ಕಾಬೂಲ್‌: ಅಫ್ಘಾನಿಸ್ತಾನದಲ್ಲಿ ಸರಕಾರ ರಚಿಸಿ ಇಸ್ಲಾಮಿಕ್‌ ಕಾನೂನಿನ ಹೆಸರಿನಲ್ಲಿ ಸರ್ವಾಧಿಕಾರ ಮೆರೆಯುತ್ತಿರುವ ತಾಲಿಬಾನಿಗಳೀಗ ಸಲೂನ್‌ಗಳಲ್ಲಿ ಸ್ಥಳೀಯರ ಟ್ರಿಮ್‌ ಮಾಡುವುದಾಗಲಿ, ಬೋಳಿಸುವುದಾಗಲಿ ಮಾಡುವಂತಿಲ್ಲ ಎಂದು ಸಲೂನ್‌ ಮಾಲೀಕರಿಗೆ ಆದೇಶ ಹೊರಡಿಸಿದ್ದಾರೆ. ಕಾಬೂಲ್‌ ಹಾಗೂ ಹೆಲ್ಮಂಡ್‌ ಪ್ರಾಂತ್ಯಗಳಲ್ಲಿ ಉಗ್ರರು ಇಂತಹ ಆದೇಶ ಹೊರಡಿಸಿದ್ದಾರೆ. ''ಗಡ್ಡ ಬೋಳಿಸುವುದು ಇಸ್ಲಾಮಿಕ್‌ ಕಾನೂನಿಗೆ ವಿರುದ್ಧವಾಗಿದೆ. ಹಾಗಾಗಿ ಸಲೂನ್‌ ಮಾಲೀಕರು ಇನ್ನು ಮುಂದೆ ಸ್ಥಳೀಯ ಗ್ರಾಹಕರ ಗಡ್ಡ ಬೋಳಿಸುವಂತಿಲ್ಲ, ಟ್ರಿಮ್‌ ಮಾಡುವಂತಿಲ್ಲ. ಆದೇಶ ಪಾಲನೆ ಕಡ್ಡಾಯವಾಗಿದ್ದು, ಇಲ್ಲದಿದ್ದರೆ ಶಿಕ್ಷೆ ವಿಸಲಾಗುತ್ತದೆ,'' ಎಂಬುದಾಗಿ ಎಚ್ಚರಿಸಿದ್ದಾರೆ ಎಂದು ತಿಳಿದುಬಂದಿದೆ. ''ಯಾರೂ ಯಾವುದರ ಬಗ್ಗೆಯೂ ದೂರುವಂತಿಲ್ಲ. ಹಲವು ದಿನಗಳಿಂದ ಸಲೂನ್‌ ಮಾಲೀಕರಿಗೆ ತಾಲಿಬಾನಿಗಳು ಇಂತಹ ಆದೇಶ ಹೊರಡಿಸಿದ್ದಾರೆ. ಹಾಗೊಂದು ವೇಳೆ ಯಾರಿಗಾದರೂ ಗಡ್ಡ ಬೋಳಿಸಿದರೆ, ಅವರನ್ನು ಕರೆದುಕೊಂಡು ಹೋಗಿ ಶಿಕ್ಷೆ ವಿಧಿಸುವುದಾಗಿ ತಿಳಿಸಿದ್ದಾರೆ,'' ಎಂದು ಹೆಲ್ಮಂಡ್‌ ಸಲೂನ್‌ ಮಾಲೀಕರು ಅಳಲು ತೋಡಿಕೊಂಡಿದ್ದಾರೆ. ಇದೇ ರೀತಿ ಕಾಬೂಲ್‌ನಲ್ಲೂಆದೇಶ ಹೊರಡಿಸಿದ್ದು, ಅಮೆರಿಕ ಶೈಲಿಯ ಕೇಶವಿನ್ಯಾಸ ಮಾಡುವಂತಿಲ್ಲ ಎಂದು ಕಟ್ಟಪ್ಪಣೆ ಮಾಡಲಾಗಿದೆ. ಉಗ್ರರಿಗೆ ಹೆದರಿ ಸಲೂನಿಗೆ ಬಂದ ಗ್ರಾಹಕರು ಸಹ ವಾಪಸಾಗುತ್ತಿದ್ದಾರೆ ಎನ್ನಲಾಗಿದೆ. ದೇಶದ ಜನರನ್ನು ರಕ್ಷಿಸಲಾಗುವುದು, ಉತ್ತಮ ಆಡಳಿತ ನೀಡಲಾಗುವುದು. ಅಹಿಂಸಾ ಮಾರ್ಗವನ್ನು ತೊರೆದು, ದೇಶದಲ್ಲಿ ಶಾಂತಿಯನ್ನು