ಸೆಂಚೂರಿಯನ್‌: ಹಾಗೂ ನಡುವಿನ ಮೂರು ಪಂದ್ಯಗಳ ಟೆಸ್ಟ್ ಸರಣಿ ಭಾನುವಾರ ಇಲ್ಲಿನ ಸ್ಪೋರ್ಟ್ಸ್ ಪಾರ್ಕ್‌ನಲ್ಲಿ ಶುರುವಾಗಲಿದೆ. ರೋಹಿತ್ ಶರ್ಮಾ ಹಾಗೂ ಶುಭಮನ್‌ ಗಿಲ್‌ ಗಾಯದಿಂದಾಗಿ ಟೆಸ್ಟ್ ಸರಣಿಯಿಂದ ಹೊರಗುಳಿದಿರುವ ಹಿನ್ನೆಲೆಯಲ್ಲಿ ಕನ್ನಡಿಗರಾದ ಹಾಗೂ ಮಯಾಂಕ್‌ ಅಗರ್ವಾಲ್ ಆರಂಭಿಕ ಟೆಸ್ಟ್‌ನಲ್ಲಿ ಇನಿಂಗ್ಸ್‌ ಆರಂಭಿಸುವುದು ಬಹುತೇಕ ಖಚಿತ. ಅಂದಹಾಗೆ, ಬಾಕ್ಸಿಂಗ್‌ ಡೇ ಟೆಸ್ಟ್ ನಿಮಿತ್ತ ಸಹ ಆರಂಭಿಕ ಜೊತೆ ಕೆ.ಎಲ್‌ ರಾಹುಲ್ ಸಂಭಾಷಣೆ ನಡೆಸಿರುವ ವಿಡಿಯೋವನ್ನು ಬಿಸಿಸಿಐ ತನ್ನ ಅಧಿಕೃತ ಟ್ವಿಟರ್‌ನಲ್ಲಿ ಅಪ್‌ಲೋಡ್‌ ಮಾಡಿದೆ. ಈ ವಿಡಿಯೋದಲ್ಲಿ ಉಪ ನಾಯಕನ ಜವಾಬ್ದಾರಿ ಹಾಗೂ ಟೆಸ್ಟ್ ತಂಡಕ್ಕೆ ಕಮ್‌ಬ್ಯಾಕ್‌ ಮಾಡಿದ ಬಗ್ಗೆ ಸೇರಿದಂತೆ ಹಲವು ಅಂಶಗಳನ್ನು ರಾಹುಲ್ ಸ್ಮರಿಸಿಕೊಂಡಿದ್ದಾರೆ. 2014ರಲ್ಲಿ ಅಂತಾರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ್ದ ಕೆ.ಎಲ್‌ ರಾಹುಲ್ ಇಲ್ಲಿಯವರೆಗೂ ಆಡಿರುವ 40 ಪಂದ್ಯಗಳಲ್ಲಿ 35.16ರ ಸರಾಸರಿಯಲ್ಲಿ 2321 ರನ್‌ ಗಳಿಸಿದ್ದಾರೆ. ಇದರಲ್ಲಿ ಅವರು ಆರು ಶತಕಗಳು ಹಾಗೂ 12 ಅರ್ಧಶತಕಗಳನ್ನು ಸಿಡಿಸಿದ್ದಾರೆ. ಇದನ್ನು ಪರಿಗಣಿಸಿದ ಬಿಸಿಸಿಐ ರೋಹಿತ್ ಅನುಪಸ್ಥಿತಿಯಲ್ಲಿ ರಾಹುಲ್‌ಗೆ ಉಪ ನಾಯಕನ ಜವಾಬ್ದಾರಿಯನ್ನು ನೀಡಿದೆ. "ಈ ಹಿಂದೆ ಅನೇಕ ಕಡೆಗಳಲ್ಲಿ ನಾಯಕನಾಗಿ ಆಡಿದ್ದೇನೆ ಹಾಗೂ ಇಂಡಿಯನ್‌ ಪ್ರೀಮಿಯರ್‌ ಲಿಗ್‌ನಲ್ಲಿಯೂ ನಾಯಕತ್ವ ನಿರ್ವಹಿಸಿದ್ದೇನೆ. ಆದರೆ, ಭಾರತ ತಂಡದ ಉಪ ನಾಯಕತ್ವ ತುಂಬಾ ದೊಡ್ಡ ಜವಾಬ್ದಾರಿ. ಭಾರತ ತಂಡದ ಉಪ ನಾಯಕನಾಗಿರುವುದಕ್ಕೆ ನನಗೆ ತುಂಬಾ ಹೆಮ್ಮೆ ಇದೆ," ಎಂದು ಹೇಳಿದ್ದಾರೆ. ಕೆ.