ಸೆಂಚುರಿಯನ್: ಇಲ್ಲಿನ ಸೂಪರ್ ಸ್ಪೋರ್ಟ್ ಪಾರ್ಕ್ ಮೈದಾನದಲ್ಲಿ ಆತಿಥೇಯ ಹಾಗೂ ನಡುವೆ ಜಿದ್ದಾಜಿದ್ದಿನ ಟೆಸ್ಟ್ ಹಣಾಹಣಿ ಆರಂಭಗೊಂಡಿದೆ. ಈ ಮಧ್ಯೆ ಇಂಗ್ಲೆಂಡ್ ಅನುಭವಿ ಬಲಗೈ ವೇಗದ ಬೌಲರ್ ಚಾರಿತ್ರಿಕ ಸಾಧನೆ ಮಾಡಿದ್ದಾರೆ. ವಿಶ್ವ ಕ್ರಿಕೆಟ್‌ನಲ್ಲಿ 150 ಟೆಸ್ಟ್ ಪಂದ್ಯಗಳನ್ನಾಡಿರುವ ಪ್ರಪ್ರಥಮ ವೇಗದ ಬೌಲರ್ ಎಂಬ ವಿಶ್ವ ದಾಖಲೆಗೆ ಜೇಮ್ಸ್ ಆ್ಯಂಡ್ರೆಸನ್ ಭಾಜನವಾಗಿದ್ದಾರೆ. ಅಷ್ಟೇ ಯಾಕೆ ಸೆಂಚುರಿಯನ್ ಟೆಸ್ಟ್ ಪಂದ್ಯದಲ್ಲಿ ಮೊದಲ ಎಸೆತದದಲ್ಲೇ ವಿಕೆಟ್ ಸಾಧನೆ ಮಾಡಿದ್ದಾರೆ. ಈ ದಶಕದಲ್ಲಿ ಟೆಸ್ಟ್ ಪಂದ್ಯದ ಮೊದಲ ಎಸೆತದಲ್ಲಿ ವಿಕೆಟ್ ಪಡೆದ ಐದನೇ ಬೌಲರ್ ಹಾಗೂ ಒಟ್ಟಾರೆಯಾಗಿ ಈ ಸಾಧನೆ ಮಾಡಿದ ಇಂಗ್ಲೆಂಡ್‌ನ ನಾಲ್ಕನೇ ಬೌಲರ್ ಎಂಬ ಹಿರಿಮೆಗೆ ಪಾತ್ರವಾಗಿದ್ದಾರೆ. ಮಾಜಿ ಇಂಗ್ಲಿಷ್ ಬೌಲರ್‌ಗಳಾದ ರೈನ್ ಸೈಡ್‌ಬಾಟಮ್, ಜೆಫ್ ಅರ್ನಾಲ್ಡ್ (ಎರಡು ಬಾರಿ) ಹಾಗೂ ಮೌರಿಸ್ ಟೇಟ್ ಇತರೆ ಮೂವರು ಬೌಲರ್‌ಗಳಾಗಿದ್ದಾರೆ. ಜೇಮ್ಸ್ ಆ್ಯಂಡ್ರೆಸನ್ ದಾಳಿಯಲ್ಲಿ ದಕ್ಷಿಣ ಆಫ್ರಿಕಾ ಆರಂಭಿಕ ಡೀನ್ ಎಲ್ಗರ್ ವಿಕೆಟ್ ಕೀಪರ್ ಜೋಸ್ ಬಟ್ಲರ್ ಕೈಗಳಿಗೆ ಕ್ಯಾಚಿತ್ತು ಮರಳಿದರು. ಆಗಲೇ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ವೇಗದ ಬೌಲರ್ ಎಂಬ ದಾಖಲೆಗೆ ಅರ್ಹವಾಗಿರುವ ಆ್ಯಂಡ್ರೆಸನ್ ಇದುವರೆಗೆ 576 ವಿಕೆಟ್ ಪಡೆದಿದ್ದಾರೆ. ಅತಿ ಹೆಚ್ಚು ಟೆಸ್ಟ್ ಪಂದ್ಯಗಳನ್ನಾಡಿರುವ ಆಟಗಾರರ ಪಟ್ಟಿಯನ್ನು ಭಾರತದ ಮಾಜಿ ಕ್ರಿಕೆಟ್ ಐಕಾನ್ ಸಚಿನ್ ತೆಂಡೂಲ್ಕರ್ (200) ಮುನ್ನಡೆಸುತ್ತಿದ್ದಾರೆ. ಈ ಪಟ್ಟಿಯಲ್ಲೀಗ ಶ್ರೀಲಂಕಾದ ಮಹೇಲಾ ಜಯವರ್ಧನೆ ಹಿಂದಿಕ್ಕಿರುವ ಜೇಮ್ಸ್ ಆ್ಯಂಡ್ರೆಸನ್ ಒಂಬತ್ತನೇ ಸ್ಥಾನಕ್ಕೆ ನೆಗೆತ ಕಂಡಿದ್ದಾರೆ. ಇಂಗ್ಲೆಂಡ್ ಪರ ಈ ದಾಖಲೆಯನ್ನು ಆಲಿಸ್ಟಾರ್ ಕುಕ್ (161 ಪಂದ್ಯ) ಹೊಂದಿದ್ದಾರೆ. ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಸಾರ್ವಕಾಲಿಕ ಪಟ್ಟಿಯಲ್ಲಿ ಮೊದಲ ಸ್ಥಾನಗಳಲ್ಲಿ ತ್ರಿವಳಿ ಸ್ಪಿನ್ ದಿಗ್ಗಜರು ಕಾಣಿಸಿಕೊಂಡಿದ್ದಾರೆ. ಶ್ರೀಲಂಕಾದ ಮುತ್ಯಯ್ಯ ಮುರಳೀಧರನ್ (800), ಆಸ್ಟ್ರೇಲಿಯಾದ ಶೇನ್ ವಾರ್ನ್ (708) ಹಾಗೂ ಭಾರತದ ಅನಿಲ್ ಕುಂಬ್ಳೆ (619) ಬಳಿಕ ಜೇಮ್ಸ್ ಆ್ಯಂಡ್ರೆಸನ್ ಗುರುತಿಸಿದ್ದಾರೆ. ಅತಿ ಹೆಚ್ಚು ಟೆಸ್ಟ್ ಪಂದ್ಯಗಳನ್ನಾಡಿರುವ ವೇಗದ ಬೌಲರ್‌ಗಳ ಪೈಕಿ ಎರಡನೇ ಸ್ಥಾನದಲ್ಲಿರುವ ಆ್ಯಂಡ್ರೆಸನ್ ಸಹ ಆಟಗಾರನಾಗಿರುವ ಇಂಗ್ಲೆಂಡ್ ವೇಗಿ ಸ್ಟುವರ್ಟ್ ಬ್ರಾಡ್ 135 ಪಂದ್ಯಗಳಲ್ಲಿ (247 ಇನ್ನಿಂಗ್ಸ್) ಒಟ್ಟು 471 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. ಸಮಕಾಲೀನ ಆಟಗಾರರ ಪೈಕಿ ಅತಿ ಹೆಚ್ಚು ಟೆಸ್ಟ್ ಪಂದ್ಯಗಳನ್ನಾಡಿದ ಹಿರಿಮೆಗೂ ಆ್ಯಂಡ್ರೆಸನ್ ಹಾಗೂ ಬ್ರಾಡ್ ಭಾಜನವಾಗಿದ್ದಾರೆ. 2003ನೇ ಇಸವಿಯಲ್ಲಿ 20ರ ಹರೆಯದಲ್ಲಿ ಜೇಮ್ಸ್ ಆ್ಯಂಡ್ರೆಸನ್ ಜಿಂಬಾಬ್ವೆ ವಿರುದ್ಧ ಟೆಸ್ಟ್ ಕ್ರಿಕೆಟ್‌ಗೆ ಪಾದಾರ್ಪಣೆಗೈದಿದ್ದರು. ಅಲ್ಲಿಂದ ಬಳಿಕ 16 ವರ್ಷಗಳ ಕ್ರಿಕೆಟ್ ಜೀವನದಲ್ಲಿ ಅನೇಕ ದಾಖಲೆಗಳನ್ನು ಬರೆದಿದ್ದಾರೆ. ಅತಿ ಹೆಚ್ಚು ಟೆಸ್ಟ್ ಪಂದ್ಯವನ್ನಾಡಿದ ಆಟಗಾರರ ಪಟ್ಟಿ ಇಂತಿದೆ: 1. ಸಚಿನ್ ತೆಂಡೂಲ್ಕರ್ (ಭಾರತ): 200 2. ರಿಕಿ ಪಾಂಟಿಂಗ್ (ಆಸ್ಟ್ರೇಲಿಯಾ) : 168 3. ಸ್ಟೀವ್ ವ್ಹಾ (ಆಸ್ಟ್ರೇಲಿಯಾ): 68 4. ಜ್ಯಾಕ್ ಕ್ಯಾಲಿಸ್ (ದ.