ಜಿಲ್ಲೆ ಕನಕಪುರ ತಾಲೂಕಿನ ಉಯ್ಯಂಬಹಳ್ಳಿ ಹೋಬಳಿಯ ಹಾರೋಬಲೆ ಗ್ರಾಮದಲ್ಲಿರುವ ಕಪಾಲಿ ಬೆಟ್ಟದಲ್ಲಿ ಏಸುಕ್ರಿಸ್ತನ ಬೃಹತ್ ಕಲ್ಲಿನ ನಿರ್ಮಾಣವಾಗುತ್ತಿದೆ. ಕಾಂಗ್ರೆಸ್ ಮುಖಂಡ, ಮಾಜಿ ಸಚಿವ ಡಿ.ಕೆ. ಶಿವಕುಮಾರ್‌, ಇದಕ್ಕಾಗಿ 10 ಎಕರೆ ಭೂಮಿ ನೀಡಿದ್ದು, 13 ಮೆಟ್ಟಿಲುಗಳುಳ್ಳ 114 ಅಡಿ ಎತ್ತರದ ಪ್ರತಿಮೆ ನಿರ್ಮಾಣವಾಗ್ತಿದೆ. ವಿಶ್ವದಲ್ಲಿ ಏಸುಕ್ರಿಸ್ತನ ಅನೇಕ ಪ್ರತಿಮೆಗಳಿವೆ. ಆದ್ರೆ, 114 ಅಡಿ ಎತ್ತರದ ಕಲ್ಲಿನ ಪ್ರತಿಮೆ ಸ್ಥಾಪನೆ ಮಾಡುತ್ತಿರುವುದು ಇಲ್ಲಿಯೇ ಮೊದಲು ಎನ್ನಲಾಗಿದೆ. ವಿಶ್ವದ ಅತ್ಯಂತ ಜನಪ್ರಿಯ ಕ್ರಿಸ್ತನ ಪ್ರತಿಮೆಗಳು ಯಾವುವು, ಎಲ್ಲಿವೆ ಅಂತಾ ನೋಡೋದಾದ್ರೆ.. 1 - ಕ್ರೈಸ್ಟ್‌ ದಿ ರಿಡೀಮರ್, ಬ್ರೆಜಿಲ್ ಹಾಗೆ ನೋಡಿದ್ರೆ ಬ್ರೆಜಿಲ್ ದೇಶ ರಿಯೋ ಡಿ ಜನೈರೋದಲ್ಲಿ ಇರುವ ಕ್ರೈಸ್ಟ್‌ ದಿ ರಿಡೀಮರ್ ಪ್ರತಿಮೆ, ಅತ್ಯಂತ ಹೆಸರುವಾಸಿ. 30 ಮೀಟರ್ ಎತ್ತರ ಇರುವ ಈ ಪ್ರತಿಮೆಯಲ್ಲಿ ಕ್ರಿಸ್ತನ ಚಾಚಿರುವ ಕೈಗಳ ಉದ್ದವೇ 28 ಮೀಟರ್ ಇದೆ. ಪ್ರತಿಮೆ ಇರುವ ಕೋರ್ಕೋವಡೋ ಬೆಟ್ಟ, ಪ್ರವಾಸಿತಾಣವಾಗಿ ಪರಿವರ್ತನೆಯಾಗಿದೆ. 2 - ಕ್ರೈಸ್ಟ್‌ ದಿ ಕಿಂಗ್, ಪೋಲೆಂಡ್‌ ಪೋಲೆಂಡ್‌ನಲ್ಲಿರುವ ಕ್ರೈಸ್ಟ್‌ ದಿ ಕಿಂಗ್ ಪ್ರತಿಮೆ 2010ರಲ್ಲಿ ನಿರ್ಮಾಣವಾಗಿತ್ತು. 52.5 ಅಡಿ ಎತ್ತರ ಇರುವ ಈ ಪ್ರತಿಮೆ ವಿಶ್ವದ ಅತಿದೊಡ್ಡ ಕ್ರಿಸ್ತನ ಪ್ರತಿಮೆ ಎಂದೇ ಹೆಸರುವಾಸಿಯಾಗಿದೆ. 