ಹೊಸದಿಲ್ಲಿ: ಸಂಸ್ಥೆಯಾದ ಆಮ್ರಪಾಲಿ ಗ್ರೂಪ್ನ ಪ್ರಚಾರ ರಾಯಭಾರಿಯಾಗಿದ್ದ ಟೀಮ್ ಇಂಡಿಯಾದ ಮಾಜಿ ನಾಯಕ ಈಗಾಗಲೇ ಸಾಕಷ್ಟು ತೊಂದರೆ ಅನುಭವಿಸಿದ್ದಾರೆ. ಇದೀಗ ಇದೇ ಬಹು ಕೋಟಿ ಹಗರಣದಲ್ಲಿ ಧೋನಿ ವಿರುದ್ಧ ಮತ್ತೊಮ್ಮೆ ದಾಖಲಾಗಿದೆ. ಮನೆ ಖರೀದಿಯ ಆಸೆಯೊಂದಿಗೆ ಹಣ ಹೂಡಿಕೆ ಮಾಡಿದ್ದ ಗ್ರಾಹಕರಿಂದ ಬರೋಬ್ಬರಿ 2,647 ಕೋಟಿ ರೂ ಪಡೆದು ವಂಚಿಸಿದ್ದ ಆಮ್ರಪಾಲಿ ಗ್ರೂಪ್ನ ಪ್ರಚಾರ ರಾಯಭಾರಿಯಾಗಿ ಎಂಎಸ್ ಧೋನಿ 2016ರವರೆಗೆ ಕಾಣಿಸಿಕೊಂಡಿದ್ದರು. ಮನೆ ನೀಡುವುದಾಗಿ ಹಣ ಪಡೆದು, ಯೋಜನೆ ಪೂರ್ಣಗೊಳಿಸದೆ ಗ್ರಾಹಕರ ಹಣವನ್ನು ವಿವಿಧ ಸಂಸ್ಥೆಗಳಲ್ಲಿ ಹೂಡಿಕೆ ಮಾಡಿರುವ ಸ್ಫೋಟಗೊಂಡಿತ್ತು. ಈ ನಿಟ್ಟಿನಲ್ಲಿ ನವೆಂಬರ್ 27ರಂದು ದಿಲ್ಲಿ ಪೊಲೀಸರಲ್ಲಿ ದಾಖಲಾಗಿರುವ ನೂತನ ಎಫ್ಐಆರ್ನಲ್ಲಿ ಧೋನಿ ಹೆಸರನ್ನೂ ಮರಳಿ ನಮೂದಿಸಲಾಗಿದೆ. 2003ರಲ್ಲಿ ಸ್ಥಾಪನೆಯಾದ ಸಂಸ್ಥೆಯು 2010ರ ಹೊತ್ತಿಗೆ ಉತ್ತರ ಭಾರತದಲ್ಲಿ ದೇಶದ ಬಹುದೊಡ್ಡ ರಿಯಲ್ ಎಸ್ಟೇಟ್ ಸಂಸ್ಥೆಯಾಗಿ ಬೆಳೆದಿತ್ತು. ಆದರೆ, ಗ್ರಾಹಕರಿಗೆ ಸಮಯಕ್ಕೆ ಸರಿಯಾಗಿ ಫ್ಲ್ಯಾಟ್ಗಳನ್ನು ವಿತರಿಸುವಲ್ಲಿ ವಿಫಲವಾದ ಹಿನ್ನೆಲೆಯಲ್ಲಿ ಗ್ರಾಹಕರು ನೀಡಿದ್ದ ದೂರಿನ ಮೇರೆಗೆ ಸಂಸ್ಥೆ ವಿರುದ್ಧ ವಿಚಾರಣೆಗೆ ಸುಪ್ರೀಂ ಕೋರ್ಟ್ ಆದೇಶಿಸಿತ್ತು. ಈ ವಿಚಾರವಾಗಿ ಜುಲೈ 23ರಂದು ಆದೇಶ ಹೊರಡಿಸಿದ ಸುಪ್ರೀಂ ಕೋರ್ಟ್, ಪೂರ್ಣವಾಗದೇ ಉಳಿದಿರುವ ಎಲ್ಲಾ ಯೋಜನೆಗಳನ್ನು ಶೀಘ್ರವೇ ಪೂರ್ಣಗೊಳಿಸುವಂತೆ ರಾಷ್ಟ್ರೀಯ ಬಿಲ್ಡಿಂಗ್ ಕಂಸ್ಟ್ರಕ್ಷನ್ ಕಾರ್ಪೊರೇಷನ್ (ಎನ್ಬಿಸಿಸಿ)ಗೆ ಸೂಚಿಸಿತ್ತು. ಅಷ್ಟೇ ಅಲ್ಲದೆ ಆಮ್ರಪಾಲಿ ಗ್ರೂಪ್ ಕಾನೂನು ಬಾಹೀರವಾಗಿ ಗ್ರಾಹಕರ ಹಣವನ್ನು ಬೇರೆಡೆ ಹೂಡಿಕೆ ಮಾಡಿದೆ. ಧೋನಿ ಅವರ ಪತ್ನಿ ಸಾಕ್ಷಿ ಧೋನಿ ಅವರ ಹೆಸರಲ್ಲಿರುವ ಸಂಸ್ಥೆಯಲ್ಲೂ ಹೂಡಿಕೆ ಮಾಡಿದೆ. ಈ ಸಂಬಂಧ ಸಂಸ್ಥೆಯ ಸಿಎಂಡಿ ಅನಿಲ್ ಕೆ ಶರ್ಮಾ ಮತ್ತು ಉಳಿದ ನಿರ್ದೇಶಕರನ್ನು ವಂಚನೆ ಮತ್ತು ಮೋಸದ ಆರೋಪದಲ್ಲಿ ಜೈಲಿಗೆ ಹಾಕುವಂತೆಯೂ ಆದೇಶಿಸಿತ್ತು. ಈ ಸಂದರ್ಭದಲ್ಲಿ ಗ್ರಾಹಕರು ಈ ಹಗರಣದಲ್ಲಿ ಧೋನಿ ಪಾತ್ರವನ್ನೂ ಪರಿಶೀಲಿಸುವಂತೆ ಮನವಿ ಮಾಡಿದ್ದರು. ಇದೀಗ ಈ ವಿಚಾರವಾಗಿ ದಾಖಲಾಗಿರುವ ಹೊಸ ಎಫ್ಐಆರ್ನಲ್ಲಿ ಸಂಸ್ಥೆಯ ಪ್ರಚಾರ ರಾಯಭಾರಿ ಧೋನಿ ಕೂಡ ಶಾಮೀಲಾಗಿದ್ದಾರೆ ಎಂದು ಆರೋಪಿಸಲಾಗಿದೆ. ಧೋನಿ ಮೇಲಿನ ವಿಶ್ವಾಸದಿಂದಲೇ ಗ್ರಾಹಕರು ಸಂಸ್ಥೆಯಲ್ಲಿ ಹೂಡಿಕೆ ಮಾಡಿದ್ದಾರೆ. ಹೀಗಾಗಿ ಆರೋಪಿಗಳ ಸಾಲಿಗೆ ಧೋನಿಯನ್ನೂ ಸೇರಿಸುವಂತೆ ಮನವಿ ಮಾಡಲಾಗಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Pc85RK