ಎಲ್‌ ರಾಹುಲ್ ಹಾಗೂ ಮಯಾಂಕ್‌ ಅಗರ್ವಾಲ್ 2019ರಲ್ಲಿ ಕೊನೆಯ ಬಾರಿ ಭಾರತ ತಂಡದ ಪರ ಸಿಡ್ನಿ ಟೆಸ್ಟ್‌ನಲ್ಲಿ ಇನಿಂಗ್ಸ್‌ ಆರಂಭಿಸಿದ್ದರು. ಹಚ್ಚು ಕಡಿಮೆ ಮೂರು ವರ್ಷಗಳ ಬಳಿಕ ಈ ಜೋಡಿ ಇದೀಗ ದಕ್ಷಿಣ ಆಫ್ರಿಕಾ ವಿರುದ್ಧ ಬಾಕ್ಸಿಂಗ್‌ ಡೇ ಟೆಸ್ಟ್ ಪಂದ್ಯದಲ್ಲಿ ಒಂದಾಗಲಿದೆ. 2018ರಲ್ಲಿಯೇ ಟೆಸ್ಟ್ ತಂಡದಿಂದ ಸ್ಥಾನ ಕಳೆದುಕೊಂಡಿದ್ದ ಕೆ.ಎಲ್‌ ರಾಹುಲ್ ನಂತರ ಕಠಿಣ ಪರಿಶ್ರಮ ಪಡುವ ಮೂಲಕ ಮತ್ತೆ ಕಮ್‌ಬ್ಯಾಕ್‌ ಮಾಡಿದ್ದಾರೆ. "6-7 ತಿಂಗಳ ಹಿಂದೆ ಅಥವಾ ಒಂದು ವರ್ಷದ ಹಿಂದೆ ಮತ್ತೆ ನಾನು ಭಾರತ ಟೆಸ್ಟ್ ತಂಡದ ಪರ ಆಡುತ್ತೇನೆಂದು ಭಾವಿಸಿರಲಿಲ್ಲ. ಆದರೆ, ನನ್ನ ಪರವಾಗಿ ಸಂಗತಿಗಳು ಬಹುಬೇಗ ಬದಲಾದವು. ಇದರಿಂದ ನನಗೆ ತುಂಬಾ ಸಂತಸವಿದೆ. ಅಷ್ಟೇ ಅಲ್ಲದೆ ದಕ್ಷಿಣ ಆಫ್ರಿಕಾ ಟೆಸ್ಟ್ ಸರಣಿಯಲ್ಲಿ ಉಪ ನಾಯಕನ ಜವಾಬ್ದಾರಿ ನೀಡಿರುವುದರಿಂದ ಇನ್ನಷ್ಟು ಸಂತೋಷವಿದೆ. ನನ್ನ ಕಡೆಯಿಂದ ಸಾಧ್ಯವಾದಷ್ಟು ತಂಡಕ್ಕೆ ಕೊಡುಗೆ ನೀಡಲು ಪ್ರಯತ್ನಿಸುತ್ತೇನೆ," ಎಂದು ಹೇಳಿದ್ದಾರೆ. "ಬಾಕ್ಸಿಂಗ್‌ ಡೇ ಟೆಸ್ಟ್ ಪಂದ್ಯದಲ್ಲಿ ನನಗೆ ಅತ್ಯುತ್ತಮ ನೆನಪುಗಳಿವೆ. ಆಸ್ಟ್ರೇಲಿಯಾ ವಿರುದ್ಧ ಬಾಕ್ಸಿಂಗ್‌ ಡೇ ಟೆಸ್ಟ್ ಪಂದ್ಯದಲ್ಲಿ ನಾನು ಟೆಸ್ಟ್ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ್ದೆ. ಇದಾದ ಬಳಿಕ ನನ್ನ ಹಾದಿ ಉತ್ತಮವಾಗಿರಲಿಲ್ಲ. ಇದರಿಂದ ನಾನು ತಂಡದಲ್ಲಿ ಸ್ಥಾನ ಕಳೆದುಕೊಂಡಿದ್ದೆ. ಈ ಹಿನ್ನೆಲೆಯಲ್ಲಿ ನನ್ನ ಆಟದಲ್ಲಿ ಸಾಕಷ್ಟು ಬದಲಾವಣೆಯನ್ನು