ಹೊಸದಿಲ್ಲಿ: ನಾಯಕ ಹಾಗೂ ಚೇತೇಶ್ವರ್‌ ಪೂಜಾರ ಅವರ ವಿಕೆಟ್‌ಗಳು ಬಹುಬೇಗ ಉರುಳಿದ ಹೊರತಾಗಿಯೂ ಆರನೇ ಹಾಗೂ ಅಂತಿಮ ದಿನ ಭಾರತ ತಂಡಕ್ಕೆ ವಿಶ್ವ ಟೆಸ್ಟ್‌ ಚಾಂಪಿಯನ್ಷಿಪ್ ಫೈನಲ್‌ ಗೆಲ್ಲುವ ಅವಕಾಶವಿತ್ತು ಎಂದು ನ್ಯೂಜಿಲೆಂಡ್‌ ನಾಯಕ ಹೇಳಿದ್ದಾರೆ. ರಿಷಭ್‌ ಪಂತ್‌ ಅವರಂಥ ಆಟಗಾರನ ಕೌಂಟರ್‌ ಅಟ್ಯಾಕಿಂಗ್‌ ಬ್ಯಾಟಿಂಗ್‌ನಿಂದ ಭಾರತ ತಂಡ ದೊಡ್ಡ ಮೊತ್ತ ದಾಖಲಿಸುವ ಸಾಧ್ಯತೆ ಇತ್ತು ಹಾಗೂ ಈ ಮೊತ್ತವನ್ನು ಚೇಸ್‌ ಮಾಡುವುದು ನ್ಯೂಜಿಲೆಂಡ್‌ಗೆ ನಿಜಕ್ಕೂ ಕಠಿಣವಾಗಿರುತ್ತಿತ್ತು. ಟೀಮ್‌ ಇಂಡಿಯಾ ಸ್ಟಾರ್‌ ಬ್ಯಾಟ್ಸ್‌ಮನ್‌ಗಳಾದ ವಿರಾಟ್‌ ಕೊಹ್ಲಿ ಹಾಗೂ ಚೇತೇಶ್ವರ್‌ ಪೂಜಾರ ಅವರನ್ನು ಔಟ್‌ ಮಾಡಿದ ಕೈಲ್‌ ಜೇಮಿಸನ್‌ ನ್ಯೂಜಿಲೆಂಡ್‌ ತಂಡದ ಸ್ಟಾರ್‌ ಆಟಗಾರ ಎಂದು ವಿಲಿಯಮ್ಸನ್‌ ಹೇಳಿಕೊಂಡರು. ಡಬ್ಲ್ಯುಟಿಸಿ ಫೈನಲ್‌ ಪಂದ್ಯದ ಕೊನೆಯ ದಿನವರೆಗೂ ಭಾರತ ತಂಡಕ್ಕೆ ಗೆಲ್ಲಲು ಹೇಗೆ ಅವಕಾಶವಿತ್ತು ಎಂಬ ಬಗ್ಗೆ ಇಂಡಿಯಾ ಟುಡೇ ಸಂದರ್ಶನದಲ್ಲಿ ಕೇನ್‌ ಕಿವೀಸ್‌ ನಾಯಕ ವಿಲಿಯಮ್ಸನ್‌ ವಿವರಿಸಿದ್ದಾರೆ. "ಇಂತಹ ಸಂಗತಿಗಳು ನಮ್ಮ ಪಾಲಿಗೆ ನಡೆಯುತ್ತಿರುತ್ತವೆ. ನಿರೀಕ್ಷಿಸುತ್ತಿದ್ದ ಎಲ್ಲಾ ಫಲಿತಾಂಶಗಳು ಕೂಡ ವಾಸ್ತವಿಕವಾಗಿದ್ದು, ಅದನ್ನು ಪಡೆಯಲು ನಾವು ಸಾಧ್ಯವಾದಷ್ಟು ಪ್ರಯತ್ನವನ್ನು ನಡೆಸುತ್ತಿದ್ದೇವೆ. ಕಳೆದ ಕೆಲ ದಿನಗಳಿಂದ(ಡಬ್ಲ್ಯುಟಿಸಿ ಫೈನಲ್‌) ಯಾವುದೇ ವಿಭಿನ್ನತೆ ಇರಲಿಲ್ಲ. ಆಟ ಹೇಗೆ ಬದಲಾವಣೆಯಾಗಿತ್ತು ಹಾಗೂ ಅವಕಾಶಗಳು ಹೇಗೆ ಲಭ್ಯವಾಗುತ್ತಿದ್ದವು ಎಂಬುದನ್ನು