ಅಡಿಲೇಡ್: ಅನುಭವಿ ವೇಗಿ ಪ್ಯಾಟ್ ಕಮಿನ್ಸ್‌ ಅವರು ಟೆಸ್ಟ್‌ ಕ್ರಿಕೆಟ್ ವೃತ್ತಿ ಜೀವನದಲ್ಲಿ ವಿಶೇಷ ದಾಖಲೆಯೊಂದನ್ನು ಮುಡಿಗೇರಿಸಿಕೊಂಡಿದ್ದಾರೆ. 2019ರ ಸಾಲಿನ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ವಿಕೆಟ್‌ಗಳ ಹಾಫ್‌ ಸೆಂಚುರಿ ಬಾರಿಸಿದ ಪಡೆದ ವಿಶ್ವದ ಮೊದಲ ಬೌಲರ್ ಎಂಬ ಕೀರ್ತಿ ತಮ್ಮದಾಗಿಸಿಕೊಂಡರು. ಪ್ರವಾಸಿ ವಿರುದ್ಧ ಅಡಿಲೇಡ್ ಓವಲ್‌ನಲ್ಲಿ ನಡೆಯುತ್ತಿರುವ ಪಿಂಕ್ ಬಾಲ್ ಹಾಗೂ ಸರಣಿಯ ಎರಡನೇ ಟೆಸ್ಟ್‌ ಪಂದ್ಯದ ಮೂರನೇ ದಿನ ಪ್ಯಾಟ್ ಕಮಿನ್ಸ್‌ ಈ ಸಾಧನೆ ಮೆರೆದಿದ್ದಾರೆ. ಇನಿಂಗ್ಸ್‌ನ 91ನೇ ಓವರ್‌ನಲ್ಲಿ ಪಾಕ್‌ನ ಕೆಳ ಕ್ರಮಾಂಕದ ಬ್ಯಾಟ್ಸ್‌ಮನ್‌ ಮೊಹಮ್ಮದ್ ಅಬ್ಬಾಸ್ ಅವರ ವಿಕೆಟ್ ಪಡೆಯುತ್ತಿದ್ದಂತೆ ಕಮಿನ್ಸ್‌ , ಈ ವರ್ಷ ಟೆಸ್ಟ್‌ ಕ್ರಿಕೆಟ್‌ನಲ್ಲಿ50ನೇ ವಿಕೆಟ್ ತಮ್ಮ ಖಾತೆಗೆ ಜೋಡಿಸಿಕೊಂಡರು. ನಂತರ, ಯಾಸೀರ್ ಶಾ ಅವರ ವಿಕೆಟ್ ಕೂಡ ಪಡೆದರು. ಇದರೊಂದಿಗೆ ಪ್ರಸಕ್ತ ಸಾಲಿನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದವರ ಪೈಕಿ ಅಗ್ರಸ್ಥಾನಕ್ಕೇರಿದ್ದಾರೆ. ಇಂಗ್ಲೆಂಡ್ ತಂಡದ ಅನುಭವಿ ವೇಗಿ ಸ್ಟುವರ್ಟ್ ಬ್ರಾಡ್ ಅವರು 38 ವಿಕೆಟ್ ಪಡೆದು ಎರಡನೇ ಸ್ಥಾನದಲ್ಲಿದ್ದಾರೆ. ಭಾರತದ ಮೊಹಮ್ಮದ್ ಶಮಿ 16 ಇನಿಂಗ್ಸ್‌ ಗಳಲ್ಲಿ 33 ವಿಕೆಟ್ ಪಡೆದು ಮೂರನೇ ಸ್ಥಾನ ಪಡೆದುಕೊಂಡಿದ್ದಾರೆ. ಈ ವರ್ಷದಲ್ಲಿ ಒಟ್ಟಾರೆ ಆರು ಬೌಲರ್‌ಗಳು ಅತಿ ಹೆಚ್ಚು ವಿಕೆಟ್ ಪಡೆದವರ ಪಟ್ಟಿಯಲ್ಲಿದ್ದು, ಇದರಲ್ಲಿ ಆಸ್ಟ್ರೇಲಿಯಾದ ನಾಲ್ಕು ಬೌಲರ್‌ಗಳಿರುವುದು ವಿಶೇಷ. 10 ಇನಿಂಗ್ಸ್‌ ಗಳಲ್ಲಿ ಮಿಚೆಲ್ ಸ್ಟಾರ್ಕ್ 30 ವಿಕೆಟ್, ಸ್ಪಿನ್ನರ್ ನೇಥನ್‌ ಲಿಯಾನ್ ಹಾಗೂ ಜಾಶ್ ಹೇಝಲ್ವುಡ್ ಕ್ರಮವಾಗಿ 30 ಮತ್ತು 29 ವಿಕೆಟ್ ಪಡೆದುಕೊಂಡಿದ್ದಾರೆ. ಇದೀಗ ನಡೆಯುತ್ತಿರುವ ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಮಿಚೆಲ್ ಸ್ಟಾರ್ಕ್ ಆರು ವಿಕೆಟ್ ಪಡೆದಿದ್ದಾರೆ. ಆಸ್ಟ್ರೇಲಿಯಾ ಪ್ರಥಮ ಇನಿಂಗ್ಸ್‌ನಲ್ಲಿ 127 ಓವರ್‌ಗಳಲ್ಲಿ ಮೂರು ವಿಕೆಟ್ ನಷ್ಟಕ್ಕೆ 589 ರನ್‌ಗಳಿಸಿತ್ತು. ಡೇವಿಡ್ ವಾರ್ನರ್ 335 ರನ್ ಗಳಿಸಿ ದಾಖಲೆ ಮಾಡಿದ್ದರು. ಪಾಕಿಸ್ತಾನ ಪ್ರಥಮ ಇಇನಿಂಗ್ಸ್‌ನಲ್ಲಿ 94.4 ಓವರ್ ಗಳಿಗೆ 302 ರನ್‌ಗಳಿಗೆ ಆಲ್‌ಔಟ್ ಆಯಿತು. ಇದರೊಂದಿಗೆ ಫಾಲೋ ಆನ್‌ಗೆ ಸಿಲುಕಿ ದ್ವಿತೀಯ ಇನಿಂಗ್ಸ್‌ ಆರಂಭಿಸಿದ ಪಾಕಿಸ್ತಾನ, ಮೂರನೇ ದಿನದಾಟ ಮುಕ್ತಾಯಕ್ಕೆ 16.5 ಓವರ್ ಗಳಿಗೆ ಮೂರು ವಿಕೆಟ್ ನಷ್ಟಕ್ಕೆ 39 ರನ್ ಗಳಿಸಿದ್ದು, ಇನ್ನೂ 248 ರನ್‌ಗಳ ಹಿನ್ನಡೆಯಲ್ಲಿದೆ. 2015ರ ಬಳಿಕ ವರ್ಷ ಒಂದರಲ್ಲಿ 50 ಹೆಚ್ಚು ವಿಕೆಟ್ ಪಡೆದ ಆಸ್ಟ್ರೇಲಿಯಾ ಬೌಲರ್‌ಗಳು ಜಾಶ್ ಹೇಝಲ್ವುಡ್: 51 ವಿಕೆಟ್ (2015) ಮಿಚೆಲ್ ಸ್ಟಾರ್ಕ್: 50 ವಿಕೆಟ್ (2016) ನೇಥನ್‌ ಲಯಾನ್‌: 63 ವಿಕೆಟ್ (2017) ಪ್ಯಾಟ್ ಕಮಿನ್ಸ್‌: 51* ವಿಕೆಟ್ (2019)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/35RT26x