3 - ಕ್ರಿಸ್ಟೋ ಡೆಲ್ಲಾ ಮಿನೆರ್ವಾ, ರೋಮ್, ಇಟಲಿ ಪುರಾತನ ರೋಮ್‌ನ ಸಂತಾ ಮರಿಯಾ ಸೊಮ್ರಾ ಮಿನರ್ವಾ ಚರ್ಚ್‌ ಬಳಿ ಇರುವ ಕ್ರಿಸ್ಟೋ ಡೆಲ್ಲಾ ಮಿನರ್ವಾ ಪ್ರತಿಮೆ 1521ರಲ್ಲಿ ನಿರ್ಮಾಣವಾಗಿತ್ತು. ಕೇವಲ 81 ಇಂಚು ಎತ್ತರ ಇದ್ದರೂ ಕೂಡಾ ಈ ಪ್ರತಿಮೆ ಅತ್ಯಂತ ಪುರಾತನವಾದ ಕ್ರಿಸ್ತನ ಪ್ರತಿಮೆ ಎಂದೇ ಹೆಸರುವಾಸಿ 4 - ಎಲ್ ಸಾಲ್ವೆಡಾರ್‌ನಲ್ಲಿ ಇರುವ ಜಗತ್ ರಕ್ಷಕನ ಪ್ರತಿಮೆ..! ಎಲ್ ಸಾಲ್ವೆಡಾರ್ ದೇಶದ ಸ್ಯಾನ್ ಸಾಲ್ವೆಡಾರ್ ಪಟ್ಟಣದಲ್ಲಿದೆ ಕ್ರಿಸ್ತನ ಪ್ರತಿಮೆ. ಭೂಮಿಯ ಮೇಲೆ ಕ್ರಿಸ್ತ ನಿಂತಿರುವಂತೆ ಈ ಪ್ರತಿಮೆ ಇದೆ. ಕಾಂಕ್ರೀಟ್‌ ಬಳಸಿ ಕಟ್ಟಲಾಗಿರುವ ಈ ಪ್ರತಿಮೆಯ ನಿರ್ಮಾಣ ಕಾರ್ಯ 1942ರಲ್ಲಿ ಮುಕ್ತಾಯವಾಯ್ತು. 1986ರಲ್ಲಿ ಭೂಕಂಪ ಸಂಭವಿಸಿ ಒಂದಷ್ಟು ಹಾನಿಗೀಡಾಗಿತ್ತು. ಬಳಿಕ 2010ರಲ್ಲಿ ನವೀಕರಣಗೊಂಡಿದೆ. 5 - ಕ್ರಿಸ್ಟೋ ಡಿ ಲ ಕಾನ್‌ಕಾರ್ಡಿಯಾ, ಬೊಲಿವಿಯಾ ಬೊಲಿವಿಯಾದ ಕೊಚ್ಚಬಂಬಾ ನಗರದ ಬೆಟ್ಟದ ಮೇಲಿದೆ ಕ್ರಿಸ್ತನ ಪ್ರತಿಮೆ. 2000 ಮೆಟ್ಟಿಲುಗಳನ್ನು ಹತ್ತಿ ಈ ಪ್ರತಿಮೆಯನ್ನು ತಲುಪಬೇಕು. ಕೇಬಲ್ ಕಾರ್ ಕೂಡಾ ಇದೆ. ಇದರ ಎತ್ತರ 40 ಮೀಟರ್. ಕ್ರಿಸ್ತನ ಪ್ರತಿಮೆಯ ಎಡಗೈ ಉತ್ತರದ ಕಡೆ ಇದ್ದರೆ, ಬಲಗೈ ದಕ್ಷಿಣದ ಕಡೆ ಇದೆ.
from India & World News in Kannada | VK Polls https://ift.tt/355E3oZ
