ಹೊಸದಿಲ್ಲಿ: ತಂಡದ ಮಾಜಿ ಆಟಗಾರ ಅವರು ಹಿಂದೂ ಧರ್ಮದವರರಾಗಿದ್ದ ಕಾರಣಕ್ಕೆ ಅನ್ಯಾಯ ಮಾಡಲಾಗುತ್ತಿತ್ತು ಎಂದು ಮಾಜಿ ವೇಗದ ಬೌಲರ್ ಬಹಿರಂಗಪಡಿಸಿದ್ದರು. ಇದೀಗ ಶೋಯೆಬ್ ಹೇಳಿದ್ದೆಲ್ಲವೂ ಸತ್ಯವಾಗಿದ್ದು, ಶೀಘ್ರದಲ್ಲೇ ಹೆಸರು ಬಹಿರಂಗ ಮಾಡುವುದಾಗಿ ದನೀಶ್ ಕನೇರಿಯಾ ಹೇಳಿದ್ದಾರೆ. "ನಾನು ಹಿಂದೂ ಎಂಬ ಕಾರಣಕ್ಕೆ ನನ್ನ ಜತೆ ಮಾತನಾಡದ ಆಟಗಾರರ ಹೆಸರುಗಳನ್ನು ಶೀಘ್ರದಲ್ಲೇ ಬಹಿರಂಗಗೊಳಿಸಲಿದ್ದೇನೆ" ಎಂದು ದನೀಶ್ ಕನೇರಿಯಾ ಹೇಳಿದ್ದಾರೆ. "ಶೋಯೆಬ್ ಅಖ್ತರ್ ಅಜವನ್ನೇ ಹೇಳಿದ್ದಾರೆ. ಹಿಂದೂ ಎಂಬ ಕಾರಣದಿಂದ ನನ್ನ ಜತೆ ಮಾತನಾಡಲು ಹಿಂಜರಿಯುತ್ತಿದ್ದ ಕ್ರಿಕೆಟಿಗರ ಹೆಸರುಗಳನ್ನು ಶೀಘ್ರದಲ್ಲೇ ಹೊರಗೆಡಹಲಿದ್ದೇನೆ. ಮೊದಲು ಈ ಬಗ್ಗೆ ನನಗೆ ಮಾತನಾಡಲು ಧೈರ್ಯ ಇರಲಿಲ್ಲ. ಆದರೆ ಈಗ ಧೈರ್ಯ ಬಂದಿದೆ" ಎಂದು ಕನೇರಿಯಾ ಗುರುವಾರ ಪ್ರತಿಕ್ರಿಯಿಸಿದ್ದಾರೆ. ಪಾಕಿಸ್ತಾನ ಪರ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದವರು ಸಾಲಿನಲ್ಲಿ ನಾಲ್ಕನೇ ಸ್ಥಾನದಲ್ಲಿರುವ ದನೀಶ್, ಅನಿಲ್ ದಲಪಾತ್ ಬಳಿಕ ಪಾಕ್ ತಂಡವನ್ನು ಪ್ರತಿನಿಧಿಸಿದ ಎರಡನೇ ಹಿಂದೂ ಆಟಗಾರ ಎಂದೆನಿಸಿದ್ದರು. ದನೀಶ್ ಕನೇರಿಯಾ ಟೆಸ್ಟ್ ಹಾಗೂ ಏಕದಿನದಲ್ಲಿ ಅನುಕ್ರಮವಾಗಿ 261 ಹಾಗೂ 15 ವಿಕೆಟುಗಳನ್ನು ಕಬಳಿಸಿದ್ದಾರೆ. ಅದೇ ಹೊತ್ತಿಗೆ ಹಿಂದೂ ಆಗಿರುವ ಹೊರತಾಗಿಯೂ ಯೂನಿಸ್ ಖಾನ್, ಇನ್ಜಾಮಾಮ್ ಉಲ್ ಹಕ್, ಮೊಹಮ್ಮದ್ ಯೂಸುಫ್ ಮತ್ತು ಶೋಯಿಬ್ ಅಖ್ತರ್ ಉತ್ತಮ ಒಡನಾಟವನ್ನು ಹೊಂದಿರುವುದಾಗಿ ಕನೇರಿಯಾ ಬಹಿರಂಗಪಡಿಸಿದರು. ಈ ಮೊದಲು 'ಗೇಮ್ ಆನ್ ಹೈ' ಕ್ರಿಕೆಟ್ ಶೋನಲ್ಲಿ ಶೋಯಿಬ್ ಅಖ್ತರ್, ಕನೇರಿಯಾ ಹಿಂದೂ ಎಂಬ ಕಾರಣಕ್ಕೆ ಆಟಗಾರರು ಜತೆ ಕುಳಿತುಕೊಂಡು ಊಟ ಮಾಡಲು ಒಪ್ಪುತ್ತಿರಲಿಲ್ಲ ಎಂದು ಬಹಿರಂಗಪಡಿಸಿದ್ದರು. ಕೆಲವರಿಗೆ ಕನೇರಿಯಾ ತಂಡದಲ್ಲಿರುವುದೇ ಬೇಕಾಗಿರಲಿಲ್ಲ. ಅತ್ಯುತ್ತಮ ಬೌಲರ್ ಆಗಿದ್ದರೂ, ಸಾಧನೆಗೆ ತಕ್ಕ ಮಾನ್ಯತೆ ಸಿಗುತ್ತಿರಲಿಲ್ಲ. ಕನೇರಿಯಾ ಜತೆ ತಾರತಮ್ಯ ಮಾಡದಂತೆ ತಮ್ಮ ತಂಡದ ಆಟಗಾರರಿಗೆ ನಾನು ಹಲವು ಬಾರಿ ಹೇಳಿದ್ದೆ ಎಂದು ಹಳೆಯ ನೆನಪುಗಳನ್ನು ಬಿಚ್ಚಿಟ್ಟಿದ್ದಾರೆ. 2000ನೇ ಇಸವಿಯಿಂದ 2010ರ ವರೆಗೆ ಪಾಕಿಸ್ತಾನ ತಂಡವನ್ನು ಪ್ರತಿನಿಧಿಸಿರುವ ದನೀಶ್ ಕನೇರಿಯಾ, ಸ್ಪಾಟ್ ಫಿಕ್ಸಿಂಗ್ ಹಗರಣದಲ್ಲಿ ಸಿಕ್ಕಿಬಿದ್ದು ಕ್ರಿಕೆಟ್ ಭವಿಷ್ಯ ಕೊನೆಗೊಂಡಿತ್ತು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2StEW7X
