ಹೊಸದಿಲ್ಲಿ: ಹದಿಮೂರನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಸಲುವಾಗಿ ಡಿ.19ರಂದು ಕೋಲ್ಕತಾದಲ್ಲಿ ನಡೆಯಲಿದೆ. ಆದರೆ, ಫ್ರಂಚೈಸಿ ತಂಗಳ ನಡುವಣ ಜಟಾಪಟಿ ಈಗಲೇ ಶುರುವಾದಂತಿದೆ. ಐಪಿಎಲ್ನ ಫ್ರಾಂಚೈಸಿ ತಂಡಗಳಾದ ಮತ್ತು ತಂಡಗಳು ಲಖನೌದ ಏಕನಾ ಕ್ರೀಡಾಂಗಣವನ್ನು ತಮ್ಮ ಎರಡನೇ ಮನೆಯಂಗಳವನ್ನಾಗಿಸಿಕೊಳ್ಳಲು ಭಾರಿ ಪೈಪೋಟಿಗೆ ಬಿದ್ದಿವೆ. ಈ ವಿಚಾರವಾಗಿ ಏಕನಾ ಗ್ರೂಪ್ಸ್ನ ಮುಖ್ಯಸ್ಥ ಮತ್ತು ವ್ಯವಸ್ಥಾಪಕ ನಿರ್ದೇಶರಾದ ಉದಯ್ ಸಿನ್ಹಾ ಅವರು ಮಾತನಾಡಿ, "ಈ ವಿಚಾರವಾಗಿ ಮಾತುಕತೆ ನಡೆಯುತ್ತಿದ್ದು, ಫ್ರಾಂಚೈಸಿ ತಂಡಗಳ ಮುನ್ನೋಟ, ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಮತ್ತು ಉತ್ತರ ಪ್ರದೇಶ ಕ್ರಿಕೆಟ್ ಸಂಸ್ಥೆಯ ನಿರ್ಧಾರವನ್ನೂ ಆಧರಿಸಿದೆ," ಎಂದು ಹೇಳಿದ್ದಾರೆ. "ಕಿಂಗ್ಸ್ ಇಲೆವೆನ್ ಮತ್ತು ಕ್ಯಾಪಿಟಲ್ಸ್ ಜೊತೆಗೆ ಮಾತುಕತೆ ನಡೆಸಿದ್ದೇವೆ. ಆದರೆ ಅಂತಿಮ ನಿರ್ಧಾರ ಕೈಗೊಳ್ಳಬೇಕಿದೆ. ಈ ವಿಚಾರವಾಗಿ ಬಿಸಿಸಿಐ ಮತ್ತು ಯುಪಿಸಿಎ ನಿಲುವು ಹೇಗಿದೆ ಎಂಬುದನ್ನು ಮೊದಲು ತಿಳಿದುಕೊಳ್ಳಬೇಕು," ಎಂದಿದ್ದಾರೆ. ಇದೇ ವೇಳೆ ಎರಡು ಫ್ರಾಂಚೈಸಿ ತಂಡಗಳು ತಮ್ಮ ಮನಯಂಗಣದ ಪಂದ್ಯಗಳನ್ನಾಡಲು ಲಖನೌಗಾಗಿ ಹೋರಾಟ ನಡೆಸುತ್ತಿರುವುದರ ಕುರಿತಾಗಿಯೂ ಮಾತನಾಡಿದ ಸಿನ್ಹಾ, "ಇದು ನಿಜಕ್ಕೂ ಗೌರವದ ಸಂಗತಿ. ದೇಶದಲ್ಲಿರುವ ಅತ್ಯುತ್ತಮ ಕ್ರೀಡಾಂಗಣಗಳಲ್ಲಿ ಇದೂ ಒಂದಾಗಿದೆ. ಹೀಗಾಗಿ ತಂಡಗಳ ಆಸಕ್ತಿ ಉತ್ತಮ ಅನುಭವ ತಂದುಕೊಟ್ಟಿದೆ. ಅಂದಹಾಗೆ ಈ ಕ್ರೀಡಾಂಗಣ ಆಯೋಜಿಸಿದ ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಣ ಮೊತ್ತ ಮೊದಲ ಪಂದ್ಯಕ್ಕೆ ವಿಶ್ವ ದಾಖಲೆಯ ಮೊತ್ತವನ್ನು ಟಿಕೆಟ್ಗಳ ಮೂಲಕ ಕಲೆಹಾಕಲಾಗಿತ್ತು," ಎಂದು ಹೇಳಿದ್ದಾರೆ. ಇನ್ನು ದಾಖಲೆಗಳ ಪ್ರಕಾರ ಲಖನೌ ಕ್ರೀಡಾಂಗಣವನ್ನು ತನ್ನ 2ನೇ ಮನೆಯಂಗಣವನ್ನಾಗಿಸಿಕೊಳ್ಳಲು ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ ಕಳೆದ ವರ್ಷವೇ ಒಂದೆಜ್ಜೆ ಮುಂದಿಟ್ಟಿದೆ. "ಕಿಂಗ್ಸ್ ಇಲೆವೆನ್ 2019ರ ಆವೃತ್ತಿಯಲ್ಲೇ ಲಖನೌಗೆ ವರ್ಗಾವಣೆ ಬಯಸಿತ್ತು. ಈ ಕುರಿತಾಗಿ ಮನವಿಯನ್ನೂ ಸಲ್ಲಿಸಿತ್ತು. ಆದರೆ, ದೇಶದಲ್ಲಿ ಚುನಾವಣೆ ನಡುಯುತ್ತಿದ್ದ ಕಾರಣ ಇಂಥದ್ದೊಂದು ಬದಲಾವಣೆ ಸಾಧ್ಯವಾಗಲಿಲ್ಲ," ಎಂದು ಬಿಸಿಸಿಐ ಅಧಿಕಾರಿಗಳು ತಿಳಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/34Qx8Am
