ಹೊಸದಿಲ್ಲಿ: ನಮ್ಮ ಕಾಲಕ್ಕೆ ಹೋಲಿಕೆ ಮಾಡಿದರೆ, ಈಗಿನ ವೇಗದ ಬೌಲಿಂಗ್ ಆಲ್‌ರೌಂಡರ್‌ಗಳಲ್ಲಿ ಹೆಚ್ಚು ಓವರ್‌ಗಳು ಬೌಲ್ ಮಾಡುವ ಶಕ್ತಿ ಇಲ್ಲ ಎಂದು 1983ರ ವಿಶ್ವಕಪ್‌ ವಿಜೇತ ಭಾರತ ತಂಡದ ನಾಯಕ ಹೇಳಿದ್ದಾರೆ. ನ್ಯೂಜಿಲೆಂಡ್‌ ವಿರುದ್ಧ ಉದ್ಘಾಟನಾ ಆವೃತ್ತಿಯ ವಿಶ್ವ ಟೆಸ್ಟ್ ಚಾಂಪಿಯನ್‌ಷಿಪ್‌ ಫೈನಲ್‌ ಹಣಾಹಣಿಯಲ್ಲಿ ಭಾರತ ತಂಡ ಸೋಲು ಅನುಭವಿಸಿದ ಬಳಿಕ ಪ್ರತಿಕ್ರಿಯಿಸಿದ್ದ ನಾಯಕ ವಿರಾಟ್‌ ಕೊಹ್ಲಿ, ವೇಗದ ಬೌಲಿಂಗ್ ಆಲ್‌ರೌಂಡರ್‌ ಇಲ್ಲದೆ ತಂಡದ ಸಂಯೋಜನೆ ಉತ್ತಮವಾಗಿ ಕಾಣುತ್ತಿಲ್ಲ ಎಂದು ಹೇಳಿದ್ದರು. ಈ ಬಗ್ಗೆ ಮಾತನಾಡಿರುವ ಕಪಿಲ್‌ ದೇವ್‌, ಪ್ರಸ್ತುತ ತಂಡದಲ್ಲಿರುವ ಸೀಮ್‌ ಬೌಲಿಂಗ್ ಆಲ್‌ರೌಂಡರ್‌ಗಳನ್ನು ನಮ್ಮ ಕಾಲದ ಆಲ್‌ರೌಂಡರ್‌ಗಳಿಗೆ ಹೋಲಿಕೆ ಮಾಡಿದರೆ ಅಜಗಜಾಂತರ ವ್ಯತ್ಯಾಸವಿದೆ ಎಂದು ಹೇಳಿದ್ದಾರೆ. ಆಗ ನಾವು ನೆಟ್ಸ್‌ನಲ್ಲಿ ಟೈಲೆಂಡರ್‌ಗಳಿಗೆ ಸುಮಾರು ಹೊತ್ತು ಬೌಲಿಂಗ್ ಮಾಡುತ್ತಿದ್ದೆವು. ಆ ಮೂಲಕ ಪಂದ್ಯಗಳಲ್ಲಿ ಎಷ್ಟೇ ಹೊತ್ತು ಬೌಲ್ ಮಾಡಿದರೂ ಸುಸ್ತಾಗುತ್ತಿರಲಿಲ್ಲ. ಆದರೆ, ಈಗಿನ ವೇಗದ ಬೌಲಿಂಗ್ ಆಲ್‌ರೌಂಡರ್‌ಗಳು ಕೇವಲ 4 ಓವರ್‌ ಬೌಲ್ ಮಾಡಿದರೆ ಸಾಕು ಸುಸ್ತಾಗುತ್ತಾರೆ ಎಂದು ಹೇಳಿದ್ದಾರೆ. "ವರ್ಷಕ್ಕೆ 10 ತಿಂಗಳು ಕ್ರಿಕೆಟ್ ಆಡಿದರೆ ಗಾಯದ ಸಮಸ್ಯೆಯಲ್ಲಿ ಏರಿಕೆಯಾಗುತ್ತದೆ. ಈಗಿನ ಕ್ರಿಕೆಟ್‌ನಲ್ಲಿ ಬ್ಯಾಟಿಂಗ್‌ ಹಾಗೂ ಬೌಲಿಂಗ್ ಎರಡೂ ಮೂಲಭೂತವಾಗಿದೆ. ನಮ್ಮ ಕಾಲದಲ್ಲಿ ನಾವು ಎಲ್ಲವನ್ನೂ ಮಾಡುತ್ತಿದ್ದೆವು. ಈಗಿನ ಕ್ರಿಕೆಟ್‌ನಲ್ಲಿ ಸ್ವಲ್ಪ ಬದಲಾವಣೆಯಾಗಿದೆ. ಪ್ರಸ್ತುತ ನಾಲ್ಕು ಓವರ್‌ ಬೌಲ್ ಮಾಡಿ ಸುಸ್ತಾದರೆ, ಆಟಗಾರನಿಗೆ ನೋವಾಗುತ್ತದೆ. ಆದರೆ, ನೆಟ್ಸ್‌ನಲ್ಲಿ 3 ರಿಂದ 4 ಓವರ್‌ ಬೌಲ್ ಮಾಡಲು ಬೌಲರ್‌ಗಳಿಗೆ ಅವಕಾಶ ನೀಡಲಾಗುವುದಿಲ್ಲ ಎಂದು ಕೆಲವರು ಹೇಳುತ್ತಾರೆ. ಇದು ಸರಿ ಅಥವಾ ತಪ್ಪು ಎಂದು ನಾನು ಹೇಳುವುದಿಲ್ಲ. ಆದರೆ, ನಮ್ಮ ಕಾಲದಲ್ಲಿ ಎಲ್ಲರೂ ಬ್ಯಾಟ್‌ ಮಾಡುವವರೆಗೂ ನಾವು ಬೌಲ್ ಮಾಡಬೇಕಾಗಿತ್ತು," ಎಂದು ಹೇಳಿದರು. "ಆದರೆ, ನಮ್ಮ ಕಾಲದಲ್ಲಿ ಪಂದ್ಯದ ಸನ್ನಿವೇಶಕ್ಕೆ ತಕ್ಕಂತೆ ಎಷ್ಟು ಓವರ್‌ಗಳು ಬೌಲಿಂಗ್ ಮಾಡಬೇಕೋ ಅಷ್ಟು ಓವರ್‌ಗಳನ್ನು ಮಾಡಬೇಕೆಂಬ ಅಂಶ ನಮ್ಮಲ್ಲಿ ಮನಸಿನಲ್ಲಿ ಬಲವಾಗಿ ಬೇರೂರಿತ್ತು. ಆದರೆ, ಈಗಿನ ಬೌಲರ್‌ಗಳಿಗೆ ನಾಲ್ಕು ಓವರ್‌ ಬೌಲಿಂಗ್ ಮಾಡಿದರೆ, ಅದೇ ದೊಡ್ಡದು ಎಂಬ ರೀತಿ ಭಾವಿಸುತ್ತಾರೆ. ನಮ್ಮ ತಲೆ ಮಾರಿನ ಬೌಲರ್‌ಗಳಲ್ಲಿ ಇದು ಇರುತ್ತಿರಲಿಲ್ಲ," ಎಂದರು. ಉದ್ಘಾಟನಾ ಆವೃತ್ತಿಯ ವಿಶ್ವ ಟೆಸ್ಟ್ ಚಾಂಪಿಯನ್‌ಷಿಪ್‌ ಫೈನಲ್‌ ಹಣಾಹಣಿಯಲ್ಲಿ ಭಾರತ ತಂಡದ ಪ್ಲೇಯಿಂಗ್‌ ಇಲೆವೆನ್‌ನಲ್ಲಿ ಮೂವರು ವೇಗದ ಬೌಲರ್‌ಗಳು ಹಾಗೂ ಇಬ್ಬರು ಸ್ಪಿನ್‌ ಆಲ್‌ರೌಂಡರ್‌ಗಳನ್ನು ಆಡಿಸಲಾಗಿತ್ತು. ಆದರೆ, ನ್ಯೂಜಿಲೆಂಡ್‌ ತಂಡದಲ್ಲಿ ಮೂವರು ವೇಗದ ಬೌಲರ್‌ಗಳ ಜೊತೆಗೆ ಕೈಲ್‌ ಜೇಮಿಸನ್‌ ಹಾಗೂ ಕಾಲಿನ್‌ ಡಿ ಗ್ರಾಂಡ್ಹೋಮ್‌ ಸೇರಿ ಇಬ್ಬರು ಸೀಮ್‌ ಬೌಲಿಂಗ್ ಆಲ್‌ರೌಂಡರ್‌ಗಳನ್ನು ಕಣಕ್ಕೆ ಇಳಿಸಿತ್ತು. ಭಾರತ ತಂಡದಲ್ಲಿ ಅವರು ಸೀಮ್‌ ಬೌಲಿಂಗ್ ಆಲ್‌ರೌಂಡರ್‌ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಆದರೆ, ಬೆನ್ನು ನೋವು ಸಮಸ್ಯೆಯಿಂದ ಕಳೆದ 2018ರಿಂದ ಭಾರತ ಟೆಸ್ಟ್ ತಂಡದಿಂದ ಹೊರಗುಳಿದಿದ್ದಾರೆ. ಆದರೆ, ಟೀಮ್‌ ಮ್ಯಾನೇಜ್‌ಮೆಂಟ್‌ ನಿಧಾನವಾಗಿ ಅವರನ್ನು ಪೂರ್ಣ ಪ್ರಮಾಣದಲ್ಲಿ ತೊಡಗಿಸಿಕೊಳ್ಳಲು ವರ್ಕ್‌ಲೋಡ್‌ ಮ್ಯಾನೇಜ್‌ ಮಾಡುತ್ತಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3A3S72M
