ಬೆಂಗಳೂರು: ಕ್ರಿಕೆಟ್ನ ಸಾರ್ವಕಾಲಿಕ ಶ್ರೇಷ್ಠ ಆಟಗಾರರಲ್ಲಿ ವಿಶ್ವದ ಮಾಜಿ ನಂ.1 ಬೌಲರ್ ಮತ್ತು ಮಿಸ್ಟರ್ 360 ಡಿಗ್ರಿ ಖ್ಯಾತಿಯ ಬ್ಯಾಟ್ಸ್ಮನ್ ಎಬಿ ಡಿವಿಲಿಯರ್ಸ್ ಅಗ್ರಮಾನ್ಯರು. ದಶಕ ಕಾಲ ಹರಿಣ ಪಡೆಯ ಪರ ಆಡಿರುವ ಇವರಿಬ್ಬರೂ ಆತ್ಮೀಯ ಗೆಳೆಯರು ಕೂಡ ಎಂಬುದು ಎಲ್ಲರಿಗು ತಿಳಿದೇ ಇದೆ. ಆದರೀಗ ಇದೇ ಆಟಗಾರರು ಆನ್ಫೀಲ್ಡ್ನಲ್ಲಿ ಕಿರಿಕ್ ಮಾಡಿ ಎಲ್ಲರ ಗಮನ ತಮ್ಮತ್ತ ಮತ್ತೊಮ್ಮೆ ಸೆಳೆದಿದ್ದಾರೆ. 2018ರಲ್ಲೇ ಎಲ್ಲಾ ಮಾದರಿಯ ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ನಿವೃತ್ತಿ ಹೊಂದಿದ್ದಾರೆ. ಆದರೆ ಡೇಲ್ ಸ್ಟೆನ್ ಕೇವಲ ಟೆಸ್ಟ್ ಕ್ರಿಕೆಟ್ನಿಂದ ಮಾತ್ರವೇ ದೂರವಾಗಿದ್ದಾರೆ. ಈ ಇಬ್ಬರೂ ದಿಗ್ಗಜ ತಾರೆಗಳು ಇದೀಗ ಮಾನ್ಸೀ (ಎಂಎಸ್ಎಲ್) ಟಿ20 ಟೂರ್ನಿಯಲ್ಲಿ ಆಡುತ್ತಿದ್ದು, ತಮ್ಮ ತಮ್ಮ ಫ್ರಾಂಚೈಸಿ ತಂಡಗಳ ಪರ ಭರ್ಜರಿ ಪ್ರದರ್ಶನವನ್ನೇ ನೀಡಿದ್ದಾರೆ. ಡಿ'ವಿಲಿಯರ್ಸ್ ಆಡುತ್ತಿರುವ ದಿ ಸ್ಪಾರ್ಟನ್ಸ್ ತಂಡ ಕಳೆದ ಪಂದ್ಯದಲ್ಲಿ ಸೋತರೂ ಅಂಕಪಟ್ಟಿಯಲ್ಲಿ 3ನೇ ಸ್ಥಾನ ಕಾಯ್ದುಕೊಂಡಿದೆ. ಆದರೆ ಸ್ಟೇನ್ ಆಡುತ್ತಿರುವ ಕೇಪ್ ಟೌನ್ ಬ್ಲಿಟ್ಸ್ ತಂಡ ನಾಲ್ಕನೇ ಸ್ಥಾನದಲ್ಲಿದೆ. ಈ ಎರಡೂ ತಂಡಗಳು ಡಿ.1ರಂದು ನ್ಯೂಲೆಂಡ್ಸ್ನಲ್ಲಿ ನಡೆದ ಪಂದ್ಯದಲ್ಲಿ ಮುಖಾಮುಖಿಯಾದ ಸಂದರ್ಭದಲ್ಲಿ ಎಬಿಡಿ ಮತ್ತು ಸ್ಟೇನ್ ನಡುವೆ ಜಟಾಪಟಿ ನಡೆದಿದೆ. ಇನಿಂಗ್ಸ್ನ 14ನೇ ಓವರ್ನಲ್ಲಿ ಈ ಘಟನೆ ನಡೆಯಿತು. ಗುರಿ ಬೆನ್ನತ್ತಿದ್ದ ಸ್ಪಾರ್ಟನ್ಸ್ ಪರ ಎಬಿಡಿ ಆಸರೆಯಾಗಿ ನಿಂತಿದ್ದರು. ಸ್ಟೇನ್ ಬೌಲಿಂಗ್ನಲ್ಲಿ ಡಿ'ವಿಲಿಯರ್ಸ್ ನೇರವಾಗಿ ಹೊಡೆಯುವ ಪ್ರಯತ್ನದಲ್ಲಿ ಬೌಲರ್ಗೆ ಚೆಂಡನ್ನು ಹೊಡೆದಿದ್ದರು. ಕೂಡಲೇ ಕೈ ಮೇಲೆತ್ತಿ ಎಬಿಡಿ ಕ್ಷಮೆ ಕೋರಿದರೆ, ಸ್ಟೇನ್ ಕಾಲೆಳೆಯುವ ಪ್ರಯತ್ನ ಮಾಡಿದರು. ಎಬಿಡಿಯನ್ನು ಕ್ರೀಸ್ಗೆ ಮರಳದಂತೆ ತಡೆ ಹಿಡಿದು ಚೆಂಡನ್ನು ವಿಕೆಟ್ಗೆ ಹೊಡೆಯುವ ಮೂಲಕಲ ತಮಾಷೆ ರೀತಿಯಲ್ಲಿ ಸ್ಟೇನ್ ಅಂಪೈರ್ಗೆ ವಿಕೆಟ್ ಸಲುವಾಗಿ ಮನವಿ ಮಾಡಿದರು. ಸ್ಟೇನ್ ಮತ್ತು ಡಿ'ವಿಲಿಯರ್ಸ್ ನಡುವಣ ಈ ತಮಾಷೆಯ ಜಗಳ ಕಂಡು ಕ್ರೀಡಾಂಗಣದಲ್ಲಿ ಸೇರಿದ್ದ ಪ್ರೇಕ್ಷಕರೆಲ್ಲರೂ ನಕ್ಕರು. ಈ ಇಬ್ಬರೂ ಆಟಗಾರರ ನಡುವಣ ಗೆಳೆತನವನ್ನು ಕಾಮೆಂಟೇಟರ್ಗಳು ಈ ಸಂದರ್ಭದಲ್ಲಿ ಗುಣಗಾನ ಮಾಡಿದರು. ಪಂದ್ಯದಲ್ಲಿ ಎಬಿ ಡಿ'ವಿಲಿಯರ್ಸ್, 26 ಎಸೆತಗಳಲ್ಲಿ 31 ರನ್ ಗಳಿಸಿದರಾದರೂ ತಂಡಕ್ಕೆ ಜಯ ತಂದುಕೊಡಲು ಸಾಧ್ಯವಾಗಲಿಲ್ಲ.15 ರನ್ಗಳ ಜಯ ದಾಖಲಿಸಿದ ಬ್ಲಿಟ್ಸ್ ಪರ ಸ್ಟೇನ್ 4 ಓವರ್ಗಳಲ್ಲಿ 10 ರನ್ಗೆ 3 ವಿಕೆಟ್ ಪಡೆದು ಮ್ಯಾಚ್ ವಿನ್ನರ್ ಎನಿಸಿಕೊಂಡರು. ಎಬಿಡಿ ಅವರನ್ನು ಕಾಟ್ ಅಂಡ್ ಬೌಲ್ ಮಾಡುವಲ್ಲೂ ಸ್ಟೇನ್ ಯಶಸ್ವಿಯಾಗಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2RlcGUj
