ಹೊಸ ದಿಲ್ಲಿ: ಓಮಿಕ್ರಾನ್‌ ರೂಪಾಂತರಿಯು ಆತಂಕ ಹೆಚ್ಚಿಸಿರುವ ಹಿನ್ನೆಲೆಯಲ್ಲಿ ಜನರಿಗೆ ಹೇಗಾದರೂ ಮಾಡಿ ಕೊರೊನಾ ನಿರೋಧಕ ಲಸಿಕೆ ನೀಡಲು ರಾಜ್ಯ ಸರ್ಕಾರಗಳು ತೀರ್ಮಾನಿಸಿವೆ. ಲಸಿಕೆ ಪಡೆಯದವರಿಗೆ ಪಡಿತರ ಸೇರಿ ಸರ್ಕಾರದ ಸೌಲಭ್ಯಗಳನ್ನು ನೀಡಬಾರದು ಎಂದು ಕರ್ನಾಟಕ ತಾಂತ್ರಿಕ ಸಲಹಾ ಸಮಿತಿ (ಟಿಎಸಿ) ಮಾಡಿರುವ ಶಿಫಾರಸು ಹಾಗೂ ಉಚಿತ ಚಿಕಿತ್ಸೆ ನೀಡಬಾರದೆಂಬ ರಾಜ್ಯ ಸರ್ಕಾರದ ಯೋಚನೆಯು ಹಲವು ರಾಜ್ಯಗಳ ಗಮನ ಸೆಳೆದಿದ್ದು, ಅದೇ ತಂತ್ರ ಅನುಸರಿಸಲು ತೀರ್ಮಾನಿಸಿವೆ.ಲಸಿಕೆ ಅಭಿಯಾನ ತೀವ್ರಗೊಳಿಸಬೇಕು, ವಿಶೇಷವಾಗಿ ಎರಡನೇ ಡೋಸ್‌ ನೀಡುವ ಕುರಿತು ಗಮನ ಹರಿಸಬೇಕು ಎಂದು ಕೇಂದ್ರ ಸರಕಾರವು ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳಿಗೆ ಒತ್ತಡ ಹೇರುತ್ತಲೇ ಇದೆ. ರಾಜ್ಯಗಳ ಬಳಿ ಕೋಟ್ಯಂತರ ಡೋಸ್‌ಗಳಿದ್ದರೂ ಮೊದಲ ಡೋಸ್‌ ಪಡೆದವರು ಎರಡನೇ ಡೋಸ್‌ ಪಡೆಯದಿರುವುದು ತಲೆನೋವಾಗಿದೆ. ಹೀಗಾಗಿ ಈಗ 'ಬೆದರಿಕೆ'ಯ ಅಸ್ತ್ರ ಪ್ರಯೋಗಿಸಲು ರಾಜ್ಯಗಳು ಮುಂದಾಗಿವೆ.ಕೇರಳ: ಲಸಿಕೆ ಪಡೆಯದವರಿಗೆ ಉಚಿತವಾಗಿ ಕೊರೊನಾ ಚಿಕಿತ್ಸೆ ನೀಡದಿರಲು ಕೇರಳ ಸರಕಾರ ತೀರ್ಮಾನಿಸಿದೆ. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಈ ತೀರ್ಮಾನ ಕೈಗೊಳ್ಳಲಾಗಿದೆ.