ಅಡಿಲೇಡ್‌: ವಿರುದ್ಧದ ಡೇ-ನೈಟ್‌ ಟೆಸ್ಟ್‌ ಪಂದ್ಯದಲ್ಲಿ ತ್ರಿಶತಕ ಸಿಡಿಸುವ ಮೂಲಕ ಅಸ್ಟ್ರೇಲಿಯಾ ತಂಡದ ಆರಂಭಿಕ ಬ್ಯಾಟ್ಸ್‌ಮನ್‌ ಹಲವು ದಾಖಲೆಗಳನ್ನು ನುಚ್ಚು ನೂರು ಮಾಡಿದ್ದಾರೆ. ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಕಳೆದ ಮೂರು ವರ್ಷಗಳಲ್ಲಿ ದಾಖಲಾದ ಮೊತ್ತ ಮೊದಲ ತ್ರಿಶತಕ ಇದಾದರೆ, ಪಿಂಕ್‌ ಬಾಲ್‌ ಟೆಸ್ಟ್‌ನಲ್ಲಿ ದಾಖಲಾದ ಚೊಚ್ಚಲ ತ್ರಿಶತಕ ಕೂಡ. ಅಡಿಲೇಡ್‌ ಓವಲ್‌ನಲ್ಲಿ ನಡೆಯುತ್ತಿರುವ ಪಾಕ್‌ ವಿರುದ್ಧದ 2ನೇ ಟೆಸ್ಟ್‌ ಪಂದ್ಯದಲ್ಲಿ ಎದುರಿಸಿದ 418 ಎಸೆತಗಳಲ್ಲಿ ಅಜೇಯ 335 ರನ್‌ಗಳನ್ನು ಚಚ್ಚಿದ ವಾರ್ನರ್‌, ತಂಡಕ್ಕೆ ಮೊದಲ ಇನಿಂಗ್ಸ್‌ನಲ್ಲಿ 589/3 ಡಿ. ರನ್‌ಗಳ ಬೃಹತ್‌ ಮೊತ್ತ ತಂದುಕೊಟ್ಟರು. ವಾರ್ನರ್‌ ಇದೇ ವೇಳೆ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಆಸ್ಟ್ರೇಲಿಯಾದ ಬ್ಯಾಟಿಂಗ್‌ ದಂತಕತೆ ಸರ್‌ ಡೊನಾಲ್ಡ್‌ ಬ್ರಾಡ್ಮನ್ ಅವರ ಗರಿಷ್ಠ ಟೆಸ್ಟ್‌ ರನ್‌ಗಳ ದಾಖಲೆಯನ್ನು ಮುರಿದಿದ್ದಾರೆ. ಬ್ರಾಡ್ಮನ್ ತಮ್ಮ ಟೆಸ್ಟ್‌ ವೃತ್ತಿ ಬದುಕಿನಲ್ಲಿ ಇನಿಂಗ್ಸ್‌ ಒಂದರಲ್ಲಿ 334 ರನ್‌ಗಳ ವೈಯಕ್ತಿಕ ಗರಿಷ್ಠ ರನ್ ದಾಖಲಿಸಿದ್ದರು. ಡೇ-ನೈಟ್‌ ಟೆಸ್ಟ್‌ನಲ್ಲಿ ತ್ರಿಶತಕ ದಾಖಲಿಸಿದ ಸಂಭ್ರಮವನ್ನು ಹಂಚಿಕೊಂಡ ವಾರ್ನರ್‌, ಈ ಸಂದರ್ಭದಲ್ಲಿ ತಾವು ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಯಶಸ್ಸು ಕಾಣಲು ಭಾರತ ತಂಡದ ಮಾಜಿ ಆರಂಭಿಕ ಬ್ಯಾಟ್ಸ್‌ಮನ್‌ ಕಾರಣ ಎಂಬ ಅಚ್ಚರಿಯ ಸತ್ಯವನ್ನು ಬಾಯ್ಬಿಟ್ಟಿದ್ದಾರೆ. ತಾವು ಟಿ20 ಬ್ಯಾಟ್ಸ್‌ಮನ್‌ ಆಗುವುದಕ್ಕಿಂತಲೂ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಯಶಸ್ಸು