ರಾಯಚೂರು: ಕಾರಹುಣ್ಣಿಮೆ ಹಿನ್ನೆಲೆಯಲ್ಲಿ ಗ್ರಾಮೀಣ ಪ್ರದೇಶದಲ್ಲಿ ರೈತರ ಮಿತ್ರ ಎಂದೇ ಕರೆಯಿಸಿಕೊಳ್ಳುವ ಎತ್ತುಗಳಿಗೆ ಬಣ್ಣದಿಂದ ಸಿಂಗರಿಸಿ ಎತ್ತುಗಳ ಓಟದ ಸ್ಪರ್ಧೆ ಆಯೋಜಿಸುವುದು ಪದ್ಧತಿ. ಕೊರೊನಾ ಹಿನ್ನೆಲೆಯಲ್ಲಿ ಕೆಲವೆಡೆ ಮಾತ್ರ ಕಾರಹುಣ್ಣಿಮೆ ಆಚರಿಸಿದ್ದು, ಎತ್ತುಗಳ ಮೈಮೇಲೆ ತಮ್ಮ ನಾಯಕರ ಹೆಸರು ಬರೆದು ಅಭಿಮಾನ ಮೆರೆದಿದ್ದು ಈಗ ಫುಲ್‌ ವೈರಲ್‌ ಆಗಿದೆ. ಜಿಲ್ಲೆಯಲ್ಲಿ ಜೂ.24ರಂದು ಕಾರಹುಣ್ಣಿಮೆ ಆಚರಿಸಲಾಯಿತು. ಈ ವೇಳೆ ತಾಲೂಕಿನ ವಿವಿಧೆಡೆ ರೈತರು ಎತ್ತುಗಳನ್ನು ಸಿಂಗರಿಸಿದ್ದರು. ಆದರೆ ಸಿಂಗರಿಸುವ ವೇಳೆ ತಮ್ಮ ನೆಚ್ಚಿನ ನಟ, ರಾಜಕೀಯ ನಾಯಕರ ಹೆಸರು ಎತ್ತುಗಳ ಮೈಮೇಲೆ ಬರೆದು ಗಮನಸೆಳೆದಿದ್ದಾರೆ. ತಾಲೂಕಿನ ಮರ್ಚೆಟ್ಹಾಳ ಗ್ರಾಮದಲ್ಲಿ ತಿಮ್ಮಪ್ಪ ನಾಯಕ ಎಂಬ ರೈತ ತನ್ನ ಎತ್ತುಗಳ ಮೇಲೆ ಮಾಜಿ ಸಿಎಂ ಅವರೇ ಮುಂದಿನ ಮುಖ್ಯಮಂತ್ರಿ,'ಜೈ ಕನಕ' ಎಂದು ಬರೆದು ಕಾರಹುಣ್ಣಿಮೆಯಂದು ಸಂಭ್ರಮಿಸಿದ್ದಾರೆ. ತಾಲೂಕಿನ ದಿನ್ನಿ ಗ್ರಾಮದ ನಟ ಸುದೀಪ್‌ ಅಭಿಮಾನಿ ತನ್ನ ಮನೆಯಲ್ಲಿದ್ದ ಎತ್ತುಗಳ ಮೈಮೇಲೆ ಕಿಚ್ಚ, ಪೈಲ್ವಾನ್‌, ಹೆಬ್ಬುಲಿ ಎಂದು ಬಣ್ಣದಿಂದ ಬರೆದು ಸಿಂಗರಿಸಿ ಖುಷಿಪಟ್ಟಿದ್ದು ಗ್ರಾಮಸ್ಥರ ಗಮನ ಸೆಳೆದಿದೆ.
from India & World News in Kannada | VK Polls https://ift.tt/2UCdlo5
