ಮಡಹಳ್ಳಿ ಮಹೇಶ್‌ ಗುಂಡ್ಲುಪೇಟೆ(ಚಾ.ನಗರ) ಕಳೆದ ಕೆಲ ದಿನಗಳಿಂದ ಹಾಗೂ ಧಾರಣೆಯಲ್ಲಿಆಗುತ್ತಿರುವ ಏರಿಳಿತ ಸೇರಿದಂತೆ ಇತರೆ ಕಾರಣಗಳಿಂದ ತಾಲೂಕಿನಲ್ಲಿ ಸಾಂಬಾರ್‌(ಸಣ್ಣ)ಈರುಳ್ಳಿ ಬೆಳೆದ ರೈತರು ಕಂಗಾಲಾಗಿದ್ದಾರೆ. ಕೆಂಪು ಮಣ್ಣಿನ ಪ್ರದೇಶವಿರುವ ಕಾರಣಕ್ಕೆ ತಾಲೂಕಿನಲ್ಲಿ ಹೆಚ್ಚಾಗಿ ಬೆಳೆಯುವ ವಾಣಿಜ್ಯ ಬೆಳೆ ಅರಿಶಿಣದ ಜತೆ ಮಿಶ್ರ ಬೆಳೆಯಾಗಿ ರೈತರು ಮೂರು ತಿಂಗಳ ಹಿಂದೆ ಮುಂಗಾರು ಸಾಂಬಾರ್‌(ಸಣ್ಣ)ಈರುಳ್ಳಿ ನಾಟಿ ಮಾಡಿದ್ದರು. ತೋಟಗಾರಿಕೆ ಇಲಾಖೆ ಮಾಹಿತಿ ಪ್ರಕಾರ ತಾಲೂಕಿನಲ್ಲಿ 500 ಹೆಕ್ಟೇರ್‌ ಪ್ರದೇಶದಲ್ಲಿ ನಾಟಿ ಮಾಡಲಾಗಿತ್ತು. ನೀರು, ಗೊಬ್ಬರ ಹಾಕಿ, ಕಳೆ ತೆಗೆದು, ಔಷಧಿ ಸಿಂಪಡಣೆ ಮಾಡುವ ಮೂಲಕ ರೈತರು ಬೆಳೆಯನ್ನು ಉತ್ತಮ ರೀತಿಯಲ್ಲಿ ಕಾಪಾಡಿದ್ದರು. ಈಗ ರೈತರ ನಿರೀಕ್ಷೆಯಂತೆ ಬೆಳೆ ಕಟಾವಿಗೆ ಬಂದಿದೆ. ಆದರೆ, ಮೋಡ ಕವಿದ ವಾತಾವರಣ ಮತ್ತು ತುಂತುರು ಹನಿ ಬೆಳೆಗಾರರಿಗೆ ಸಮಸ್ಯೆಯಾಗಿ ಪರಿಣಮಿಸಿದೆ. ಹಾಳಾಗುವ ಭೀತಿಬೇರೆ ಬೆಳೆಯಂತೆ ಸಂಗ್ರಹಿಸಿಟ್ಟು ಬೆಲೆ ಬಂದಾಗ ಮಾರಾಟ ಮಾಡುವ ಪದಾರ್ಥವಲ್ಲ. ಹಾಗಾಗಿ ಕಟಾವು ಆಗುತ್ತಿದ್ದಂತೆ ಸಣ್ಣ ಈರುಳ್ಳಿಯನ್ನು ಖರೀದಿಸಲು ಜಮೀನಿಗೆ ಬರುವ ವ್ಯಾಪಾರಸ್ಥರಿಗೆ ಮಾರಾಟ ಮಾಡಬೇಕು. ಕಟಾವಿನ ಸಂದರ್ಭದಲ್ಲಿ ತುಂತುರು ಹನಿಯಾದರೂ ಈರುಳ್ಳಿ ಮೆತ್ತಗಾಗುತ್ತದೆ. ಈ ರೀತಿ ಆದರೆ ವ್ಯಾಪಾರಸ್ಥರು ಕನಿಷ್ಠ ಬೆಲೆಗೂ ಕೊಳ್ಳುವುದಿಲ್ಲ. ಆದ್ದರಿಂದ ಕಷ್ಟಪಟ್ಟು ಬೆಳೆದ ಬೆಳೆ ಕೊಯ್ಲಿನ ಸಂದರ್ಭದಲ್ಲಿ ಹವಾಮಾನದ ಏರಿಳಿತದಿಂದ ಹಾಳಾಗುವುದರಿಂದ ರೈತರನ್ನು ಚಿಂತೆಗೀಡು ಮಾಡಿದೆ. ಉತ್ಪಾದನಾ ವೆಚ್ಚ ಹೆಚ್ಚಳರೈತರು ಕ್ವಿಂಟಾಲ್‌ ಬಿತ್ತನೆ ಈರುಳ್ಳಿಯನ್ನು 7,500 ರೂ. ಬೆಲೆಯಲ್ಲಿ ಖರೀದಿಸಿದ್ದರು. ನಾಟಿ, ಕಳೆ ತೆಗೆಯಲು, ಗೊಬ್ಬರ, ಔಷಧಿ ಸಿಂಪಡಣೆಗೆಂದು ಮಾಡುವ ಸಾಮಾನ್ಯ ಖರ್ಚಿನ ಜತೆಗೆ ಹೆಚ್ಚುವರಿಯಾಗಿ ಗೊಣ್ಣೆಹುಳು ಬಾಧೆಯನ್ನು