ಮೋದಿ ಅಲ್ಲದೆ ಬೇರೆ ಯಾರೇ ಪ್ರಧಾನಿಯಾಗಿದ್ದರೂ ಭಾರತದೊಂದಿಗಿನ ಪಾಕಿಸ್ತಾನದ ಸಂಬಂಧ ಸರಿಯಾಗುತ್ತಿತ್ತು: ಇಮ್ರಾನ್ ಖಾನ್

ಇಸ್ಲಾಮಾಬಾದ್: ಇತರೆ ಎಲ್ಲ ಪಾಕಿಸ್ತಾನಿಯರಿಗಿಂತಲೂ ತಮಗೆ ಚೆನ್ನಾಗಿ ತಿಳಿಸಿದೆ. ಎರಡೂ ದೇಶಗಳು ಕ್ರಿಕೆಟ್‌ನ ಸಮಾನವಾದ ಪ್ರೀತಿಯನ್ನು ಹಂಚಿಕೊಂಡಿರುವುದರಿಂದ ಭಾರತದಿಂದ ದೊರೆತ ಪ್ರೀತಿ ಹಾಗೂ ಗೌರವವನ್ನು ಆನಂದಿಸಿದ್ದಾಗಿ ಪ್ರಧಾನಿ ಹೇಳಿದ್ದಾರೆ. ನ್ಯೂ ಯಾರ್ಕ್ ಟೈಮ್ಸ್‌ಗೆ ನೀಡಿದ ಸಂದರ್ಶನದಲ್ಲಿ ಇಮ್ರಾನ್ ಖಾನ್, 'ನಿಮಗೆ ಗೊತ್ತೇ, ಬಹುಶಃ ಎಲ್ಲಾ ಪಾಕಿಸ್ತಾನಿಯರಲ್ಲಿ ನಾನು ಅವರೆಲ್ಲರಿಗಿಂತಲೂ ಭಾರತವನ್ನು ಚೆನ್ನಾಗಿ ಬಲ್ಲೆ. ಎಲ್ಲರಿಗಿಂತಲೂ ನಾನು ಹೆಚ್ಚು ಪ್ರೀತಿ ಹಾಗೂ ಗೌರವವನ್ನು ಪಾಕಿಸ್ತಾನದಿಂದ ಪಡೆದುಕೊಂಡಿದ್ದೇನೆ. ಏಕೆಂದರೆ ಎನ್ನುವುದು ದೊಡ್ಡ ಕ್ರೀಡೆ. ಇದು ಎರಡೂ ದೇಶಗಳಲ್ಲಿ ಹೆಚ್ಚೂಕಡಿಮೆ ಧರ್ಮವೇ ಆಗಿದೆ' ಎಂದು ತಿಳಿಸಿದ್ದಾರೆ. ತಾವು ಪ್ರಧಾನಿ ಹುದ್ದೆಗೆ ಏರಿದ ಬಳಿಕ ಪ್ರಯತ್ನಗಳನ್ನು ನಡೆಸಿದರೂ ಭಾರತದೊಂದಿಗಿನ ವಾಣಿಜ್ಯ ಸಂಬಂಧಗಳನ್ನು ಸಹಜ ಸ್ಥಿತಿಗೆ ತರಲು ಸಾಧ್ಯವಾಗದೆ ಇರುವುದಕ್ಕೆ ಅವರು ನಿರಾಶೆ ವ್ಯಕ್ತಪಡಿಸಿದರು. ನಾಗರಿಕ ವಾಣಿಜ್ಯ ಸಂಬಂಧವು ಎರಡೂ ದೇಶಗಳಿಗೆ ಪ್ರಯೋಜನಾಕಾರಿಯಾಗಬಲ್ಲದು ಎಂದಿದ್ದಾರೆ. ''ನಾನು ಮೊದಲು ಅಧಿಕಾರ ಸ್ವೀಕರಿಸಿದಾಗ, ಪ್ರಧಾನಿ ಅವರಲ್ಲಿ ಈ ಮನವಿ ಮಾಡಿದ್ದೆ, 'ನೋಡಿ, ನಾನು ಅಧಿಕಾರಕ್ಕೆ ಬಂದ ಅತಿ ಮುಖ್ಯ ಉದ್ದೇಶ ಪಾಕಿಸ್ತಾನದ ಬಡತನವನ್ನು ನಿರ್ಮೂಲನೆ ಮಾಡುವುದು. ಭಾರತ ಮತ್ತು ಪಾಕಿಸ್ತಾನಗಳು ಸಹಜ, ನಾಗರಿಕ ವ್ಯಾಪಾರಿ ಸಂಬಂಧ ಹೊಂದುವುದು ಇದಕ್ಕೆ ಇರುವ ಅತ್ಯುತ್ತಮ ಮಾರ್ಗ. ಇದು ಉಭಯ ದೇಶಗಳಿಗೆ ಉಪಕಾರಿಯಾಗಲಿದೆ' ಎಂದು ಹೇಳಿದ್ದೆ" ಎಂದು ಖಾನ್ ತಿಳಿಸಿದ್ದಾರೆ. 'ನರೇಂದ್ರ ಮೋದಿ ಅವರ ಮೂಲವಾದ ಆರೆಸ್ಸೆಸ್‌ನ ವಿಚಿತ್ರ ಸಿದ್ಧಾಂತಗಳು ಅದಕ್ಕೆ ಗೋಡೆಯಾಗಿ ಎದುರಾಯಿತು. ಬೇರೆ ಯಾವುದೇ ಭಾರತೀಯ ನಾಯಕತ್ವ ಇದ್ದಿದ್ದರೆ ಅವರೊಂದಿಗೆ ನಾವು ಉತ್ತಮ ಸಂಬಂಧ ಹೊಂದಿರುತ್ತಿದ್ದೆವು ಎನಿಸುತ್ತದೆ. ಅಷ್ಟೇ ಅಲ್ಲ, ನಾವು ನಮ್ಮ ಎಲ್ಲಾ ಭಿನ್ನಾಭಿಪ್ರಾಯಗಳನ್ನು ಮಾತುಕತೆ ಮೂಲಕ ಪರಿಹರಿಸಿಕೊಳ್ಳುತ್ತಿದ್ದೆವು' ಎಂದಿದ್ದಾರೆ.

from India & World News in Kannada | VK Polls https://ift.tt/3xUc7D9