‘ಸರ್ಕಾರ ಬೀಳಿಸುವ ಶಕ್ತಿ ಇರೋ ನನಗೆ ಇದೆಲ್ಲ ಯಾವ ಲೆಕ್ಕ?’; ಸಿ.ಡಿ ಕೇಸ್‌ ಹಿಂದಿರುವವರ ವಿರುದ್ಧ ಜಾರಕಿಹೊಳಿ ಕಿಡಿ

ಬೆಂಗಳೂರು: ಸರಕಾರ ಬೀಳಿಸಿ ಸರಕಾರ ರಚಿಸುವ ಶಕ್ತಿ ಇರುವ ನನಗೆ ಇದೆಲ್ಲಾ ಯಾವ ಲೆಕ್ಕ. ಇಂತಹ ಹತ್ತು ದೂರು ದಾಖಲಾದರೂ ಫೇಸ್‌ ಮಾಡುತ್ತೇನೆ ಎಂದು ರಮೇಶ್‌ ಜಾರಕಿಹೊಳಿ ಹೇಳಿದ್ದಾರೆ. ಕಬ್ಬನ್‌ಪಾರ್ಕ್ ಪೊಲೀಸ್‌ ಠಾಣೆಗೆ ಸಿ.ಡಿಯಲ್ಲಿರುವ ಯುವತಿ ಪರವಾಗಿ ವಕೀಲರು ದೂರು ನೀಡಿದ ನಂತರ ಸದಾಶಿವನಗರದ ಸ್ವಗೃಹದಲ್ಲಿ ಮಾಧ್ಯಮ ಪ್ರತಿನಿಧಿಗಳ ಮುಂದೆ ಪ್ರತ್ಯಕ್ಷರಾದ ಅವರು, ಶನಿವಾರ ಸಂಜೆ 4ರಿಂದ 6 ಗಂಟೆವರೆಗೂ ಕಾಯಿರಿ ಎಂದು ಹೇಳಿ, ಸಿ.ಡಿ ಪ್ರಕರಣದ ಮತ್ತೊಂದು ಸ್ಫೋಟಕ ಮಾಹಿತಿ ನೀಡುವ ಮುನ್ಸೂಚನೆ ನೀಡಿದ್ದಾರೆ. ದೂರು ಎಂಬ ಕೊನೆಯ ಬಾಣ ಬಿಟ್ಟಿದ್ದಾರೆ. ವಿರೋಧಿಗಳ ಕೊನೆಯ ಅಸ್ತ್ರ ಇದೊಂದೇ. ನಾಳೆಯಿಂದ ನಮ್ಮ ಅಸ್ತ್ರ ಆರಂಭ ಎಂದು ವಿರೋಧಿಗಳಿಗೆ ಎಚ್ಚರಿಕೆ ನೀಡಿದರು. ಇನ್ನು ‘ಇದನ್ನು ಮೊದಲೇ ಊಹಿಸಿದ್ದೆ ಎಂದಿರುವ ಜಾರಕಿಹೊಳಿ, ಹಣ ಪಡೆದು ತನ್ನ ಮೈಯನ್ನು ಜಗತ್ತಿಗೆ ತೋರಿಸಿದ ಮಹಿಳೆ ನನ್ನ ಪರವಾಗಿ ಇರಲು ಸಾಧ್ಯವೇ? ವಿರೋಧಿ ಕಂಪನಿಗೆ ಶಿಕ್ಷೆ ಆಗುತ್ತದೆ. ಮೊದಲು ನನ್ನ ಎಫ್‌ಐಆರ್‌ ವಿಚಾರಣೆ ಆಗಲಿ. ಯುವತಿ ಮನೆಯಲ್ಲಿ 10 ಲಕ್ಷ ರೂ. ಕ್ಯಾಶ್‌ ಸಿಕ್ಕಿದೆ. ಸಿ.