ಕಲಬುರಗಿ: ನಗರದ ಸಾರ್ವಜನಿಕ ಉದ್ಯಾನವನದಲ್ಲಿರುವ ಕಿರು ಮೃಗಾಲಯಕ್ಕೆ ನೀರು ನುಗ್ಗಿದೆಯಲ್ಲದೆ, ಬಿದ್ದ ಮಳೆ ನೀರು ಹೊರ ಹೋಗದೆ ಆತಂಕ ಸೃಷ್ಟಿಯಾಗಿದೆ. ಪರಿಣಾಮ 23 ಬಗೆಯ , ಪಕ್ಷಿಗಳಿಗೆ ಸಂಕಷ್ಟ ಎದುರಾಗಿದೆ. ವಾರದಿಂದ ಸುರಿಯುತ್ತಿರುವ ಮಳೆ ನೀರು ಮತ್ತು ಮೃಗಾಲಯದ ಮುಂದಿರುವ ರಾಜಕಾಲುವೆಯ ನೀರು ಎರಡೂ ಸೇರಿ ಕಿರು ಮೃಗಾಲಯದ ಸಂಪೂರ್ಣ ಕೆರೆಯಂತಾಗಿದೆ. ಇದರಿಂದ ಜನರು ಒತ್ತಟ್ಟಿಗಿರಲಿ, ಪ್ರಾಣಿಗಳು ಪಾರಾದರೆ ಸಾಕು ಎನ್ನುವಂತಹ ಪರಿಸ್ಥಿತಿ ಉಂಟಾಗಿದ್ದು, ಇದು ಪ್ರಾಣಿ ಪ್ರಿಯರಲ್ಲಿ ಭೀತಿ ಉಂಟು ಮಾಡಿದೆ. ಬಿದ್ದ ಮಳೆ ನೀರು ಹೊರ ಹೋಗಲು ಮಾಡಿರುವ ನೆಲದಡಿ ಪೈಪ್‌ಲೈನ್‌ನಲ್ಲಿ ಮಣ್ಣು ತುಂಬಿಕೊಂಡಿರುವ ಕಾರಣ ಮತ್ತು ಕಾಲುವೆಯಲ್ಲಿ ಭಾರಿ ಪ್ರಮಾಣದ ನೀರು ಹರಿಯುತ್ತಿರುವುದರಿಂದ ಮೃಗಾಲಯದಲ್ಲಿನ ನೀರು ಹೊರ ಹೋಗಲು ದಾರಿ ಇಲ್ಲದೆ ಮೃಗಾಲಯದ ಓಪನ್‌ ಜಾಗೆಯಲ್ಲಿ ತುಂಬಿಕೊಂಡು ನಿಂತಿದೆ. ಪ್ರಾಣಿಗಳು ಸದ್ಯಕ್ಕೆ ಸೇಫ್‌ ಕಿರು ಮೃಗಾಲಯದಲ್ಲಿಒಟ್ಟು 23 ಪ್ರಬೇಧದ ಪ್ರಾಣಿಗಳು, ಪಕ್ಷಿಗಳಿವೆ. ಮೊಸಳೆ, ಹೆಬ್ಬಾವು, ಜಿಂಕೆ, ಕಡವೆ, ವಿವಿಧ ಜಾತಿ ಮಂಗಗಳು, ನರಿ, ಮೊಲ, ನವಿಲು, ಗಿಳಿ, ಗಿಡನಹಕ್ಕಿ, ಏಮು ಸೇರಿ ಅನೇಕ ಪಕ್ಷಿಗಳು ಸಧ್ಯಕ್ಕೆ ಸೇಫ್‌. ಆದರೆ, ಇನ್ನಷ್ಟು ಮಳೆಯಾದರೆ ಖಂಡಿತವಾಗಿ ಪ್ರಾಣಿಗಳು ಅಪಾಯಕ್ಕೆ ಸಿಕ್ಕಿ ಹಾಕಿಕೊಳ್ಳುವುದರಲ್ಲಿ ಎರಡು ಮಾತಿಲ್ಲ. ಆದರೆ, ಅರಣ್ಯ ಇಲಾಖೆ ಅಧಿಕಾರಿಗಳು ನೀರು ತನ್ನಿಂದ ತಾನೆ ಹೊರ ಹೋಗಬಹುದು ಅಥವಾ ನೆಲದಲ್ಲಿ ಇಂಗಿ ಹೋಗಬಹುದು ಎಂದು ಕಾಯುತ್ತಿದ್ದಾರೆ. ಮಳೆಯಾದರೆ 23 ಪ್ರಭೇದದ ಅಂದಾಜು 100 ಕ್ಕೂ ಹೆಚ್ಚು ಪ್ರಾಣಿ, ಪಕ್ಷಿಗಳಿಗೆ ಗಂಡಾಂತರ ತಪ್ಪಿದ್ದಲ್ಲ. ಅಷ್ಟರಲ್ಲಿಅರಣ್ಯ ಇಲಾಖೆ ಎಚ್ಚರಗೊಳ್ಳಲಿ. ಜನವಸತಿಗಳಲ್ಲಿ ಜಿಲ್ಲಾಡಳಿತ, ಪಾಲಿಕೆ ಮತ್ತು ಇತರೆ ಇಲಾಖೆ ಅಧಿಕಾರಿಗಳು ನಿರ್ಲಕ್ಷ್ಯ ಮಾಡುತ್ತಾರೆ ಎಂದರೆ, ಪ್ರಾಣಿಗಳೇ ಇರುವ ಮೃಗಾಲಯದಲ್ಲೂ ನಿರ್ಲಕ್ಷ್ಯ ಮಾಡಿರುವುದು ದೊಡ್ಡ ಅಪರಾಧ. ಮನುಷ್ಯರಾದರೆ ಬಾಯಿ ಬಿಚ್ಚಿ ಸಮಸ್ಯೆ ಹೇಳಿಕೊಂಡಾರು, ಪ್ರಾಣಿಗಳು ಹೇಗೆ ಹೇಳುತ್ತವೆ. ಕೂಡಲೇ ನೀರು ಹೊರ ಹೋಗಲು ಕ್ರಮಕೈಗೊಳ್ಳಬೇಕು. ವಿಜಯಕುಮಾರ ಕೆಂಗಲ್‌ ಪ್ರಾಣಿ ಪ್ರಿಯ ಮಳೆ ನೀರು ಹೊರ ಹೋಗದೆ ಸಮಸ್ಯೆ ಉಂಟಾಗಿದೆ. ಇಡೀ ಕಿರು ಮೃಗಾಲಯದ ಮುಂಭಾಗದ ಪ್ರದೇಶದಲ್ಲಿ ನೀರು ತುಂಬಿ ನಿಂತಿದೆ. ಪ್ರಾಣಿಗಳು ಮೇಲ್ಭಾಗದಲ್ಲಿವೆ. ಅಲ್ಲಿನ್ನೂ ನೀರು ಬಂದಿಲ್ಲ. 23 ಪ್ರಭೇದದ ಪ್ರಾಣಿಗಳು, ಪಕ್ಷಿಗಳು ಸಧ್ಯಕ್ಕೆ ಸೇಫ್‌ ಆಗಿವೆ. ತೊಂದರೆ ಇಲ್ಲ. ಆದಷ್ಟು ಬೇಗ ನೀರು ಹೊರ ಹೋಗಲು ಕ್ರಮಕೈಗೊಳ್ಳಲಾಗುವುದು. ಭೀಮರಾಯ ಆರ್‌ಎಫ್‌ಒ ಕಲಬುರಗಿ
from India & World News in Kannada | VK Polls https://ift.tt/3kKdT60
