ಹೊಸದಿಲ್ಲಿ: ನ್ಯೂಜಿಲೆಂಡ್‌ ವಿರುದ್ಧ ತವರು ಟೆಸ್ಟ್ ಸರಣಿಯನ್ನು 1-0 ಅಂತರದಲ್ಲಿ ಮುಡಿಗೇರಿಸಿಕೊಂಡಿರುವ ವಿಶ್ವಾಸದಲ್ಲಿರುವ ನಾಯಕತ್ವದ ಭಾರತ ತಂಡ ಇದೀಗ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಸರಣಿಗೆ ಸಜ್ಜಾಗುತ್ತಿದೆ. ಆಸ್ಟ್ರೇಲಿಯಾ ಹಾಗೂ ಇಂಗ್ಲೆಂಡ್‌ ನೆಲದಲ್ಲಿ ಟೆಸ್ಟ್ ಸರಣಿಗಳನ್ನು ಗೆದ್ದಿರುವ ಭಾರತ ತಂಡ ಇದೀಗ ದಕ್ಷಿಣ ಆಫ್ರಿಕಾ ಮೇಲೆ ಕಣ್ಣಿಟ್ಟಿದೆ. ಡಿಸೆಂಬರ್‌ 26ರಿಂದ ಸೆಂಚೂರಿಯನ್‌ನಲ್ಲಿ ಭಾರತ ತಂಡ ಮೊದಲನೇ ಟೆಸ್ಟ್ ಆಡುವ ಮೂಲಕ ಅಧಿಕೃತವಾಗಿ ದಕ್ಷಿಣ ಆಫ್ರಿಕಾ ಪ್ರವಾಸವನ್ನು ಆರಂಭಿಸಲಿದೆ. ಮಹತ್ವದ ಸರಣಿಯ ಹಿನ್ನೆಲೆಯಲ್ಲಿ ಟೀಮ್‌ ಇಂಡಿಯಾ ಹರಿಣಗಳ ನಾಡಿನಲ್ಲಿ ಕಠಿಣ ತಾಲೀಮು ನಡೆಸುತ್ತಿದೆ. ದಕ್ಷಿಣ ಆಫ್ರಿಕಾ ಪ್ರವಾಸಕ್ಕೂ ಮುನ್ನ ಮುಂಬೈನಲ್ಲಿ ತಯಾರಿ ನಡೆಸುತ್ತಿದ್ದ ಭಾರತ ಟೆಸ್ಟ್ ತಂಡದ ನೂತನ ಉಪನಾಯಕ ರೋಹಿತ್ ಶರ್ಮಾ ಸ್ನಾಯು ಸೆಳೆತದ ಸಮಸ್ಯೆ ಒಳಗಾದ ಹಿನ್ನೆಲೆಯಲ್ಲಿ ಟೆಸ್ಟ್ ಸರಣಿಯಿಂದ ಹೊರ ನಡೆದಿದ್ದಾರೆ. ರೋಹಿತ್ ಅನುಪಸ್ಥಿತಿಯಲ್ಲಿ ವಿರಾಟ್‌ ಕೊಹ್ಲಿ ಮೇಲೆ ಒತ್ತಡ ಹೆಚ್ಚಾಗಿದೆ. ರೋಹಿತ್ ಅಲಭ್ಯತೆಯಲ್ಲಿ ಆರಂಭಿಕರಾದ ಮಯಾಂಕ್‌ ಅಗರ್ವಾಲ್‌ ಹಾಗೂ ಕೆ.ಎಲ್‌ ರಾಹುಲ್, ನಾಯಕ ವಿರಾಟ್‌ ಕೊಹ್ಲಿ ಹಾಗೂ ಇತ್ತೀಚೆಗೆ ಅಂತಾರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ್ದ ಶ್ರೇಯಸ್‌ ಅಯ್ಯರ್‌ ದಕ್ಷಿಣ ಆಫ್ರಿಕಾದಲ್ಲಿನ ಕಠಿಣ ಪರಿಸ್ಥಿತಿಗಳಲ್ಲಿ ರನ್‌ ಗಳಿಸಬೇಕಾದ ಅಗತ್ಯವಿದೆ. ಕಳೆದ ಎರಡು ವರ್ಷಗಳಿಂದ ದೊಡ್ಡ ಮೊತ್ತ ಕಲೆ ಹಾಕುಲು ತಿಣುಕಾಡುತ್ತಿರುವ ಚೇತೇಶ್ವರ್‌ ಪೂಜಾರ ಅವರಿಗೆ ಈ ಸರಣಿ ಅತ್ಯಂತ ನಿರ್ಣಾಯಕವಾಗಿದೆ. ಮತ್ತೊಂದೆಡೆ ಇತ್ತೀಚೆಗೆ ಉಪ ನಾಯಕನ ಸ್ಥಾನವನ್ನು ಕಳೆದುಕೊಂಡಿದ್ದ ಅಜಿಂಕ್ಯ ರಹಾನೆ ಪ್ಲೇಯಿಂಗ್‌ ಇಲೆವೆನ್‌ನಲ್ಲಿ ಸ್ಥಾನ ಪಡೆದುಕೊಳ್ಳಲಿದ್ದಾರೆಯೇ ಎಂಬುದು ಕೂಡ ಆಸಕ್ತದಾಯಕ ಅಂಶವಾಗಿದೆ. ಮತ್ತೊಂದೆಡೆ ಭಾರತದ ವೇಗದ ದಾಳಿಯ ಎದುರು ದಕ್ಷಿಣ ಆಫ್ರಿಕಾ ನಾಯಕ ಮತ್ತೊಮ್ಮೆ ರನ್‌ ಗಳಿಸುವ ಉತ್ಸಾಹದಲ್ಲಿದ್ದಾರೆ. ಇವರ ಜೊತೆ ತೆಂಬ ಬವೂಮ, ಏಡೆನ್‌ ಮಾರ್ಕ್ರಮ್‌ ಹಾಗೂ ಕ್ವಿಂಟನ್‌ ಡಿ ಕಾಕ್‌ ಅವರ ಮೇಲೆಯೂ ಈ ಬಾರಿ ಹೆಚ್ಚಿನ ನಿರೀಕ್ಷೆ ಇಡಲಾಗಿದೆ. ಕಗಿಸೋ ರಬಾಡ, ಡುವಾನ್‌ ಓಲಿವರ್‌ ಹಾಗೂ ಲುಂಗಿ ಎನ್‌ಗಿಡಿ ಅವರು ಭಾರತ ತಂಡದ ಬಲಿಷ್ಠ ಬ್ಯಾಟಿಂಗ್‌ ವಿಭಾಗವನ್ನು ಉರುಳಿಸಲು ಎದುರು ನೋಡುತ್ತಿದ್ದಾರೆ. ಭಾರತ ಹಾಗೂ ದಕ್ಷಿಣ ಆಫ್ರಿಕಾ ನಡುವಿನ ಟೆಸ್ಟ್ ಸರಣಿಯಲ್ಲಿನ ಕೆಲ ಪ್ರಮುಖ ಅಂಕಿಅಂಶಗಳ ಬಗ್ಗೆ ನಾವಿಲ್ಲಿ ತಿಳಿದುಕೊಳ್ಳೋಣ.. ಮುಖಾಮುಖಿ ದಾಖಲೆ: ಒಟ್ಟಾರೆ ಪಂದ್ಯಗಳು: 39 ದಕ್ಷಿಣ ಆಫ್ರಿಕಾ ಗೆಲುವು: 15 ಭಾರತದ ಗೆಲುವು: 14 ಡ್ರಾ: 10 ದಕ್ಷಿಣ ಆಫ್ರಿಕಾದಲ್ಲಿ ಮುಖಾಮುಖಿ ದಾಖಲೆ ಒಟ್ಟು ಆಡಿರುವ ಪಂದ್ಯಗಳು: 20 ದಕ್ಷಿಣ ಆಫ್ರಿಕಾ ಗೆಲುವು: 10 ಭಾರತದ ಗೆಲುವು: 3 ಡ್ರಾ: 7 (ಸೆಂಚೂರಿಯನ್‌ನಲ್ಲಿ ಆಡಿರುವ ಎರಡೂ ಟೆಸ್ಟ್ ಪಂದ್ಯಗಳಲ್ಲಿ ಭಾರತ ಸೋತಿದೆ)
- 100 ಟೆಸ್ಟ್ ಕ್ಯಾಚ್‌ಗಳನ್ನು ಪೂರ್ಣಗೊಳಿಸಲು ವಿರಾಟ್‌ ಕೊಹ್ಲಿ(98)ಗೆ ಎರಡು ಕ್ಯಾಚ್‌ಗಳ ಅಗತ್ಯವಿದೆ.
- 50 ಟೆಸ್ಟ್ ಕ್ಯಾಚ್‌ಗಳನ್ನು ಪೂರ್ಣಗೊಳಿಸಲು ಕೆ.ಎಲ್‌ ರಾಹುಲ್ (49)ಗೆ ಒಂದು ಕ್ಯಾಚ್‌ ಅಗತ್ಯವಿದೆ.
- 200 ಟೆಸ್ಟ್ ವಿಕೆಟ್‌ಗಳನ್ನು ಪೂರ್ಣಗೊಳಿಸಲು ಮೊಹಮ್ಮದ್‌ ಶಮಿಗೆ 5 ವಿಕೆಟ್‌ ಪಡೆಯುವುದು ಬಾಕಿ ಇದೆ.