ಮಹಾರಾಷ್ಟ್ರ: ಲಸಿಕೆ ಪಡೆಯದವರು ಸಾರಿಗೆ ಬಸ್‌ಗಳನ್ನು ಹತ್ತದಂತೆ ನಿರ್ಬಂಧಿಸಲಾಗುವುದು ಎಂದು ಠಾಣೆ ಮೇಯರ್‌ ನರೇಶ್‌ ಮ್ಹಾಸ್ಕೆ ಘೋಷಿಸಿದ್ದಾರೆ. ಠಾಣೆ ನಗರದ ಹಲವೆಡೆ ಸಂಚರಿಸಲು ಸಹ ಲಸಿಕೆ ಪ್ರಮಾಣ ಪತ್ರ ಕಡ್ಡಾಯಗೊಳಿಸಲಾಗಿದೆ. ಪಡಿತರ ನಿರಾಕರಣೆ ಸೇರಿದಂತೆ ರಾಜ್ಯಾದ್ಯಂತ ಹಲವು ನಿರ್ಬಂಧ ವಿಧಿಸಲು ಮಹಾರಾಷ್ಟ್ರ ಸರಕಾರ ಚಿಂತನೆ ನಡೆಸುತ್ತಿದೆ ಎಂದು ಮೂಲಗಳು ತಿಳಿಸಿವೆ.ಮಧ್ಯಪ್ರದೇಶ: ಎರಡೂ ಡೋಸ್‌ ಪಡೆಯದವರಿಗೆ ಮದ್ಯ ಮಾರಾಟ ಮಾಡದಂತೆ ಖಂಡ್ವಾ ಜಿಲ್ಲೆಯ ಅಬಕಾರಿ ಅಧಿಕಾರಿ ಆದೇಶ ಹೊರಡಿಸಿದ್ದಾರೆ. ಒಂದೂ ಡೋಸ್‌ ಪಡೆಯದವರು ಅಥವಾ ಒಂದೇ ಡೋಸ್‌ ಪಡೆದವರಿಗೆ ಮದ್ಯ ಮಾರಾಟ ಮಾಡಬಾರದು ಎಂದು ಮದ್ಯದಂಗಡಿಗಳಿಗೆ ಸೂಚಿಸಲಾಗಿದೆ.ರಾಜ್ಯಗಳ ಬಳಿ ಕೋಟ್ಯಂತರ ಡೋಸ್‌ಗಳಿದ್ದರೂ ಮೊದಲ ಡೋಸ್‌ ಪಡೆದವರು ಎರಡನೇ ಡೋಸ್‌ ಪಡೆಯದಿರುವುದು ತಲೆನೋವಾಗಿದೆ. ಹೀಗಾಗಿ ಈಗ 'ಬೆದರಿಕೆ'ಯ ಅಸ್ತ್ರ ಪ್ರಯೋಗಿಸಲು ರಾಜ್ಯಗಳು ಮುಂದಾಗಿವೆ.
ಓಮಿಕ್ರಾನ್‌ ರೂಪಾಂತರಿಯು ಆತಂಕ ಹೆಚ್ಚಿಸಿರುವ ಹಿನ್ನೆಲೆಯಲ್ಲಿ ಜನರಿಗೆ ಹೇಗಾದರೂ ಮಾಡಿ ಕೊರೊನಾ ನಿರೋಧಕ ಲಸಿಕೆ ನೀಡಲು ರಾಜ್ಯ ಸರ್ಕಾರಗಳು ತೀರ್ಮಾನಿಸಿವೆ. ಲಸಿಕೆ ಪಡೆಯದವರಿಗೆ ಪಡಿತರ ಸೇರಿ ಸರ್ಕಾರದ ಸೌಲಭ್ಯಗಳನ್ನು ನೀಡಬಾರದು ಎಂದು ಕರ್ನಾಟಕ ತಾಂತ್ರಿಕ ಸಲಹಾ ಸಮಿತಿ (ಟಿಎಸಿ) ಮಾಡಿರುವ ಶಿಫಾರಸು ಹಾಗೂ ಉಚಿತ ಚಿಕಿತ್ಸೆ ನೀಡಬಾರದೆಂಬ ರಾಜ್ಯ ಸರ್ಕಾರದ ಯೋಚನೆಯು ಹಲವು ರಾಜ್ಯಗಳ ಗಮನ ಸೆಳೆದಿದ್ದು, ಅದೇ ತಂತ್ರ ಅನುಸರಿಸಲು ತೀರ್ಮಾನಿಸಿವೆ.
