ಗೋಪಾಲಕರಿಗೆ 25ಸಾವಿರ ಬಹುಮಾನ: ಜಿಲ್ಲಾಮಟ್ಟದ ಹಾಲು ಕರೆಯುವ ಸ್ಪರ್ಧೆ ಮಾ.5ಕ್ಕೆ!

ನಾಗರಾಜು ಅಶ್ವತ್ಥ್, ಬೆಂಗಳೂರು ಗ್ರಾಮಾಂತರ ಬೆಂಗಳೂರು ಗ್ರಾಮಾಂತರ: ರಾಗಿ ಮುದ್ದೆ ತಿನ್ನುವ ಸ್ಪರ್ಧೆ, ಗ್ರಾಮೀಣ ಆಟಗಳನ್ನು ಆಡುವ ಸ್ಪರ್ಧೆಯಂತೆ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ ಕೂಡ ಆಯೋಜನೆ ಮಾಡಲಾಗುತ್ತಿದೆ. ಮಾ.5ರಂದು ಜಿಲ್ಲೆಯ ದೇವನಹಳ್ಳಿ ತಾಲೂಕಿನ ಯಲಿಯೂರಿನಲ್ಲಿ ಸ್ಪರ್ಧೆ ಆಯೋಜನೆಗೊಳ್ಳುತ್ತಿದ್ದು ಅಧಿಕ ಕರೆದವರಿಗೆ 25 ಸಾವಿರ ನಗದು ಬಹುಮಾನವಿರಲಿದ್ದು ಹೀಗಾಗಿ ಅತ್ಯುತ್ತಮ ಹಾಲು ಕರೆಯುವ ಕೌಶಲವುಳ್ಳವರಿಗೆ ಫುಲ್‌ ಡಿಮ್ಯಾಂಡ್‌ ಸೃಷ್ಟಿಯಾಗಲಿದೆ. ಯಾರಿಂದ ಸ್ಪರ್ಧೆ?ಜಿಲ್ಲಾ ಪಂಚಾಯ್ತಿ, ಜಿಲ್ಲಾ ಪಶುಪಾಲನೆ ಮತ್ತು ಪಶುವೈದ್ಯಕೀಯ ಸೇವಾ ಇಲಾಖೆ, ಯಲಿಯೂರು ಹಾಲು ಉತ್ಪಾದಕರ ಸಹಕಾರ ಸಂಘದ ಜಂಟಿ ಸಹಯೋಗದಲ್ಲಿ ಸ್ಪರ್ಧೆ ಆಯೋಜನೆ ಮಾಡಲಾಗುತ್ತಿದ್ದು, 3 ಹಂತಗಳ ನಗದು ಘೋಷಿಸಲಾಗಿದೆ. ಜತೆಗೆ, ಸ್ಪರ್ಧೆಯಲ್ಲಿ ಭಾಗವಹಿಸಿದ ಪ್ರತಿಯೊಬ್ಬ ರೈತನಿಗೂ ಪ್ರಮಾಣ ಪತ್ರ, ನೆನಪಿನ ಕಾಣಿಕೆ ನೀಡಲಾಗುತ್ತಿದೆ. ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುವವರು ಮಾ. 4ರ ಮಧ್ಯಾಹ್ನ 12 ಗಂಟೆಯೊಳಗೆ 100ರೂ. ಶುಲ್ಕದೊಂದಿಗೆ ಸ್ಪರ್ಧೆ ನಡೆಯುವ ಜಾಗದಲ್ಲಿ ಹೆಸರು ನೋಂದಣಿ ಮಾಡಿಕೊಳ್ಳಬಹುದಾಗಿದೆ. ನಿಬಂಧನೆಗಳಿವೆ ನೋಡಿ ಬಿಡಿ

