ಲಾಹೋರ್: ಪ್ರವಾಸದಲ್ಲಿ ತಂಡ ಮೊದಲಿಗೆ ಟಿ20 ಕ್ರಿಕೆಟ್ ಸರಣಿಯಲ್ಲಿ ನಿರಾಸೆ ಅನುಭವಿಸಿದರೆ, ಬಳಿಕ 2 ಪಂದ್ಯಗಳ ಟೆಸ್ಟ್ ಸರಣಿಯಲ್ಲೂ ವೈಟ್ವಾಷ್ ಸೋಲಿನ ಮುಖಭಂಗ ಅನುಭವಿಸಿತು. ಈ ಹೀನಾಯ ಸೋಲಿನ ಬಳಿಕ ಮಾತಿಗಿಳಿದಿರುವ ಪಾಕಿಸ್ತಾನ ತಂಡದ ಕೋಚ್ ಮತ್ತು ಮುಖ್ಯ ಆಯ್ಕೆದಾರ , ಕೆಲ ಪ್ರಮುಖ ಆಟಗಾರ ಕಳಪೆ ಫಾರ್ಮ್ ಮತ್ತು ಬೌಲಿಂಗ್ ವಿಭಾಗದ ವೈಫಲ್ಯವೇ ಈ ಫಲಿತಾಂಶಕ್ಕೆ ಕಾರಣ ಎಂದು ಹೇಳಿದ್ದಾರೆ. "ಯಾಸಿರ್ ಶಾ ಮತ್ತು ಮೊಹಮ್ಮದ್ ಅಬ್ಬಾಸ್ ನಮ್ಮ ತಂಡದ ಪ್ರಮುಖ ಬೌಲರ್ಗಳು. ಆದರೂ ನಮ್ಮ ಬೌಲಿಂಗ್ ವಿಭಾಗ ಅಷ್ಟು ಪರಿಣಾಮಕಾರಿ ಆಗಿರಲಿಲ್ಲ. ಬ್ಯಾಟಿಂಗ್ನಲ್ಲೂ ಅಝರ್ ಅಲಿ ಅವರಂತಹ ಪ್ರಮುಖ ಆಟಗಾರರಿಂದ ನಿರೀಕ್ಷಿತ ಪ್ರದರ್ಶನ ಹೊರಬಂದಿಲ್ಲ. ಒತ್ತಡ ನಿರ್ಮಿಸಿ ಆಸ್ಟ್ರೇಲಿಯಾ ಬ್ಯಾಟ್ಸ್ಮನ್ಗಳನ್ನು ಔಟ್ ಮಾಡುವಲ್ಲಿ ವಿಫಲರಾದೆವು. ಈ ಸಮಸ್ತೆ ಈ ಹಿಂದೆಯೂ ನಮ್ಮನ್ನು ಕಾಡಿದೆ," ಎಂದು ಮಿಸ್ಬಾ ಹೀನಾಯ ಸರಣಿ ಸೋಲಿಗೆ ಕಾರಣಕೊಟ್ಟಿದ್ದಾರೆ. ಇನ್ನು ಆಸೀಸ್ ಅಂಗಣದಲ್ಲಿ ಯಶಸ್ಸು ಕಾಣಬೇಕಾದರೆ ಪಾಕಿಸ್ತಾನ ತಂಡ ಮಾಡಬೇಕಾಗಿರುವುದಾದರೂ ಏನು ಎಂದು ಕೇಳಲಾದ ಪ್ರಶಸ್ನೆಗೆ ಉತ್ತರಿಸಿದ ಮಿಸ್ಬಾ, "ಇಲ್ಲಿ ಯಶಸ್ಸು ಗಳಿಸಬೇಕಾದರೆ ಮೊದಲು ಇಲ್ಲಿನ ಪಿಚ್ಗಳಲ್ಲಿ ಯಾವ ರೀತಿ ಬೌಲಿಂಗ್ ನಡೆಸಬೇಕು ಎಂಬುದನ್ನು ಅರಿತುಕೊಳ್ಳಬೇಕು. ಬ್ಯಾಟಿಂಗ್ ವಿಭಾಗದಲ್ಲಿ ತಾಂತ್ರಿಕವಾಗಿ ಕೆಲ ಹೊಂದಾಣಿಕೆಗಳನ್ನು ತಂದುಕೊಳ್ಳುವ ಅಗತ್ಯವಿದೆ. ಏಕೆಂದರೆ ಇಲ್ಲಿ ನೀವು ರನ್ ಗಳಿಸುವ ವಿಭಾಗಗಳೇ ಬದಲಾಗುತ್ತದೆ. ಭವಿಷ್ಯದಲ್ಲಿ ಈ ಅಂಶಗಳ ಕಡೆಗೆ ಗಮನ ನೀಡಬೇಕಿದೆ," ಎಂದಿದ್ದಾರೆ. ಅಡಿಲೇಡ್ ಓವಲ್ನಲ್ಲಿ ನಡೆದ ಪಿಂಕ್ ಬಾಲ್ ಟೆಸ್ಟ್ ಪಂದ್ಯದಲ್ಲಿ ಪಾಕ್ ಪಡೆಯನ್ನು ಇನಿಂಗ್ಸ್ ಮತ್ತು 48 ರನ್ಗಳಿಂದ ಬಗ್ಗುಬಡಿದ ಆಸ್ಟ್ರೇಲಿಯಾ ತಂಡ 2-0 ಅಂತರದಲ್ಲಿ ಸರಣಿ ಗೆದ್ದುಕೊಂಡಿತು. ಇದಕ್ಕೂ ಮುನ್ನ 3 ಪಂದ್ಯಗಳ ಟಿ20-ಐ ಸರಣಿಯಲ್ಲೂ ಆಸೀಸ್ 2-0 ಅಂತರದ ಜಯ ದಾಖಲಿಸಿತ್ತು. ಮೊದಲ ಟಿ20 ಪಂದ್ಯ ಮಳೆಯ ಕಾರಣ ಫಲಿತಾಂಶ ಕಾಣದೇ ಹೋಯಿತು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2sEjxOt