ಗಳಿಸುವುದಾಗಿ ಸೆಹ್ವಾಗ್‌ ನೀಡಿದ ಆತ್ಮವಿಶ್ವಾಸವನ್ನು ವಾರ್ನರ್‌ ಸ್ಮರಿಸಿದ್ದಾರೆ. "ಐಪಿಎಲ್‌ ಟೂರ್ನಿ ವೇಳೆ ಡೆಲ್ಲಿ ಡೇರ್‌ಡೆವಿಲ್ಸ್‌ ತಂಡದ ಪರ ಆಡುವ ಸಂದರ್ಭದಲ್ಲಿ ಸೆಹ್ವಾಗ್‌ ಅವರನ್ನು ಭೇಟಿಯಾಗಿದ್ದೆ. ಅವರು ನನ್ನ ಬಳಿ ಕುಳಿತು ನಾನು ಟಿ20ಗಿಂತಲೂ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಉತ್ತಮ ಬ್ಯಾಟ್ಸ್‌ಮನ್‌ ಆಗಬಲ್ಲೆ ಎಂದು ಹೇಳಿದ್ದರು. ನಿಮಗೆ ತಲೆಕೆಟ್ಟಿದೆ ಎಂದು ನಾನು ಅವರಿಗೆ ಹೇಳಿದ್ದೆ. ಏಕೆಂದರೆ ನಾನು ಹೆಚ್ಚು ಪ್ರಥಮದರ್ಜೆ ಕ್ರಿಕೆಟ್ ಆಡಿರಲಿಲ್ಲ. ಆದರೂ ಅವರು ಟೆಸ್ಟ್‌ನಲ್ಲಿ ಸ್ಲಿಪ್‌ ಮತ್ತು ಗಲ್ಲಿ ಫೀಲ್ಡರ್‌ಗಳಿರುತ್ತಾರೆ ಹೀಗಾಗಿ ಕವರ್ಸ್‌ ಮತ್ತು ಮಿಡ್‌ವಿಕೆಟ್‌ ಭಾಗ ಫೀಲ್ಡರ್ಸ್‌ ಮುಕ್ತವಾಗಿರುತ್ತದೆ. ಹೀಗಿರುವಾಗ ನೀನು ಉತ್ತಮ ಆರಂಭ ಪಡೆದರೆ, ದಿನಪೂರ್ತಿ ಬ್ಯಾಟ್‌ ಮಾಡಿ ರನ್ ಗಳಿಸುತ್ತಲೇ ಇರಬಹುದು ಎಂದು ಸೆಹ್ವಾಗ್‌ ಹೇಳಿದ್ದರು. ಈಗಲೂ ಕೂಡ ಆ ಮಾತುಗಳು ನನ್ನ ತಲೆಯಲ್ಲಿವೆ," ಎಂದು ಸೆಹ್ವಾಗ್‌ ನೀಡಿದ ಮಾರ್ಗದರ್ಶನ ಕುರಿತಾಗಿ ವಾರ್ನರ್‌ ಹೇಳಿಕೊಂಡಿದ್ದಾರೆ. ಪಾಕ್‌ ವಿರುದ್ಧದ ಡೇ ನೈಟ್‌ ಟೆಸ್ಟ್‌ನಲ್ಲಿ 3 ವಿಕೆಟ್‌ಗೆ 589 ರನ್ ದಾಖಲಿಸಿ ಇನಿಂಗ್ಸ್‌ ಡಿಕ್ಲೇರ್‌ ಮಾಡಿಕೊಂಡ ಆಸ್ಟ್ರೇಲಿಯಾ ತಂಡ, ಬಳಿಕ ಪ್ರವಾಸಿ ಪಡೆಯನ್ನು 302 ರನ್‌ಗೆ ಆಲ್‌ಔಟ್‌ ಮಾಡಿ ಫಾಲೋಆನ್‌ ಹೇರಿದೆ. 2ನೇ ಇನಿಂಗ್ಸ್‌ನಲ್ಲೂ ಪಾಕಿಸ್ತಾನ ತಂಡ 18ಕ್ಕೆ 2 ವಿಕೆಟ್‌ ಕಳೆದುಕೊಂಡಿದ್ದು ಇನಿಂಗ್ಸ್‌ ಸೋಲಿನ ಸುಳಿಯಲ್ಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/37Wuqez