• ಕಿವಿ ಓಲೆ ಅಳವಡಿಸಿದ ಹಸುವಿನೊಂದಿಗೆ ನೋಂದಣಿ ಕಡ್ಡಾಯ
• ಕಾಲುಬಾಯಿ ರೋಗಕ್ಕೆ ಲಸಿಕೆ ಹಾಕಿಸಿದ ದೃಢೀಕರಣ ಪತ್ರ ತರಬೇಕು
• ದಿನಕ್ಕೆ ಕನಿಷ್ಠ 20ಲೀ. ಹಾಲು ಕರೆಯುವ ಹಸುಗಳಿಗೆ ಮಾತ್ರ ಎಂಟ್ರಿ
• ಹಸುವಿನ ಮಾಲೀಕರು, ಹಾಲು ಕರೆಯುವ ಒಬ್ಬರಿಗೆ ಮಾತ್ರ ಅವಕಾಶ
• ಮಾ.5ರಂದು ಬೆಳಗ್ಗೆ 6.30ಕ್ಕೆ ಮತ್ತು ಸಂಜೆ 5.30ಕ್ಕೆ ತೀರ್ಪುಗಾರರ ಮುಂದೆ ಹಾಲು ಕರೆಯಬೇಕು
• 20 ನಿಮಿಷ ಕಾಲಾವಕಾಶದಲ್ಲಿ ಹಾಲು ಕರೆಯಬೇಕು.
• ಹಾಲಿನ ಇಳುವರಿಯಲ್ಲಿ5 ಕಿಲೋಗಿಂತ ಹೆಚ್ಚಿನ ವ್ಯತ್ಯಾಸವಿದ್ದರೆ ಸ್ಪರ್ಧೆಯಿಂದ ಅನರ್ಹ

ವಿಜೇತರಿಗೆ ಮಾ. 6 ರಂದು ಬಹುಮಾನ, ಹೈನೋದ್ಯಮಕ್ಕೆ ಪ್ರೋತ್ಸಾಹಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ ಹೈನುಗಾರಿಕೆ ಪ್ರಗತಿಯತ್ತ ಸಾಗುತ್ತಿದ್ದು, ರೈತರಲ್ಲಿಸ್ಪರ್ಧಾತ್ಮಕ ಮನೋಭಾವ ಹೆಚ್ಚಿಸುವ ನಿಟ್ಟಿನಲ್ಲಿಸ್ಪರ್ಧೆ ಆಯೋಜನೆ ಮಾಡಲಾಗಿದೆ. ವಿವಿಧ ದೇಸೀ ತಳಿಗಳ ಆರೋಗ್ಯ ಸಮತೋಲನ ಕಾಪಾಡಲು, ಗುಣಮಟ್ಟದ ಹಾಲು ಪಡೆಯ ಬೇಕೆಂದರೆ ಯಾವ ಮಾರ್ಗ ಅನುಸರಿಸಬೇಕು? ಪಶು ವೈದ್ಯರಿಂದ ಯಾವ ಮಾಹಿತಿಗಳು ಲಭ್ಯವಿದೆ ಎನ್ನುವ ಸಂಪೂರ್ಣ ಅರಿವನ್ನು ಮೂಡಿಸಲೆಂದು ಸ್ಪರ್ಧೆ ಆಯೋಜನೆ ಮಾಡಲಾಗುತ್ತಿದೆ. ಬಹುಮಾನ ನೀಡುವ ಮೂಲಕ ಮುಂದಿನ ವರ್ಷಕ್ಕೆ ಮತ್ತೊಬ್ಬ ರೈತ ಉತ್ತಮವಾಗಿ ಅಧಿಕ ಪ್ರಮಾಣದ ಹಾಲು ಕರೆಯಲು ಸಮರ್ಥನಾಗಲು ಪ್ರೋತ್ಸಾಹಿಸುವುದೇ ಕಾರ್ಯಕ್ರಮದ ಮುಖ್ಯ ಉದ್ದೇಶ ಎಂದು ನೆಲಮಂಗಲದ ಪಶುವೈದ್ಯಾಧಿಕಾರಿ ಡಾ.ಎಲ್‌.ಕೆ. ಜಯರಾಮಯ್ಯ ತಿಳಿಸಿದ್ದಾರೆ. ಸ್ಪರ್ಧೆಗೆ ನೋಂದಣಿ ಹೀಗೆ ಮಾಡಿ ಜಿಲ್ಲಾಮಟ್ಟದ ಹಾಲು ಕರೆಯುವ ಸ್ಪರ್ಧೆಯಲ್ಲಿ ಭಾಗವಹಿಸಲು ದೇವನಹಳ್ಳಿ ತಾಲೂಕಿನ ಯಲಿಯೂರು ಹಾಲು ಉತ್ಪಾದಕರ ಸಹಕಾರ ಸಂಘಕ್ಕೆ ಭೇಟಿ ನೀಡಬಹುದು. ಸ್ಪರ್ಧೆಯಲ್ಲಿ ಭಾಗವಹಿಸುವ ಹಸುಗಳಿಗೆ ಮೇವು, ನೀರು, ತಾತ್ಕಾಲಿಕ ಕೊಟ್ಟಿಗೆ ವ್ಯವಸ್ಥೆ, ಹಸುವಿನ ಮಾಲೀಕರು ಹಾಗೂ ಹಾಲು ಕರೆಯುವವರಿಗೆ ಊಟ ಮತ್ತು ಉಪಹಾರದ ವ್ಯವಸ್ಥೆ ಹಾಗೂ ಪಶುವೈದ್ಯಕೀಯ ಸೌಲಭ್ಯ ಒದಗಿಸಲಾಗುವುದು. ಮಾಹಿತಿಗೆ ದೇವನಹಳ್ಳಿಯ ಡಾ.ವಿಶ್ವನಾಥ್‌ 9900213430, ಡಾ.ನಾರಾಯಣಸ್ವಾಮಿ 9591444951, ಡಾ.ಮಂಜುನಾಥ್‌ 9480687978, ದೊಡ್ಡಬಳ್ಳಾಪುರದ ಡಾ.ಆಂಜಿನಪ್ಪ, 9632047920, ನೆಲಮಂಗಲದ ಡಾ.ಸಿದ್ದಪ್ಪ 9845637387, ಡಾ.ಎಲ್‌.ಕೆ. ಜಯರಾಮಯ್ಯ 9972743662, ಹೊಸಕೋಟೆಯ ಡಾ.ಎಂ.ಕೆ. ಮಂಜುನಾಥ 9448988649, ಡಾ.ಸರ್ವೇಶ್‌ 997220171 ಅನ್ನು ಸಂಪರ್ಕಿಸಬಹುದಾಗಿದೆ. ಬಹುಮಾನ ಎಷ್ಟೆಷ್ಟು?