ಆಫ್ರಿಕಾ): 166 5. ಶಿವನಾರಾಯಣ್ ಚಂದ್ರಪಾಲ್ (ವೆಸ್ಟ್ಇಂಡೀಸ್): 164 6. ರಾಹುಲ್ ದ್ರಾವಿಡ್ (ಭಾರತ): 164 7. ಆಲಿಸ್ಟಾರ್ ಕುಕ್ (ಇಂಗ್ಲೆಂಡ್): 161 8. ಅಲನ್ ಬಾರ್ಡರ್ (ಆಸ್ಟ್ರೇಲಿಯಾ): 156 9. ಜೇಮ್ಸ್ ಆ್ಯಂಡ್ರೆಸನ್ (ಇಂಗ್ಲೆಂಡ್): 150* 10. ಮಹೇಲಾ ಜಯವರ್ಧನೆ (ಶ್ರೀಲಂಕಾ): 149 11. ಮಾರ್ಕ್ ಬೌಷರ್ (ದ.ಆಫ್ರಿಕಾ): 147 12. ಶೇನ್ ವಾರ್ನ್ (ಆಸ್ಟ್ರೇಲಿಯಾ): 145 13. ಸ್ಟುವರ್ಟ್ ಬ್ರಾಡ್ (ಇಂಗ್ಲೆಂಡ್): 135* ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್‌ಗಳ ಪಟ್ಟಿ ಇಂತಿದೆ: 1. ಮುತ್ತಯ್ಯ ಮುರಳೀಧರನ್ (ಶ್ರೀಲಂಕಾ): 800 2. ಶೇನ್ ವಾರ್ನ್ (ಆಸ್ಟ್ರೇಲಿಯಾ): 708 3. ಅನಿಲ್ ಕುಂಬ್ಳೆ (ಭಾರತ): 619 4. ಜೇಮ್ಸ್ ಆ್ಯಂಡ್ರೆಸನ್ (ಇಂಗ್ಲೆಂಡ್): 576 5. ಗ್ಲೆನ್ ಮೆಕ್‌ಗ್ರಾಥ್ (ಆಸ್ಟ್ರೇಲಿಯಾ): 563 6. ಕಟ್ಲಿ ವಾಲ್ಶ್ (ವೆಸ್ಟ್ಇಂಡೀಸ್): 519 7. ಸ್ಟುವರ್ಟ್ ಬ್ರಾಡ್ (ಇಂಗ್ಲೆಂಡ್): 471 8. ಡೇಲ್ ಸ್ಟೇಯ್ನ್ (ದ.ಆಫ್ರಿಕಾ): 471 9. ಕಪಿಲ್ ದೇವ್ (ಭಾರತ): 434 10. ರಂಗನ ಹೇರಾತ್ (ಶ್ರೀಲಂಕಾ): 433 ಜೇಮ್ಸ್ ಆ್ಯಂಡ್ರೆಸನ್ ಬೌಲಿಂಗ್ ದಾಖಲೆ: ಟೆಸ್ಟ್: 576 ವಿಕೆಟ್ ಏಕದಿನ: 269 ವಿಕೆಟ್
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2EVU4mF
