ಅಡಿಲೇಡ್‌: ತಂಡದ ಡ್ಯಾಷಿಂಗ್‌ ಓಪನರ್‌ , ಆ್ಯಷಸ್‌ ಟೆಸ್ಟ್‌ ಸರಣಿಯ ವೈಫಲ್ಯವನ್ನು ಬದಿಗೊತ್ತಿ ವಿರುದ್ಧದ ಟೆಸ್ಟ್‌ ಸರಣಿಯಲ್ಲಿ ಭರ್ಜರಿ ಕಮ್‌ಬ್ಯಾಕ್‌ ಮಾಡಿದ್ದು ಡೇ-ನೈಟ್‌ ಟೆಸ್ಟ್‌ ಪಂದ್ಯದಲ್ಲಿ ತ್ರಿಶತಕ ಸಿಡಿಸಿ ಅಬ್ಬರಿಸಿದ್ದಾರೆ. ಪ್ರವಾಸಿ ಪಾಕಿಸ್ತಾನ ವಿರುದ್ಧ ಅಡಿಲೇಡ್‌ ಓವಲ್‌ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಸರಣಿಯ ಎರಡನೇ ಟೆಸ್ಟ್‌ ಪಂದ್ಯದಲ್ಲಿ ವಾರ್ನರ್‌ 418 ಎಸೆತಗಳಲ್ಲಿ ಅಜೇಯ 335 ರನ್‌ ಗಳಿಸಿದ್ದರು. ಈ ಸಂದರ್ಭದಲ್ಲಿ ವಾರ್ನರ್‌, ಟಸ್ಟ್‌ ಕ್ರಿಕೆಟ್‌ನಲ್ಲಿ ವೈಯಕ್ತಿಕ ಗರಿಷ್ಠ ಮೊತ್ತದ ವಿಶ್ವ ದಾಖಲೆ ಆಗಿರುವ ವೆಸ್ಟ್‌ ಇಂಡೀಸ್‌ನ ಅವರ ಅಜೇಯ 400 ರನ್‌ಗಳನ್ನು ಮೆಟ್ಟಿನಿಲ್ಲುವ ಎಲ್ಲಾ ಸೂಚನೆ ನೀಡಿದ್ದರು. ಆದರೆ, ಆಸ್ಟ್ರೇಲಿಯಾ ತಂಡದ ನಾಯಕ ಟಿಮ್‌ ಪೇಯ್ನ್‌, 3 ವಿಕೆಟ್‌ ನಷ್ಟಕ್ಕೆ 589 ರನ್‌ಗಳನ್ನು ಗಳಿಸಿದ್ದ ಸಂದರ್ಭದಲ್ಲಿ ಇನಿಂಗ್ಸ್‌ ಡಿಕ್ಲೇರ್‌ ಮಾಡಿಕೊಂಡ ಪರಿಣಾಮ ವಾರ್ನರ್‌ಗೆ ಈ ವಿಶ್ವ ದಾಖಲೆ ಮುರಿಯುವ ಅವಕಾಶ ಕೈತಪ್ಪಿಹೋಯಿತು. ವಾರ್ನರ್‌ಗೆ ಈ ವಿಶ್ವ ದಾಖಲೆ ಬರೆಯಲು ಇನ್ನು ಕೇವಲ 65 ರನ್‌ಗಳ ಅಗತ್ಯವಿತ್ತು. ಲಾರಾ ದಾಖಲೆ ಮುರಿಯಲು ಭಾರತೀಯನ ಹೆಸರು ಹೇಳಿದ ವಾರ್ನರ್‌ವಿಶ್ವ ದಾಖಲೆ ತಮ್ಮ ಕೈತಪ್ಪಿ ಹೋದರೂ ಕಿಂಚಿತ್ತೂ ಬೇಸರ ವ್ಯಕ್ತ ಪಡಿಸದ ಡೇವಿಡ್‌ ವಾರ್ನರ್‌, ಶೀಘ್ರದಲ್ಲೇ ಈ ವಿಶ್ವ ದಾಖಲೆ ಮುರಿಯುತ್ತಾರೆ ಎಂಬ ಆತ್ಮವಿಶ್ವಾಸವಿದೆ ಎಂದು ಹೇಳಿದ್ದಾರೆ. ಬ್ರಿಯಾನ್‌ ಲಾರಾ 2004ರಲ್ಲಿ ಇಂಗ್ಲೆಂಡ್‌ ವಿರುದ್ಧ ವಿಶ್ವ ದಾಖಲೆಯ ಅಜೇಯ 400 ರನ್‌ಗಳನ್ನು ಚಚ್ಚಿದ್ದರು. "ಇದು ವ್ಯಕ್ತಿಯನ್ನೂ ಆಧರಿಸಿರುತ್ತದೆ. ನಮ್ಮಲ್ಲಿ ಎಲ್ಲಾ ಬೌಂಡರಿಗಳು ಬಹಳ ದೂರವಿದೆ. ಹೀಗಾಗಿ ಇಲ್ಲಿ ರನ್‌ ಗಳಿಸುವುದು ಸುಲಭವಲ್ಲ. ಅದರಲ್ಲೂ ದಣಿವು ಹೆಚ್ಚಿದ್ದಾಗಂತೂ ಇದು ಮತ್ತಷ್ಟು ಕಷ್ಟ. ಹೀಗಾಗಿ ಈ ಪ್ರಯತ್ನಕ್ಕೆ ಮುಂದಾಗುವುದು ಕೂಡ ಕಷ್ಟ. ಬೌಂಡರಿ ಗಳಿಸಲು ನನ್ನಿಂದ ಸಾಧ್ಯವಾಗುತ್ತಿಲ್ಲ ಎಂಬುದನ್ನು ಅರಿತು 2 ರನ್‌ಗಳನ್ನು ಗಳಿಸಲಾರಂಭಿಸಿದ್ದೆ. ಆದರೂ ಈ ದಾಖಲೆ ಮುರಿಯಲು ಯಾರಿಂದಾದರೂ ಸಾಧ್ಯವಿದೆ ಎಂದರೆ ಅದು ರೋಹಿತ್‌ ಶರ್ಮಾ ಎಂದು ಹೇಳಲು ಬಯಸುತ್ತೇನೆ," ಎಂದು ವಾರ್ನರ್‌ ಹೇಳಿದ್ದಾರೆ. ಏಕದಿನ ಕ್ರಿಕೆಟ್‌ನಲ್ಲಿ 264 ರನ್‌ಗಳ ವಿಶ್ವ ದಾಖಲೆಯ ಗರಿಷ್ಠ ಮೊತ್ತ ದಾಖಲಿಸಿರುವ ರೋಹಿತ್‌ ಶರ್ಮಾ ವಿಶ್ವಶ್ರೇಷ್ಠ ಬ್ಯಾಟ್ಸ್‌ಮನ್‌ ಆಗಿದ್ದಾರೆ. ಆದರೆ, ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಅವರ ಸಾಮರ್ಥ್ಯ ಅನಾವರಣಗೊಂಡಿರಲಿಲ್ಲ. ಮಧ್ಯಮ ಕ್ರಮಾಂಕದಲ್ಲಿ ಆಡಿದ್ದ ಕಾರಣ ಅವರಿಂದ ನಿರೀಕ್ಷಿತ ಪ್ರದರ್ಶನ ಹೊರಬಂದಿರಲಿಲ್ಲ. ಆದರೆ, ಇದೇ ವರ್ಷ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್‌ ಸರಣಿಯಲ್ಲಿ ರೋಹಿತ್‌ ಆರಂಭಿಕರಾಗಿ ಕಣಕ್ಕಿಳಿದು 4 ಇನಿಂಗ್ಸ್‌ಗಳಲ್ಲಿ ಒಂದು ದ್ವಿಶತಕ ಒಳಗೊಂಡ 3 ಶತಕಗಳನ್ನು ಬಾರಿಸಿದ್ದರು. ಈ ಮೂಲಕ ಟೆಸ್ಟ್‌ ಕ್ರಿಕೆಟ್‌ನಲ್ಲೂ ತಾವು ಆರಂಭಿಕರಾಗಿ ಮಿಂಚುವುದಾಗಿ ಸಾಬೀತು ಪಡಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2LcvYYf
