ಹೊಸದಿಲ್ಲಿ: ಭಾರತದ ಪ್ರಕರಣಗಳ ಸಂಖ್ಯೆ ಗುರುವಾರ ತ್ರಿಶತಕ ಬಾರಿಸಿದೆ. ಒಂದೇ ದಿನ ದಾಖಲೆಯ 84 ಪ್ರಕರಣಗಳೊಂದಿಗೆ ಒಟ್ಟು ಓಮಿಕ್ರಾನ್ ತಳಿ ಪ್ರಕರಣಗಳ ಸಂಖ್ಯೆ 358ಕ್ಕೆ ತಲುಪಿದೆ. ಮಂಗಳವಾರ 44 ಓಮಿಕ್ರಾನ್ ಪ್ರಕರಣಗಳು ಪತ್ತೆಯಾಗಿದ್ದು, ಈವರೆಗಿನ ಅತ್ಯಧಿಕ ದೈನಂದಿನ ಪ್ರಕರಣಗಳ ಸಂಖ್ಯೆಯಾಗಿತ್ತು. ಈಗ ಅದರ ದುಪ್ಪಟ್ಟು ಪ್ರಕರಣ ದಾಖಲಾಗಿವೆ. ಇದುವರೆಗೂ 114 ಮಂದಿ ಅಧಿಕೃತವಾಗಿ ಗುಣಮುಖರಾಗಿದ್ದಾರೆ. ಅತಿ ಹೆಚ್ಚಿನ ದೈನಂದಿನ ಓಮಿಕ್ರಾನ್ ಪ್ರಕರಣಗಳನ್ನು ಕಂಡಿದೆ. ರಾಜ್ಯದಲ್ಲಿ ಗುರುವಾರ 33 ಕೇಸ್‌ಗಳು ದೃಢಪಟ್ಟಿವೆ. ಮಹಾರಾಷ್ಟ್ರದಲ್ಲಿ 23 ಮತ್ತು ಕರ್ನಾಟಕದಲ್ಲಿ 12 ಹೊಸ ಪ್ರಕರಣಗಳು ವರದಿಯಾಗಿವೆ. ದಿಲ್ಲಿ ಹಾಗೂ ಗುಜರಾತ್‌ನಲ್ಲಿ ತಲಾ ಏಳು ಮಂದಿಗೆ ಮತ್ತು ಒಡಿಶಾದಲ್ಲಿ ಇಬ್ಬರಿಗೆ ಓಮಿಕ್ರಾನ್ ತಗುಲಿರುವುದು ಖಚಿತವಾಗಿದೆ. ಒಟ್ಟಾರೆ ಓಮಿಕ್ರಾನ್ ಹಾವಳಿ ಅತಿ ಹೆಚ್ಚು ಇರುವ ರಾಜ್ಯಗಳಲ್ಲಿ ಮಹಾರಾಷ್ಟ್ರ ಮೊದಲ ಸ್ಥಾನದಲ್ಲಿ ಮುಂದುವರಿದಿದೆ. ಇಲ್ಲಿ ಒಟ್ಟು 88 ಪ್ರಕರಣಗಳು ದಾಖಲಾಗಿವೆ. ದಿಲ್ಲಿಯಲ್ಲಿ 64 ತೆಲಂಗಾಣದಲ್ಲಿ 38 ಪ್ರಕರಣಗಳಿವೆ. ಬುಧವಾರದವರೆಗೂ ಕೇವಲ ಒಂದು ಪ್ರಕರಣವಿದ್ದ ತಮಿಳುನಾಡು, ಏಕಾಏಕಿ 33 ಹೊಸ ಕೇಸ್‌ಗಳೊಂದಿಗೆ 34 ಪ್ರಕರಣಗಳಿಗೆ ತಲುಪುವ ಮೂಲಕ ನಾಲ್ಕನೇ ಸ್ಥಾನಕ್ಕೆ ಏರಿದೆ. ಕರ್ನಾಟಕದಲ್ಲಿ 31 ಪ್ರಕರಣ ವರದಿಯಾಗಿವೆ. ಮಹಾರಾಷ್ಟ್ರದಲ್ಲಿ ಬುಧವಾರ ಒಂದೂ ಓಮಿಕ್ರಾನ್ ಪ್ರಕರಣ ದಾಖಲಾಗಿರಲಿಲ್ಲ. ಗುರುವಾರ 23 ಕೇಸ್‌ಗಳು