• ಪ್ರಥಮ : 25 ಸಾವಿರ
• ದ್ವಿತೀಯ : 20 ಸಾವಿರ
• ತೃತೀಯ : 10 ಸಾವಿರ
• ಉಳಿದವರಿಗೆ ಸಮಾಧಾನಕರ ಬಹುಮಾನ(ಪ್ರಮಾಣ ಪತ್ರ, ಮೊಮೆಂಟೋ)
• ಪ್ರವೇಶ ಶುಲ್ಕ 100ರೂ.

ಸ್ಪರ್ಧೆ ಯಾವಾಗ?

• ಮಾ.5ರಂದು ಬೆಳಗ್ಗೆ 6.30ಕ್ಕೆ, ಸಂಜೆ 5.30
• ಸ್ಥಳ: ಯಲಿಯೂರು, ದೇವನಹಳ್ಳಿ ತಾಲೂಕು

ಜಿಲ್ಲೆಯಲ್ಲಿ ಗುಣಮಟ್ಟದ ಹಾಲಿಕ ಪೂರೈಕೆಯ ಪ್ರಮಾಣ ಹೆಚ್ಚಿಸುವಲ್ಲಿ ರೈತರನ್ನು ಪ್ರೇರೇಪಿಸುವ ಉದ್ದೇಶದಿಂದ ಸ್ಪರ್ಧೆ ಆಯೋಜನೆ ಮಾಡಲಾಗುತ್ತಿದ್ದು, ರೈತರು ಭಾಗವಹಿಸಿ ಬಹುಮಾನ ಪಡೆಯಬಹುದಾಗಿದೆ. ಡಾ.ನಾಗರಾಜ್‌ ಗೌಡ ಉಪನಿರ್ದೇಶಕ, ಪಶುಪಾಲನೆ ಮತ್ತು ಪಶುವೈದ್ಯಕೀಯ ಸೇವಾ ಇಲಾಖೆ

from India & World News in Kannada | VK Polls https://ift.tt/3uKZqtK