ಮೆಲ್ಬೋರ್ನ್: (7ಕ್ಕೆ 6) ಮಾರಕ ಬೌಲಿಂಗ್‌ ದಾಳಿಗೆ ನಲುಗಿದ ತಂಡ ಮೂರನೇ ಹಾಗೂ ಬಾಕ್ಸಿಂಗ್‌ ಡೇ ಟೆಸ್ಟ್‌ ಪಂದ್ಯದಲ್ಲಿ ವಿರುದ್ಧ ಇನ್ನೂ ಎರಡು ದಿನಗಳ ಬಾಕಿ ಇರುವಾಗಲೇ ಇನಿಂಗ್ಸ್ ಹಾಗೂ 14 ರನ್‌ಗಳಿಂದ ಹೀನಾಯ ಸೋಲಿನ ಮುಖಭಂಗ ಅನುಭವಿಸಿತು. ಕಳೆದ ಎರಡು ಪಂದ್ಯಗಳಲ್ಲಿಯೂ ಹೀನಾಯ ಸೋಲು ಅನುಭವಿಸಿದ್ದ ಪ್ರವಾಸಿ ಇಂಗ್ಲೆಂಡ್‌ ತಂಡ ಮೂರನೇ ಟೆಸ್ಟ್‌ ಪಂದ್ಯದಲ್ಲಿಯೂ ಪುಟಿದೇಳುವಲ್ಲಿ ವಿಫಲವಾಯಿತು. ಸತತ ಮೂರು ಪಂದ್ಯಗಳ ಗೆಲುವಿನೊಂದಿಗೆ ಆತಿಥೇಯ ಆಸ್ಟ್ರೇಲಿಯಾ ತಂಡ ಇನ್ನೂ ಎರಡು ಪಂದ್ಯಗಳು ಬಾಕಿ ಇರುವಾಗಲೇ 3-0 ಅಂತರದಲ್ಲಿ ಆಷಸ್‌ ಟ್ರೋಫಿಯನ್ನು ತನ್ನಲ್ಲಿಯೇ ಉಳಿಸಿಕೊಂಡಿತು. ಇಲ್ಲಿನ ಮೆಲ್ಬೋರ್ನ್ ಕ್ರಿಕೆಟ್ ಗ್ರೌಂಡ್‌ನಲ್ಲಿ ಮೂರನೇ ದಿನವಾದ ಮಂಗಳವಾರ 4 ವಿಕೆಟ್‌ ಕಳೆದುಕೊಂಡು 31 ರನ್‌ಗಳಿಂದ ದ್ವಿತೀಯ ಇನಿಂಗ್ಸ್ ಮುಂದುವರಿಸಿ ಇಂಗ್ಲೆಂಡ್‌ ತಂಡ ಆತಿಥೇಯ ವೇಗಿಗಳನ್ನು ಸಮರ್ಥವಾಗಿ ಎದುರಿಸುವಲ್ಲಿ ವಿಫಲವಾಯಿತು ಹಾಗೂ ನಿಯಮಿತವಾಗಿ ವಿಕೆಟ್‌ಗಳನ್ನು ಕಳೆದುಕೊಳ್ಳುತ್ತಲೇ ಇತ್ತು. ಈ ಹಿನ್ನೆಲೆಯಲ್ಲಿ ಇನಿಂಗ್ಸ್ ಅಂತರದಲ್ಲಿ ಸೋಲು ಅನುಭವಿಸಬೇಕಾಯಿತು. ಮೂರನೇ ದಿನ ಬೆಳಗ್ಗೆಸ್ಟಾರ್‌ ಆಲ್‌ರೌಂಡರ್‌ ಬೆನ್‌ ಸ್ಟೋಕ್ಸ್ (11) ಮಾರಕ ವೇಗಿ ಮಿಚೆಲ್‌ ಸ್ಟಾರ್ಕ್ ಎಸೆತದಲ್ಲಿ ಕ್ಲೀನ್‌ ಬೌಲ್ಡ್ ಆಗುವ ಮೂಲಕ ಮತ್ತೊಮ್ಮೆ ನಿರಾಶೆ ಮೂಡಿಸಿದರು. ನಂತರ, ಎಚ್ಚೆತ್ತುಕೊಂಡ ಸ್ಕಾಟ್‌ ಬೊಲೆಂಡ್‌, ಇಂಗ್ಲೆಂಡ್‌ ತಂಡದ ಕೆಳ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳ ಧೂಳಿಪಟ ಮಾಡಿದರು. ಅಂತಾರಾಷ್ಟ್ರೀಯ ಟೆಸ್ಟ್‌ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ ಚೊಚ್ಚಲ ಪಂದ್ಯದಲ್ಲಿಯೇ ಸ್ಕಾಟ್‌ ಬೊಲೆಂಡ್‌ ಅದ್ಭುತ ಬೌಲಿಂಗ್‌ ಪ್ರದರ್ಶನ ತೋರಿದರು. ಪ್ರಥಮ ಇನಿಂಗ್ಸ್‌ನಲ್ಲಿ 48 ರನ್‌ಗಳಿಗೆ ಒಂದು ವಿಕೆಟ್‌ ಪಡೆದಿದ್ದ ಅವರು, ದ್ವಿತೀಯ ಇನಿಂಗ್ಸ್‌ನಲ್ಲಿ ಬೌಲ್‌ ಮಾಡಿದ ಕೇವಲ ನಾಲ್ಕು ಓವರ್‌ಗಳಲ್ಲಿ 7 ರನ್‌ ನೀಡುವ ಮೂಲಕ 6 ವಿಕೆಟ್‌ ಸಾಧನೆ ಮಾಡಿದರು. ಆ ಮೂಲಕ ಇಂಗ್ಲೆಂಡ್‌ ತಂಡ ಕೇವಲ 