ಲಸಿಕೆ ಅಭಿಯಾನ ತೀವ್ರಗೊಳಿಸಬೇಕು, ವಿಶೇಷವಾಗಿ ಎರಡನೇ ಡೋಸ್‌ ನೀಡುವ ಕುರಿತು ಗಮನ ಹರಿಸಬೇಕು ಎಂದು ಕೇಂದ್ರ ಸರಕಾರವು ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳಿಗೆ ಒತ್ತಡ ಹೇರುತ್ತಲೇ ಇದೆ. ರಾಜ್ಯಗಳ ಬಳಿ ಕೋಟ್ಯಂತರ ಡೋಸ್‌ಗಳಿದ್ದರೂ ಮೊದಲ ಡೋಸ್‌ ಪಡೆದವರು ಎರಡನೇ ಡೋಸ್‌ ಪಡೆಯದಿರುವುದು ತಲೆನೋವಾಗಿದೆ. ಹೀಗಾಗಿ ಈಗ 'ಬೆದರಿಕೆ'ಯ ಅಸ್ತ್ರ ಪ್ರಯೋಗಿಸಲು ರಾಜ್ಯಗಳು ಮುಂದಾಗಿವೆ.
ಕೇರಳ:
ಲಸಿಕೆ ಪಡೆಯದವರಿಗೆ ಉಚಿತವಾಗಿ ಕೊರೊನಾ ಚಿಕಿತ್ಸೆ ನೀಡದಿರಲು ಕೇರಳ ಸರಕಾರ ತೀರ್ಮಾನಿಸಿದೆ. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಈ ತೀರ್ಮಾನ ಕೈಗೊಳ್ಳಲಾಗಿದೆ.
ಮಹಾರಾಷ್ಟ್ರ:
ಲಸಿಕೆ ಪಡೆಯದವರು ಸಾರಿಗೆ ಬಸ್‌ಗಳನ್ನು ಹತ್ತದಂತೆ ನಿರ್ಬಂಧಿಸಲಾಗುವುದು ಎಂದು ಠಾಣೆ ಮೇಯರ್‌ ನರೇಶ್‌ ಮ್ಹಾಸ್ಕೆ ಘೋಷಿಸಿದ್ದಾರೆ. ಠಾಣೆ ನಗರದ ಹಲವೆಡೆ ಸಂಚರಿಸಲು ಸಹ ಲಸಿಕೆ ಪ್ರಮಾಣ ಪತ್ರ ಕಡ್ಡಾಯಗೊಳಿಸಲಾಗಿದೆ. ಪಡಿತರ ನಿರಾಕರಣೆ ಸೇರಿದಂತೆ ರಾಜ್ಯಾದ್ಯಂತ ಹಲವು ನಿರ್ಬಂಧ ವಿಧಿಸಲು ಮಹಾರಾಷ್ಟ್ರ ಸರಕಾರ ಚಿಂತನೆ ನಡೆಸುತ್ತಿದೆ ಎಂದು ಮೂಲಗಳು ತಿಳಿಸಿವೆ.
ಮಧ್ಯಪ್ರದೇಶ:
ಎರಡೂ ಡೋಸ್‌ ಪಡೆಯದವರಿಗೆ ಮದ್ಯ ಮಾರಾಟ ಮಾಡದಂತೆ ಖಂಡ್ವಾ ಜಿಲ್ಲೆಯ ಅಬಕಾರಿ ಅಧಿಕಾರಿ ಆದೇಶ ಹೊರಡಿಸಿದ್ದಾರೆ. ಒಂದೂ ಡೋಸ್‌ ಪಡೆಯದವರು ಅಥವಾ ಒಂದೇ ಡೋಸ್‌ ಪಡೆದವರಿಗೆ ಮದ್ಯ ಮಾರಾಟ ಮಾಡಬಾರದು ಎಂದು ಮದ್ಯದಂಗಡಿಗಳಿಗೆ ಸೂಚಿಸಲಾಗಿದೆ.