- ಕಪಿಲ್‌ ದೇವ್‌(434 ವಿಕೆಟ್‌) ದಾಖಲೆ ಮುರಿಯಲು ಆರ್‌ ಅಶ್ವಿನ್‌ಗೆ(427 ವಿಕೆಟ್‌) 8 ವಿಕೆಟ್‌ ಅಗತ್ಯವಿದೆ.
- ಎಲ್ಲಾ ಸ್ವರೂಪದ ಕ್ರಿಕೆಟ್‌ನಲ್ಲಿ 400 ಫೋರ್‌ಗಳ ದಾಖಲೆ ಮಾಡಲು ಏಡೆನ್‌ ಮಾರ್ಕ್ರಮ್‌ಗೆ 5 ಬೌಂಡರಿ ಬೇಕಿದೆ.
- ಟೆಸ್ಟ್ ಕ್ರಿಕೆಟ್‌ನಲ್ಲಿ ವಿಕೆಟ್‌ ಕೀಪರ್‌ ಆಗಿ ಸ್ಟಂಪ್‌ಗಳ ಹಿಂದೆ 100 ಬಾರಿ ಔಟ್‌ ಮಾಡಿದ ಸಾಧನೆಗೆ ರಿಷಭ್‌ ಪಂತ್‌ಗೆ ಇನ್ನು ಮೂವರು ಬ್ಯಾಟ್ಸ್‌ಮನ್‌ಗಳನ್ನು ಔಟ್‌ ಮಾಡುವ ಅಗತ್ಯವಿದೆ.
- ಪಾಲ್‌ ಆಡಮ್ಸ್‌ ದಾಖಲೆ ಮುರಿದು ದಕ್ಷಿಣ ಆಫ್ರಿಕಾ ಪರ ಅತಿ ಹೆಚ್ಚು ಟೆಸ್ಟ್ ವಿಕೆಟ್‌ ಪಡೆದ 10ನೇ ಬೌಲರ್‌ ಎನಿಸಿಕೊಳ್ಳಲು ಕೇಶವ್‌ ಮಹಾರಾಜ್‌ಗೆ ಕೇವಲ 6 ವಿಕೆಟ್‌ ಅಗತ್ಯವಿದೆ.
- 100 ಟೆಸ್ಟ್ ಕ್ಯಾಚ್‌ಗಳನ್ನು ಪೂರ್ಣಗೊಳಿಸಲು ಅಜಿಂಕ್ಯ ರಹಾನೆ(97) 3 ಕ್ಯಾಚ್‌ಗಳ ಅಗತ್ಯವಿದೆ.
- ಎಲ್ಲಾ ಸ್ವರೂಪದಲ್ಲಿಯೂ 350 ಬೌಂಡರಿಗಳನ್ನು ಪೂರ್ಣಗೊಳಿಸಲು ತೆಂಬ ಬವೂಮ(344) 6 ಬೌಂಡರಿ ಸಿಡಿಸಬೇಕಾದ ಅಗತ್ಯವಿದೆ.
- ಎಲ್ಲಾ ಸ್ವರೂಪಗಳಲ್ಲಿಯೂ 50 ಪಂದ್ಯಗಳನ್ನು ಪೂರ್ಣಗೊಳಿಸಲು ವೃದ್ದಿಮಾನ್‌ ಸಹಾಗೆ ಇನ್ನು ಒಂದೇ ಒಂದು ಪಂದ್ಯ ಆಡಬೇಕಾಗಿದೆ.
- ಝಹೀರ್ ಖಾನ್‌ ದಾಖಲೆ ಮುರಿದು ಅತಿ ಹೆಚ್ಚು ಟೆಸ್ಟ್ ವಿಕೆಟ್‌ ಪಡೆದ ಭಾರತದ ಐದನೇ ಬೌಲರ್‌ ಎನಿಸಿಕೊಳ್ಳಲಿ ಇಶಾಂತ್‌ ಶರ್ಮಾಗೆ (311) ಇನ್ನು ಒಂದೇ ಒಂದು ವಿಕೆಟ್‌ ಪಡೆಯಬೇಕಾಗಿದೆ.
- ಟೆಸ್ಟ್ ಕ್ರಿಕೆಟ್‌ನಲ್ಲಿ 50 ವಿಕೆಟ್‌ಗಳನ್ನು ಪೂರ್ಣಗೊಳಿಸಲು ಡುವಾನ್‌ ಓಲಿವಿಯರ್‌ಗೆ ಎರಡು ವಿಕೆಟ್‌ ಅಗತ್ಯವಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/32qxwJy