68 ರನ್‌ಗಳಿಗೆ ಆಲೌಟ್‌ ಗಿ ಸೋಲಿನ ಮರ್ಮಾಘಾತ ಅನುಭವಿಸಿತು. ಇಂಗ್ಲೆಂಡ್‌ ತಂಡದ ಪರ ನಾಯಕ ಜೋ ರೂಟ್‌ 59 ಎಸೆತಗಳಲ್ಲಿ 28 ರನ್‌ ಗಳಿಸಿ ಗರಿಷ್ಠ ಸ್ಕೋರರ್‌ ಎನಿಸಿಕೊಂಡರು ಹಾಗೂ ಬೆನ್‌ ಸ್ಟೋಕ್ಸ್ 11 ರನ್‌ ಗಳಿಸಿದರು. ಈ ಇಬ್ಬರು ಆಟಗಾರರನ್ನು ಹೊರತುಪಡಿಸಿ ಪ್ರವಾಸಿ ತಂಡದ ಯಾವೊಬ್ಬ ಬ್ಯಾಟ್ಸ್‌ಮನ್‌ ಎರಡಂಕಿ ವೈಯಕ್ತಿಕ ಮೊತ್ತ ದಾಖಲಿಸಲಿಲ್ಲ. ಇನ್ನು ಪ್ರಥಮ ಇನಿಂಗ್ಸ್‌ನಲ್ಲಿಯೂ ಇಂಗ್ಲೆಂಡ್‌ ಹೇಳಿಕೊಳ್ಳುವಂಥಾ ಬ್ಯಾಟಿಂಗ್‌ ಪ್ರದರ್ಶನ ತೋರಿರಲಿಲ್ಲ. 65.1 ಓವರ್‌ಗಳಿಗೆ ಇಂಗ್ಲೆಂಡ್‌ ಪ್ರಥಮ ಇನಿಂಗ್ಸ್‌ನಲ್ಲಿ 185 ರನ್‌ಗಳಿಗೆ ಆಲೌಟ್‌ ಆಗಿತ್ತು. ಪ್ರಥಮ ಇನಿಂಗ್ಸ್‌ನಲ್ಲಿಯೂ ಜೋ ರೂಟ್‌ (50) ಗರಿಷ್ಠ ಸ್ಕೋರರ್‌ ಎನಿಸಿಕೊಂಡಿದ್ದರು. ಇದಕ್ಕೆ ಪ್ರತಿಯಾಗಿ ಪ್ರಥಮ ಇನಿಂಗ್ಸ್ ಮಾಡಿದ್ದ ಆಸ್ಟ್ರೇಲಿಯಾ ತಂಡ 87.5 ಓವರ್‌ಗಳಿಗೆ 267 ರನ್‌ಗಳಿಗೆ ಆಲೌಟ್‌ ಆಗುವ ಮೂಲಕ 82 ರನ್‌ ಮುನ್ನಡೆ ಪಡೆದುಕೊಂಡಿತ್ತು. ಆಸ್ಟ್ರೇಲಿಯಾ ಪರ ಮಾರ್ಕಸ್‌ ಹ್ಯಾರಿಸ್‌ (76) ಗರಿಷ್ಠ ಸ್ಕೋರರ್‌ ಎನಿಸಿಕೊಂಡಿದ್ದರು. ದ್ವಿತೀಯ ಇನಿಂಗ್ಸ್‌ನಲ್ಲಿ ಅತ್ಯುತ್ತಮ ಬೌಲ್‌ ಮಾಡಿದ ಆಸ್ಟ್ರೇಲಿಯಾದ ಯುವ ವೇಗಿ ಸ್ಕಾಟ್‌ ಬೊಲೆಂಡ್‌ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಸಂಕ್ಷಿಪ್ತ ಸ್ಕೋರ್‌ ಇಂಗ್ಲೆಂಡ್‌: ಪ್ರಥಮ ಇನಿಂಗ್ಸ್ 65.1 ಓವರ್‌ಗಳಿಗೆ 185/10 (ಜೋ ರೂಟ್‌ 50,ಜಾನಿ ಬೈರ್‌ಸ್ಟೋವ್‌ 35; ಪ್ಯಾಟ್‌ ಕಮಿನ್ಸ್‌ 36 3, ನೇಥನ್‌ ಲಯಾನ್‌ 36ಕ್ಕೆ 30 ಆಸ್ಟ್ರೇಲಿಯಾ: ಪ್ರಥಮ ಇನಿಂಗ್ಸ್: 87.5 ಓವರ್‌ಗಳಿಗೆ 267/10 (ಮಾರ್ಕಸ್‌ ಹ್ಯಾರಿಸ್‌ 76, ಡೇವಿಡ್‌ ವಾರ್ನರ್‌ 38; ಜೇಮ್ಸ್‌ ಆಂಡರ್ಸನ್‌ 33ಕ್ಕೆ 4, ಓಲ್ಲೀ ರಾಬಿನ್ಸನ್‌ 64ಕ್ಕೆ 2, ಮಾರ್ಕ್‌ ವುಡ್‌ 71ಕ್ಕೆ 2) ಇಂಗ್ಲೆಂಡ್‌: ದ್ವಿತೀಯ ಇನಿಂಗ್ಸ್: 27.4 ಓವರ್‌ಗಳಿಗೆ 68/10 (ಜೋ ರೂಟ್‌ 28, ಬೆನ್‌ ಸ್ಟೋಕ್ಸ್ 11; ಸ್ಕಾಟ್‌ ಬೊಲೆಂಡ್‌ 7ಕ್ಕೆ 6, ಮಿಚೆಲ್‌ ಸ್ಟಾರ್ಕ್ 29ಕ್ಕೆ 3)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3mEvFbr
