ಎಂ. ಪ್ರಶಾಂತ್‌ ಸೂಲಿಬೆಲೆ ಬೆಂಗಳೂರು ಗ್ರಾಮಾಂತರ: ತಮಗೆ ಅನುಕೂಲವಾಗಿರುವ ಪ್ರದೇಶಗಳಲ್ಲಿ ವಾಸವಾಗಿ ಗ್ರಾಪಂ ಕೇಂದ್ರ ಸ್ಥಾನಕ್ಕೆ ಬೆಳಗ್ಗೆ ಬಂದು ಸಂಜೆ ಹೋಗುತ್ತಿದ್ದ ಪಿಡಿಒಗಳಿಗೆ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್‌ ರಾಜ್‌ ಇಲಾಖೆ ಕೇಂದ್ರ ಸ್ಥಾನದಲ್ಲಿಯೇ ಕಡ್ಡಾಯ ವಾಸದ ಆದೇಶ ನೀಡಿ ಬಿಸಿ ಮುಟ್ಟಿಸಿದೆ. ಸರಕಾರದ ಕಾರ್ಯಕ್ರಮಗಳ ಅನುಷ್ಠಾನದಲ್ಲಿ ಮತ್ತಷ್ಟು ಪಾರದರ್ಶಕತೆಯನ್ನು ತರುವ ಉದ್ದೇಶದಿಂದ ಕೇಂದ್ರ ಸ್ಥಾನ ವಾಸ ಕಡ್ಡಾಯ ಮಾಡಿದ್ದು, ಆದೇಶ ಹೊರ ಬೀಳುತ್ತಿದ್ದಂತೆ ಪಿಡಿಒಗಳು ಕೇಂದ್ರ ಸ್ಥಾನದಲ್ಲಿ ಮನೆ ಹುಡುಕಾಟಕ್ಕೆ ಶುರು ಮಾಡಿದ್ದಾರೆ. ಕೇಂದ್ರ ಸ್ಥಾನದಲ್ಲಿಇರೊಲ್ಲಗ್ರಾಪಂ ಕಚೇರಿ ಹೊಂದಿರುವ ಕೇಂದ್ರ ಸ್ಥಾನದಲ್ಲಿ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿಗಳು ವಾಸ ಮಾಡದೆ ಎಲ್ಲ ರೀತಿಯ ಸೌಲಭ್ಯಗಳನ್ನು ಹೊಂದಿರುವ ನಗರ ಅಥವಾ ತಮ್ಮೂರಿನಿಂದಲೇ ಕೇಂದ್ರ ಸ್ಥಾನಗಳಿಗೆ ನಿತ್ಯ ಬಂದು ಹೋಗುತ್ತಿದ್ದು, ಇದರಿಂದ ಕೆಲವೊಮ್ಮೆ ಸ್ಥಳೀಯ ಜನರ ಕೈಗೆ ಪಿಡಿಒಗಳು ಸಿಗದೆ ಜನರು ಕೆಲಸ ಕಾರ್ಯಗಳಿಗೆ ಪರದಾಟ ನಡೆಸುವುದು ಸಾಮಾನ್ಯವಾಗಿದ್ದು, ಪಿಡಿಒಗಳು ಜನರ ಕೈಗೆ ಸಿಗುತ್ತಿಲ್ಲ ಎಂಬ ದೂರುಗಳು ಪಂಚಾಯತ್‌ ರಾಜ್‌ ಇಲಾಖೆ ಗಮನಕ್ಕೆ ಹೋಗುತ್ತಿದ್ದಂತೆ ಕಡ್ಡಾಯ ವಾಸದ ಆದೇಶ ಹೊರ ಬಿದ್ದಿದೆ. ಬೆಳಗ್ಗೆ ಬರ್ತಾರೆ, ಸಂಜೆ ಹೋಗ್ತಾರೆಜಿಲ್ಲೆಯ ಬಹುತೇಕ ಗ್ರಾಪಂಗಳಲ್ಲಿ ಪಿಡಿಒಗಳು ಗ್ರಾಪಂ ಕೇಂದ್ರ ಕಚೇರಿಗೆ ಬೆಳಗ್ಗೆ ಬಂದು ಸಂಜೆ ಕೆಲಸ ಮುಗಿಸಿ ವಾಪಸ್‌ ಹೋಗುತ್ತಾರೆ. ಕೆಲವೊಮ್ಮೆ ತಾಲೂಕು ಮತ್ತು ಜಿಲ್ಲಾಮಟ್ಟದಲ್ಲಿ ನಡೆಯುವ ಸಭೆಗಳಿಗೆ ಹೋಗಿ ಸಭೆ ಮುಗಿಯುತ್ತಿದ್ದಂತೆ ಗ್ರಾಪಂ ಕಚೇರಿಗೆ ಬರದೆ ವಾಪಸ್‌ ಮನೆಗೆ ಹೋಗುವುದರಿಂದ ಇತ್ತ ಕಚೇರಿಯಲ್ಲಿ ಜನರು ಮೀಟಿಂಗ್‌ ಮುಗಿಸಿ ಬರುತ್ತಾರೆ ಎಂದು ಕಾದು ವಾಪಸ್‌ ಹೋಗುವುದು ಮಾಮೂಲಿಯಾಗಿ ಬಿಟ್ಟಿತ್ತು. ಇದಕ್ಕೆ ಆರ್‌ಡಿಪಿಆರ್‌ ಇಲಾಖೆ ಮೂಗುದಾರ ಹಾಕಿದ್ದು, ಇನ್ಮುಂದೆ ಕೇಂದ್ರ ಸ್ಥಾನದಲ್ಲಿ ಪಿಡಿಒಗಳು ವಾಸ ಮಾಡಬೇಕು ಎಂದು ತಾಕೀತು ಮಾಡಿದೆ. ಯೋಜನೆಗಳ ಅನುಷ್ಠಾನಕ್ಕೆ ಅನುಕೂಲ ವಿಕೇಂದ್ರಿಕರಣ ನೀತಿಯಿಂದಾಗಿ ಪಂಚಾಯತ್‌ ರಾಜ್‌ ಸಂಸ್ಥೆಗಳ ಮೇಲೆ ಅಭಿವೃದ್ಧಿ ಕಾರ್ಯಗಳ ಅನುಷ್ಠಾನ ಜವಾಬ್ದಾರಿ ಹೆಚ್ಚಾಗಿದೆ. ಕುಡಿಯುವ ನೀರು, ವಸತಿ, ಸ್ವಚ್ಛ ಗ್ರಾಮ ಆಂದೋಲನ, ಕಡ್ಡಾಯ ಶೌಚಾಲಯ ನಿರ್ಮಾಣ ಹೀಗೆ ಹತ್ತಾರು ಕಾರ್ಯಕ್ರಮಗಳ ನಿರ್ವಹಣೆ ಜವಾಬ್ದಾರಿ ಹೊತ್ತಿರುವ ಗ್ರಾಪಂಗಳಿಗೆ ಅಧಿಕಾರಿಗಳ ಲಭ್ಯತೆ ಮುಖ್ಯವಾಗಿದೆ. ಗ್ರಾಪಂ ಅಭಿವೃದ್ಧಿ ಪ್ರಕಾರ್ಯಗಳು, ಜವಾಬ್ದಾರಿಗಳು ಗಣನೀಯ ಪ್ರಮಾಣದಲ್ಲಿ ಹೆಚ್ಚಿದ್ದು ಸಾಕಷ್ಟು ಅನುದಾನ ಗ್ರಾಪಂಗೆ ಬರುತ್ತಿದೆ. ಈ ಕಾರ್ಯಗಳನ್ನು ಪ್ರಾಮಾಣಿಕ, ಪಾರದರ್ಶಕವಾಗಿ ನಿಗದಿಯ ಕಾಲಮಿತಿಯಲ್ಲಿ ಅನುಷ್ಠಾನಗೊಳಿಸಲು ಸ್ಥಳೀಯವಾಗಿ ಪಿಡಿಒಗಳ ಲಭ್ಯತೆ ಬಹು ಮುಖ್ಯವಾಗಿದೆ. ಸರಕಾರದ ಕಾರ್ಯಕ್ರಮ, ಯೋಜನೆಗಳು ಯಶಸ್ವಿಯಾಗಿ ಅನುಷ್ಠಾನಗೊಳ್ಳಬೇಕಾದರೇ ಸ್ಥಳೀಯ ಗ್ರಾಮಮಟ್ಟದ ಅಧಿಕಾರಿ ಪಿಡಿಒ ಕೇಂದ್ರ ಸ್ಥಾನದಲ್ಲಿದ್ದು ಕಾರ್ಯನಿರ್ವಹಿಸಬೇಕಾಗುತ್ತದೆ. ಗ್ರಾಮೀಣ ಪ್ರದೇಶದಲ್ಲಿ ವಾಸಿಸುತ್ತಿರುವ ಜನರಿಗೆ ಹಲವಾರು ವೈಯಕ್ತಿಕ, ಸಮುದಾಯ, ಸವಲತ್ತುಗಳನ್ನು ನೀಡುವಲ್ಲಿ ಕರ್ನಾಟಕ ಪಂಚಾಯತ್‌ ರಾಜ್‌ ಅಧಿನಿಯಮ 1993ರ ಪ್ರಕರಣ 58ರಲ್ಲಿ ಉಲ್ಲೇಖಿಸಿರುವಂತೆ ಕರ್ತವ್ಯ ನಿರ್ವಹಿಸಬೇಕಾಗಿರುತ್ತದೆ. ಕೇಂದ್ರ ಸ್ಥಾನದಲ್ಲಿ ಪಿಡಿಒಗಳು ವಾಸ ಇಲ್ಲದಿರುವುದು ಸರಕಾರದ ಗಮನಕ್ಕೆ ಹೋಗುತ್ತಿದ್ದಂತೆ ಇಂಥದ್ದೊಂದು ಆದೇಶ ಹೊರ ಬಿದ್ದಿದ್ದು ಪಿಡಿಒಗಳು ಕೇಂದ್ರ ಸ್ಥಾನ ವಾಸದತ್ತ ಹೆಜ್ಜೆ ಹಾಕಿದ್ದಾರೆ. ಈ ಆದೇಶ, ಆದೇಶಕ್ಕೆಷ್ಟೇ ಸಿಮೀತವಾಗದಿರಲಿ ಜಿಲ್ಲೆಯ 101 ಗ್ರಾಪಂಗಳ ಬಹುತೇಕ ಪಿಡಿಒಗಳು ಕೇಂದ್ರ ಸ್ಥಾನದಲ್ಲಿ ವಾಸವಿಲ್ಲ. ಈ ಆದೇಶ ಸಮರ್ಪಕವಾಗಿ ಅನುಷ್ಠಾನಗೊಂಡರೇ ಅಧಿಕಾರಿ ಲಭ್ಯತೆಯಿಂದ ಮತ್ತಷ್ಟು ಅಭಿವೃದ್ಧಿ ಕಾರ್ಯಗಳು ಸುಗಮವಾಗಲಿವೆ. ಆದೇಶಕ್ಕೆಷ್ಟೇ ಸಿಮೀತವಾಗದೆ ಕಡ್ಡಾಯ ಅನುಷ್ಠಾನಕ್ಕೆ ಮೇಲಧಿಕಾರಿಗಳು ಬದ್ಧತೆ ತೋರಬೇಕಿದೆ. ವಿಳಾಸ ಕೊಡಿಈ ಆದೇಶ ಕಟ್ಟು ನಿಟ್ಟಿನ ಜಾರಿಗೆ ಜಿಲ್ಲೆಯ ಸಿಇಒ ರವಿಕುಮಾರ್‌ ಒಂದು ಹೆಜ್ಜೆ ಮುಂದಿಟ್ಟು ಕಡ್ಡಾಯವಾಗಿ ಪಿಡಿಒಗಳು ಕೇಂದ್ರ ಸ್ಥಾನದಲ್ಲಿ ವಾಸವಾಗಿರುವಂತೆ ಸೂಚನೆ ನೀಡಿದ್ದು, ಆದೇಶ ಹೊರ ಬಿದ್ದ ನಂತರ ಕೇಂದ್ರ ಸ್ಥಾನದಲ್ಲಿ ವಾಸಿಸುತ್ತಿರುವ ಬಗ್ಗೆ ಪೂರ್ಣ ವಿಳಾಸವನ್ನು ತಾಪಂ ಇಒಗಳಿಗೆ ನೀಡಲು ತಾಕೀತು ಮಾಡಿದ್ದಾರೆ. ಜಿಲ್ಲೆಯ ಗ್ರಾಪಂ ವಿವರಹೊಸಕೋಟೆ 28 ಗ್ರಾಪಂ, ದೊಡ್ಡಬಳ್ಳಾಪುರ 29 ಗ್ರಾಪಂ, ದೇವನಹಳ್ಳಿ 24 ಗ್ರಾಪಂ, ನೆಲಮಂಗಲ 21 ಗ್ರಾಪಂ. ಗ್ರಾಪಂ ಪಿಡಿಒಗಳು ಕೇಂದ್ರ ಸ್ಥಾನದಲ್ಲಿಯೇ ಕಡ್ಡಾಯವಾಗಿ ವಾಸವಾಗಿ ಕರ್ತವ್ಯ ನಿರ್ವಹಿಸಲು ಕ್ರಮ ಕೈಗೊಳ್ಳುವಂತೆ ರಾಜ್ಯದ ಎಲ್ಲಜಿಪಂ ಸಿಇಒಗಳಿಗೆ ಸೂಚನೆ ನೀಡಲಾಗಿದೆ. ಚೇತನ್‌ ಎಂ. ಸರಕಾರದ ಅಧೀನ ಕಾರ್ಯದರ್ಶಿ, ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್‌ ರಾಜ್‌ ಇಲಾಖೆ
from India & World News in Kannada | VK Polls https://ift.tt/3ofCEZU
