ಮುಂಬೈ: ವಿರುದ್ಧ ಇಲ್ಲಿನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಟೆಸ್ಟ್ ಸರಣಿಯ ಎರಡನೇ ಹಾಗೂ ಅಂತಿಮ ಪಂದ್ಯದಲ್ಲಿ ಪ್ರವಾಸಿ ನ್ಯೂಜಿಲೆಂಡ್ ತಂಡ ಸೋಲಿನ ದವಡೆಗೆ ಸಿಲುಕಿದ್ದರೂ, ತಂಡದ ಅನುಭವಿ ಸ್ಪಿನ್ನರ್ ಏಜಾಝ್ ಪಟೇಲ್ ದಾಖಲೆ ಮೇಲೆ ದಾಖಲೆ ಬರೆಯುತ್ತಿದ್ದಾರೆ. ಮೊದಲ ಇನಿಂಗ್ಸ್ನಲ್ಲಿ ಟೀಮ್ ಇಂಡಿಯಾದ ಎಲ್ಲಾ 10 ವಿಕೆಟ್ಗಳನ್ನು ಕಿತ್ತು ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಈ ಸಾಧನೆ ಮಾಡಿದ ಮೂರನೇ ಬೌಲರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದ ಏಜಾಝ್, ಇದೀಗ ಎರಡನೇ ಇನಿಂಗ್ಸ್ನಲ್ಲೂ ನಾಲ್ಕು ವಿಕೆಟ್ ಪಡೆಯುವ ಮೂಲಕ ಇಂಗ್ಲೆಂಡ್ನ ಮಾಜಿ ಆಲ್ರೌಂಡರ್ ಅವರ ಹೆಸರಲ್ಲಿದ್ದ 41 ವರ್ಷಗಳ ಹಳೇಯ ದಾಖಲೆಯನ್ನು ನುಚ್ಚು ನೂರು ಮಾಡಿದ್ದಾರೆ. ಪಟೇಲ್ ಪಂದ್ಯದಲ್ಲಿ 225 ರನ್ಗಳಿಗೆ ಒಟ್ಟು 14 ವಿಕೆಟ್ಗಳನ್ನು ಪಡೆದ ಸಾಧನೆ ಮಾಡಿದ್ದಾರೆ. ಇದು ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಭಾರತ ವಿರುದ್ಧ ಪಂದ್ಯವೊಂದರಲ್ಲಿ ಯಾವುದೇ ಬೌಲರ್ನ ಅರ್ವಶ್ರೇಷ್ಠ ಸಾಧನೆ ಆಗಿದೆ. ಇದಕ್ಕೂ ಮುನ್ನ ಇಯಾನ್ ಬಾಥಮ್ ಹೆಸರಲ್ಲಿ ಈ ದಾಖಲೆ ಇತ್ತು. ಬಾಥಮ್ 1980ರಲ್ಲಿ ಭಾರತದ ವಿರುದ್ಧ 106 ರನ್ಗಳಿಗೆ 13 ವಿಕೆಟ್ಗಳನ್ನು ಪಡೆದ ಸಾಧನೆ ಮಾಡಿದ್ದರು. ಇದೇ ವಾಂಖೆಡೆ ಕ್ರೀಡಾಂಗಣದಲ್ಲಿ ಅಂದು ಬಾಥಮ್ ಇಂಗ್ಲೆಂಡ್ ತಂಡಕ್ಕೆ 10 ವಿಕೆಟ್ಗಳ ಭರ್ಜರಿ ಜಯ ತಂದಿದ್ದರು. ಕಿವೀಸ್ನ 2ನೇ ಅತ್ಯುತ್ತಮ ಬೌಲರ್! ಪಟೇಲ್ ಇದೇ ವೇಳೆ ಟೆಸ್ಟ್ ಕ್ರಿಕೆಟ್ ಪಂದ್ಯವೊಂದರಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಎರಡನೇ ಅತ್ಯುತ್ತಮ ಬೌಲರ್ ಎನಿಸಿಕೊಂಡಿದ್ದಾರೆ. ನ್ಯೂಜಿಲೆಂಡ್ನ ಮಾಜಿ ವೇಗದ ಬೌಲರ್ ರಿಚರ್ಡ್ ಹ್ಯಾಡ್ಲೀ ಆಸ್ಟ್ರೇಲಿಯಾ ಎದುರು 1985ರ ಗಬ್ಬಾ ಟೆಸ್ಟ್ ಪಂದ್ಯದಲ್ಲಿ 123 ರನ್ಗಳಿಗೆ 