ಮಾಡಿಕೊಂಡಿದ್ದೇನೆ," ಎಂದು ತಿಳಿಸಿದ್ದಾರೆ. ದ್ರಾವಿಡ್‌ ಜೊತೆಗಿನ ಕೆಲಸದ ಅನುಭವ ಹಂಚಿಕೊಂಡ ರಾಹುಲ್ ಟೀಮ್‌ ಇಂಡಿಯಾ ಹೆಡ್‌ ಕೋಚ್‌ ರಾಹುಲ್ ದ್ರಾವಿಡ್‌ ಅವರೊಂದಿಗೆ ಕೆಲಸ ಮಾಡಿದ ಅನುಭವವನ್ನು ಆರಂಭಿಕ ಬ್ಯಾಟ್ಸ್‌ಮನ್‌ ಹಂಚಿಕೊಂಡಿದ್ದಾರೆ. "ಈ ಸಮಯದಲ್ಲಿ ರಾಹುಲ್ ದ್ರಾವಿಡ್‌ ಉಪಸ್ಥಿತಿ ಸಾಕಷ್ಟು ನೆರವಾಗಿದೆ. ಇಲ್ಲಿ ಅವರು ಸಾಕಷ್ಟು ಕ್ರಿಕೆಟ್ ಆಡಿದ ಅನುಭವವನ್ನು ಹೊಂದಿದ್ದಾರೆ. ಇಲ್ಲಿ ನಾವು ಹೇಗೆ ಆಡಬೇಕು ಹಾಗೂ ಹೇಗೆ ತಯಾರಿ ನಡೆಸಬೇಕೆಂಬ ಬಗ್ಗೆ ಅವರ ಅನುಭವ ನಮಗೆ ನೆರವಾಗುತ್ತದೆ," ಎಂದು ರಾಹುಲ್ ಹೇಳಿದ್ದಾರೆ. 30 ರಿಂದ 35 ಓವರ್‌ವರೆಗೂ ಬ್ಯಾಟಿಂಗ್‌ ಕಷ್ಟ: "ದಕ್ಷಿಣ ಆಫ್ರಿಕಾ ಪಿಚ್‌ಗಳಲ್ಲಿ ಬೌನ್ಸ್ ಇದೆ. ಅದರಲ್ಲೂ ಸೆಮಚೂರಿಯನ್‌ ವಿಕೆಟ್‌ನಲ್ಲಿ ಸಾಕಷ್ಟು ಬೌನ್ಸ್ ಇದೆ. ಹಾಗಾಗಿ ನೀವು ಇಲ್ಲಿ ಸಾಕಷ್ಟು ತಾಳ್ಮೆಯಿಂದ ಆಡಬೇಕಾಗುತ್ತದೆ. ದಕ್ಷಿಣ ಆಫ್ರಿಕಾ ತಂಡದಲ್ಲಿ ಯಾವ ಬೌಲಿಂಗ್‌ ದಾಳಿ ಇದೆ ಎಂದು ನಮ್ಮೆಲ್ಲರಿಗೂ ಗೊತ್ತಿದೆ. ಬೌನ್ಸ್ ಹಾಗೂ ಈ ಪಿಚ್‌ಗೆ ಒಮ್ಮೆ ಹೊಂದಿಕೊಂಡರೆ, ಖಂಡಿತಾವಾಗಿಯೂ ಇಲ್ಲಿನ ಪಿಚ್‌ಗಳನ್ನು ನಾವು ಆನಂದಿಸಬಹುದು. ಆರಂಭಿಕ ಬ್ಯಾಟ್ಸ್‌ಮನ್‌ಗಳಿಗೆ 30 ರಿಂದ 35 ಓವರ್‌ಗಳಲ್ಲಿ ಕಠಿಣ ಪರೀಕ್ಷೆ ಎದುರಾಗಲಿದೆ. ಹಾಗಾಗಿ, ಹೆಚ್ಚಿನ ತಾಳ್ಮೆಯೊಂದೊಗೆ ಆಫ್‌ ಸೈಡ್‌ ಹೊರಗೆ ಹೋಗುವ ಚೆಂಡುಗಳನ್ನು ಬಿಡಬೇಕಾಗುತ್ತದೆ ಹಾಗೂ ರನ್‌ ಗಳಿಸಬಹುದಾದ ಎಸೆತಗಳನ್ನು ಆಡಬೇಕಾಗುತ್ತದೆ," ಎಂದು ಕೆ.ಎಲ್‌ ರಾಹುಲ್ ತಿಳಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3Ft13Rs