ಕಾಪಾಡುತ್ತೇವೆ ಎಂದು ಸರಕಾರ ರಚಿಸು ವುದಕ್ಕೂ ಮೊದಲು ಹೇಳುತ್ತಿದ್ದ ತಾಲಿಬಾನಿಗಳು ಸರಕಾರ ರಚಿಸಿದ ಬಳಿಕ ತಮ್ಮ ನಿಜ ರೂಪ ತೋರಿಸುತ್ತಿದ್ದಾರೆ. ಭಾರತದ ಆತಂಕ ಕುರಿತು ಚರ್ಚೆ ಎಂದ ಜರ್ಮನಿ ಅಫಘಾನಿಸ್ತಾನದಲ್ಲಿ ತಾಲಿಬಾನಿಗಳು ಸರಕಾರ ರಚಿಸಿದ ಬಳಿಕ ಭಾರತ ವ್ಯಕ್ತಪಡಿಸಿರುವ ಉಗ್ರವಾದದ ಆತಂಕದ ಕುರಿತು ಜತೆ ಚರ್ಚಿಸಲಾಗುವುದು ಎಂದು ಜರ್ಮನಿ ತಿಳಿಸಿದೆ. ''ತಾಲಿಬಾನಿಗಳ ಜತೆ ನಾವು ಮಾತುಕತೆ ನಡೆಸುತ್ತಿದ್ದೇವೆ. ಯಾವುದೇ ಕಾರಣಕ್ಕೂ ಗಡಿ ಭಯೋತ್ಪಾದನೆಯು ಅಕ್ಕಪಕ್ಕದ ದೇಶಗಳಿಗೆ ಆತಂಕ ತಂದೊಡ್ಡಬಾರದು. ಭಾರತವು ಉಗ್ರರ ಕುರಿತು ವ್ಯಕ್ತ ಪಡಿಸಿರುವ ಆತಂಕದ ಕುರಿತು ಅವರ ಜತೆ ಚರ್ಚಿ ಸಲಾಗುವುದು. ಈ ವಿಚಾರದಲ್ಲಿ ನಾವು ಭಾರತದ ಪರ ನಿಲ್ಲುತ್ತೇವೆ,'' ಎಂದು ಜರ್ಮನಿಯ ಭಾರತದ ರಾಯಭಾರಿ ವಾಲ್ಟರ್‌ ಜೆ. ಲಿಂಡ್ನರ್‌ ತಿಳಿಸಿದ್ದಾರೆ. ನರಕಸದೃಶ ವಾತಾವರಣ: ಮುಂದುವರಿದ ಜನವಲಸೆ ತಾಲಿಬಾನ್‌ ಉಗ್ರರ ಅಟ್ಟಹಾಸ ಮುಂದುವರಿದ ಕಾರಣ ದೇಶದಲ್ಲಿ ನರಕ ಸದೃಶ ವಾತಾವರಣ ಸೃಷ್ಟಿ ಯಾಗಿದ್ದು, ಕಳೆದ ಕೆಲವು ವಾರಗಳಲ್ಲಿ ಸಾವಿರಾರು ಜನ ಬೇರೆ ದೇಶಕ್ಕೆ ವಲಸೆ ತೆರಳಿದ್ದಾರೆ ಎಂದು ತಿಳಿದುಬಂದಿದೆ. ಹೆಣ್ಣು ಮಕ್ಕಳ ಮೇಲೆ ದೌರ್ಜನ್ಯ, ಉದ್ಯೋಗದಿಂದ ವಜಾ, ಭೀತಿಯ ವಾತಾವರಣ, ನಿರುದ್ಯೋಗ ಸೇರಿ ಹಲವು ಕಾರಣಗಳಿಂದಾಗಿ ಜನ ಬೇರೆ ದೇಶಕ್ಕೆ ತೆರಳಿದ್ದಾರೆ. ಇವರಲ್ಲಿ ಹೆಚ್ಚಿನ ಜನ ಇರಾನ್‌ಗೆ ತೆರಳಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
from India & World News in Kannada | VK Polls https://ift.tt/3CVipoH