ಡಿ. ಕಿಂಗ್‌ ಮನೆಯಲ್ಲಿ ಹಣ, ಚಿನ್ನ ದೊರಕಿದೆ. ಇದೆಲ್ಲಾ ಮೊದಲು ವಿಚಾರಣೆ ನಡೆಯಲಿ. ತಪ್ಪಿದ್ದರೆ ನೇಣಿಗೆ ಹಾಕಿ. ಷಡ್ಯಂತ್ರದ ಹಿಂದಿರುವ ವ್ಯಕ್ತಿಗಳೂ ಯಾರೆಂಬುದನ್ನೂ ಸಿಎಂ ಮತ್ತು ಗೃಹ ಸಚಿವರಿಗೆ ಮೊದಲ ದಿನವೇ ತಿಳಿಸಿದ್ದೇನೆ. ಅವರದ್ದು ಕೊನೆ. ನಾಳೆಯಿಂದ ನಮ್ಮ ಆಟ ಶುರು ಎಂದು ಹೇಳಿದರು. ಇನ್ನು ಆಕೆಯೂ ಗ್ರಾಫಿಕ್‌ ಎಂದಿದ್ದಾಳೆ. ಕುಟುಂಬಸ್ಥರ ಜತೆ ಸಂತ್ರಸ್ತೆ ಮಾತನಾಡಿದ್ದಾಳೆ ಎಂಬ ಆಡಿಯೊ ಬಗ್ಗೆ ಪ್ರತಿಕ್ರಿಯಿಸಿ, ಅದು ಗ್ರಾಫಿಕ್ಸ್‌, ವಿಡಿಯೊದಲ್ಲಿ ಇರುವವಳು ನಾನಲ್ಲ ಎಂದು ಆ ಹೆಣ್ಮಗಳು ಹೇಳಿದ್ದಾಳೆ. ಶನಿವಾರ ಸಂಜೆ 4ರಿಂದ 6ರವರೆಗೆ ಇನ್ನೂ ದೊಡ್ಡ ಪ್ರಮಾಣದ ಮಾಹಿತಿ ನೀಡುತ್ತೇನೆ ಎಂದರು. ಸದನದಲ್ಲಿ ತಮ್ಮ ವಿರುದ್ಧ ಡಿಕೆಶಿ ಮಾಡಿರುವ ಆರೋಪಕ್ಕೆ ಉತ್ತರಿಸಿ ‘ಅದು ಒಬ್ಬೊಬ್ಬರ ಸ್ವಭಾವ. ನಾನಂತೂ ಧಾರ್ಮಿಕದಲ್ಲಿ ನಂಬಿಕೆ ಇಟ್ಟಿರುವ ಮನುಷ್ಯ. ನನಗಿನ್ನೂ ಕೆಟ್ಟದನ್ನು ಬಯಸಲಿ, ಹೆಚ್ಚಿನ ತೊಂದರೆ ನೀಡಲಿ, ಅಪಮಾನ ಮಾಡಲಿ, ನಾನು ನಿರಪರಾಧಿಯಾಗಿದ್ದು ಆರೋಪದಿಂದ ಮುಕ್ತನಾಗಿ ಹೊರ ಬರುತ್ತೇನೆ. ಎಫ್‌ಐಆರ್‌ ಆದರೆ ಅಪರಾಧಿ ಎಂದು ತೀರ್ಮಾನವಲ್ಲ. ವಿಚಾರಣೆ ಆಗಬೇಕು. ತಪ್ಪಿತಸ್ಥನಾದರೇ ನಾನೇ ಪೊಲೀಸರಿಗೆ ಶರಣಾಗುತ್ತೇನೆ. ತಪ್ಪು ಮಾಡಿಲ್ಲ. ಹಾಗಾಗಿ ಜಾಮೀನು ಪಡೆಯುವುದಿಲ್ಲ ಎಂದು ಹೇಳಿದರು.

from India & World News in Kannada | VK Polls https://ift.tt/2PdU3mP