್ಷ ವಿಸೃತವಾಗಿ ಚರ್ಚೆ ನಡೆಸಿದ್ದಾರೆ. ತದಾ ಬಳಿಕ ಪ್ರತಿಕ್ರಿಯೆ ನೀಡಿರುವ ದಾದ, "ನಾವೊಂದು ವ್ಯವಸ್ಥೆಯನ್ನು ಜಾರಿಗೆ ತಂದಿದ್ದೇವೆ. ಬೌಲರ್‌ಗಳು ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಗೆ ಹೋಗಬೇಕು. ಯಾರಾದರೂ ಬೇರೆಯವರು ಚಿಕಿತ್ಸೆ ನೀಡಬೇಕಾದರೆ ಅವರು ಎನ್‌ಸಿಎಗೆ ಬರಬೇಕಾಗುತ್ತದೆ" ಎಂದು ಸ್ಪಷ್ಟಪಡಿಸಿದ್ದಾರೆ. ಎನ್‌ಸಿಎ ಸೌಲಭ್ಯ ಅಥವಾ ಟ್ರೈನರ್‌ಗಳ ಜತೆ ಕಾರ್ಯನಿರ್ವಹಿಸಲು ಆಟಗಾರರಿಗೆ ಸಮಸ್ಯೆ ಇದೆಯೇ ಎಂಬುದನ್ನು ಕೇಳಿದಾಗ, "ಯಾವುದೇ ಕಾರಣವಿರಲಿ, ನಾವು ಎಲ್ಲದಕ್ಕೂ ಅವಕಾಶ ಕಲ್ಪಿಸಲಿದ್ದೇವೆ. ಆಟಗಾರರು ಆರಾಮದಾಯಕವಾಗಿದ್ದಾರೆ ಎಂಬುದನ್ನು ಖಚಿತಪಡಿಸಲಿದ್ದೇವೆ. ಅವರು ದೂರವಿದ್ದಾರೆ ಅಥವಾ ಹೊರಗುಳಿದಿದ್ದಾರೆ ಎಂಬುದನ್ನು ಭಾಸವಾಗದಂತೆ ನೋಡಿಕೊಳ್ಳಲಿದ್ದೇವೆ" ಎಂದು ಹೇಳಿದರು. ನಾವು ಸುಸ್ಸಜ್ಜಿತ ಅತ್ಯಾಧುನಿಕ ಎನ್‌ಸಿಎ ಘಟಕವನ್ನು ತೆರೆಯುತ್ತಿದ್ದೇವೆ. ಹೊಸ ಜಮೀನಿನಲ್ಲಿ ಕೆಲಸವನ್ನು ಪ್ರಾರಂಭಿಸಲಾಗುತ್ತಿದೆ. ಮುಂದಿನ 18 ತಿಂಗಳುಗಳ ಅವಧಿಯಲ್ಲಿ, ನಾವು ಅಲ್ಲಿದ್ದರೆ ಸುಸ್ಸಜ್ಜಿತ ಎನ್‌ಸಿಎ ನೋಡಬಹುದಾಗಿದೆ ಎಂದು ಹೇಳಿದರು. ಕಡ್ಡಾಯ ಯೋ ಯೋ ಟೆಸ್ಟ್ ಬಗ್ಗೆಯೂ ದಾದಾ ಅಭಿಪ್ರಾಯ ಹಂಚಿಕೊಂಡರು." ಪ್ರತಿ ತಂಡದ ನಿರ್ವಹಣೆಗೆ ತನ್ನದೇ ಆದ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸ್ವಾತಂತ್ರ್ಯ ಹೊಂದಿರಬೇಕು. ವಿರಾಟ್ ಕೊಹ್ಲಿ, ರವಿಶಾಸ್ತ್ರಿ ಮತ್ತು ತರಬೇತುದಾರರು ಅದನ್ನೇ ಭಾವಿಸಿದರೆ, ಹಾಗೆಯೇ ಇರಲಿ. ನಾವು ಯಾವಾಗಲೂ ಮೂಗು ತೂರಿಸುವ ಅವಶ್ಯಕತೆಯಿಲ್ಲ. ನಾಯಕ ಹಾಗೂ ಟ್ರೈನರ್‌ಗಳು ಫಿಟ್ನೆಸ್ ನಿರ್ದಿಷ್ಟ ಮಟ್ಟದಲ್ಲಿರಬೇಕು ಎಂದು ಭಾವಸಿದರೆ ಹಾಗೆಯೇ ಇರಲಿ" ಎಂದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2ZudPLz
