ಹೊಸದಿಲ್ಲಿ: ಪಾಕಿಸ್ತಾನ ವಿರುದ್ಧ ತವರಿನಲ್ಲಿ ನಡೆದ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಆಸ್ಟ್ರೇಲಿಯಾ 2-0 ಅಂತರದ ಕ್ಲೀನ್ ಸ್ವೀಪ್ ಜಯ ಗಳಿಸಿದೆ. ಈ ಮಧ್ಯೆ ಹೇಳಿಕೆ ನೀಡಿರುವ ಆಸ್ಟ್ರೇಲಿಯಾದ ಮಾಜಿ ಕಪ್ತಾನ , ಭಾರತಕ್ಕಿಂತಲೂ ಉತ್ತಮ ಬೌಲಿಂಗ್ ಪಡೆಯನ್ನು ಆಸೀಸ್ ಹೊಂದಿದೆ ಎಂದಿದ್ದಾರೆ. ಈಗಿನ ಭಾರತೀಯ ವೇಗದ ಬೌಲಿಂಗ್ ಪಡೆಯನ್ನು ಇತಿಹಾಸದಲ್ಲೇ ಅತ್ಯಂತ ಶ್ರೇಷ್ಠ ಎಂದು ಬಿಂಬಿಸಲಾಗುತ್ತಿದೆ. 1970-80ರ ದಶಕದ ವಿಂಡೀಸ್ ದಿಗ್ಗಜರೊಂದಿಗೆ ಭಾರತೀಯ ವೇಗಿಗಳನ್ನು ಹೋಲಿಸಲಾಗಿದೆ. ಕಳೆದ ಕೆಲವು ವರ್ಷಗಳಲ್ಲಿ ಯಶಸ್ಸಿನಲ್ಲಿ ವೇಗಿಗಳ ಪಾತ್ರ ಮಹತ್ತರವೆನಿಸಿದೆ. ಈ ನಡುವೆ ಪಂಟರ್ ಹೇಳಿಕೆಯು ಹೆಚ್ಚಿನ ಗೊಂದಲಕ್ಕೆ ಕಾರಣವಾಗಿದೆ. ಭಾರತ ಅದ್ಭುತ ಬೌಲಿಂಗ್ ಪಡೆಯನ್ನು ಹೊಂದಿದೆ. ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಶಮಿ ಕಳೆದೆರಡು ವರ್ಷಗಳಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡುತ್ತಿದೆ. ಈ ಪಡೆಗೆ ಉಮೇಶ್ ಯಾದವ್, ಇಶಾಂತ್ ಶರ್ಮಾ ಸೇರಿದ್ದಾರೆ. ಒಟ್ಟಾರೆಯಾಗಿ ಅತ್ಯುತ್ತಮ ಬೌಲಿಂಗ್ ಪಡೆಯನ್ನು ಹೊಂದಿದ್ದಾರೆ. ಇವರ ಜತೆಗೆ ರವಿಚಂದ್ರನ್ ಅಶ್ವಿನ್ ಹಾಗೂ ರವೀಂದ್ರ ಜಡೇಜಾ ಸೇರಿದಾಗ ಮತ್ತಷ್ಟು ಮಾರಕ ದಾಳಿಯನ್ನು ಹೊಂದಿದೆ ಎಂದು ತಿಳಿಸಿದರು. ಇಷ್ಟಾದರೂ ಭಾರತೀಯ ಸ್ಪಿನ್ನರ್ಗಳು ಆಸೀಸ್ನಲ್ಲಿ ವೈಫಲ್ಯವನ್ನು ಅನುಭವಿಸುತ್ತಿದ್ದಾರೆ. ಆಸೀಸ್ನಲ್ಲಿ ನಥನ್ ಲಯನ್ ಹೆಚ್ಚು ಪರಿಣಾಮಕಾರಿ ಎನಿಸಿದ್ದಾರೆ. ಮಿಚೆಲ್ ಸ್ಟಾರ್ಕ್ ಸಹ ವೈವಿಧ್ಯವನ್ನು ಹೊಂದಿದ್ದಾರೆ. ಒಟ್ಟಾರೆಯಾಗಿ ಆಸೀಸ್ ದಾಳಿಯು ಮತ್ತಷ್ಟು ಪ್ರಭಾವಿ ಎನಿಸಿಕೊಂಡಿದೆ ಎಂದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/34KsF2k