ನೀವೇ ನೋಡಿರಬಹುದು. ಮೀಸಲು ದಿನ ಬಹುಬೇಗ ವಿಕೆಟ್‌ಗಳನ್ನು ಪಡೆದುಕೊಂಡಿದ್ದರಿಂದ ಫಲಿತಾಂಶ ಹೊರಬರುವ ಅವಕಾಶ ದಟ್ಟವಾಗಿತ್ತು. ಇದರ ಹೊರತಾಗಿಯೂ ಟೀಮ್‌ ಇಂಡಿಯಾ ನಮ್ಮ ಮೇಲೆ ಬೌಲಿಂಗ್‌ನಲ್ಲಿ ಕೌಂಟರ್‌ ದಾಳಿ ನಡೆಸಿತ್ತು," ಎಂದು ವಿಲಿಯಮ್ಸನ್‌ ಹೇಳಿದರು. ಇಂಗ್ಲೆಂಡ್‌ ವಿರುದ್ಧ ಎರಡು ಪಂದ್ಯಗಳ ಟೆಸ್ಟ್‌ ಸರಣಿ ಆಡಿದ ಮಾತ್ರಕ್ಕೆ ಉದ್ಘಾಟನಾ ಆವೃತ್ತಿಯ ವಿಶ್ವ ಟೆಸ್ಟ್‌ ಚಾಂಪಿಯನ್ಷಿಪ್ ಫೈನಲ್‌ ಹಣಾಹಣಿಗೆ ಭಾರತ ತಂಡಕ್ಕಿಂತ ನ್ಯೂಜಿಲೆಂಡ್‌ ಉತ್ತಮ ತಯಾರಿ ನಡೆಸಿದೆ ಎಂದು ನಾನು ಭಾವಿಸುವುದಿಲ್ಲ. ಡಬ್ಲ್ಯುಟಿಸಿ ಫೈನಲ್‌ ಹಣಾಹಣಿಯಲ್ಲಿ ಭಾರತದೊಂದಿಗೆ ಪೈಪೋಟಿ ನಡೆಸಿ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದು ಅತ್ಯಂತ ಕಠಿಣವಾಗಿತ್ತು ಎಂಬುದನ್ನು ವಿಲಿಯಮ್ಸನ್‌ ಬಲವಾಗಿ ನಂಬಿದ್ದಾರೆ. "ಅತ್ಯುತ್ತಮ ತಯಾರಿ ಯಾವುದು ಎಂಬುದನ್ನು ತಿಳಿದುಕೊಳ್ಳುವುದು ಕಠಿಣವಾಗಿದೆ. ಭಾರತ ತಂಡವು ನಾವು ನಿರೀಕ್ಷಿಸುತ್ತಿದ್ದಷ್ಟು ಸ್ಪರ್ಧಾತ್ಮಕ ಮತ್ತು ಪ್ರಬಲವಾಗಿತ್ತು. ಅಲ್ಲದೆ, ಅದು ಯಾವಾಗಲೂ ವಿಶ್ವ ದರ್ಜೆಯ ಕ್ರಿಕೆಟ್ ತಂಡವಾಗಿದೆ. ಡಬ್ಲ್ಯುಟಿಸಿ ಫೈನಲ್‌ಗೂ ಹೋಗುವ ಮೊದಲು ಇಂಗ್ಲೆಂಡ್‌ ಪ್ರವಾಸ ಕಾಕತಾಳೀಯ ಎಂದು ನಾನು ಭಾವಿಸುತ್ತೇನೆ. ಹಾಗಾಗಿ ಇಲ್ಲಿನ ಮೂರು ಪಂದ್ಯಗಳಿಗೆ ಸರಿಯಾದ ಸಂಯೋಜನೆಯನ್ನು ಆಡಿಸುವ ಪ್ರಯತ್ನ ಇದಾಗಿತ್ತು," ಎಂದು ಕೇನ್‌ ವಿಲಿಯಮ್ಸನ್‌ ಮಾತು ಮುಗಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3h0U0Wl
