ವಿಜಯ್‌ ಕೋಟ್ಯಾನ್‌ ಮಂಗಳೂರು ಮಂಗಳೂರು: ಕಿತ್ತು ತಿನ್ನುವ ಬಡತನ. ದುಡಿಯುವ ಕೈಗಳು ಮನೆಯಲಿಲ್ಲ. ಹಿರಿಯ ಜೀವಗಳಿಗೆ ವಿಧವಾ ವೇತನ ಪಿಂಚಣಿಯೇ ಆಸರೆ. ಆದರೆ ಎಂಬ ಕಾರಣಕ್ಕೆ ರಾಜ್ಯದ ಬಹುತೇಕ ಪಿಂಚಣಿದಾರರಿಗೆ ಹಲವು ತಿಂಗಳಿನಿಂದ ಮಾಸಿಕ ಪಿಂಚಣಿಯೇ ನಿಂತು ಹೋಗಿದೆ. ಇದು ರಾಜ್ಯದಲ್ಲಿ ಸಾಮಾಜಿಕ ಸೇವಾ ಭದ್ರತಾ ಪಿಂಚಣಿಯ ಲಕ್ಷಾಂತರ ಫಲಾನುಭವಿಗಳ ನೋವು. ರಾಜ್ಯದ ಲಕ್ಷಾಂತರ ಮಂದಿಗೆ ಸಂಧ್ಯಾ ಸುರಕ್ಷಾ ಯೋಜನೆ, ವೃದ್ಧಾಪ್ಯ ವೇತನ, ವಿಧವಾ ವೇತನಾ ಸೇರಿದಂತೆ ನಾನಾ ನೀಡಲಾಗುತ್ತಿದೆ. ಆದರೆ ಬಡವರಿಗೆ ಅನುಕೂಲವಾಗಬೇಕಾಗಿದ್ದ ಪಿಂಚಣಿ ಯೋಜನೆಯನ್ನು ಕೆಲವು ಸ್ಥಿತಿವಂತರು ದುರುಪಯೋಗಪಡಿಸುತ್ತಿದ್ದಾರೆ ಎಂಬ ಆಪಾದನೆ ಹಲವು ಸಮಯದಿಂದ ಕೇಳಿಬರುತ್ತಿದೆ. ಇದನ್ನು ನಿಯಂತ್ರಿಸುವ ಉದ್ದೇಶದಿಂದ ರಾಜ್ಯ ಸರಕಾರ ಕೆಲವೊಂದು ಕಠಿಣ ನಿರ್ದೇಶನಗಳನ್ನು ನೀಡಿದ್ದು, ಅರ್ಹವಾಗಿಯೇ ಪಿಂಚಣಿ ಸಲ್ಲಬೇಕಾದವರಿಗೂ ಸಮಸ್ಯೆಯಾಗಿದೆ. ಸರಕಾರದ ನಿಯಮ ಪ್ರಕಾರ ಸಾಮಾಜಿಕ ಭದ್ರತಾ ಪಿಂಚಣಿ ಪಡೆಯಬೇಕಾದರೆ ವಾರ್ಷಿಕ ಆದಾಯ ಗರಿಷ್ಠ 38 ಸಾವಿರಕ್ಕಿಂತ ಒಳಗಿರಬೇಕು. ಆದರೂ ರಾಜ್ಯದಲ್ಲಿ ಬಹುತೇಕರಿಗೆ ಪಿಂಚಣಿ ಸಿಗುತ್ತಿತ್ತು. ಈಗ ರಾಜ್ಯ ಸರಕಾರ ಅಕ್ರಮ ಬಿಪಿಎಲ್‌ ಪಡಿತರ ಪತ್ತೆಗೆ ಸೂಚನೆ ನೀಡಿದ ಹಿನ್ನೆಲೆಯಲ್ಲಿ ಬಿಪಿಎಲ್‌ನಿಂದ ಎಪಿಎಲ್‌ಗೆ ಪಡಿತರ ವರ್ಗಾವಣೆಯಾಗಿ ಪಿಂಚಣಿಗೂ ಕುತ್ತು ಬಂದಿದೆ. ಕಚೇರಿಗಳಿಗೆ ಅಲೆದಾಟಪಿಂಚಣಿ ತಡೆಯಾದ ಕಾರಣ ಎಪಿಎಲ್‌ ಕಾರ್ಡ್‌ದಾರರು ಗ್ರಾಮಲೆಕ್ಕಿಗರ ಕಚೇರಿ, ಆರೋಗ್ಯ ಇಲಾಖೆ ಕಚೇರಿ, ಬ್ಯಾಂಕ್‌, ಪೋಸ್ಟ್‌ ಆಫೀಸ್‌ ಸೇರಿದಂತೆ ಕಚೇರಿಯಿಂದ ಕಚೇರಿಗೆ ಅಲೆದಾಡುತ್ತಿದ್ದಾರೆ. ಆದರೂ ಸರಿಯಾದ ಮಾಹಿತಿ ದೊರೆಯುತ್ತಿಲ್ಲ ಎನ್ನುತ್ತಾರೆ ಕಂಕನಾಡಿ ನಿವಾಸಿ ನಾಗಮ್ಮ. ಪಿಂಚಣಿಗೆ ಅರ್ಹವಾಗಿರುವವರು ಕೂಡಲೇ ಗ್ರಾಮಲೆಕ್ಕಿಗರ ಕಚೇರಿಗೆ ಭೇಟಿ ನೀಡಿ ಆದಾಯ ಸರ್ಟಿಫಿಕೆಟ್‌ ಮತ್ತು ಪೂರಕ ದಾಖಲೆ ನೀಡಿದರೆ ಪರಿಶೀಲನೆ ನಡೆಸಿ, ಪಿಂಚಣಿಗೆ ಅವಕಾಶ ಮಾಡಿಕೊಡಲಾಗುವುದು ಎಂದು ಮಂಗಳೂರು ತಹಸೀಲ್ದಾರ್‌ ಗುರುಪ್ರಸಾದ್‌ ತಿಳಿಸಿದ್ದಾರೆ. ಪಿಂಚಣಿ ಅದಾಲತ್‌ಪಿಂಚಣಿ ಸಮಸ್ಯೆ ಬಗೆಹರಿಸಲು ಪ್ರತಿ ತಾಪಂನಲ್ಲಿ ಅಕ್ಟೋಬರ್‌ ಮತ್ತು ನವೆಂಬರ್‌ನಲ್ಲಿ ಹೋಬಳಿ ಮಟ್ಟದಲ್ಲಿ ಪಿಂಚಣಿ ಅದಾಲತ್‌ ಆಯೋಜಿಸಲಾಗಿದೆ. ಈ ಸಂದರ್ಭ ತಾಲೂಕು ಉಪದಂಡಾಧಿಕಾರಿ, ತಹಸೀಲ್ದಾರ್‌, ಉಪತಹಸೀಲ್ದಾರ್‌ ಉಪಸ್ಥಿತರಿರುವರು ಎಂದು ತಹಸೀಲ್ದಾರ್‌ ತಿಳಿಸಿದ್ದಾರೆ. ಬಿಪಿಎಲ್‌ನಿಂದ ಎಪಿಎಲ್‌ಗೆ ವರ್ಗ ರಾಜ್ಯದಲ್ಲಿ ಕುಟುಂಬದ ಆದಾಯದ ಆಧಾರದಲ್ಲಿ ಅಕ್ರಮ ಬಿಪಿಎಲ್‌ ಕಾರ್ಡ್‌ದಾರರನ್ನು ಪತ್ತೆ ಹಚ್ಚಿ ಪಡಿತರ ಕಾರ್ಡ್‌ ರದ್ದು ಮಾಡಲಾಗುತ್ತಿದೆ. ಈ ಸಂದರ್ಭ ಬಿಪಿಎಲ್‌ ಜತೆ ಪಿಂಚಣಿಗೂ ಕೊಕ್‌ ನೀಡಲಾಗಿದೆ. ಆದರೆ ಕೆಲವು ಕುಟುಂಬ ಬಿಪಿಎಲ್‌ ಕಾರ್ಡ್‌ಗೆ ಅರ್ಹವಾಗಿದ್ದರೂ, ತಾಂತ್ರಿಕ ಕಾರಣದಿಂದ ಎಪಿಎಲ್‌ಗೆ ವರ್ಗಾಯಿಸಲಾಗಿದೆ. ಇನ್ನೊಂದೆಡೆ ಕೆಲವರ ಮನೆಯಲ್ಲಿ ಹಿರಿಜೀವಗಳು ಮಾತ್ರ ಇರುವುದರಿಂದ ಬಿಪಿಎಲ್‌ಗೆ ವರ್ಗಾಯಿಸಲಾಗಲಿಲ್ಲ. ಈಗ ಪಿಂಚಣಿ ರದ್ದಾಗುವ ಮೂಲಕ ಮತ್ತಷ್ಟು ಬರೆಯಾಗಿದೆ. ರಾಜ್ಯ ಸರಕಾರದ ನಿರ್ದೇಶನದಂತೆ ಬಿಪಿಎಲ್‌ ಕಾರ್ಡ್‌ದಾರರನ್ನು ಹೊರತುಪಡಿಸಿ ಉಳಿದವರ ಪಿಂಚಣಿ ತಡೆಹಿಡಿಯಲಾಗಿದೆ. ಯಾವುದೇ ಸಾಮಾಜಿಕ ಸೇವಾ ಭದ್ರತೆಗೆ ಸಂಬಂಧಪಟ್ಟ ಪಿಂಚಣಿ ಪಡೆಯಬೇಕಾದರೂ ವಾರ್ಷಿಕ 38 ಸಾವಿರಕ್ಕಿಂತ ಕಡಿಮೆ ಆದಾಯ ಹೊಂದಿರಬೇಕು. ಇದರಿಂದ ಕೆಲವು ಬಡವರಿಗೆ ತೊಂದರೆಯಾಗಿದ್ದು, ಅವರು ಗ್ರಾಮಲೆಕ್ಕಿಗರು, ಅಟಲ್‌ಜೀ ಜನಸ್ನೇಹಿ ಕೇಂದ್ರ ಮೂಲಕ ಅರ್ಜಿ ಸಲ್ಲಿಸಿದರೆ ಪರಿಶೀಲಿಸಿ ಖಂಡಿತಾ ಸರಿ ಮಾಡಿಕೊಡಲಾಗುವುದು. ಟಿ.ಗುರುಪ್ರಸಾದ್‌, ತಹಸೀಲ್ದಾರ್‌, ಮಂಗಳೂರು
from India & World News in Kannada | VK Polls https://ift.tt/3zQQeVK