15 ವಿಕೆಟ್ ಪಡೆದ ಸಾಧನೆ ಮಾಡಿದ್ದರು. ಈಗ ಪಟೇಲ್ 14 ವಿಕೆಟ್ಗಳೊಂದಿಗೆ ನಂತರದ ಸ್ಥಾನ ಅಲಂಕರಿಸಿದ್ದಾರೆ. ಟೆಸ್ಟ್ನಲ್ಲಿ ನ್ಯೂಜಿಲೆಂಡ್ ಪರ ಶ್ರೇಷ್ಠ ಬೌಲಿಂಗ್ ರಿಚರ್ಡ್ ಹ್ಯಾಡ್ಲೀ: ಆಸ್ಟ್ರೇಲಿಯಾ ವಿರುದ್ಧ 123ಕ್ಕೆ 15 (1985) ಏಜಾಝ್ ಪಟೇಲ್: ಭಾರತ ವಿರುದ್ಧ 225ಕ್ಕೆ 14 (2021) ಡೇನಿಯೆಲ್ ವೆಟೋರಿ: ಆಸ್ಟ್ರೇಲಿಯಾ ವಿರುದ್ಧ 149ಕ್ಕೆ 12 (2000) ಡೇನಿಯೆಲ್ ವೆಟೋರಿ: ಬಾಂಗ್ಲಾದೇಶ ವಿರುದ್ಧ 170ಕ್ಕೆ 12 (2004) ಪಟೇಲ್ ದಾಖಲೆ ವ್ಯರ್ಥ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿದ ಭಾರತ 325 ರನ್ಗಳ ಸಾಧಾರಣ ಮೊತ್ತವನ್ನೇ ಗಳಿಸಿದರೆ, ಮೊದಲ ಇನಿಂಗ್ಸ್ ಆರಂಭಿಸಿದ ಕಿವೀಸ್ ಪಡೆಯನ್ನು 62 ರನ್ಗಳ ದಾಖಲೆಯ ಅಲ್ಪ ಮೊತ್ತಕ್ಕೆ ಆಲ್ಔಟ್ ಮಾಡಿ ಬೃಹತ್ ಮುನ್ನಡೆ ಪಡೆಯಿತು. ಬಳಿಕ 2ನೇ ಇನಿಂಗ್ಸ್ನಲ್ಲಿ 276/7 ರನ್ಗಳಿಗೆ ಡಿಕ್ಲೇರ್ ಮಾಡಿ 540 ರನ್ಗಳ ಅಸಾಧ್ಯದ ಗುರಿ ನೀಡಿದೆ. ಎರಡನೇ ಇನಿಂಗ್ಸ್ನಲ್ಲೂ ಬ್ಯಾಟಿಂಗ್ ವೈಫಲ್ಯ ಕಂಡಿರುವ ನ್ಯೂಜಿಲೆಂಡ್ 140 ರನ್ಗಳಿಗೆ 5 ವಿಕೆಟ್ಗಳನ್ನು ಕಳೆದುಕೊಂಡು ಸೋಲಿನ ಸುಳಿಯಲ್ಲಿದೆ. ಹೀಗಾಗಿ ಏಜಾಝ್ ಪಟೇಲ್ ಅವರ ಮನಮೋಹಕ ಬೌಲಿಂಗ್ ಪ್ರದರ್ಶನ ವ್ಯರ್ಥವಾಗಿದೆ. ದ್ವಿತೀಯ ಟೆಸ್ಟ್ ಪಂದ್ಯದ (ಮೂರನೇ ದಿನದ ಅಂತ್ಯಕ್ಕೆ) ಭಾರತ: 109.5 ಓವರ್ಗಳಲ್ಲಿ 325 ರನ್ಗೆ ಆಲ್ಔಟ್ ನ್ಯೂಜಿಲೆಂಡ್: 28.1 ಓವರ್ಗಳಲ್ಲಿ 62 ರನ್ಗಳಿಗೆ ಆಲ್ಔಟ್ ಭಾರತ: 2ನೇ ಇನಿಂಗ್ಸ್ 70 ಓವರ್ಗಳಲ್ಲಿ 7 ವಿಕೆಟ್ಗೆ 276ರನ್ ಡಿ. (ಮಯಾಂಕ್ ಅರ್ವಾಲ್ 62, ಚೇತೇಶ್ವರ್ ಪೂಜಾರ 47; ಏಜಾಝ್ ಪಟೇಲ್ 106ಕ್ಕೆ 4). ನ್ಯೂಜಿಲೆಂಡ್: 45 ಓವರ್ಗಳಲ್ಲಿ 5 ವಿಕೆಟ್ಗೆ 140 ರನ್ (ಡ್ಯಾರಿಲ್ ಮಿಚೆಲ್ 60, ಹೆನ್ರಿ ನಿಕೋಲ್ಸ್ 36*; ಆರ್ ಅಶ್ವಿನ್ 27ಕ್ಕೆ 3, ಅಕ್ಷರ್ ಪಟೇಲ್ 42ಕ್ಕೆ 1).
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3rCRY4x
