ಹೊಸದಿಲ್ಲಿ: ಉತ್ತರ ಭಾರತದ ಬಹುತೇಕ ಕಡೆ ಮುಂದುವರಿದಿದ್ದು, ರಾಜಸ್ಥಾನದ ಅತ್ಯಂತ ಶೀತ ಪ್ರದೇಶವಾದ ಶಿಕಾರ್ನಲ್ಲಿ ಕನಿಷ್ಠ ತಾಪಮಾನ 2.5 ಡಿಗ್ರಿ ಸೆಲ್ಸಿಯಸ್ನಷ್ಟು ದಾಖಲಾಗಿದೆ. ಪಿಲನಿ, ಚುರು, ಜೈಸಲ್ಮೇರ್ ಮತ್ತು ಗಂಗಾನಗರದಲ್ಲಿ ಕನಿಷ್ಠ ತಾಪಮಾನ 4.3 ಹಾಗೂ 5.8 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದೆ. ಹರಿಯಾಣ ಮತ್ತು ಪಂಜಾಬ್ನಲ್ಲೂ ಶೀತ ವಾತಾವರಣ ಉಂಟಾಗಿದೆ. ಹರಿಯಾಣದ ನಾರ್ನೌಲ್ನಲ್ಲಿ ಕನಿಷ್ಠ ತಾಪಮಾನ 3.2 ಡಿಗ್ರಿ ಸೆಲ್ಸಿಯಸ್ನಷ್ಟು ದಾಖಲಾಗಿದ್ದರೆ, ಹಿಸ್ಸಾರ್ನಲ್ಲಿ 4.1 ಡಿಗ್ರಿ ಸೆಲ್ಸಿಯಸ್ನಷ್ಟು ದಾಖಲಾಗಿದೆ. ಇನ್ನು ಎರಡು ದಿನಗಳ ಕಾಲ ಇದೇ ರೀತಿಯ ಶೀತ ವಾತಾವರಣ ಮುಂದುವರಿಯಲಿದೆ ಎಂದು ಹವಾಮಾನ ಇಲಾಖೆ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಜಮ್ಮು ಮತ್ತು ಕಾಶ್ಮೀರದಲ್ಲಿ ವಿಶೇಷವಾಗಿ ಕಾಶ್ಮೀರ ವಲಯದಲ್ಲಿ ಕಳೆದೆರಡು ವಾರಗಳಿಂದ ಶೀತಗಾಳಿ ಮುಂದುವರಿದಿದೆ. 40 ದಿನಗಳ ವಿಪರೀತ ಶೀತಗಾಳಿ ಬೀಸಲಾರಂಭಿಸಿದೆ. ಕಣಿವೆಯ ಬಹುತೇಕ ಕಡೆಗಳಲ್ಲಿ ತಾಪಮಾನ ತೀವ್ರವಾಗಿ ಕುಸಿದಿದ್ದು, ಬೇಸಿಗೆ ರಾಜಧಾನಿ ಶ್ರೀನಗರದಲ್ಲೂ ಹಿಂದೆಂದೂ ಇರದಂತಹ ಶೀತ ವಾತಾವರಣ ನಿರ್ಮಾಣವಾಗಿದೆ. ನಗರದಲ್ಲಿ ಕನಿಷ್ಠ ತಾಪಮಾನ ಮೈನಸ್ 4.3 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಉತ್ತರ ಕಾಶ್ಮೀರದ ಗುಲ್ಮಾರ್ಗ್ನ ಪ್ರಸಿದ್ಧ ಸ್ಕೈ ರೆಸಾರ್ಟ್ನಲ್ಲಿ ಹಲವು ಅಡಿಗಳಷ್ಟು ಹಿಮಪಾತ ಉಂಟಾಗಿದ್ದು, ಈ ಪ್ರದೇಶದಲ್ಲಿ ಮೈನಸ್ 9 ಡಿಗ್ರಿ ಸೆಲ್ಸಿಯೆಸ್ ತಾಪಮಾನ ದಾಖಲಾಗಿದೆ. ಕಾಶ್ಮೀರದ ಅತ್ಯಂತ ತಂಪಾದ ಪ್ರದೇಶ ದಕ್ಷಿಣ ಕಾಶ್ಮೀರದ ಪಹಲ್ಗಾಮ್ನಲ್ಲಿರುವ ಹಿಲ್ ರೆಸಾರ್ಟ್ನಲ್ಲಿ ಮೈನಸ್ 11.4 ಡಿಗ್ರಿಗಿಂತಲೂ ಕಡಿಮೆ ತಾಪಮಾನ ದಾಖಲಾಗಿದೆ.
from India & World News in Kannada | VK Polls https://ift.tt/372q1FM
