ಮುಂಬೈ: ಟೀಮ್‌ ಇಂಡಿಯಾದ ಆಯ್ಕೆ ಸಮಿತಿ ಮುಖ್ಯಸ್ಥ ಅವರ ಅಧಿಕಾರ ಅವಧಿ ಭಾನುವಾರ ನಡೆದ ಬಿಸಿಸಿಐನ ವಾರ್ಷಿಕ ಮಹಾಸಭೆಯೊಂದಿಗೆ ಅಂತ್ಯಗೊಂಡಿದೆ. ಬಿಸಿಸಿಐನ ನೂತನ ಅಧ್ಯಕ್ಷ , ಆಯ್ಕೆ ಸಮಿತಿಯ ಅಧಿಕಾರಾವಧಿ ವಿಸ್ತರಿಸಲು ಮುಂದಾಗದೇ ಇರುವ ಕಾರಣ ಪ್ರಸಾದ್‌ ಅಧಿಕಾರ ಅವಧಿ ಕೊನೆಗೊಂಡಿದೆ. "ನಿಮ್ಮ ಅಧಿಕಾರ ಅವಧಿಗಿಂತಲೂ ಮುಂದುವರಿಯಲು ಸಾಧ್ಯವಿಲ್ಲ," ಎಂದು ಸೌರವ್‌ ಗಂಗೂಲಿ ಆಯ್ಕೆ ಸಮಿತಿಗೆ ತಿಳಿಸಿದ್ದಾರೆ. ಬಿಸಿಸಿಐನ ಈ ಹಿಂದಿನ ನಿಯಮಾನುಸಾರ ಆಯ್ಕೆ ಸಮಿತಿಯು ಗರಿಷ್ಠ 4 ವರ್ಷಕ್ಕಿಂತಲೂ ಹೆಚ್ಚು ಕಾಲ ಮುಂದುವರಿಯುವಂತಿಲ್ಲ. ಆದರೆ, ನೂತನ ಸಂವಿಧಾನದ ಅನ್ವಯ 5 ವರ್ಷಗಳ ಕಾಲ ಮುಂದುವರಿಯಬಹುದಾಗಿದೆ. ಆದರೂ ಕೂಡ ನಾಲ್ಕು ವರ್ಷಗಳಿಗೆ ಆಯ್ಕೆ ಸಮಿತಿಯ ಅಧಿಕಾರ ಅವಧಿಗೆ ಸೌರವ್‌ ಗಂಗೂಲಿ ಅಂತ್ಯ ಹಾಡಿದ್ದಾರೆ. ಆಯ್ಕೆ ಸಮಿತಿಗೆ ಪ್ರಸಾದ್‌ ಮತ್ತು ಗಗನ್‌ ಖೋಡ ಅವರನ್ನು 2015ರಲ್ಲಿ ನೇಮಕ ಮಾಡಲಾಗಿತ್ತು. ಜತಿನ್‌ ಪ್ರಪಂಜೆ, ಶರಣ್‌ದೀಪ್‌ ಸಿಂಗ್‌ ಮತ್ತು ದೇವಾಂಗ್‌ ಗಾಂಧಿ 2016ರಲ್ಲಿ ಆಯ್ಕೆ ಸಮಿತಿಗೆ ಸೇರಿದ್ದರು. ಆದರೆ, ಈ ಯಾವ ಸದಸ್ಯರೂ ಇದೀಗ ಆಯ್ಕೆ ಸಮಿತಿಯಲ್ಲಿ ಮುಂದುವರಿಯುವಂತಿಲ್ಲ. "ಅಧಿಕಾರ ಅವಧಿ ಕೊನೆಗೊಂಡಿದೆ. ಇದನ್ನು ಮೀರಿ ಮುಂದುವರಿಯಲು ಸಾಧ್ಯವಿಲ್ಲ. ಅವರು ಉತ್ತಮ ಕೆಲಸ ಮಾಡಿದ್ದಾರೆ. ಆಯ್ಕೆ ದಾರರಿಗೆ ನಿರ್ಧಿಷ್ಟ ಅವಧಿಯ ಅಧಿಕಾರಾವಧಿಯನ್ನು ನಿಗದಿ ಪಡಿಸಲಿದ್ದೇವೆ. ವಷರ್ವ ವರ್ಷಕ್ಕೂ ಆಯ್ಕೆದಾರರ ಬದಲಾವಣೆ ಒಳ್ಳೆಯದ್ದಲ್ಲ," ಎಂದು 88ನೇ ಬಳಿಕ ಮಾತನಾಡಿದ ಸೌರವ್‌ ಗಂಗೂಲಿ ಆಯ್ಕೆ ಸಮಿತಿ ಅಧಿಕಾರ ಅವಧಿ ಅಂತ್ಯಗೊಂಡ ಸುದ್ದಿ ತಿಳಿಸಿದ್ದಾರೆ. ಎಂಎಸ್‌ಕೆ ಪ್ರಸಾದ್‌ ಸಾರಥ್ಯದ ಆಯ್ಕೆ ಸಮಿತಿ ಅಡಿಯಲ್ಲಿ ಭಾರತ ತಂಡ ಹೆಚ್ಚು ಯಶಸ್ಸು ಗಳಿಸಿದ್ದು, ಕಡಿಮೆ ವೈಫಲ್ಯಗಳನ್ನು ಕಂಡಿದೆ. ಆದರೂ, ಏಕದಿನ ಕ್ರಿಕೆಟ್‌ನಲ್ಲಿ ಭಾರತ ತಂಡಕ್ಕೆ 4ನೇ ಕ್ರಮಾಂಕದ ಬ್ಯಾಟ್ಸ್‌ಮನ್‌ ಹುಡುಕಿಕೊಡುವಲ್ಲಿ ವಿಫಲವಾಯಿತು ಎಂಬ ಟೀಕೆಗಳನ್ನು ಎದುರಿಸಿದೆ. ಗಂಗೂಲಿ ಅಧಿಕಾರಾವಧಿ ವಿಸ್ತರಣೆಗೆ ಸುಪ್ರೀಂ ಮೊರೆಬಿಸಿಸಿಐನ 88ನೇ ವಾಷೀಕ ಮಹಾಸಭೆಯಲ್ಲಿ ಬಿಸಿಸಿಐನ ಅಧ್ಯಕ್ಷ ಸೌರವ್‌ ಗಂಗೂಲಿ ಅವರನ್ನು ಅಧಿಕಾರದಲ್ಲಿ ಹೆಚ್ಚು ಸಮಯ ಮುಂದುವರಿಯುವಂತೆ ಮಾಡಲು ಸುಪ್ರೀಂ ಕೋರ್ಟ್‌ಗೆ ಮನವಿ ಸಲ್ಲಿಸಲು ನಿರ್ಧರಿಸಲಾಗಿದೆ. ನೂತನ ನಿಯಮಾನುಸಾರ ಅಕ್ಟೋಬರ್‌ 23ರಂದು ಅಧಿಕಾರ ಸ್ವೀಕರಿಸಿದ ಸೌರವ್‌, ಮುಂದಿನ ವರ್ಷ ತಮ್ಮ ಸ್ಥಾನ ಬಿಟ್ಟುಕೊಡಬೇಕಿದೆ. ಆದರೆ ಸುಪ್ರೀಂ ಕೋರ್ಟ್‌ ಅವಕಾಶ ಕಲ್ಪಿಸಿದರೆ 2024ರವರೆಗೆ ಮುಂದುವರಿಯಬಹುದಾಗಿದೆ. "ಇವೆಲ್ಲವೂ ನ್ಯಾಯಾಲಯದ ಆದೇಶದ ಮೇಲೆ ನಿಂತಿದೆ," ಎಂದು ಸಭೆ ಬಳಿಕ ಗಂಗೂಲಿ ಹೇಳಿದ್ದಾರೆ. ಬಿಸಿಸಿಐನ ನೂತನ ಸಂವಿಧಾನದ ಅನುಸಾರ ಬಿಸಿಸಿಐ ಅಥವಾ ಯಾವುದೇ ರಾಜ್ಯ ಕ್ರಿಕೆಟ್ ಸಂಸ್ಥೆಯಲ್ಲಿ 2-3 ವರ್ಷ ಆಳ್ವಿಕೆ ನಡೆಸಿರುವವರು ಕನಿಷ್ಠ 3 ವರ್ಷಗಳ ಕೂಲಿಂಗ್‌ ಅವಧಿಯನ್ನು ಅನುಸರಿಸಬೇಕು. ಸೌರವ್‌ ಬಂಗಾಳ ಕ್ರಿಕೆಟ್ ಸಂಸ್ಥೆಯ ಅಧ್ಯಕ್ಷರಾಗಿ 2ನೇ ಬಾರಿ ಅಧಿಕಾರದಲ್ಲಿ ಮುಂದುವರಿದಿದ್ದರು. ಈ ಸಂದರ್ಭದಲ್ಲಿ ಬಿಸಿಸಿಐ ಅಧ್ಯಕ್ಷ ಸ್ಥಾನ ಪಡೆದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2L7Slhu