20 ದೇಶಗಳಿಗೆ ವ್ಯಾಪಿಸಿದ ರೂಪಾಂತರಿ
- ಬುಧವಾರ ಸೌದಿ ಅರೇಬಿಯಾ, ನೈಜೀರಿಯಾ, ಬ್ರೆಜಿಲ್‌ಗಳಲ್ಲಿ ಓಮಿಕ್ರಾನ್‌ ಸೋಂಕು ಪತ್ತೆ, 20 ದೇಶಗಳಿಗೆ ವ್ಯಾಪಿಸಿದ ರೂಪಾಂತರಿ
- ಹೊಸ ರೂಪಾಂತರಿ ಬೆನ್ನಲ್ಲೇ ಜಪಾನ್‌ನಲ್ಲಿ ಬೂಸ್ಟರ್‌ ಡೋಸ್‌ ನೀಡಿಕೆ ಆರಂಭ
- ಅಮೆರಿಕದಲ್ಲಿ ಅಂತಾರಾಷ್ಟ್ರೀಯ ಪ್ರಯಾಣಿಕರಿಗೆ ನಿಯಮ ಮತ್ತಷ್ಟು ಕಠಿಣ
ದಿಲ್ಲಿಗೆ ಬಂದ ನಾಲ್ವರಿಗೆ ಸೋಂಕು
ಬ್ರಿಟನ್‌ ಹಾಗೂ ನೆದರ್‌ಲೆಂಡ್‌ನಿಂದ ಬುಧವಾರ ಬೆಳಗಿನ ಜಾವ ದಿಲ್ಲಿಗೆ ಆಗಮಿಸಿದ ನಾಲ್ವರಿಗೆ ಕೊರೊನಾ ದೃಢಪಟ್ಟಿದ್ದು, ಅವರ ಜೈವಿಕ ಮಾದರಿಯನ್ನು ಜಿನೋಮ್‌ ಸೀಕ್ವೆನ್ಸಿಂಗ್‌ಗೆ ಕಳುಹಿಸಲಾಗಿದೆ. 'ಆ್ಯಮ್‌ಸ್ಟರ್‌ಡ್ಯಾಂ ಹಾಗೂ ಲಂಡನ್‌ನಿಂದ ನಾಲ್ಕು ವಿಮಾನಗಳಲ್ಲಿ 1,013 ಪ್ರಯಾಣಿಕರು ದಿಲ್ಲಿಗೆ ಆಗಮಿಸಿದ್ದು, ಇವರಲ್ಲಿ ನಾಲ್ವರಿಗೆ ಸೋಂಕು ದೃಢಪಟ್ಟಿದೆ. ನಾಲ್ವರೂ ಭಾರತೀಯರಾಗಿದ್ದು, ಎನ್‌ಎನ್‌ಜೆಪಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ' ಎಂದು ಮೂಲಗಳು ತಿಳಿಸಿವೆ.
ಆಫ್ರಿಕನ್‌ ದೇಶಗಳಿಗೆ ಭಾರತ ಲಸಿಕೆ ಪೂರೈಕೆ
ಹೊಸ ರೂಪಾಂತರಿ ಭೀತಿ ಮಧ್ಯೆಯೂ ಕೇಂದ್ರ ಸರಕಾರವು ಹಲವು ಆಫ್ರಿಕನ್‌ ದೇಶಗಳಿಗೆ ಶೀಘ್ರವೇ ಲಸಿಕೆ ಸರಬರಾಜು ಮಾಡಲಿದೆ ಎಂದು ಸರಕಾರದ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ. 'ದೇಶದಲ್ಲಿ ಕೊರೊನಾ ನಿರೋಧಕ ಲಸಿಕೆಯ ಸಂಗ್ರಹ ಹೇರಳವಾಗಿದೆ. ಹಾಗಾಗಿ ಶೀಘ್ರದಲ್ಲೇ ಬೋಟ್ಸ್‌ವಾನಾ, ಮಾಲ್ವಾಯಿ, ಜಾಂಬಿಯಾ, ಇಥಿಯೋಪಿಯಾ, ಮೊಜಾಂಬಿಕ್‌, ಗಿನಿ, ಲೊಸೋಥೊ ಸೇರಿ ಹಲವು ರಾಷ್ಟ್ರಗಳಿಗೆ ರಫ್ತು ಮಾಡಲಿದೆ' ಎಂದು ತಿಳಿಸಿದ್ದಾರೆ.
