ಬೆಂಗಳೂರು: ಉತ್ತಮ ಗುಣಮಟ್ಟದ ಗಾಂಜಾಗೆ ‘ಮ್ಯಾಂಗೋ’ ಎಂಬ ಕೋಡ್ ಹೆಸರಿಟ್ಟು ಮಾರಾಟ ಮಾಡುತ್ತಿದ್ದ ಕ್ರಿಮಿನಲ್ ಹಿನ್ನೆಲೆಯ ಆಟೋ ಚಾಲಕನನ್ನು ಬಂಧಿಸಿರುವ ಶ್ರೀರಾಂಪುರ ಠಾಣೆ ಪೊಲೀಸರು, 45 ಕೆ.ಜಿ. ಗಾಂಜಾ ವಶಪಡಿಸಿಕೊಂಡಿದ್ದಾರೆ. ಶ್ರೀರಾಮಪುರದ ಸತೀಶ್(28) ಹಾಗೂ ಈತನ ಸಹಚರ ವಸಂತ(24) ಬಂಧಿತರು. ಇವರಿಂದ ಗಾಂಜಾ ಸಾಗಣೆಗೆ ಬಳಸುತ್ತಿದ್ದ ಆಟೋ ವಶಪಡಿಸಿಕೊಳ್ಳಲಾಗಿದೆ. ಆಂಧ್ರಪ್ರದೇಶದ ವಿಶಾಖಪಟ್ಟಣದಲ್ಲಿ ಪರಿಚಯವಾಗಿದ್ದ ವ್ಯಕ್ತಿಗೆ ಮುಂಗಡವಾಗಿ ಹಣ ನೀಡುತ್ತಿದ್ದ ಸತೀಶ್, ಗಾಂಜಾವನ್ನು ನಗರಕ್ಕೆ ತರಿಸಿಕೊಳ್ಳುತ್ತಿದ್ದ. ಚಿಕ್ಕ ಚಿಕ್ಕ ಪ್ಯಾಕ್ಗಳಲ್ಲಿ ಹಾಕಿ 250 ರೂ.ಗಳಿಂದ 300 ರೂ.ಗೆ ಮಾರಾಟ ಮಾಡುತ್ತಿದ್ದ. ಗುಣಮಟ್ಟದ ಗಾಂಜಾಗೆ ‘ಮ್ಯಾಂಗೋ’ ಎಂದು ಕೋಡ್ ವರ್ಡ್ನಿಂದ ಕರೆಯಲಾಗುತ್ತಿತ್ತು ಎಂದು ಪೊಲೀಸ್ ಅಧಿಕಾರಿ ತಿಳಿಸಿದರು. ಆಂಧ್ರಪ್ರದೇಶ ಮೂಲದ ವ್ಯಕ್ತಿ ರೈಲಿನಲ್ಲಿ ಗಾಂಜಾ ತರಿಸಿ ಸತೀಶ್ಗೆ ನೀಡಿದ್ದ. ಗಾಂಜಾ ಸ್ವೀಕರಿಸಿದ ಸತೀಶ್ ಮತ್ತು ಆತನ ಸಹಚರ ವಸಂತ, ಆಟೋದಲ್ಲಿ ತೆರಳುತ್ತಿದ್ದರು. ಈ ಮಾಹಿತಿ ಆಧರಿಸಿ ಆರೋಪಿಗಳನ್ನು ಬಂಧಿಸಲಾಗಿದೆ. ಸತೀಶ್ ಚಾಲಕ ವೃತ್ತಿ ಮಾಡಿಕೊಂಡು, ಮಾಡುವುದನ್ನು ಪ್ರವೃತ್ತಿ ಮಾಡಿಕೊಂಡಿದ್ದ. 2018ರಿಂದ ಗಾಂಜಾ ಮಾರಾಟ, ಸುಲಿಗೆ, ಕೊಲೆ ಯತ್ನ ಸೇರಿ ನಾಲ್ಕು ಪ್ರಕರಣಗಳಲ್ಲಿ ಸತೀಶ್ ಭಾಗಿಯಾಗಿದ್ದಾನೆ ಎಂದು ಅಧಿಕಾರಿ ತಿಳಿಸಿದರು. ಬಸವನಗುಡಿ ಪೊಲೀಸರಿಂದ 35.5 ಕೆ.ಜಿ. ಗಾಂಜಾ ಜಪ್ತಿಇನ್ನೊಂದು ಪ್ರತ್ಯೇಕ ಪ್ರಕರಣದಲ್ಲಿ ಕಾರ್ನಲ್ಲಿ ಸಾಗಿಸುತ್ತಿದ್ದ 35.5 ಕೆ.ಜಿ ಗಾಂಜಾ ವಶಪಡಿಸಿಕೊಂಡಿರುವ ಬಸವನಗುಡಿ ಪೊಲೀಸರು, ಆರೋಪಿ ಸಿಮ್ದಾದ್ ಪಾಷಾನನ್ನು ಬಂಧಿಸಿದ್ದಾರೆ. ಚಿಕ್ಕಬಳ್ಳಾಪುರದ ಚಿಂತಾಮಣಿಯ ಪಾಷ, ಮತ್ತೊಬ್ಬ ಆರೋಪಿ ನಾಗಣ್ಣನ ಜತೆ ಬೆಂಗಳೂರಿನಲ್ಲಿ ಮಾರಾಟ ಮಾಡಲು ಕಾರಿನಲ್ಲಿ ಗಾಂಜಾ ಸಾಗಿಸುತ್ತಿರುವ ಮಾಹಿತಿ ಇತ್ತು. ಆರೋಪಿಯನ್ನು ಬಂಧಿಸಿ ಗಾಂಜಾ, ಒಂದು ಕಾರು, ಮೊಬೈಲ್ಫೋನ್ ಮತ್ತು 500 ರೂ. ನಗದು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
from India & World News in Kannada | VK Polls https://ift.tt/31hOk1x
