ಹೊಸದಿಲ್ಲಿ: ಭಾರತ ಟೆಸ್ಟ್ ತಂಡದಲ್ಲಿ ಮರಳಿ ಸ್ಥಾನ ಪಡೆದ ಬಳಿಕ ತಮ್ಮ ಅದ್ಭುತ ಬೌಲಿಂಗ್‌ ಮೂಲಕ ಆಡುವ 11ರ ಬಳಗದಲ್ಲಿ ತಮ್ಮ ಸ್ಥಾನ ಭದ್ರ ಪಡಿಸಿಕೊಂಡಿರುವ ವೇಗಿ , ಬ್ಯಾಟಿಂಗ್‌ ಮೂಲಕವೂ ತಂಡಕ್ಕೆ ಅಗತ್ಯದ ಕಾಣಿಕೆ ನೀಡುತ್ತಾಬಂದಿದ್ದಾರೆ. ಜಸ್‌ಪ್ರೀತ್‌ ಬುಮ್ರಾ ಗಾಯದ ಸಮಸ್ಯೆಗೆ ತುತ್ತಾದ ಬಳಿಕ ಆಡುವ 11ರ ಬಳಗದಲ್ಲಿ ಅವಕಾಶ ಗಿಟ್ಟಿಸಿದ ಉಮೇಶ್ ಯಾದವ್‌, ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಟೀಮ್‌ ಇಂಡಿಯಾದ ವಿಕೆಟ್‌ ಟೇಕಿಂಗ್‌ ಬೌಲರ್‌ ಆಗಿ ಹೊರಹೊಮ್ಮಿದ್ದರು. ಐಸಿಸಿ ಟೆಸ್ಟ್ ಚಾಂಪಿಯನ್‌ಷಿಪ್‌ನಲ್ಲಿ ಕನಿಷ್ಠ 4 ಪಂದ್ಯಗಳನ್ನು ಆಡಿರುವ ಬೌಲರ್‌ಗಳ ಪೈಕಿ ಅತ್ಯುತ್ತಮ ಸ್ಟ್ರೈಕ್‌ರೇಟ್‌ ಹೊಂದಿರುವವರ ಪೈಕಿ ಉಮೇಶ್ ಯಾದವ್‌ (23.1 ಸ್ಟ್ರೈಕ್‌ರೇಟ್‌) ಮುಂಚೂಣಿಯಲ್ಲಿದ್ದಾರೆ. ಅಷ್ಟೇ ಅಲ್ಲದೆ ಕಳೆದ ನಾಲ್ಕು ಟೆಸ್ಟ್ ಪಂದ್ಯಗಳಲ್ಲಿ 13.65ರ ಸರಾಸರಿಯಲ್ಲಿ ಒಟ್ಟು 23 ವಿಕೆಟ್‌ಗಳನ್ನು ಉರುಳಿಸುವ ಮೂಲಕ ಎದುರಾಳಿ ತಂಡದ ಬ್ಯಾಟ್ಸ್‌ಮನ್‌ಗಳ ಮನದಲ್ಲಿ ನಡುಕ ಹುಟ್ಟಿಸಿದ್ದಾರೆ. ಬಾಂಗ್ಲಾದೇಶ ವಿರುದ್ಧ ಕೋಲ್ಕತಾದ ಈಡನ್‌ ಗಾರ್ಡನ್ಸ್‌ನಲ್ಲಿ ನಡೆದ ಡೇ-ನೈಟ್‌ ಟೆಸ್ಟ್ ಪಂದ್ಯದ 2ನೇ ಇನಿಂಗ್ಸ್‌ನಲ್ಲಿ 5 ವಿಕೆಟ್‌ ಪಡೆದ ಸಾಧನೆಯನ್ನೂ ಮಾಡಿದ್ದರು. ಆದರೆ ಉಮೇಶ್ ಯಾದವ್‌ ಕೆಲ ವಿಶ್ವ ದಾಖಲೆಗಳನ್ನು ಬರೆದಿರುವುದು ಬ್ಯಾಟಿಂಗ್‌ನಲ್ಲಿ ಅಲ್ಲ ಬೌಲಿಂಗ್‌ನಲ್ಲಿ ಎಂಬುದು ವಿಶೇಷ. ದಕ್ಷಿಣ ಆಫ್ರಿಕಾ ವಿರುದ್ಧ ರಾಂಚಿಯಲ್ಲಿ ನಡೆದ 3ನೇ ಟೆಸ್ಟ್ ಪಂದ್ಯದಲ್ಲಿ 10 ಎಸೆತಗಳಲ್ಲಿ 31 ರನ್‌ ಚಚ್ಚಿದ ಉಮೇಶ್, ಈ ಮೂಲಕ ಇತಿಹಾಸದಲ್ಲಿ 30ಕ್ಕೂ ಹೆಚ್ಚು ರನ್‌ ಗಳಿಸಿದ್ದ ಸಂದರ್ಭದಲ್ಲಿ 310+ ಸ್ಟ್ರೈಕ್‌ರೇಟ್‌ ಹೊಂದಿರುವ ವಿಶ್ವದ ಮೊದಲ ಬ್ಯಾಟ್ಸ್‌ಮನ್‌ ಎಂಬ ದಾಖಲೆ ಬರೆದಿದ್ದರು, ಅವರ ಈ ವಿಶ್ವ ದಾಖಲೆಯ ಇನಿಂಗ್ಸ್‌ನಲ್ಲಿ 5 ಸ್ಫೋಟಕ ಸಿಕ್ಸರ್‌ಗಳು ಹೊರಬಂದಿದ್ದವು. ಇದರಲ್ಲಿ ತಾವು ಎದುರಿಸಿದ ಮೊದಲ ಎರಡು ಎಸೆತಗಳನ್ನೇ ಸಿಕ್ಸರ್‌ಗೆ ಬಾರಿಸಿ ಮತ್ತೊಂದು ದಾಖಲೆ ಬರೆದಿದ್ದರು. ಟೆಸ್ಟ್ ಕ್ರಿಕೆಟ್‌ನಲ್ಲಿ ಎದುರಿಸಿದ ಮೊದಲ ಎರಡು ಎಸೆತಗಳನ್ನೇ ಸಿಕ್ಸರ್‌ಗೆ ಅಟ್ಟಿದ ವಿಶ್ವದ 3ನೇ ಬ್ಯಾಟ್ಸ್‌ಮನ್‌ ಎಂಬ ಹೆಗ್ಗಳಿಕೆಗೆ ಅವರು ಪಾತ್ರರಾಗಿದ್ದರು. ಸಚಿನ್‌ ತೆಂಡೂಲ್ಕರ್‌ ಮತ್ತು ವೆಸ್ಟ್‌ ಇಂಡೀಸ್‌ನ ಫಾಫೀ ವಿಲಿಯಮ್ಸ್‌ (1948) ಈ ಹಿಂದೆ ಈ ದಾಖಲೆ ಬರೆದ ಬ್ಯಾಟ್ಸ್‌ಮನ್‌ಗಳಾಗಿದ್ದಾರೆ. ಇನ್ನು ಉಮೇಶ್ ಯಾದವ್‌ ಅವರ ಈ ವೀರಾವೇಶದ ಬ್ಯಾಟಿಂಗ್‌ಗೆ ಮನ ಸೋತಿರುವ ನಾಯಕ , ತಮ್ಮ ಇತ್ತೀಚಿನ ಸಂದರ್ಶನವೊಂದರಲ್ಲಿ ಉಮೇಶ್ ಅವರನ್ನು 3ನೇ ಕ್ರಮಾಂಕದಲ್ಲಿ ಬ್ಯಾಟ್‌ ಮಾಡುವಂತೆ ಮಾಡುವ ಆಲೋಚನೆ ಹೊಂದಿರುವುದಾಗಿಯೂ ಹೇಳಿದ್ದಾರೆ. "ವಿದೇಶದಲ್ಲಿ ಒಬ್ಬ ಆಲ್‌ರೌಂಡರ್‌ ಆಗಿ ಆಡಲು ಹಾರ್ದಿಕ್‌ ಪಾಂಡ್ಯ ಇನ್ನು ಸಂಪೂರ್ಣವಾಗಿ ಫಿಟ್‌ ಆಗಿಲ್ಲ. ಒಬ್ಬ ಸ್ಪಿನ್ನರ್‌ ಒಳಗೊಂಡಂತೆ 5 ಬೌಲರ್‌ಗಳನ್ನು ಆಡಿಸಿದಾಗಲೂ ನಮ್ಮ ಬ್ಯಾಟಿಂಗ್‌ ಬಗ್ಗೆ ಆತ್ಮವಿಶ್ವಾಸವಿರುತ್ತದೆ. ಏಕೆಂದರೆ ನಂ.7 ವರೆಗೂ ನಮ್ಮ ಬ್ಯಾಟಿಂಗ್‌ ಉತ್ತಮವಾಗಿದೆ. ರವೀಂದ್ರ ಜಡೇಜಾ ಮತ್ತು ಅಶ್ವಿನ್‌ ಬ್ಯಾಟ್‌ ಮಾಡಬಲ್ಲರು. ಬಳಿಕ ಉಮೇಶ್ ಯಾದವ್‌ ಬರುತ್ತಾರೆ. ಅಂದಹಾಗೆ ಉಮೇಶ್ ಬ್ಯಾಟ್‌ ಮಾಡುತ್ತಿರುವ ರೀತಿ ಗಮನಿಸಿದರೆ ಅವರನ್ನು ನಂ.3 ಸ್ಥಾನದಲ್ಲಿ ಪಿಂಚ್‌ ಹಿಟ್ಟರ್‌ ರೀತಿಯಲ್ಲಿ ಬಳಸಿಕೊಳ್ಳಬಹುದಾಗಿದೆ," ಎಂದು ಕೊಹ್ಲಿ ಸಂದರ್ಶನವೊಂದರಲ್ಲಿ ಉಮೇಶ್ ಯಾದವ್‌ ಬ್ಯಾಟಿಂಗ್‌ ಬಗ್ಗೆ ಮಾತನಾಡಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Yc32Fe