ಯೂರೋಪಿಯನ್‌ ಒಕ್ಕೂಟ ತುರ್ತು ಸಭೆ
ದಿನೇ ದಿನೇ ಹಲವು ರಾಷ್ಟ್ರಗಳಿಗೆ ಹೊಸ ರೂಪಾಂತರಿ ಪಸರಿಸುತ್ತಿರುವ ಕಾರಣ ಡಿಸೆಂಬರ್ 7 ರಂದು ತುರ್ತು ಸಭೆ ನಡೆಸಲು ಯೂರೋಪಿಯನ್‌ ಒಕ್ಕೂಟ ಸಭೆ ನಡೆಸಲು ತೀರ್ಮಾನಿಸಿದೆ. ಓಮಿಕ್ರಾನ್‌ ತಂದೊಡ್ಡಿರುವ ಆತಂಕದ ಕುರಿತು ಮಂಗಳವಾರ ಒಕ್ಕೂಟದ 27 ರಾಷ್ಟ್ರಗಳ ಆರೋಗ್ಯ ಸಚಿವರು ಸಭೆ ನಡೆಸಲಿದ್ದಾರೆ. ಅದರಲ್ಲೂ, ನಿಗದಿಯಂತೆ ಡಿಸೆಂಬರ್ 16 ರಂದು ಸಭೆ ನಡೆಯಲಿದ್ದು, ಮುಂದಿನ ಕ್ರಮಗಳ ಕುರಿತು ತೀರ್ಮಾನ ತೆಗೆದುಕೊಳ್ಳುವ ಸಾಧ್ಯತೆಯಿದೆ ಎಂದು ತಿಳಿದುಬಂದಿದೆ.
ಮಾರ್ಗಸೂಚಿ ಪಾಲಿಸಲು ಮಹಾರಾಷ್ಟ್ರಕ್ಕೆ ಸೂಚನೆ
ಅಂತಾರಾಷ್ಟ್ರೀಯ ಪ್ರಯಾಣಿಕರ ಆಗಮನ ಕುರಿತು ಕೇಂದ್ರ ಸರಕಾರ ಹೊರಡಿಸಿರುವ ಪರಿಷ್ಕೃತ ಮಾರ್ಗಸೂಚಿ ಪಾಲಿಸಬೇಕು ಎಂದು ಕೇಂದ್ರ ಸರಕಾರ ಮಹಾರಾಷ್ಟ್ರ ಸರಕಾರಕ್ಕೆ ಸೂಚಿಸಿದೆ. ಕೇಂದ್ರ ಆರೋಗ್ಯ ಕಾರ್ಯದರ್ಶಿ ರಾಜೇಶ್‌ ಭೂಷಣ್‌ ಈ ಕುರಿತು ರಾಜ್ಯ ಸರಕಾರಕ್ಕೆ ಪತ್ರ ಬರೆದಿದ್ದು, 'ಕೇಂದ್ರ ಸರಕಾರ ಹೊರಡಿಸಿರುವ ಮಾರ್ಗಸೂಚಿಗಳನ್ನು ಮಹಾರಾಷ್ಟ್ರ ಪಾಲಿಸಬೇಕು. ಎಲ್ಲ ರಾಜ್ಯ ಹಾಗೂ ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಏಕರೂಪದ ಮಾರ್ಗಸೂಚಿ ಪಾಲಿಸುವುದು ಅಗತ್ಯ' ಎಂದು ತಿಳಿಸಿದ್ದಾರೆ. ಓಮಿಕ್ರಾನ್‌ ಭೀತಿ ಹಿನ್ನೆಲೆಯಲ್ಲಿ ಕೇಂದ್ರ ಸರಕಾರವು ಅಂತಾರಾಷ್ಟ್ರೀಯ ಪ್ರಯಾಣಿಕರಿಗೆ 14 ದಿನ ಕ್ವಾರಂಟೈನ್‌ ಸೇರಿ ಹಲವು ಮಾರ್ಗಸೂಚಿ ನೀಡಿದೆ. ಆದರೆ, ಮಹಾರಾಷ್ಟ್ರದಲ್ಲಿ ಕೆಲ ನಿಯಮ ಬದಲಿಸಿದ್ದು, ಕ್ವಾರಂಟೈನ್‌ ಅವಧಿಯನ್ನು ಏಳು ದಿನಗಳಿಗೆ ಇಳಿಸಿದೆ.
from India & World News in Kannada | VK Polls https://ift.tt/3xHmeMP
