ಬೆಂಗಳೂರು: ಹದಿನೈದನೇ ಆವೃತ್ತಿಯ ಟೂರ್ನಿ ಸಲುವಾಗಿ ಜನವರಿಯಲ್ಲಿ ದೊಡ್ಡ ಮಟ್ಟದ ಆಟಗಾರರ ಹರಾಜು ಪ್ರಕ್ರಿಯೆ ನಡೆಸಲು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಯೋಜನೆ ರೂಪಿಸಿದೆ. ಈ ನಿಟ್ಟಿನಲ್ಲಿ8 ಹೊಸ ತಂಡಗಳ ಪೈಕಿ ಒಂದಾದ ಫ್ರಾಂಚೈಸಿ ಯಾರೆಲ್ಲಾ ಆಟಗಾರರನ್ನು ತನ್ನ ತೆಕ್ಕೆಗೆ ತೆಗೆದುಕೊಳ್ಳಲಿದೆ ಎಂಬ ಭಾರಿ ಕುತೂಹಲ ಶುರುವಾಗಿದೆ. ಇನ್ನು ಪ್ರಕ್ರಿಯೆ ಆರಂಭಕ್ಕೂ ಮೊದಲೇ ಗರಿಷ್ಠ 3 ಆಟಗಾರರ ಜೊತೆಗೆ ಒಪ್ಪಂದ ಮಾಡಿಕೊಳ್ಳುವ ಅವಕಾಶ ಹೊಸ ತಂಡಗಳಿಗೆ ಇದೆ. ಹೀಗಾಗಿ ಮೆಗಾ ಆಕ್ಷನ್ಗೂ ಮೊದಲೇ ತಂಡದ ನಾಯಕನನ್ನಾಗಿ ಯುವ ತಾರೆ ಜೊತೆಗೆ ಅಹ್ಮದಾಬಾದ್ ತಂಡ ಒಪ್ಪಂದ ಮಾಡಿಕೊಳ್ಳುವ ಸಾಧ್ಯತೆ ಇದೆ. ವರದಿಗಳ ಪ್ರಕಾರ ಶ್ರೇಯಸ್ ಅಯ್ಯರ್ ಕ್ಯಾಪ್ಟನ್ಸಿ ಪಡೆಯುವ ಸಲುವಾಗಿಯೇ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ತೊರೆದಿದ್ದಾರೆ ಎನ್ನಲಾಗಿದೆ. ಐಪಿಎಲ್ನಲ್ಲಿ ಡೆಲ್ಲಿ ತಂಡವನ್ನು ಎರಡು ಬಾರಿ ನಾಕ್ಔಟ್ಸ್ ಹಂತಕ್ಕೆ ಮುನ್ನಡೆಸಿ ಒಮ್ಮೆ ರನ್ನರ್ಸ್ ಅಪ್ ಸ್ಥಾನ ದಕ್ಕಿಸಿಕೊಟ್ಟಿರುವ ಶ್ರೇಯಸ್ ನಾಯಕತ್ವದ ವಿಚಾರದಲ್ಲಿ ಸೈ ಎನಿಸಿಕೊಂಡಿದ್ದು, ಹೊಸ ಫ್ರಾಂಚೈಸಿಗಳ ರೆಡಾರ್ನಲ್ಲಿದ್ದಾರೆ. 3 ಸ್ಟಾರ್ಗಳಿಗೆ ಅಹ್ಮದಾಬಾದ್ ಮಣೆಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಮಿಂಚಿರುವ ಸ್ಟಾರ್ಗಳಾದ ಶ್ರೇಯಸ್ ಅಯ್ಯರ್, ಶಾರ್ದುಲ್ ಠಾಕೂರ್ ಮತ್ತು ಆರ್ ಅಶ್ವಿನ್ ಜೊತೆಗೆ ಹರಾಜಿಗೂ ಮೊದಲೇ ಅಹ್ಮದಾಬಾದ್ ಫ್ರಾಂಚೈಸಿ ಒಪ್ಪಂದ ಮಾಡಿಕೊಳ್ಳುವ ಸಾಧ್ಯತೆ ಇದೆ. ಬಳಿಕ ಹರಾಜಿನಲ್ಲಿ ತಂಡದ 4 ಪ್ರಮುಖ ವಿದೇಶಿ ಆಟಗಾರರನ್ನಾಗಿ ಜಾನಿ ಬೈರ್ಸ್ಟೋವ್, ಐಯಾನ್ ಮಾರ್ಗನ್, ಶಕಿಬ್ ಅಲ್ ಹಸನ್ ಮತ್ತು ಜೇಸನ್ ಹೋಲ್ಡರ್ ಅವರನ್ನು ಖರೀದಿಸುವ ಸಾಧ್ಯತೆ ಇದೆ. ಅನುಭವ ನಾಯಕ ಮಾರ್ಗನ್ ನಾಯಕತ್ವದ ವಿಚಾರದಲ್ಲಿ ಯುವ ಕ್ಯಾಪ್ಟನ್ ಶ್ರೇಯಸ್ ಅಯ್ಯರ್ಗೆ ತಮ್ಮ ಅನುಭವದ ಧಾರೆ ಎರೆಯಬಲ್ಲವರಾಗಿದ್ದಾರೆ. ಈ ನಡುವೆ ಶಕಿಬ್ ಅಲ್ ಹಸನ್ ಮತ್ತು ಜೇಸನ್ ಹೋಲ್ಡರ್ ಇಬ್ಬರೂ ತಮ್ಮ ಬ್ಯಾಟಿಂಗ್ ಮತ್ತು ಬೌಲಿಂಗ್ ಮೂಲಕ ಏಕಾಂಗಿಯಾಗಿ ಪಂದ್ಯಗಳನ್ನು ಗೆದ್ದುಕೊಡುವ ಸಾಮರ್ಥ್ಯ ಹೊಂದಿದ್ದಾರೆ. ತಂಡದ ಮಧ್ಯಮ ಕ್ರಮಾಂಕಕ್ಕೆ ಈ ಜೋಡಿ ಹೇಳಿ ಮಾಡಿಸಿದ ಆಯ್ಕೆ ಆಗಲಿದೆ. ಜಾನಿ ಬೈರ್ಸ್ಟೋವ್ ಕೀಪಿಂಗ್ ಜೊತೆಗೆ ತಂಡದ ಆರಂಭಿಕ ಬ್ಯಾಟ್ಸ್ಮನ್ ಆಗಿ ಸ್ಫೋಟಕ ಆರಂಭ ನೀಡಬಲ್ಲರು. ಒಟ್ಟಾರೆ ಯುವ ಮತ್ತು ಅನುಭವಿಗಳನ್ನು ಒಳಗೊಂಡ ಸಮತೋಲನದ ತಂಡ ಕಟ್ಟಿಕೊಳ್ಳುವ ಅವಕಾಶ ಅಹ್ಮದಾಬಾದ್ ತಂಡದ ಕೈಲಿದೆ. ಯುವ ಪ್ರತಿಭೆಗಳಿಗೆ ಅವಕಾಶ ಕೊಡಲಿದೆ ಲೀಗ್ನಲ್ಲಿ ಈಗಾಗಗಲೇ ಭಾರಿ ಸದ್ದು ಮಾಡಿರುವ ಯುವ ಪ್ರತಿಭೆಗಳಾದ ಓಪನರ್ ಪೃಥ್ವಿ ಶಾ, ದೇವದತ್ ಪಡಿಕ್ಕಲ್, ಎಡಗೈ ವೇಗಿ ಚೇತನ್ ಸಾಕರಿಯ ಹಾಗೂ ಲೆಗ್ ಸ್ಪಿನ್ನರ್ ರವಿ ಬಿಷ್ಣೋಯ್ ಅವರನ್ನು ತನ್ನ ತೆಕ್ಕೆಗೆ ತೆಗೆದುಕೊಳ್ಳಲು ಅಹ್ಮದಾಬಾದ್ ಶತ ಪ್ರಯತ್ನ ಮಾಡುವ ಸಾಧ್ಯತೆ ಇದೆ. ತಂಡದ ಭವಿಷ್ಯದ ನಿಟ್ಟಿನಲ್ಲೂ ಈ ಯುವ ತಾರೆಗಳು ಅತ್ಯುತ್ತಮ ಆಯ್ಕೆಯಾಗಲಿದ್ದಾರೆ. ಅಹ್ಮದಾಬಾದ್ ತಂಡದ ಸಂಭಾವ್ಯ ಇಲೆವೆನ್ ಹೀಗಿದೆ1. ಪೃಥ್ವಿ ಶಾ (ಓಪನರ್) 2. ಜಾನಿ ಬೈರ್ಸ್ಟೋವ್ (ವಿಕೆಟ್ಕೀಪರ್/ಬ್ಯಾಟ್ಸ್ಮನ್) 3. ದೇವದತ್ ಪಡಿಕ್ಕಲ್ (ಬ್ಯಾಟ್ಸ್ಮನ್) 4. ಶ್ರೇಯಸ್ ಅಯ್ಯರ್ (ಬ್ಯಾಟ್ಸ್ಮನ್/ಕ್ಯಾಪ್ಟನ್) 5. ಐಯಾನ್ ಮಾರ್ಗನ್ (ಬ್ಯಾಟ್ಸ್ಮನ್) 6. ಶಕಿಬ್ ಅಲ್ ಹಸನ್ (ಆಲ್ರೌಂಡರ್) 7. ಜೇಸನ್ ಹೋಲ್ಡರ್ (ಆಲ್ರೌಂಡರ್) 8. ಶಾರ್ದುಲ್ ಠಾಕೂರ್ (ಆಲ್ರೌಂಡರ್) 9. ಆರ್ ಅಶ್ವಿನ್ (ಆಫ್ ಸ್ಪಿನ್ನರ್) 10. ರವಿ ಬಿಷ್ಣೋಯ್ (ಲೆಗ್ ಸ್ಪಿನ್ನರ್) 11. ಚೇತನ್ ಸಾಕರಿಯ (ಎಡಗೈ ವೇಗಿ)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3F0Cg7j
