ಬೆಂಗಳೂರು: ಚಂದ್ರನ ಮೇಲೆ ಇಳಿಯುವ ಪ್ರಯತ್ನದಲ್ಲಿ ಕಳೆದುಹೋಗಿದ್ದ ಭಾರತದ ಪತ್ತೆ ಮಾಡಿದ ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾಗೆ ತಂಡ ಒಂದು ಹೊಸ ಕೆಲಸ ನೀಡಿದೆ. ಇದೇನಪ್ಪ ನಾಸಾಗೂ ಐಪಿಎಲ್ನ ತಂಡಕ್ಕೂ ಏನಪ್ಪ ಸಂಬಂಧ ಎಂದು ತಲೆ ಕೆಡಿಸಿಕೊಳ್ಳಬಹುದು. ಆದರೆ, ಆರ್ಸಿಬಿ ತಂಡ ತನ್ನ ಸೋಷಿಯಲ್ ಮೀಡಿಯಾ ಮೂಲಕ ಇಂಥದ್ದೊಂದು ಚಮಕ್ ನೀಡಿದೆ. ಕಳೆದು ಹೋಗಿದ್ದ ವಿಕ್ರಮ್ ಲ್ಯಾಂಡರ್ ಪತ್ತೆ ಮಾಡಿರುವ , ಆರ್ಸಿಬಿ ಬ್ಯಾಟ್ಸ್ಮನ್ಗಳು ಬಡಿದಟ್ಟಿದ ಚೆಂಡಗಳನ್ನೂ ಹುಡುಕಿಕೊಡಿ ಪ್ಲೀಸ್ ಎಂದು ಹಾಸ್ಯದ ಚಟಾಕಿ ಹಾರಿಸಿದೆ. ಮಂಗಳವಾರ, ಭಾರತೀಯ ಬಾಹ್ಯಾಕಾಶ ಉತ್ಸಾಹಿ ಶಣ್ಮುಗ ಸುಭ್ರಮಣ್ಯನ್, ಲೂನಾರ್ ರಿಕನಾಯ್ಸನ್ಸ್ ಆರ್ಬಿಟಲ್ ಕ್ಯಾಮೆರಾ (ಎಲ್ಆರ್ಒಸಿ) ತೆಗೆದ ಫೋಟೊಗಳ ಮೂಲಕ ಖುದ್ದಾಗಿ ವಿಕ್ರಮ್ ಲ್ಯಾಂಡರ್ನ ಪತ್ತೆ ಮಾಡಿದ್ದರು. ನಾಸಾ ಮತ್ತು ಅರಿಝೋನಾ ಸ್ಟೇಟ್ ಯೂನಿವರ್ಸಿಟಿ ಇದನ್ನು ಮಂಗಳವಾರ ಖಾತ್ರಿ ಪಡಿಸಿತ್ತು. ಇದಕ್ಕೆ ಸೋಷಿಯಲ್ ಮೀಡಿಯಾ ಮೂಲಕ ಪ್ರತಿಕ್ರಿಯೆ ನೀಡಿದ ಆರ್ಸಿಬಿ, "ವಿಕ್ರಮ್ ಲ್ಯಾಂಡರ್ ಹುಡುಕಿಕೊಟ್ಟಿರುವ ನಾಸಾ ದಯವಿಟ್ಟು ಎಬಿಡಿ ಮತ್ತು ವಿರಾಟ್ ಇಬ್ಬರೂ ಹೊಡೆದಿರುವ ಚೆಂಡುಗಳನ್ನೂ ಹುಡುಕಲು ಸಹಾಯ ಮಾಡಿ," ಎಂದು ಟ್ವೀಟ್ ಮಾಡಿದೆ. ಇದಕ್ಕೂ ಮುನ್ನ ವಿಶೇಷ ವಿಡಿಯೋ ಮೂಲಕ ವಿಕ್ರಮ್ ಲ್ಯಾಂಡರ್ ಪತ್ತೆಯಾದ ಕುರಿತಾಗಿ ಇಸ್ರೋಗೆ ಆರ್ಸಿಬಿ ಶುಭಾಶಯ ತಿಳಿಸಿ, ಹುಡುಕಿಕೊಟ್ಟ ನಾಸಾಗೆ ಧನ್ಯವಾದ ಹೇಳಿತ್ತು. ಚಂದ್ರಯಾನ 2 ಅಭಿಯಾನದ ಮೂಲಕ ಇಸ್ರೊ ಚಂದ್ರನ ಮೇಲೆ ತನ್ನ ಹೆಜ್ಜೆ ಇಡುವ ಪ್ರಯತ್ನದಲ್ಲಿ ಸೆಪ್ಟೆಂಬರ್ 6ರಂದು ವಿಕ್ರಮ್ ಲ್ಯಾಂಡರ್ ಜೊತೆಗಿನ ಸಂಪರ್ಕವನ್ನು ಕಳೆದುಕೊಂಡಿತ್ತು. ಚಂದ್ರನ ಉತ್ತರದ ಭಾಗದಲ್ಲಿ ವಿಕ್ರಮ್ ಲ್ಯಾಂಡರ್ ಇಳಿಸುವ ಪ್ರಯತ್ನದಲ್ಲಿ ಇಸ್ರೊ ವಿಫಲವಾಗಿತ್ತು. ಆರ್ಸಿಬಿಗೆ ಕಾಲೆಳೆದ ಅಭಿಮಾನಿಗಳು ನಾಸಾಗೆ ಚೆಂಡು ಹುಡುಕುವ ಕೆಲಸ ಕೊಟ್ಟ ಆರ್ಸಿಬಿಗೆ ಅಭಿಮಾನಿಗಳು ಕೂಡ ಅಷ್ಟೇ ಉತ್ತಮ ರೀತಿಯಲ್ಲಿ ಕಾಲೆಳೆದಿದ್ದಾರೆ. ನಾಸಾ ಚೆಂಡಿನ ಬದಲಿಗೆ ಆರ್ಸಿಬಿಗೆ ಕಪ್ ಗೆಲ್ಲುವುದು ಹೇಗೆ ಎಂಬ ಫಾರ್ಮುಲಾ ಹುಡುಕಿ ಕೊಡುವ ಅಗತ್ಯವಿದೆ. ಆರ್ಸಿಬಿಗೆ ಕಪ್ ಗೆಲ್ಲಲು ಸಾಧ್ಯವಾಗದೇ ಇದ್ದರೂ, ಇದಕ್ಕೇನು ಕಮ್ಮಿ ಇಲ್ಲ ಎಂದೆಲ್ಲಾ ಅಭಿಮಾನಿಗಳು ಅಣಕಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/35VGZ8i
