ಹೊಸದಿಲ್ಲಿ: ಗಾಯಕ್ಕೆ ತುತ್ತಾಗಿರುವ ಹಿನ್ನೆಲೆಯಲ್ಲಿ ತಂಡದ ಹಿರಿಯ ವೇಗಿ ಅವರು ಬುಧವಾರವಾದಿಂದ ವಿರುದ್ಧ ಆರಂಭವಾಗಲಿರುವ ಆಶಷ್ ಟೆಸ್ಟ್ ಸರಣಿಯ ಮೊದಲನೇ ಪಂದ್ಯದಿಂದ ಹೊರ ನಡೆದಿದ್ದಾರೆ. ನಾಳೆಯಿಂದ(ಬುಧವಾರ) ಐದು ಪಂದ್ಯಗಳ ಟೆಸ್ಟ್ ಸರಣಿಯ ಆರಂಭಿಕ ಪಂದ್ಯ ಬ್ರಿಸ್ಬೇನ್ನ ದಿ ಗಬ್ಬಾ ಅಂಗಣದಲ್ಲಿ ಆರಂಭವಾಗಲಿದೆ. ಸಿಡ್ನಿ ಮಾರ್ನಿಂಗ್ ಹೆರಾಲ್ಡ್ ವರದಿಯ ಪ್ರಕಾರ, ಕಳೆದ 2019ರ ಸಮಯದಲ್ಲಿಯೂ ಜೇಮ್ಸ್ ಅಂಡರ್ಸನ್ ಇದೇ ರೀತಿಯ ಸಮಸ್ಯೆಯನ್ನು ಎದುರಿಸಿದ್ದರು. ಇದೀಗ ಮತ್ತೊಮ್ಮೆ ಅದೇ ತರಹದ ಗಾಯಕ್ಕೆ ತುತ್ತಾಗಿದ್ದಾರ. ಅಡಿಲೇಡ್ನಲ್ಲಿ ನಡೆಯುವ ಪಿಂಕ್ ಬಾಲ್ ಟೆಸ್ಟ್ ಪಂದ್ಯಕ್ಕೆ ಜೇಮ್ಸ್ ಅಂಡರ್ಸನ್ ಲಭ್ಯತೆಯನ್ನು ಖಚಿತಪಡಿಸಿಕೊಳ್ಳುವ ಸಲುವಾಗಿ ಅವರಿಗೆ ಮೊದಲನೇ ಟೆಸ್ಟ್ ಪಂದ್ಯಕ್ಕೆ ವಿಶ್ರಾಂತಿ ನೀಡಲು ಇಂಗ್ಲೆಂಡ್ ಟೀಮ್ ಮ್ಯಾನೇಜ್ಮೆಂಟ್ ನಿರ್ಧಾರ ತೆಗೆದುಕೊಂಡಿದೆ. ಕೋವಿಡ್-19 ಸಾಂಕ್ರಾಮಿಕ-ಸಂಬಂಧಿತ ನಿರ್ಬಂಧಗಳಿಂದಾಗಿ ಐದನೇ ಆಶಷ್ ಟೆಸ್ಟ್ ಪಂದ್ಯವನ್ನು ಪರ್ತ್ ಕ್ರೀಡಾಂಗಣದಿಂದ ಸ್ಥಳಾಂತರಿಸಲಾಗುವುದು ಎಂದು ಕ್ರಿಕೆಟ್ ಆಸ್ಟ್ರೇಲಿಯಾ ಸೋಮವಾರ ದೃಢಪಡಿಸಿದೆ. ಆದರೆ, ಯಾವ ಅಂಗಣಕ್ಕೆ ಶಿಫ್ಟ್ ಮಾಡಬೇಕೆಂಬಂತೆ ಇನ್ನೂ ಚರ್ಚೆ ನಡೆಸಲಾಗುತ್ತಿದೆ. ಆಸ್ಟ್ರೇಲಿಯಾ ವಿರುದ್ಧ ದಿ ಗಬ್ಬಾದಲ್ಲಿ ಬೆನ್ ಸ್ಟೋಕ್ಸ್ ಟೆಸ್ಟ್ ಕ್ರಿಕೆಟ್ಗೆ ಮರಳಲಿದ್ದಾರೆಂದು ಇಂಗ್ಲೆಂಡ್ ತಂಡ ಹೆಡ್ ಕೋಚ್ ಕ್ರಿಸ್ ಸಿಲ್ವರ್ವುಡ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಕಳೆದ 2019ರ ಆಶಷ್ ಟೆಸ್ಟ್ ಸರಣಿಯಂತೆ ಈ ಬಾರಿಯೂ ಸ್ಟೋಕ್ಸ್ ಉತ್ತಮ ಪ್ರದರ್ಶನ ತೋರಲಿದ್ದಾರೆಂದು ಹೇಳಿದ್ದಾರೆ . ಮಾನಸಿಕ ಆರೋಗ್ಯದ ಸಮಸ್ಯೆ ಹಾಗೂ ಎಡಗೈ ತೋರು ಬೆರಳಿಗೆ ಎರಡನೇ ಬಾರಿ ಶಸ್ತ್ರ ಚಿಕಿತ್ಸೆಗೆ ಒಳಗಾಗಬೇಕಾದ ಹಿನ್ನೆಲೆಯಲ್ಲಿ ಬೆನ್ ಸ್ಟೋಕ್ಸ್ ಕಳೆದ ನಾಲ್ಕು ತಿಂಗಳಿಂದ ವಿಶ್ರಾಂತಿ ಪಡೆದಿದ್ದರು. ಇದೀಗ ಅವರು ತರಬೇತಿಗೆ ಮರಳಲಿದ್ದು, ಅತ್ಯುತ್ತಮವಾಗಿ ಕಾಣುತ್ತಿದ್ದಾರೆ ಎಂದು ಸಿಲ್ವರ್ವುಡ್ ತಿಳಿಸಿದ್ದಾರೆ. ಆಸ್ಟ್ರೇಲಿಯಾ ತಂಡ: ಪ್ಯಾಟ್ ಕಮ್ಮಿನ್ಸ್ (ನಾಯಕ), ಸ್ಟೀವ್ ಸ್ಮಿತ್ (ಉಪ ನಾಯಕ), ಅಲೆಕ್ಸ್ ಕೇರಿ (ವಿಕೆಟ್ ಕೀಪರ್), ಮಾರ್ಕಸ್ ಹ್ಯಾರಿಸ್, ಉಸ್ಮಾನ್ ಖವಾಜ, ಡೇವಿಡ್ ವಾರ್ನರ್, ಟ್ರಾವಿಸ್ ಹೆಡ್, ಮಾರ್ನಸ್ ಲಾಬುಶೇನ್, ಮೈಕಲ್ ನೇಸರ್, ಕ್ಯಾಮೆರಾನ್ ಗ್ರೀನ್, ಜೇ ರಿಚರ್ಡ್ಸನ್, ಜಾಶ್ ಹೇಜಲ್ವುಡ್, ನೇಥನ್ ಲಯಾನ್ , ಮಿಚೆಲ್ ಸ್ಟಾರ್ಕ್, ಮಿಚೆಲ್ ಸ್ವೆಪ್ಸನ್ ಇಂಗ್ಲೆಂಡ್ ತಂಡ: ಜೋ ರೂಟ್ (ನಾಯಕ), ಜೋಸ್ ಬಟ್ಲರ್ (ವಿ.ಕೀ), ಜಾನಿ ಬೈರ್ಸ್ಟೋವ್ (ವಿ.ಕೀ), ಝ್ಯಾಕ್ ಕ್ರಾವ್ಲಿ, ಹಸೀಬ್ ಹಮೀದ್, ಡೇನಿಯಲ್ ಲಾರೆನ್ಸ್, ಡಾವಿಡ್ ಮನಾನ್, ಬೆನ್ ಸ್ಟೋಕ್ಸ್, ಕ್ರೈಗ್ ಓವರ್ಟನ್, ಕ್ರಿಸ್ ವೋಕ್ಸ್, ರೋರಿ ಬರ್ನ್ಸ್, ಓಲ್ಲೀ ಪೋಪ್, ಜೇಮ್ಸ್ ಆಂಡರ್ಸನ್, ಡೊಮಿನಿಕ್ ಬೆಸ್ , ಸ್ಟುವರ್ಟ್ ಬ್ರಾಡ್, ಜ್ಯಾಕ್ ಲೀಚ್, ಓಲ್ಲಿ ರಾಬಿನ್ಸನ್, ಮಾರ್ಕ್ ವುಡ್
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3pxYSW9
