ಬೆಂಗಳೂರು: ಕ್ರಿಕೆಟ್ ಬೆಳವಣಿಗೆಗಳ ಬಗ್ಗೆ ಹದ್ದಿನ ಕಣ್ಣಿಟ್ಟಿರುವ ಆಸ್ಟ್ರೇಲಿಯಾ ತಂಡದ ಮಾಜಿ ಎಡಗೈ ಸ್ಪಿನ್ನರ್ , ಇದೀಗ ಮತ್ತು ನಡುವೆ ನಾಯಕತ್ವದ ಹಂಚಿಕೆ ಆಗಿರುವ ಬಗ್ಗೆ ಎಚ್ಚರಿಕೆ ಒಂದನ್ನು ರವಾನಿಸಿದ್ದಾರೆ. ಕಳೆದ ತಿಂಗಳು ನಡೆದ ನ್ಯೂಜಿಲೆಂಡ್ ವಿರುದ್ಧದ 3 ಪಂದ್ಯಗಳ ಟಿ20 ಕ್ರಿಕೆಟ್ ಸರಣಿ ಮೂಲಕ ಚುಟುಕು ಮಾದರಿಯಲ್ಲಿ ಭಾರತ ತಂಡದ ಪೂರ್ಣ ಪ್ರಮಾಣದ ನಾಯಕತ್ವ ವಹಿಸಿಕೊಂಡಿದ್ದ ರೋಹಿತ್ ಶರ್ಮಾ ಅವರಿಗೆ ಈಗ ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿ ನಡೆಯಲಿರುವ ಏಕದಿನ ಕ್ರಿಕೆಟ್ ಸರಣಿ ಮೂಲಕ ಒಡಿಐ ತಂಡದ ನಾಯಕತ್ವ ಕೂಡ ಲಭ್ಯವಾಗಲಿದೆ. ಅಂದಹಾಗೆ ಏಕದಿನ ಕ್ರಿಕೆಟ್ನಲ್ಲಿ ಭಾರತ ತಂಡದ ನಾಯತ್ವ ಪಡೆದು 70ಕ್ಕೂ ಹೆಚ್ಚಿನ ಗೆಲುವಿನ ಸರಾಸರಿ ಹೊಂದಿರುವ ಯಶಸ್ವಿ ನಾಯಕ ವಿರಾಟ್ ಕೊಹ್ಲಿ ಅವರನ್ನು ಈ ರೀತಿ ಹಠಾತ್ತನೆ ನಾಯಕತ್ವ ಬಿಡುವಂತೆ ಮಾಡಿರುವುದನ್ನು ಹಲವರು ಟೀಕಿಸಿದ್ದಾರೆ. ಕೆಲವರು ನಾಯಕತ್ವದ ಹಂಚಿಕೆ ಟೀಮ್ ಇಂಡಿಯಾಗೆ ವರದಾನವಾಗಲಿದೆ ಎಂದು ಅಭಿಪ್ರಾಯ ಪಟ್ಟಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಆಸ್ಟ್ರೇಲಿಯಾದ ದಿಗ್ಗಜ ಬ್ರಾಡ್ ಹಾಗ್, ನಾಯಕತ್ವ ಹಂಚಿಕೆ ಆಗಿರುವುದು ಉತ್ತಮ. ರೆಡ್ ಬಾಲ್ ಮತ್ತು ವೈಟ್ ಬಾಲ್ ಕ್ರಿಕೆಟ್ಗೆ ಪ್ರತ್ಯೇಕ ನಾಯಕನ ಆಯ್ಕೆ ಉತ್ತಮ ನಿರ್ಧಾರ. ಇದರಿಂದ ಬಿಡುವಿಲ್ಲದ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಆಟಗಾರರ ಮೇಲಿನ ಹೊರೆ ನಿರ್ವಹಣೆ ಸಾಧ್ಯ. ಆದರೆ, ಇದರಿಂದ ಟೀಮ್ ಇಂಡಿಯಾ ಡ್ರೆಸಿಂಗ್ ರೂಮ್ ಇಬ್ಭಾಗವಾಗಬಾರದು ಅಷ್ಟೇ ಎಂದು ತಮ್ಮ ಯೂಟ್ಯೂಬ್ ಕಾರ್ಯಕ್ರಮದಲ್ಲಿ ಎಚ್ಚರಿಸಿದ್ದಾರೆ. "ಇದೊಂದು ಉತ್ತಮ ನಿರ್ಧಾರ. ಈ ಬೆಳವಣಿಗೆಯನ್ನು ವಿರಾಟ್ ಕೊಹ್ಲಿ ಆನಂದಿಸಬೇಕು. ಈ ಮೂಲಕ ಟೆಸ್ಟ್ ಕ್ರಿಕೆಟ್ ತಂಡದ ನಾಯಕತ್ವದ ಕಡೆಗೆ ಗಮನ ನೀಡಿ ಆಟ ಸುಧಾರಿಸುವ ಕಡೆಗೆ ಗಮನ ಕೊಡಬೇಕಾಗಿದೆ. ಅದೇ ರೀತಿ ರೋಹಿತ್ ಶರ್ಮಾ ವೈಟ್ ಬಾಲ್ ಕ್ರಿಕೆಟ್ ನಾಯಕತ್ವದ ಕಡೆಗೆ ಗಮನ ನೀಡಬೇಕು. ತೆಗೆದುಕೊಂಡಿರುವ ಈ ನಿರ್ಧಾರದಿಂದ ವಿರಾಟ್ ಕೊಹ್ಲಿ ಮೇಲಿನ ಒತ್ತಡ ನಿಜಕ್ಕೂ ಕಡಿಮೆಯಾಗಲಿದೆ. ಕಳೆದ ಕೆಲ ವರ್ಷಗಳಲ್ಲಿ ಮೂರೂ ಮಾದರಿಯಲ್ಲಿ ತಂಡವನ್ನು ಮುನ್ನೆಸುತ್ತಾ ಕೊಹ್ಲಿ ಒತ್ತಡ ಅನುಭವಿಸಿದ್ದನ್ನು ಗಮನಿಸಿದ್ದೇವೆ," ಎಂದು ಹಾಗ್ ಹೇಳಿದ್ದಾರೆ. "ಕೆಲವೊಮ್ಮೆ ಅಮೃತವೂ ವಿಷವಾಗಬಹುದು. ಬಿಸಿಸಿಐ ತೆಗೆದುಕೊಂಡಿರುವ ನಾಯಕತ್ವದ ಹಂಚಿಕೆ ವರದಾನವಾಗಲಿ ಎಂದಷ್ಟೇ ಹಾರೈಸುತ್ತೇನೆ. ಭಾರತ ತಂಡದ ಮುಂದಿನ ಪ್ರವಾಸದಲ್ಲಿ ತಂಡದ ಡ್ರೆಸ್ಸಿಂಗ್ ರೂಮ್ ಇಬ್ಭಾಗವಾಗದೇ ಇರಲಿ. ನಾಯಕತ್ವ ಹಂಚಿಕೆ ಆಗಿರುವುದು ತಂಡವನ್ನು ಒಡೆಯದೇ ಇರಲಿ," ಎಂದು ಹಾಗ್ ಎಚ್ಚರಿಸಿದ್ದಾರೆ. ದಕ್ಷಿಣ ಆಫ್ರಿಕಾ ಪ್ರವಾಸಕ್ಕೆ ಭಾರತ ತಂಡ ಡಿಸೆಂಬರ್ 16ರಂದು ಪ್ರಯಾಣ ಬೆಳೆಸಲಿದ್ದು, ಡಿಸೆಂಬರ್ 26ರಂದು ಸೆಂಚೂರಿಯನ್ನಲ್ಲಿ ಟೆಸ್ಟ್ ಕ್ರಿಕೆಟ್ ಸರಣಿ ಶುರುವಾಗಲಿದೆ. ಈ ಸರಣಿ ಸಲುವಾಗಿ 18 ಸದಸ್ಯರ ಭಾರತ ಟೆಸ್ಟ್ ತಂಡವನ್ನು ಬಿಸಿಸಿಐ ಪ್ರಕಟ ಮಾಡಿದ್ದು, ಕೊಹ್ಲಿಗೆ ನಾಯಕತ್ವ ಮತ್ತು ರೋಹಿತ್ಗೆ ಉಪನಾಯಕನ ಪಟ್ಟ ನೀಡಿದೆ. ಮೂರು ಪಂದ್ಯಗಳ ಟೆಸ್ಟ್ ಸರಣಿ ಬಳಿಕ ಅಷ್ಟೇ ಪಂದ್ಯಗಳ ಏಕದಿನ ಕ್ರಿಕೆಟ್ ಸರಣಿ ಜರುಗಲಿದೆ. ಏಕದಿನ ಸರಣಿಗೆ ಭಾರತ ತಂಡದ ಆಯ್ಕೆ ಇನ್ನು ಬಾಕಿಯಿದೆ. ದಕ್ಷಿಣ ಆಫ್ರಿಕಾ ಪ್ರವಾಸದ ವೇಳಾಪಟ್ಟಿ ಹೀಗಿದೆಟೆಸ್ಟ್ ಸರಣಿಪ್ರಥಮ ಟೆಸ್ಟ್: ಡಿಸೆಂಬರ್ 26-30, ಸೆಂಚೂರಿಯನ್ ದ್ವಿತೀಯ ಟೆಸ್ಟ್: ಜನವರಿ 03-07, ಜೊಹಾನ್ಸ್ಬರ್ಗ್ ತೃತೀಯ ಟೆಸ್ಟ್: ಜನವರಿ 11-15, ಕೇಪ್ ಟೌನ್ ಏಕದಿನ ಕ್ರಿಕೆಟ್ ಸರಣಿಪ್ರಥಮ ಒಡಿಐ: ಜನವರಿ 19, ಪಾರ್ಲ್ ದ್ವಿತೀಯ ಒಡಿಐ: ಜನವರಿ 21, ಪಾರ್ಲ್ ತೃತೀಯ ಒಡಿಐ: ಜನವರಿ 23, ಕೇಪ್ ಟೌನ್ ದಕ್ಷಿಣ ಆಫ್ರಿಕಾ ಪ್ರವಾಸಕ್ಕೆ ಭಾರತ ಟೆಸ್ಟ್ ತಂಡ ಹೀಗಿದೆವಿರಾಟ್ ಕೊಹ್ಲಿ (ನಾಯಕ), ರೋಹಿತ್ ಶರ್ಮಾ (ಉಪನಾಯಕ), ಕೆಎಲ್ ರಾಹುಲ್, ಮಯಾಂಕ್ ಅಗರ್ವಾಲ್, ಚೇತೇಶ್ವರ್ ಪೂಜಾರ, ಅಜಿಂಕ್ಯ ರಹಾನೆ, ಶ್ರೇಯಸ್ ಅಯ್ಯರ್, ಹನುಮ ವಿಹಾರಿ, ರಿಷಭ್ ಪಂತ್ (ವಿಕೆಟ್ಕೀಪರ್), ವೃದ್ಧಿಮಾನ್ ಸಹಾ (ವಿಕೆಟ್ಕೀಪರ್), ಆರ್ ಅಶ್ವಿನ್, ಜಯಂತ್ ಯಾದವ್, ಇಶಾಂತ್ ಶರ್ಮಾ, ಮೊಹಮ್ಮದ್ ಶಮಿ, ಉಮೇಶ್ ಯಾದವ್, ಜಸ್ಪ್ರೀತ್ ಬುಮ್ರಾ, ಶಾರ್ದುಲ್ ಠಾಕೂರ್, ಮೊಹಮ್ಮದ್ ಸಿರಾಜ್.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3dH2D5Z
