ವಾಷಿಂಗ್ಟನ್: ತಮ್ಮ ಎರಡು ದಿನ ಪ್ರವಾಸದಿಂದ ತೀವ್ರ ಉಲ್ಲಾಸಿತರಾಗಿರುವ ಅಧ್ಯಕ್ಷ , ಮೊಟೆರಾ ಕ್ರೀಡಾಂಗಣದಲ್ಲಿ ಸೇರಿದ ಜನಸ್ತೋಮ ಕಂಡು ಬೆರಗಾಗಿದ್ದಾರೆ. ಈ ಕುರಿತು ಖುದ್ದು ಮಾಹಿತಿ ನೀಡಿರುವ ಟ್ರಂಪ್, ಭಾರತದಲ್ಲಿ '' ಕಾರ್ಯಕ್ರಮದಲ್ಲಿ ಭಾಗಿಯಾದ ಜನಸ್ತೋಮ ಕಂಡ ಬಳಿಕ ಅಮೆರಿಕದಲ್ಲಿ ನಡೆಯುವ ಸಭೆಗಳ ಕುರಿತು ಉತ್ಸಾಹ ಕಳೆದುಕೊಂಡಿರುವುದಾಗಿ ಹೇಳಿದ್ದಾರೆ. ಭಾರತದ ಭೇಟಿಯ ಬಳಿಕ ಅಮೆರಿಕದಲ್ಲಿ ನಡೆಯುವ ಸಭೆಗಳು ದೊಡ್ಡದೆನಿಸುತ್ತಿಲ್ಲ ಎಂದಿರುವ ಟ್ರಂಪ್, ಮೊಟೆರಾ ಕ್ರೀಡಾಂಗಣದ ಸಭೆ ಎಂದೆಂದಿಗೂ ಮರೆಯಲಾಗದ ಕ್ಷಣ ಎಂದು ಹೇಳಿದ್ದಾರೆ. ಭಾರತೀಯರು ತಮ್ಮ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಎಷ್ಟು ಪ್ರೀತಿಸುತ್ತಾರೆ ಎಂಬುದಕ್ಕೆ ಮೊಟೆರಾ ಕ್ರೀಡಾಂಗಣದ ಸಭೆಯೇ ಸಾಕ್ಷಿ ಎಂದಿರುವ ಟ್ರಂಪ್, ಇಂತಹ ಅಭೂತಪೂರ್ವ ಸಭೆಗೆ ತಮ್ಮನ್ನ ಆಹ್ವಾನಿಸಿದ್ದಕ್ಕೆ ಪ್ರಧಾನಿ ಮೋದಿಗೆ ಧನ್ಯವಾದ ಅರ್ಪಿಸಿದ್ದಾರೆ. ದಕ್ಷಿಣ ಕೊರೊಲಿನಾದಲ್ಲಿ ಸಾರ್ವಜನಿಕ ಸಭೆ ಉದ್ದೇಶಿಸಿ ಮಾತನಾಡಿದ ಟ್ರಂಪ್, ಈ ಹಾಲ್'ನಲ್ಲಿ ಸುಮಾರು 60 ಸಾವಿರ ಜನ ಕೂರಲು ಅವಕಾಶವಿದ್ದರೂ ಹೆಚ್ಚೆಂದರೆ 15 ಸಾವಿರ ಜನ ಉಪಸ್ಥಿತರಿದ್ದಾರೆ. ಭಾರತದಲ್ಲಿ ಒಂದು ಲಕ್ಷ ಜನರನ್ನು ನೋಡಿದ ಬಳಿಕ ತಮಗೆ ಈ ಸಭೆಗಳ ಮೇಲಿನ ಉತ್ಸಾಹವೇ ಕಡಿಮೆಯಾಗಿದೆ ಎಂದು ಹೇಳಿದರು. ಕಳೆದ ಫೇ. ೨೪ರಂದು ಅಹಮದಾಬಾದ್'ನ ಮೊಟೆರಾ ಕ್ರೀಡಾಂಗಣದಲ್ಲಿ ನಡೆದ 'ನಮಸ್ತೆ ಟ್ರಂಪ್' ಕಾರ್ಯಕ್ರಮದಲ್ಲಿ ಸುಮಾರು ಒಂದು ಲಕ್ಷಕ್ಕೂ ಅಧಿಕ ಜನ ಸೇರಿದ್ದನ್ನು ಇಲ್ಲಿ ಸ್ಮರಿಸಬಹುದು.
from India & World News in Kannada | VK Polls https://ift.tt/2Vv5jfn