ವರದಿಯಾಗಿದ್ದು, ಅದರಲ್ಲಿ 17 ರೋಗ ಲಕ್ಷಣ ರಹಿತ ಕೇಸ್‌ಗಳಾಗಿವೆ. ಉಳಿದ ಆರು ಮಂದಿಯಲ್ಲಿ ಲಘು ಲಕ್ಷಣಗಳಿವೆ. ಹೊಸ ರೋಗಿಗಳಲ್ಲಿ ನಾಲ್ವರು 18 ವರ್ಷಕ್ಕಿಂತ ಚಿಕ್ಕವರು. ಕರ್ನಾಟಕದಲ್ಲಿ ವರದಿಯಾದ 12 ಪ್ರಕರಣಗಳಲ್ಲಿ 10 ಮಂದಿ ಬೆಂಗಳೂರಿನವರಾಗಿದ್ದಾರೆ. ಮೈಸೂರಿನ 9 ವರ್ಷದ ಹೆಣ್ಣುಮಗುವಿಗೂ ಓಮಿಕ್ರಾನ್ ತಗುಲಿದೆ. ಮತ್ತೊಂದು ಪ್ರಕರಣ ದಕ್ಷಿಣ ಕನ್ನಡದಲ್ಲಿ ವರದಿಯಾಗಿದೆ. ಇವರಲ್ಲಿ ಹೆಚ್ಚಿನವರು ಪ್ರಯಾಣ ಇತಿಹಾಸ ಹೊಂದಿದ್ದರೆ, ಒಂದೇ ಕುಟುಂಬದ ಮೂವರು ಬ್ರಿಟನ್‌ನಿಂದ ಮರಳಿದ ಮಹಿಳೆಯ ಕುಟುಂಬದವರಾಗಿದ್ದಾರೆ. ಅವರು ವಾಸಿಸುತ್ತಿರುವ ಕೋರಮಂಗಲದಲ್ಲಿನ ಅಪಾರ್ಟ್‌ಮೆಂಟ್ ಅನ್ನು ಕ್ಲಸ್ಟರ್ ಎಂದು ಗುರುತಿಸಲಾಗಿದೆ. ರಾಜ್ಯದಲ್ಲಿ ಘೋಷಣೆಯಾದ ಮೊದಲ ಓಮಿಕ್ರಾನ್ ಕ್ಲಸ್ಟರ್ ಇದಾಗಿದೆ. ಕೋವಿಡ್ ಪ್ರಕರಣಗಳುಭಾರತದಲ್ಲಿ ಕಳೆದ 24 ಗಂಟೆಗಳಲ್ಲಿ ಒಟ್ಟು 6,650 ಹೊಸ ಕೋವಿಡ್ ಪ್ರಕರಣಗಳು ವರದಿಯಾಗಿವೆ. 374 ಸೋಂಕಿತರು ಮೃತಪಟ್ಟಿದ್ದಾರೆ. ಇದರಿಂದ ಸಾವಿನ ಸಂಖ್ಯೆ 4,79,133ಕ್ಕೆ ಏರಿಕೆಯಾಗಿದೆ. 7,051 ಮಂದಿ ಸೋಂಕಿನಿಂದ ಚೇತರಿಸಿಕೊಂಡಿದ್ದಾರೆ. ಇದರಿಂದ ಸಕ್ರಿಯ ಪ್ರಕರಣಗಳ ಸಂಖ್ಯೆ 77,516ಕ್ಕೆ ಇಳಿಕೆಯಾಗಿದೆ. ದೇಶದಲ್ಲಿ ಈವರೆಗೂ 140.31 ಕೋಟಿ ಡೋಸ್ ಲಸಿಕೆಗಳನ್ನು ನೀಡಲಾಗಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಬಿಡುಗಡೆ ಮಾಡಿರುವ ತಿಳಿಸಿದೆ.
from India & World News in Kannada | VK Polls https://ift.tt/3mxDnnP
