ಬ್ರಿಸ್ಬೇನ್: ವಿರುದ್ಧದ ಆ್ಯಷಸ್ ಟೆಸ್ಟ್ ಕ್ರಿಕೆಟ್ ಸರಣಿಯ ಮೊದಲ ಪಂದ್ಯದಲ್ಲಿ ಆಲ್ರೌಂಡರ್ ಸತತ ನಾಲ್ಕು ನೋ-ಬಾಲ್ ಎಸೆದಿರುವುದು ಭಾರಿ ವಿವಾದಕ್ಕೆ ಕಾರಣವಾಗಿದೆ. ಅದಕ್ಕಿಂತಲೂ ದೊಡ್ಡದಾಗಿ ನಾಲ್ಕರಲ್ಲಿ 3 ನೋ-ಬಾಲ್ಗಳನ್ನು ಪಂಪೈರ್ಗಳು ಗುರುತಿಸುವಲ್ಲಿ ವಿಫಲರಾಗಿರುವುದು ಅಚ್ಚರಿ ತಂದಿದೆ. ಇಲ್ಲಿನ ಗಬ್ಬಾ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಟೆಸ್ಟ್ ಕ್ರಿಕೆಟ್ ಸರಣಿಯ ಮೊದಲ ಪಂದ್ಯದ ಎರಡನೇ ದಿನದಾಟದಲ್ಲಿ ಮೊದಲ ಬಾರಿ ಬೌಲಿಂಗ್ ದಾಳಿಗೆ ಇಳಿದ ಬೆನ್ ಸ್ಟೋಕ್ಸ್, ತಮ್ಮ ನಾಲ್ಕನೇ ಎಸೆತದಲ್ಲಿ ಆಸೀಸ್ ಓಪನರ್ ಅವರನ್ನು ಕ್ಲೀನ್ ಬೌಲ್ಡ್ ಮಾಡಿದ್ದರು. ಆದರೆ, ಟೆಲಿವಿಷನ್ ರೀಪ್ಲೇಗಳಲ್ಲಿ ಸ್ಟೋಕ್ಸ್ ಗೆರೆ ದಾಟಿ ಬೌಲಿಂಗ್ ಮಾಡಿರುವುದು ಸ್ಪಷ್ಟವಾದ ಕಾರಣ ವಾರ್ನರ್ ಜೀವದಾನ ಪಡೆದರು. ವಿಚಾರ ಇಲ್ಲಿಗೇ ಮುಗಿಯಲಿಲ್ಲ. ವಾರ್ನರ್ನ ಬೌಲ್ಡ್ ಮಾಡುವ ಮುನ್ನ ಬೆನ್ ಸ್ಟೋಕ್ಸ್ ಎಸೆದಿದ್ದ ಮೊದಲ ಮೂರೂ ಎಸೆತಗಳು ಕೂಡ ನೋ-ಬಾಲ್ ಆಗಿದ್ದವು. ಆದರೆ, ಮೂರನೇ ಅಂಪೈರ್ ಇದನ್ನು ಗಮನಿಸದೇ ಇರುವುದು ಭಾರಿ ವಿವಾದಕ್ಕೆ ಎಡೆ ಮಾಡಿದೆ. ಐಸಿಸಿ ನೂತನ ನಿಯಮಾನುಸಾರ ಆನ್-ಫೀಲ್ಡ್ ಅಂಪೈರ್ ಫ್ರಂಟ್ ಲೈನ್ ನೋ-ಬಾಲ್ ತೀರ್ಪು ನೀಡುವಂತ್ತಿಲ್ಲ. ಇದು ಮೂರನೇ ಅಂಪೈರ್ನ ಕೆಲಸವಾಗಿದೆ. ಮೂರನೇ ಅಂಪೈರ್ ಕೆಲಸವೇನು?ಐಸಿಸಿ ಟೆಸ್ಟ್ ವಿಶ್ವ ಚಾಂಪಿಯನ್ಷಿಪ್ ಟೂರ್ನಿ ಸಲುವಾಗಿ ಐಸಿಸಿ ಪ್ರಕಟ ಮಾಡಿರುವ ನಿಯಮಗಳ ಕಡೆಗೆ ಒಮ್ಮೆ ಗಮನ ಹರಿಸೋಣ. ನಿಯಮಾನುಸಾರ ಬೌಲರ್ ಬೌಲಿಂಗ್ ವೇಳೆ ಗೆರೆ ದಾಟುತ್ತಾನೆಯೇ ಎಂಬುದನ್ನು ಮೂರನೇ ಅಂಪೈರ್ ಗಮನಿಸಬೇಕು. ಹೀಗಾಗಿ ಆನ್ ಫೀಲ್ಡ್ ಅಂಪೈರ್ಗಳು ಈ ಬಗ್ಗೆ ತೀರ್ಮಾನ ತೆಗೆದುಕೊಳ್ಳುವಂತ್ತಿಲ್ಲ. "ಬೌಲರ್ನ ಫ್ರಂಟ್ ಫುಟ್ ಎಲ್ಲಿದೆ ಎಂಬುದನ್ನು ಮೂರನೇ ಅಂಪೈರ್ ಟೆಲಿವಿಷನ್ನಲ್ಲಿ ಗಮನಿಸುತ್ತಿರಬೇಕು. ಗೆರೆ ದಾಟಿದರೆ ಕೂಡಲೇ ಸ್ಟ್ರೈಕ್ ಅಂಪೈರ್ ಗಮನಕ್ಕೆ ತಂದು ಇದು ನೋ-ಬಾಲ್ ಎಂಬುದನ್ನು ತಿಳಿಸಬೇಕು," ಎಂದು ಐಸಿಸಿ ನಿಯಮಗಳು ಹೇಳುತ್ತವೆ. ಅಂತಾರಾಷ್ಟ್ರೀಯ ಕ್ರಿಕೆಟ್ ಕಂಡ ಶ್ರೇಷ್ಠ ಅಂಪೈರ್ಗಳಲ್ಲಿ ಒಬ್ಬರಾದ ಸೈಮನ್ ಟಾಫೆಲ್ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದು, ಅಂಪೈರ್ಗಳಿಂದ ಆಗುತ್ತಿರುವ ನೋ-ಬಾಲ್ ಪ್ರಮಾದಗಳ ಬಗ್ಗೆ ಬೇಸರ ಹೊರಹಾಕಿದ್ದಾರೆ. "ಪ್ರತಿಯೊಂದು ಎಸೆತವನ್ನು ಗಮನಿಸುವುದೇ ಅವರ ಕೆಲಸ. ಆದರೂ ಈ ರೀತಿಯ ತಪ್ಪುಗಳು ಆಗುತ್ತಿರುವುದಕ್ಕೆ ವಿವರಣೆ ಕೊಡಲಾಗದು," ಎಂದು ಟಾಫೆರ್ ಹೇಳಿದ್ದಾರೆ. ಆಸ್ಟ್ರೇಲಿಯಾ ಹಿಡಿತದಲ್ಲಿ ಪ್ರಥಮ ಟೆಸ್ಟ್!ಗಬ್ಬಾ ಟೆಸ್ಟ್ ಪಂದ್ಯದಲ್ಲಿ ಟಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಇಂಗ್ಲೆಂಡ್ ತಂಡ ಕಳಪೆ ಬ್ಯಾಟಿಂಗ್ ಪ್ರದರ್ಶನ ಕಾರಣ ಮೊದಲ ಇನಿಂಗ್ಸ್ನಲ್ಲಿ 147 ರನ್ಗಳ ಅಲ್ಪ ಮೊತ್ತಕ್ಕೆ ಆಲ್ ಔಟ್ ಆಯಿತು. ಬಳಿಕ ಮೊದಲ ದಿನದಾಟಕ್ಕೆ ಮಳೆ ಅಡ್ಡಿ ಪಡಿಸಿದ್ದ ಕಾರಣ ಆಸ್ಟ್ರೇಲಿಯಾ ಬ್ಯಾಟಿಂಗ್ ನಡೆಸಲಿಲ್ಲ. ಎರಡನೇ ದಿನದಾಟದಲ್ಲಿ ಮೊದಲ ಇನಿಂಗ್ಸ್ ಆರಂಭಿಸಿದ ಆಸೀಸ್ ಆರಂಭದಲ್ಲೇ ಓಪನರ್ ಮಾರ್ಕಸ್ ಹ್ಯಾರಿಸ್ (3) ವಿಕೆಟ್ ಕಳೆದುಕೊಂಡರೂ, ಡೇವಿಡ್ ವಾರ್ನರ್ ಮತ್ತು ಮಾರ್ನಸ್ ಲಾಬುಶೇನ್ (74) ನಡುವಣ ಶತಕದ ಜೊತೆಯಾಟದ ಬಲದಿಂದ ಎರಡನೇ ದಿನ ಚಹಾ ವಿರಾಮಕ್ಕೂ ಮೊದಲೇ ಇನಿಂಗ್ಸ್ ಮುನ್ನಡೆ ಗಳಿಸಿ ಪಂದ್ಯದ ಮೇಲಿನ ಸಂಪೂರ್ಣ ಹಿಡಿತ ಕಂಡುಕೊಂಡಿದೆ. ಆ್ಯಷಸ್ ಟೆಸ್ಟ್ ಸರಣಿ: ಪ್ರಥಮ ಟೆಸ್ಟ್ ಸಂಕ್ಷಿಪ್ತ ಸ್ಕೋರ್ (2ನೇ ದಿನ ಚಹಾ ವಿರಾಮಕ್ಕೆ)ಇಂಗ್ಲೆಂಡ್: ಮೊದಲ ಇನಿಂಗ್ಸ್ 50.1 ಓವರ್ಗಳಲ್ಲಿ 147 ರನ್ಗಳಿಗೆ ಆಲ್ಔಟ್ (ಹಸೀಬ್ ಹಮೀದ್ 25, ಓಲ್ಲೀ ಪೋಪ್ 35, ಜೋಸ್ ಬಟ್ಲರ್ 39, ಕ್ರಿಸ್ ವೋಕ್ಸ್ 21; ಪ್ಯಾಟ್ ಕಮಿನ್ಸ್ 38ಕ್ಕೆ 5, ಮಿಚೆಲ್ ಸ್ಟಾರ್ಕ್ 35ಕ್ಕೆ 2, ಜಾಶ್ ಹೇಝಲ್ವುಡ್ 42ಕ್ಕೆ 2, ಕ್ಯಾಮರಾನ್ ಗ್ರೀನ್ 6ಕ್ಕೆ 1). ಆಸ್ಟ್ರೇಲಿಯಾ: ಎರಡನೇ ಇನಿಂಗ್ಸ್ 50 ಓವರ್ಗಳಲ್ಲಿ 2 ವಿಕೆಟ್ಗೆ 183 (ಡೇವಿಡ್ ವಾರ್ನರ್ 89*, ಮಾರ್ನಸ್ ಲಾಬುಶೇನ್ 74; ಓಲ್ಲೀ ರಾಬಿನ್ಸನ್ 26ಕ್ಕೆ 1, ಜಾಕ್ ಲೀಚ್ 62ಕ್ಕೆ 1).
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3lM8RG8
