ಹೊಸದಿಲ್ಲಿ: ಭಾರತ, ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ಒಳಗೊಂಡಂತೆ ಮತ್ತೊಂದು ಬಲಿಷ್ಠ ತಂಡ ಸೇರಿಸಿ '4 ತಂಡಗಳ ಸೂಪರ್ ಸೀರೀಸ್' ಕ್ರಿಕೆಟ್ ಸರಣಿ ಆಯೋಜಿಸುವ ಅಧ್ಯಕ್ಷ ಅವರ ಆಲೋಚನೆಯನ್ನು ಪಾಕಿಸ್ತಾನದ ಮಾಜಿ ವಿಕೆಟ್ಕೀಪರ್ ಬ್ಯಾಟ್ಸ್ಮನ್ 'ಫ್ಲಾಪ್ ಐಡಿಯಾ' ಎಂದಿದ್ದಾರೆ. "ಇದಂತಹ ಸರಣಿಯನ್ನು ಆಡುವುದರಿಂದ, ಈ ನಾಲ್ಕು ತಂಡಗಳು ಜಗತ್ತಿನ ಉಳಿದ ಕ್ರಿಕೆಟ್ ತಂಡಗಳನ್ನು ಮೂಲೆಗುಂಪಾಗಿಸುವ ಲೆಕ್ಕಾಚಾರ ಹೊಂದಿವೆ. ಇದು ಒಳ್ಳೆಯ ಸುದ್ದಿಯಲ್ಲ. 'ಬಿಗ್ ತ್ರೀ' ಆಲೋಚನೆಯು 'ಫ್ರಾಲ್ ಐಡಿಯಾ' ಆಗಿದೆ. ಈ ಮೊದಲು ಕೂಡ ಇದೇ ರೀತಿಯ ಆಲೋಚನೆ ಮಾಡಲಾಗಿತ್ತು," ಎಂದು ರಶೀದ್ ಲತೀಫ್ ತಮ್ಮ ಯೂಟ್ಯೂಬ್ ಚಾನಲ್ ಮೂಲಕ ಕಿಡಿ ಕಾರಿದ್ದಾರೆ. ನಾಲ್ಕು ರಾಷ್ಟ್ರಗಳನ್ನು ಒಳಗೊಂಡ ಕ್ರಿಕೆಟ್ ಸರಣಿಯ ಆಯೋಜನೆ ಕುರಿತಾಗಿ ಬಿಸಿಸಿಐ ಜೊತೆಗೆ ಮಾತೂಕತೆ ನಡೆಸಿರುವುದಾಗಿ ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ (ಇಸಿಬಿ) ಮಂಗಳವಾರ ಹೇಳಿದ್ದು, ಈ ಬಗ್ಗೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ (ಐಸಿಸಿ) ಎದುರು ಚರ್ಚಿಸುವುದಾಗಿ ಹೇಳಿದೆ. ಸೌರವ್ ಗಂಗೂಲಿ ಆಲೋಚನೆಗೆ ಐಸಿಸಿ ಸಮ್ಮತಿಸಿದರೆ 2021ರಿಂದ 4 ತಂಡಗಳನ್ನು ಒಳಗೊಂಡ ಶುರುವಾಗಲಿದೆ. ಆದರೆ, 3ಕ್ಕಿಂತಲೂ ಹೆಚ್ಚು ತಂಡಗಳನ್ನು ಒಳಗೊಂಡ ಸರಣಿಗಳಿಗೆ ಐಸಿಸಿ ಸಮ್ಮತಿಸುವುದಿಲ್ಲ. ಹೀಗಾಗಿ ಈ ಹೊಸ ಮಾದರಿಯ ಸರಣಿ ಆರಂಭ ಕುರಿತಾಗಿ ಸಾಕಷ್ಟು ಚರ್ಚೆಯಾಗುವುದು ಬಾಕಿ ಇದೆ. ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಈಗಾಗಲೇ ಪಂದ್ಯಾವಳಿ ಬಗ್ಗೆ ಮಾತನಾಡಿದ್ದಾರೆ, ಇಸಿಬಿ ಕೂಡ ಈ ತಿಂಗಳ ಆರಂಭದಲ್ಲಿ ನಡೆದ ಚರ್ಚೆಯಲ್ಲಿ ಒಪ್ಪಿಕೊಂಡಿದೆ ಆದರೆ ಕ್ರಿಕೆಟ್ ಆಸ್ಟ್ರೇಲಿಯಾ ಈ ವಿಷಯದ ಬಗ್ಗೆ ಇನ್ನೂ ಪ್ರತಿಕ್ರಿಯೆ ನೀಡಿಲ್ಲ. ಈ ಯೋಜನೆ ಜಾರಿಗೆ ಬಂದರೆ ಕ್ರೀಡಾಂಗಣಕ್ಕೆ ಪಂದ್ಯ ವೀಕ್ಷಿಸಲು ಹೆಚ್ಚು ಪ್ರೇಕ್ಷಕರು ಹರಿದು ಬರಲಿದ್ದಾರೆ ಎಂದು ಆಸ್ಟ್ರೇಲಿಯಾದ ಮುಖ್ಯ ಕೋಚ್ ಜಸ್ಟಿನ್ ಲ್ಯಾಂಗರ್ ಅಭಿಪ್ರಾಯ ಪಟ್ಟಿದ್ದಾರೆ. "ಇಂದು ವಿಶ್ವ ಕ್ರಿಕೆಟ್ನ ವೇಳಾಪಟ್ಟಿ ಸಾಕಷ್ಟು ಬಿಗಿಯಾಗಿದೆ ಎಂಬುದನ್ನು ನಾವೆಲ್ಲರೂ ಅರ್ಥಮಾಡಿಕೊಂಡಿದ್ದೇವೆ. ಹೀಗಾಗಿ ಇಂಥದ್ದೊಂದು ಟೂರ್ನಿ ಅಥವಾ ಸರಣಿ ಆಯೋಜಿಸಲು ಸಾಕಷ್ಟು ವಿಷಯಗಳ ಇತ್ಯರ್ಥವಾಗಬೇಕು. ಈ ರೀತಿಯ ಆಲೋಚನೆಗಳನ್ನು ತಂದು ಕ್ರಿಕೆಟ್ನಲ್ಲಿ ಹೊಸ ಬಗೆಯನ್ನು ಪರಿಚಯಿಸುವುದೇ ಇದರ ಹಿಂದಿರುವ ಮುಖ್ಯ ಉದ್ದೇಶ. ಆದರೆ ಬಿಗಿಯಾದ ವೇಳಾಪಟ್ಟಿ ಇಲ್ಲಿ ಕಾಳಜಿ ವಹಿಸಬೇಕಾದ ಮುಖ್ಯ ಸಂಗತಿ," ಎಂದು ಲ್ಯಾಂಗರ್ ಅಭಿಪ್ರಾಯ ಪಟ್ಟಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/34TQ68w
