ಬೊಮ್ಮಗಾನಹಳ್ಳಿ ಡಿ.ಮೋಹನ್‌ಕುಮಾರ್‌ ಚಿಕ್ಕಬಳ್ಳಾಪುರ: ಸಿಲ್ಕ್ ಅಂಡ್ ಮಿಲ್ಕ್ ಖ್ಯಾತಿ ಪಡೆದಿರುವ ಜಿಲ್ಲೆಯೂ ನಾಡು ಎಂಬ ಪ್ರಖ್ಯಾತಿಗೆ ಪಾತ್ರವಾಗಿದ್ದು, ಇಲ್ಲಿ ಬೆಳೆಯುವ ಗುಲಾಬಿ ಹೂ ದೇಶ ವಿದೇಶಗಳಿಗೂ ತಲುಪುತ್ತಿದೆ. ಜಿಲ್ಲೆಯಲ್ಲಿ ಯಾವುದೇ ಶಾಶ್ವತ ನದಿ ಮೂಲಗಳಿಲ್ಲ. ಕೆಲ ವರ್ಷಗಳಿಂದ ಈ ಭಾಗದ ರೈತರು ಗುಲಾಬಿ ಹೂ ಬೆಳೆದು ದೇಶ-ವಿದೇಶಗಳಿಗೆ ರಫ್ತು ಮಾಡಿ ಗಮನ ಸೆಳೆಯುತ್ತಿರುವುದು ವಿಶೇಷ. ಎಷ್ಟು ಹೆಕ್ಟೇರ್‌ನಲ್ಲಿದೆ ಗುಲಾಬಿ? ಜಿಲ್ಲೆಯಲ್ಲಿ 1,100 ಹೆಕ್ಟೇರ್‌ಗೂ ಅಧಿಕ ಪ್ರದೇಶದಲ್ಲಿ ರೈತರು ನಾನಾ ತಳಿಯ ಗುಲಾಬಿ ಬೆಳೆಯುವ ಇಲ್ಲಿನ ಪ್ರಗತಿ ಪರ ರೈತರು ತಾಜ್ಮಹಲ್‌, ವ್ಯಾನಿಷ್‌, ಮೇರಾ ಬುಲ್‌, ಮಾರಿ ಗೋಲ್ಟ್‌, ಐಶ್ವರ್ಯ ರೈ 1 ಅಂಡ್ 2, ಸೆಂಟ್‌ ಯಲ್ಲೋ, ಸೆಂಟ್‌ ವೈಟ್‌ ಇತರೆ ಗುಲಾಬಿ ಹೂ ಹೆಚ್ಚು ಬೆಳೆಯಲಾಗುತ್ತಿದೆ. ಪ್ರಮುಖ ನಗರಗಳಿಗೆ ರವಾನೆ ಸ್ಥಳೀಯವಾಗಿ ಮದುವೆ, ದೇವರ ಪಲಕ್ಕಿ ಉತ್ಸವ ಮೆರವಣಿಗೆ, ಸಭೆ, ಸಮಾರಂಭಗಳಲ್ಲಿ ಜಿಲ್ಲೆಯ ಗುಲಾಬಿ ಹೆಚ್ಚು ಬಳಕೆಯಾಗುತ್ತಿದೆ, ಅಲ್ಲದೇ ಹೈದರಾಬಾದ್‌, ಕೇರಳ, ಮುಂಬೈ, ದೆಹಲಿ ಇನ್ನಿತರ ದೇಶದ ಪ್ರಮುಖ ನಗರಗಳಿಗೂ ಜಿಲ್ಲೆಯ ಗುಲಾಬಿ ರಫ್ತು ಆಗುತ್ತಿದೆ. ವಿದೇಶಕ್ಕೆ ಹೋಲಿಕೆ ಮಾಡಿದರೆ ಸ್ಥಳೀಯವಾಗಿ ಸಿಗುವ ಬೆಲೆ ಕಡಿಮೆಯಾದರೂ, ರಫ್ತಿಗೆ ತಗಲುವ ವೆಚ್ಚ ಹೋಲಿಸಿದರೆ ಸ್ಥಳೀಯ ಮಾರುಕಟ್ಟೆಯೇ ಲಾಭದಾಯಕ ಎನ್ನುತ್ತಾರೆ ಗುಲಾಬಿ ಬೆಳೆಗಾರರು. ವಿದೇಶದಲ್ಲಿ ಗಮನ ಸೆಳೆಯುವ ಗುಲಾಬಿ ಪ್ರತಿ ವರ್ಷ ಫೆ.14 ರಂದು ಪ್ರೇಮಿಗಳ ದಿನ. ಈ ದಿನದಂದು ಪ್ರೀತಿಯ ಸಂಕೇತವಾಗಿರುವ ಕೆಂಪು ಗುಲಾಬಿಗೆ ಎಲ್ಲಿಲ್ಲದ ಬೇಡಿಕೆ ಇದ್ದು, ಜಿಲ್ಲೆಯಲ್ಲಿ ಬೆಳೆಯುತ್ತಿರುವ ಗುಲಾಬಿಗೆ ವಿದೇಶಿ ಪ್ರೇಮಿಗಳಿಂದ ಬಾರಿ ಬೇಡಿಕೆ ಸೃಷ್ಟಿಯಾಗುತ್ತದೆ. ಬೇಡಿಕೆಗೆ ಅನುಗುಣವಾಗಿ ಸಿಂಗಾಪೂರ್‌, ಮಲೇಶಿಯಾ, ಆಸ್ಪ್ರೇಲಿಯಾ, ಯುರೋಪ್‌ ರಾಷ್ಟ್ರಗಳಿಗೆ ರವಾನೆ ಮಾಡಲಾಗುತ್ತಿದೆ. ಕಳೆದ ಹಲವು ವರ್ಷಗಳಿಂದ ಜಿಲ್ಲೆಯಲ್ಲಿ ಗುಲಾಬಿ ಬೆಳೆಯುವವರ ಸಂಖ್ಯೆ ಹೆಚ್ಚಾಗಿದೆ. ಇದಲ್ಲದೇ ಕಡಿಮೆ ಖರ್ಚಿನಲ್ಲಿ ಹೆಚ್ಚು ಆದಾಯ ಬರುವಂತಹ ನಾನಾ ಬಗೆಯ ಹೂಗಳನ್ನು ರೈತರು ಬೆಳೆಯುತ್ತಿದ್ದು, ರೈತರು ಉತ್ತಮ ಆದಾಯ ಗಳಿಸುತ್ತಿದ್ದಾರೆ. ನವೀನ್‌, ಹೂ ಬೆಳೆಗಾರ, ಗುಡಿಬಂಡೆ
from India & World News in Kannada | VK Polls https://ift.tt/3Fw8N5v
