: ಹೈಕೋರ್ಟ್‌ ಸೂಚನೆ ಮೇರೆಗೆ ನಗರದಲ್ಲಿ ಧ್ವನಿವರ್ಧಕಗಳನ್ನು ತೆರವುಗೊಳಿಸಲು ಮುಂದಾದ ಪೊಲೀಸರು ಈ ಸಂಬಂಧ ಕೆಲ ಮಸೀದಿಗಳಿಗೆ ನೋಟಿಸ್‌ ನೀಡಿದ್ದಾರೆ. ನೀವು ನಿಮ್ಮ ಮಸೀದಿಯಲ್ಲಿ ಪ್ರತಿನಿತ್ಯ ಬಳಸುತ್ತಿರುವ ಧ್ವನಿವರ್ಧಕಗಳ ವಿಚಾರವಾಗಿ ಹೈಕೋರ್ಟ್‌ನಲ್ಲಿ ವಿಚಾರಣೆ ನಡೆಯುತ್ತಿದೆ. ಅಂತಿಮ ಆದೇಶಕ್ಕೆ ಬದ್ಧರಾಗಿರಬೇಕು. ನೀವು ಈ ಹಿಂದೆ ಧ್ವನಿವರ್ಧಕ ಬಳಸಲು ಪಡೆದುಕೊಂಡಿರುವ ಅನುಮತಿಯು ವಿಶೇಷ ದಿನಗಳಿಗೆ ಅಥವಾ ವಿಶೇಷ ಸಂದರ್ಭಗಳಿಗೆ ಮಾತ್ರ ಅನ್ವಯವಾಗಲಿದೆ. ಪ್ರತಿನಿತ್ಯ ಧ್ವನಿವರ್ಧಕ ಬಳಸಲು ಅನುಮತಿ ನೀಡಿರುವುದಿಲ್ಲ. ವಕ್ಫ್ ಮಂಡಳಿಯು ಅಧಿಕೃತ ಪ್ರಾಧಿಕಾರ ಆಗಿರುವುದಿಲ್ಲ ಎಂದು ಪೊಲೀಸರು ನೋಟಿಸ್‌ನಲ್ಲಿ ಉಲ್ಲೇಖಿಸಿದ್ದಾರೆ. ಅಲ್ಲದೇ, ‘ಧ್ವನಿವರ್ಧಕ ಬಳಸಲು ಅನುಮತಿ ನೀಡುವ ಅಧಿಕಾರ ವಕ್ಫ್ ಮಂಡಳಿಗೆ ಇರುವುದಿಲ್ಲ. ಹೀಗಾಗಿ ನೀವು ಅಧಿಕೃತ ಪ್ರಾಧಿಕಾರದಿಂದ ಪ್ರಸ್ತುತ ಮಾನ್ಯತೆಯುಳ್ಳ ಅನುಮತಿ ಪಡೆಯದೆ ಅಳವಡಿಸಿ, ಪ್ರತಿನಿತ್ಯ ಬಳಸುತ್ತಿರುವ ಧ್ವನಿವರ್ಧಕವನ್ನು ಈ ನೋಟಿಸ್‌ ಸ್ವೀಕರಿಸಿದ ಕೂಡಲೇ ತೆರವು ಮಾಡಬೇಕು. ಒಂದು ವೇಳೆ ಶಬ್ದ ಮಾಲಿನ್ಯ ಉಂಟುಮಾಡುವ ಧ್ವನಿವರ್ಧಕವನ್ನು ತೆರವು ಮಾಡದೇ ನಿರ್ಲಕ್ಷಿಸಿದ್ದಲ್ಲಿ ನಿಮ್ಮ ಮಸೀದಿಯ ಆಡಳಿತ ಮಂಡಳಿ ವಿರುದ್ಧ ಕಾನೂನು ರೀತ್ಯ ಕ್ರಮ ಕೈಗೊಳ್ಳಲಾಗುವುದು’ ಎಂದು ನೋಟಿಸ್‌ನಲ್ಲಿ ಪೊಲೀಸರು ಸೂಚಿಸಿದ್ದಾರೆ. ಹೈಕೋರ್ಟ್‌ ಆದೇಶದ ಹಿನ್ನೆಲೆಯಲ್ಲಿ ಸದ್ಯ ಕೆಲ ಮಸೀದಿಗಳಲ್ಲಿ ಧ್ವನಿವರ್ದಕಗಳನ್ನು ತೆರವುಗೊಳಿಸಲಾಗಿದೆ. ಕೆಲವರಿಂದ ಇದಕ್ಕೆ ಆಕ್ಷೇಪ ವ್ಯಕ್ತವಾಗಿದೆ ಎನ್ನಲಾಗಿದೆ. ವಂಚಕ ಕಂಪನಿಗಳ ವಿರುದ್ಧ ಅರ್ಜಿ ವಿಚಾರಣೆ ಬೆಂಗಳೂರು: ಆ್ಯಂಬಿಡೆಂಟ್‌, ಅಜ್ಮೀರಾ ಗ್ರೂಪ್‌ ಹಾಗೂ ಇಂಜಾಸ್‌ ಇಂಟರ್‌ನ್ಯಾಷನಲ್‌ ಸೇರಿ ಹೂಡಿಕೆದಾರರಿಗೆ ವಂಚನೆ ಎಸಗಿರುವ ಒಂಬತ್ತು ಕಂಪನಿಗಳ ವಿರುದ್ಧದ ಸಕ್ಷಮ ಪ್ರಾಧಿಕಾರಗಳಿಂದ ಮಾಹಿತಿ ಪಡೆದು ಸಮಗ್ರ ವರದಿ ಸಲ್ಲಿಸಲು ಹೈಕೋರ್ಟ್‌, ಸರಕಾರಕ್ಕೆ ಎರಡು ವಾರ ಕಾಲಾವಕಾಶ ನೀಡಿದೆ. ಈ ಕುರಿತು ಸಲ್ಲಿಕೆಯಾಗಿರುವ ಹಲವು ಸಾರ್ವಜನಿಕ ಹಿತಾಸಕ್ತಿ ಅರ್ಜಿಗಳು ಸಿಜೆ ರಿತುರಾಜ್‌ ಅವಸ್ಥಿ ನೇತೃತ್ವದ ವಿಭಾಗೀಯ ಪೀಠದ ಮುಂದೆ ಬುಧವಾರ ವಿಚಾರಣೆಗೆ ಬಂದವು. ಸರಕಾರಿ ವಕೀಲರು, ಆ್ಯಂಬಿಡೆಂಟ್‌ ಹಾಗೂ ಅಜ್ಮೀರಾ ಸೇರಿ ಇತರ ವಂಚಕ ಕಂಪನಿಗಳ ಆಸ್ತಿ ಜಪ್ತಿ ಹಾಗೂ ಹೂಡಿಕೆದಾರರ ಹಣ ವಾಪಸ್‌ ಮಾಡುವ ವಿಚಾರದಲ್ಲಿ ಹಲವು ಸಕ್ಷಮ ಪ್ರಾಧಿಕಾರಗಳನ್ನು ನೇಮಕ ಮಾಡಲಾಗಿದೆ. ಆದರೆ, ಪ್ರಾಧಿಕಾರದ ಅಧಿಕಾರಿಗಳು ಪದೇ ಪದೇ ಬದಲಾವಣೆ ಮತ್ತು ವರ್ಗಾವಣೆ ಆಗುತ್ತಿದ್ದಾರೆ. ಹಾಗಾಗಿ ವರದಿ ಸಲ್ಲಿಸಲು ವಿಳಂಬವಾಗಿದೆ. ಎರಡು ವಾರ ಕಾಲಾವಕಾಶ ನೀಡಿದರೆ ಸಮಗ್ರ ವರದಿ ಸಲ್ಲಿಸಲಾಗುವುದು ಎಂದರು. ಆ ಮನವಿ ಒಪ್ಪಿದ ನ್ಯಾಯಪೀಠ, ಸಕ್ಷಮ ಪ್ರಾಧಿಕಾರಗಳ ವರದಿ ಸಲ್ಲಿಸಲು ಸರಕಾರಕ್ಕೆ ಎರಡು ವಾರ ಕಾಲಾವಕಾಶ ನೀಡಿ ವಿಚಾರಣೆ ಮುಂದೂಡಿತು.
from India & World News in Kannada | VK Polls https://ift.tt/3EriAbn
