ಬೆಂಗಳೂರು: ಯುಎಇ ಆತಿಥ್ಯದಲ್ಲಿ ನಡೆದಿದ್ದ ಐಪಿಎಲ್ 2020 ಟೂರ್ನಿಯಲ್ಲಿ ಪರ ಗರಿಷ್ಠ ರನ್ ಸ್ಕೋರರ್ ಎನಿಸಿಕೊಂಡಿದ್ದ ಯುವ ಪ್ರತಿಭೆ ಇಶಾನ್ ಕಿಶನ್, ಟೂರ್ನಿಯಲ್ಲಿ ಅಂಥದ್ದೇ ಪ್ರದರ್ಶನ ನೀಡಲು ವಿಫಲವಾಗಿದ್ದಾರೆ. ಯುವ ವಿಕೆಟ್‌ಕೀಪರ್‌ ಬ್ಯಾಟ್ಸ್‌ಮನ್‌ 23 ವರ್ಷದ ಹದಿನಾಲ್ಕನೇ ಆವೃತ್ತಿಯ ಟೂರ್ನಿಯಲ್ಲಿ ಆಡಿದ 8 ಇನಿಂಗ್ಸ್‌ಗಳಿಂದ ಕೇವಲ 107 ರನ್‌ಗಳನ್ನು ಮಾತ್ರ ಗಳಿಸಿದ್ದಾರೆ. ಆರ್‌ಸಿಬಿ ವಿರುದ್ಧ ಭಾನುವಾರ ನಡೆದ ಹೈ-ವೋಲ್ಟೇಜ್ ಪಂದ್ಯದಲ್ಲಿ ಕಿಶನ್ 12 ಎಸೆತಗಳಲ್ಲಿ ಕೇವಲ 9 ರನ್ ಮಾತ್ರವೇ ಗಳಿಸಿದರು. ಐಸಿಸಿ ಟಿ20 ಕ್ರಿಕೆಟ್ ವಿಶ್ವಕಪ್‌ ಟೂರ್ನಿ ಸನಿಹವಿದ್ದು ಶೀಘ್ರವೇ ಲಯ ಕಂಡುಕೊಳ್ಳುವ ಒತ್ತಡ ಭಾರತ ತಂಡಕ್ಕೆ ಆಯ್ಕೆಯಾಗಿರುವ ಇಶಾನ್ ಕಿಶನ್ ಅವರ ಮೇಲಿದೆ. ಇದೇ ಕಾರಣಕ್ಕೆ ಆರ್‌ಸಿಬಿ ವಿರುದ್ಧದ ಪಂದ್ಯದ ಬಳಿಕ ಕಿಶನ್ ತಮ್ಮ ವೈಫಲ್ಯಕ್ಕೆ ಮರುಗಿ ಕಣ್ಣೀರಿಡುತ್ತಿದ್ದರು. ಕೂಡಲೇ ಅವರ ನೆರವಿಗೆ ಧಾವಿಸಿದ್ದ ಆರ್‌ಸಿಬಿ ಮತ್ತು ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಸಾಂತ್ವಾನ ಹೇಳಿ ಸಂತೈಸಿದ್ದರು. ಈ ವಿಡಿಯೋ ಸೋಷಿಯಲ್ ಮೀಡಿಯಾಗಳಲ್ಲಿ ಭಾರಿ ಸದ್ದು ಮಾಡಿದೆ. ವಿರಾಟ್ ಕೊಹ್ಲಿ ಮುಂಬೈ ಆಟಗಾರ ಇಶಾನ್ ಕಿಶನ್‌ನ ಸಂತೈಸಿದ ವಿಡಿಯೋವನ್ನು ಈ ನಲ್ಲಿ ವೀಕ್ಷಿಸಬಹುದಾಗಿದೆ. "ಇಶಾನ್ ಕಿಶನ್ ಪ್ರತಿಭಾನ್ವಿತ ಆಟಗಾರ. ಕಳೆದ ಐಪಿಎಲ್‌ನಲ್ಲಿ ಅವರು ಅದ್ಭುತ ಆಟವಾಡಿದ್ದರು. ಆತನ ಸ್ವಾಭಾವಿಕ ಆಟ ಮುಂದುವರಿಸುವಂತೆ ಬೆಂಬಲಿಸಿದ್ದೇವೆ. ಇದೇ ಕಾರಣಕ್ಕೆ ಸೂರ್ಯಕುಮಾರ್‌ ಗಿಂತಲೂ ಅಗ್ರ ಕ್ರಮಾಂಕದಲ್ಲಿ ಆಡುವಂತೆ ಅವರನ್ನು ಕಳಿಸಲಾಗಿತ್ತು. ಈತನ ಮೇಲೆ ಹೆಚ್ಚಿನ ಒತ್ತಡ ಹೇರಲು ಇಷ್ಟವಿಲ್ಲ. ಇನ್ನೂ ಯುವ ಆಟಗಾರ. ಈಗಷ್ಟೇ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಕಾಲಿಟ್ಟಿದ್ದಾನೆ," ಎಂದು ಪಂದ್ಯದ ಬಳಿಕ ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ ಶರ್ಮಾ ಹೇಳಿದ್ದರು. ಆರ್‌ಸಿಬಿಗೆ ಭರ್ಜರಿ ಗೆಲುವುಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ್ದ ರಾಯಲ್‌ ಚಾಲೆಂಜರ್ಸ್‌ ನಾಯಕ (51) ಮತ್ತು ಆಲ್‌ರೌಂಡರ್‌ ಗ್ಲೆನ್ ಮ್ಯಾಕ್ಸ್ವೆಲ್ (56) ಬಾರಿಸಿದ ಅರ್ಧಶತಕಗಳ ಬಲದಿಂದ 165/6 ರನ್‌ಗಳ ಸವಾಲಿನ ಮೊತ್ತ ಪೇರಿಸುವಲ್ಲಿ ಯಶಸ್ವಿಯಾಯಿತು. ಬಳಿಕ ಗುರಿ ಬೆನ್ನತ್ತಿದ್ದ ಮುಂಬೈ ತಂಡ, ನಾಯಕ ರೋಹಿತ್ ಶರ್ಮಾ (43) ಅವರ ಬಿರುಸಿನ ಬ್ಯಾಟಿಂಗ್‌ ನೆರವಿನಿಂದ ಸ್ಫೋಟಕ ಆರಂಭ ಪಡೆದಿತ್ತು. ಆದರೆ, ನಂತರ ನಾಟಕೀಯ ಕುಸಿತ ಕಂಡ ಮುಂಬೈ ಚಾಲೆಂಜರ್ಸ್‌ ಎದುರು ಐಪಿಎಲ್ ಇತಿಹಾಸದಲ್ಲಿ ತನ್ನ ಅತ್ಯಂತ ಕಡಿಮೆ ಮೊತ್ತವಾಗಿ ಕೇವಲ 111 ರನ್‌ಗಳಿಗೆ ಆಲ್‌ಔಟ್‌ ಆಯಿತು. ರೋಹಿತ್ ಮತ್ತು ಕ್ವಿಂಟನ್ ಡಿ'ಕಾಕ್ (24) ಅವರ ಹೊರತಾಗಿ ಮುಂಬೈ ತಂಡದ ಬೇರೆ ಯಾವ ಬ್ಯಾಟ್ಸ್‌ಮನ್‌ಗಳು ಕೂಡ ಎರಡಂಕಿಯ ಸ್ಕೋರ್‌ ಮಾಡಲಿಲ್ಲ. ಆರ್‌ಸಿಬಿ ಪರ ಸ್ಟಾರ್ ವೇಗಿ ಹರ್ಷಲ್ ಪಟೇಲ್ ಟಿ20 ವೃತ್ತಿ ಬದುಕಿನ ಮೊತ್ತ ಮೊದಲ ಹ್ಯಾಟ್ರಿಕ್ ವಿಕೆಟ್‌ ಪಡೆದ ಸಾಧನೆ ಮಾಡಿದರು. ತಮ್ಮ 3.1 ಓವರ್‌ಗಳ ಸ್ಪೆಲ್‌ನಲ್ಲಿ 17 ರನ್‌ಗಳನ್ನು ಬಿಟ್ಟುಕೊಟ್ಟು 4 ವಿಕೆಟ್‌ ಉರುಳಿಸಿ ಗೆಲುವಿಗೆ ಬಲವಾದರು. ಐಪಿಎಲ್ 2021 ಟೂರ್ನಿಯಲ್ಲಿ ಆರ್‌ಸಿಬಿ ಮುಂಬೈ ವಿರುದ್ಧ ಆಡಿದ ಎರಡೂ ಲೀಗ್ ಪಂದ್ಯಗಳಲ್ಲಿ ಗೆದ್ದಿದೆ. ಮೊದಲ ಪಂದ್ಯದಲ್ಲಿ 2 ವಿಕೆಟ್‌ಗಳ ರೋಚಕ ಜಯ ದಾಖಲಿಸಿತ್ತು. ಆ ಪಂದ್ಯದಲ್ಲೂ ಹರ್ಷಲ್ 5 ವಿಕೆಟ್‌ ಕಿತ್ತು ಮಿಂಚಿದ್ದರು. ಸಂಕ್ಷಿಪ್ತ ಸ್ಕೋರ್‌ಆರ್‌ಸಿಬಿ: 20 ಓವರ್‌ಗಳಲ್ಲಿ 6 ವಿಕೆಟ್‌ಗಳ ನಷ್ಟಕ್ಕೆ 165 ರನ್ (ವಿರಾಟ್ ಕೊಹ್ಲಿ 51, ಗ್ಲೆನ್ ಮ್ಯಾಕ್ಸ್ವೆಲ್ 56, ಶ್ರೀಕರ್‌ ಭರತ್ 32; ಜಸ್‌ಪ್ರೀತ್ ಬುಮ್ರಾ 36ಕ್ಕೆ 2). ಮುಂಬೈ ಇಂಡಿಯನ್ಸ್: 18.1 ಓವರ್‌ಗಳಲ್ಲಿ 111 ರನ್‌ಗಳಿಗೆ ಆಲ್‌ಔಟ್‌ (ರೋಹಿತ್ ಶರ್ಮಾ 43, ಕ್ವಿಂಟನ್ ಡಿ'ಕಾಕ್ 24; ಹರ್ಷಲ್ ಪಟೇಲ್ 17ಕ್ಕೆ 4, ಯುಜ್ವೇಂದ್ರ ಚಹಲ್ 11ಕ್ಕೆ 3, ಗ್ಲೆನ್ ಮ್ಯಾಕ್ಸ್ವೆಲ್ 23ಕ್ಕೆ 2, ಮೊಹಮ್ಮದ್‌ ಸಿರಾಜ್ 15ಕ್ಕೆ 1). ಪಂದ್ಯಶ್ರೇಷ್ಠ: ಗ್ಲೆನ್ ಮ್ಯಾಕ್ಸ್ವೆಲ್
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Y93hFc