ನಿಯಂತ್ರಿಸಲು ಸಾವಿರಾರು ರೂಪಾಯಿ ಕೊಟ್ಟು ರೈತರು ಔಷಧಿ ಖರೀದಿಸಿದ್ದರು. ಇದರಿಂದ ಸಾಕಷ್ಟು ಹಣ ಖರ್ಚಾಗಿತ್ತು. ಈ ನಡುವೆ ಸಕಾಲದಲ್ಲಿ ಮುಂಗಾರು ಮಳೆ ಸಮರ್ಪಕವಾಗಿ ಆಗಲಿಲ್ಲ. ಇದರಿಂದ ಕ್ವಿಂಟಾಲ್‌ ಈರುಳ್ಳಿ ನಾಟಿ ಮಾಡಿ 15 ಕ್ವಿಂಟಾಲ್‌ ಇಳುವರಿ ಬರುತ್ತದೆ ಎಂಬುದು ರೈತರ ನಿರೀಕ್ಷೆ ಆಗಿತ್ತು. ಆದರೆ ಇಳುವರಿ 10 ಕ್ವಿಂಟಾಲ್‌ಗೂ ಕಡಿಮೆ ಬಂದಿದೆ. ಅಲ್ಲದೆ 1 ಕೆ.ಜಿ ಈರುಳ್ಳಿ ಕೊಯ್ಲಿಗೆ ಕಾರ್ಮಿಕರಿಗೆ ರೈತ 2.50 ರೂ. ಪಾವತಿಸಬೇಕು. ಕಾರ್ಮಿಕರನ್ನು ಕರೆತರುವ ಆಟೋ ಬಾಡಿಗೆ, ಊಟೋಪಚಾರಕ್ಕೆ ಸಾಕಷ್ಟು ಹಣ ವ್ಯಯವಾಗುತ್ತದೆ. ಈಗಿನ ಬೆಲೆಯಲ್ಲಿ ಖರ್ಚಿನ ವೆಚ್ಚವೂ ದೊರೆಯುತ್ತಿಲ್ಲ ಎಂದು ರೈತರು ಬೇಸರ ವ್ಯಕ್ತಪಡಿಸಿದ್ದಾರೆ. ಯೋಗ್ಯ ಬೆಲೆ ಸಿಗದ ಬೇಸರರೈತರು ಈಗ ಸಾಂಬಾರ್‌(ಸಣ್ಣ) ಈರುಳ್ಳಿ ಬೆಳೆಯಲು ಮಾಡಿರುವ ಖರ್ಚನ್ನು ಲೆಕ್ಕ ಮಾಡಿದರೆ ಕ್ವಿಂಟಾಲ್‌ ಈರುಳ್ಳಿ 4 ಸಾವಿರ ರೂ.ಗೆ ಮಾರಾಟವಾದರೆ ಮಾಡಿದ ಖರ್ಚು ಬರುತ್ತದೆ. ಅದಕ್ಕಿಂತಲೂ ಕಡಿಮೆಯಾದರೆ ಕೈನಿಂದಲೇ ನಷ್ಟವಾಗುತ್ತದೆ. ಹವಾಮಾನ ಏರಿಳಿತದ ಕಾರಣ ಸದ್ಯ ಕ್ವಿಂಟಾಲ್‌ ಈರುಳ್ಳಿಯನ್ನು ವ್ಯಾಪಾರಸ್ಥರು 2 ಸಾವಿರದಿಂದ 4.600 ರೂ. ಬೆಲೆಯಲ್ಲಿ ಕೊಳ್ಳುತ್ತಿದ್ದಾರೆ. ಆದರೆ ಗರಿಷ್ಠ ಬೆಲೆ ಕೆಲವೇ ರೈತರಿಗೆ ಸಿಗುವ ಕಾರಣ ಬೆಳೆ ಬೆಳೆದ ರೈತರಲ್ಲಿನಿರಾಸೆ ಉಂಟಾಗಿದೆ. ಉತ್ತಮ ಬೆಳೆ ನಿರೀಕ್ಷೆಯಲ್ಲಿ ತಾಲೂಕಿನಲ್ಲಿ 500 ಹೆಕ್ಟೇರ್‌ನಷ್ಟು ಪ್ರದೇಶದಲ್ಲಿ ರೈತರು ಸಾಂಬಾರ್‌(ಸಣ್ಣ) ಈರುಳ್ಳಿ ಬೆಳೆದಿದ್ದರು. ಆದರೆ ಮಳೆಯಿಲ್ಲದ ಕಾರಣ ಇಳುವರಿ ಕುಂಠಿತವಾಗಿದೆ. ಹವಾಮಾನ ಏರಿಳಿತವೂ ರೈತರಿಗೆ ಸಮಸ್ಯೆಯಾಗಿ ಪರಿಣಮಿಸಿದೆ. ನಿರೀಕ್ಷೆಯ ಬೆಲೆಯೂ ಸಿಗುತ್ತಿಲ್ಲ. ರಾಜು, ಹಿರಿಯ ನಿರ್ದೇಶಕರು, ತೋಟಗಾರಿಕೆ ಇಲಾಖೆ, ಗುಂಡ್ಲುಪೇಟೆ
from India & World News in Kannada | VK Polls https://ift.tt/3h4e2Q9
