ಹೊಸದಿಲ್ಲಿ: ಮೂಲದ ಕಂಪನಿಯಿಂದ ಹೂಡಿಕೆದಾರರ ಷೇರುಗಳ ದುರ್ಬಳಕೆಯಾಗಿರುವುದು ಸೆಬಿ ತನಿಖೆಯಿಂದ ಬಯಲಾಗಿದ್ದು, 2,800 ಕೋಟಿ ರೂ.ಗಳ ಹಗರಣ ನಡೆದಿರುವ ಸಾಧ್ಯತೆ ಇದೆ. ರಿಟೇಲ್ ಹೂಡಿಕೆದಾರರನ್ನು ಆತಂಕಿತಗೊಳಿಸಿರುವ ಈ ಹಗರಣದಲ್ಲಿಆಗಿದ್ದೇನು? ಏನಿದು ಹಗರಣ? ಕಾರ್ವಿ ಸ್ಟಾಕ್ ಬ್ರೋಕಿಂಗ್ ಸಂಸ್ಥೆಯು ತನ್ನ ಗ್ರಾಹಕರ ಹೆಸರಿನಲ್ಲಿದ್ದ ಷೇರುಗಳು ಮತ್ತು ಸೆಕ್ಯುರಿಟೀಸ್ ಗಳನ್ನು ಬ್ಯಾಂಕ್ಗಳಲ್ಲಿಅಡಮಾನವಿಟ್ಟು ಭಾರಿ ಮೊತ್ತದ ಸಾಲ ತೆಗೆದು ದುರ್ಬಳಕೆ ಮಾಡಿರುವ ಆರೋಪ ಎದುರಿಸುತ್ತಿದೆ. ಒಟ್ಟು 2,800 ಕೋಟಿ ರೂ.ಗಳಷ್ಟು ಅವ್ಯವಹಾರ ನಡೆದಿರುವ ಶಂಕೆ ಇದ್ದು, ಸೆಬಿ ತನಿಖೆ ನಡೆಸುತ್ತಿದೆ. ಸುಮಾರು 95,000ಕ್ಕೂ ಹೆಚ್ಚು ಗ್ರಾಹಕರನ್ನು ಕಾರ್ವಿ ಹೊಂದಿದ್ದು, ಇವರ ಷೇರು, ಸೆಕ್ಯುರಿಟೀಸ್ಗಳನ್ನು ದುರ್ಬಳಕೆ ಮಾಡಿದ ಆರೋಪ ಎದುರಿಸುತ್ತಿದೆ. ಹಗರಣ ಬಯಲಾಗಿದ್ದು ಹೇಗೆ? 2018ರ ಡಿಸೆಂಬರ್ನಲ್ಲಿಹೂಡಿಕೆದಾರರು ಕಂಪನಿಯ ಬ್ರೋಕರ್ಗಳು ವ್ಯವಹಾರ ನಡೆಸಿರುವ ಬಗ್ಗೆ ಸೆಬಿಗೆ ದೂರು ದಾಖಲಿಸಿದರು. ಕೆಲವು ಬ್ರೋಕರ್ ಗಳು ಹೂಡಿಕೆದಾರರ ನಿಗದಿತ ಡಿಮ್ಯಾಟ್ ಮತ್ತು ಬ್ಯಾಂಕ್ ಖಾತೆಗೆ ಷೇರುಗಳು ಮತ್ತು ಹಣದ ವರ್ಗಾವಣೆ ಮಾಡಿರಲಿಲ್ಲ. ಈ ಹಿನ್ನೆಲೆಯಲ್ಲಿಸೆಬಿಯ ತನಿಖೆ ಮುಂದುವರಿದಾಗ ಹಗರಣ ಬಯಲಾಗಿದೆ. ಸೆಬಿ ನಿಷೇಧ: ಹಗರಣ ಬಯಲಾದ ಬೆನ್ನಲ್ಲೇ ಮಾರುಕಟ್ಟೆ ನಿಯಂತ್ರಕ ಸೆಬಿಯು ಕಾರ್ವಿ ಸ್ಟಾಕ್ ಬ್ರೋಕಿಂಗ್ಗೆ ಹೊಸ ಗ್ರಾಹಕರನ್ನು ಸೇರಿಸಿಕೊಳ್ಳದಂತೆ ನಿಷೇಧಿಸಿದೆ.
from India & World News in Kannada | VK Polls https://ift.tt/2DOqtuA
