ಹ್ಯಾಮಿಲ್ಟನ್: ಕ್ರಿಕೆಟ್ ಇತಿಹಾಸದಲ್ಲೇ ಅತ್ಯಂತ ಸುಲಭವಾದ ಕ್ಯಾಚ್ ಕೈಬಿಟ್ಟಿರುವ ಇಂಗ್ಲೆಂಡ್ ಆಟಗಾರ ಅಪಖ್ಯಾತಿಗೊಳಗಾಗಿದ್ದಾರೆ. ನ್ಯೂಜಿಲೆಂಡ್ ವಿರುದ್ಧ ನಡೆದ ದ್ವಿತೀಯ ಟೆಸ್ಟ್ ಪಂದ್ಯದ ಕೊನೆಯ ದಿನದಾಟದಲ್ಲಿ ಘಟನೆ ನಡೆದಿತ್ತು. ಇಂಗ್ಲೆಂಡ್ ವೇಗಿ ಜೋಫ್ರಾ ಆರ್ಚರ್ ದಾಳಿಯಲ್ಲಿ ಶಾರ್ಟ್ ಮಿಡ್ ವಿಕೆಟ್ ಕ್ಷೇತ್ರದಲ್ಲಿ ಫೀಲ್ಡಿಂಗ್ ನಡೆಸುತ್ತಿದ್ದ ಜೋ ಡೆನ್ಲಿ ಸುಲಭ ಕ್ಯಾಚ್ ಕೈಚೆಲ್ಲಿದರು. ನ್ಯೂಜಿಲೆಂಡ್ ನಾಯಕ ಕ್ಯಾಚ್ ಕೈಚೆಲ್ಲಿದ ಜೋ ಡೆನ್ಲಿ ದೊಡ್ಡ ಬೆಲೆಯನ್ನೇ ತೆರಬೇಕಾಯಿತು. ಈ ವೇಳೆಯಲ್ಲಿ ವಿಲಿಯಮ್ಸನ್ 62 ರನ್ ಗಳಿಸಿದ್ದರು. ಅಲ್ಲಿಂದ ಬಳಿಕ ಪ್ರಭಾವಿ ಬ್ಯಾಟಿಂಗ್ ಪ್ರದರ್ಶನ ನೀಡಿದ ವಿಲಿಯಮ್ಸನ್, ಅಮೋಘ ಶತಕ ಸಾಧನೆ ಮಾಡಿದರು. ಜೋ ಡೆನ್ಲಿ ಕೈಗಳಿಗೆ ಚೆಂಡು ಸೇರುತ್ತಿದೆ ಎಂಬುದನ್ನು ಅರಿತುಕೊಂಡ ವೇಗಿ ಜೋಫ್ರಾ ಆರ್ಚರ್ ಸಂಭ್ರಮವನ್ನು ಆಚರಿಸಲು ತೊಡಗಿದರು. ಆದರೆ ಚೆಂಡು ಕೈಬಿಟ್ಟ ಕ್ಷಣ ತಮ್ಮ ಹಣೆ ಕೈಯನ್ನಿಟ್ಟು ಜೋರಾಗಿ ನಗಲು ಪ್ರಾರಂಭಿಸಿದರು. ಪ್ರಸ್ತುತ ಜೋಫ್ರಾ ಆರ್ಚರ್ ರಿಯಾಕ್ಷನ್ ಕೂಡಾ ಹೆಚ್ಚಿನ ಗಮನ ಸೆಳೆಯುತ್ತಿದೆ. ಅತೀವ ಒತ್ತಡದ ಪರಿಸ್ಥಿತಿಯಲ್ಲಿ ರಾಸ್ ಟೇಲರ್ ಜತೆಗೆ 213 ರನ್ಗಳ ಜತೆಯಾಟ ನೀಡಿದ ಕೇನ್ ವಿಲಿಯಮ್ಸನ್, ತಂಡವನ್ನು ಅಪಾಯದಿಂದ ಪಾರು ಮಾಡಿದ್ದರು. 234 ಎಸೆತಗಳನ್ನು ಎದುರಿಸಿದ ವಿಲಿಯಮ್ಸನ್ 11 ಬೌಂಡರಿಗಳಿಂದ 104 ರನ್ ಗಳಿಸಿ ಅಜೇಯರಾಗುಳಿದರು. ಇನ್ನೊಂದೆಡೆ 186 ಎಸೆತಗಳನ್ನು ಎದುರಿಸಿದ ರಾಸ್ ಟೇಲ್ 11 ಬೌಂಡರಿ ಹಾಗೂ ಎರಡು ಸಿಕ್ಸರ್ ನೆರವಿನಿಂದ 105 ರನ್ ಗಳಿಸಿ ಔಟಾಗದೆ ಉಳಿದರು. ಇನ್ನೊಂದೆಡೆ ರಾಸ್ ಟೇಲರ್ ಟೆಸ್ಟ್ ಕ್ರಿಕೆಟ್ನಲ್ಲಿ 7000 ರನ್ಗಳ ಮೈಲುಗಲ್ಲು ತಲುಪಿದರು. ಈ ಮೂಲಕ ಈ ಸಾಧನೆ ಮಾಡಿದ ನ್ಯೂಜಿಲೆಂಡ್ನ ಎರಡನೇ ಬ್ಯಾಟ್ಸ್ಮನ್ ಎಂಬ ಹಿರಿಮೆಗೆ ಭಾಜನವಾದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2rLQ44X
