ವಾಷಿಂಗ್ಟನ್: ಕಳೆದ ವಾರ ಆಸ್ಪ್ರೇಲಿಯಾ, ಬ್ರಿಟನ್ ಜತೆಗೆ ಮಾಡಿಕೊಳ್ಳಲಾಗಿರುವ '' ತ್ರಿಪಕ್ಷೀಯ ರಕ್ಷಣಾ ಪಾಲುದಾರಿಕೆ ಒಪ್ಪಂದದಲ್ಲಿ ಬೇರೆ ಯಾವ ರಾಷ್ಟ್ರಗಳ ಸೇರ್ಪಡೆಗೂ ಅವಕಾಶವಿಲ್ಲ ಎಂದು ಸ್ಪಷ್ಟಪಡಿಸಿದೆ. ಈ ಮೂಲಕ ಇಂಡೋ - ಪೆಸಿಫಿಕ್ ಪ್ರಾಂತ್ಯದಲ್ಲಿನ ಸವಾಲುಗಳನ್ನು ಎದುರಿಸಲು ರಚನೆಗೊಂಡಿರುವ ಅಕುಸ್ನಿಂದ ಭಾರತ, ಜಪಾನ್ ಅನ್ನು ಹೊರಗಿಡುವುದು ಖಾತ್ರಿಯಾಗಿದೆ. ಕಳೆದ ವಾರ ಅಕುಸ್ ಒಪ್ಪಂದ ಘೋಷಣೆಯು ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಅವರು ಕಳಿಸಿದ ಸಂದೇಶವಾಗಿದೆ. ಅವರು ಫ್ರಾನ್ಸ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಅವರ ಮೂಲಕ ಅಕುಸ್ಗೆ ಬೇರೆ ಯಾವ ರಾಷ್ಟ್ರಗಳಿಗೂ ಪ್ರವೇಶವಿಲ್ಲ ಎನ್ನುವುದನ್ನು ಸ್ಪಷ್ಟಪಡಿಸಿದ್ದಾರೆ ಎಂದು ಶ್ವೇತಭವನದ ಮಾಧ್ಯಮ ಕಾರ್ಯದರ್ಶಿ ಜೆನ್ ಪಾಕಿ ತಿಳಿಸಿದ್ದಾರೆ. ಕ್ವಾಡ್ ಸದಸ್ಯರ ಮಹತ್ವದ ಸಭೆಯು ಸೆಪ್ಟೆಂಬರ್ 24ರಂದು ಅಮೆರಿಕದಲ್ಲಿ ಆಯೋಜನೆಗೊಂಡಿರುವ ನಡುವೆಯೇ ಅಕುಸ್ಗೆ ಭಾರತ, ಜಪಾನ್ ಸೇರ್ಪಡೆ ಪ್ರಸ್ತಾವನೆ ಇದೆಯೇ ಎಂದು ಸುದ್ದಿಗಾರರು ಜೆನ್ ಅವರಿಗೆ ಪ್ರಶ್ನಿಸಿದರು. ಅಕುಸ್ ಒಪ್ಪಂದವು ಪ್ರಮುಖವಾಗಿ ಇಂಡೋ - ಪೆಸಿಫಿಕ್ ಪ್ರಾಂತ್ಯದಲ್ಲಿ ಚೀನಾವನ್ನು ಹತ್ತಿಕ್ಕಲು ಮಾಡಿಕೊಂಡ ಮಹತ್ವದ ಒಪ್ಪಂದವಾಗಿದೆ. ಅಣ್ವಸ್ತ್ರ ಉಡಾಯಿಸಬಲ್ಲ ಸಾಮರ್ಥ್ಯದ ಜಲಾಂತರ್ಗಾಮಿ ನೌಕೆಗಳನ್ನು ಆಸ್ಪ್ರೇಲಿಯಾದಲ್ಲಿ ಅಭಿವೃದ್ಧಿಪಡಿಸಲು ಈ ಒಪ್ಪಂದದ ಮೂಲಕ ಅಮೆರಿಕ, ಬ್ರಿಟನ್ನಿಂದ ತಂತ್ರಜ್ಞಾನದ ನೆರವು ನೀಡಲಾಗುವುದು. ತನ್ನೊಂದಿಗೆ ಪೂರ್ವ ನಿಗದಿಯ ಒಪ್ಪಂದವನ್ನು ಏಕಪಕ್ಷೀಯವಾಗಿ ತಿರಸ್ಕರಿಸಿ ಆಸ್ಪ್ರೇಲಿಯಾವು ಅಕುಸ್ ಒಪ್ಪಂದ ಮಾಡಿಕೊಂಡಿರುವುದಕ್ಕೆ ಅಸಮಾಧಾನಗೊಂಡಿರುವ ಫ್ರಾನ್ಸ್ನ ಓಲೈಕೆಗೆ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಮುಂದಾಗಿದ್ದಾರೆ. ಫ್ರಾನ್ಸ್ ಅಧ್ಯಕ್ಷ ಮ್ಯಾಕ್ರನ್ ಜತೆಗೆ ಬೈಡೆನ್ ಮುಕ್ತ ಚರ್ಚೆ ನಡೆಸಲು ತೀರ್ಮಾನಿಸಿದ್ದಾರೆ.
from India & World News in Kannada | VK Polls https://ift.tt/3ABLZyN