ಲಂಡನ್‌: ಪ್ರಸ್ತುತ ನಡೆಯುತ್ತಿರುವ ಟೆಸ್ಟ್ ಸರಣಿಯಲ್ಲಿ 1-1 ಸಮಬಲ ಕಾಯ್ದುಕೊಂಡಿರುವ ಭಾರತ ಹಾಗೂ ಇಂಗ್ಲೆಂಡ್ ತಂಡಗಳು ಇಲ್ಲಿನ ಕೆನ್ನಿಂಗ್ಟನ್ ಓವಲ್‌ ಮೈದಾನದಲ್ಲಿ ನಾಳೆಯಿಂದ(ಗುರುವಾರ) ಆರಂಭವಾಗುವ ನಾಲ್ಕನೇ ಪಂದ್ಯದಲ್ಲಿ ಮುಖಾಮುಖಿಯಾಗಲಿವೆ. ಅಂದಹಾಗೆ 1971ರ ಬಳಿಕ ಈ ಅಂಗಳದಲ್ಲಿ ಭಾರತ ಒಮ್ಮೆಯೂ ಗೆದ್ದಿಲ್ಲ ಎಂಬುದು ಬೇಸರದ ಸಂಗತಿ.ಐತಿಹಾಸಿಕ ಲಾರ್ಡ್ಸ್ ಟೆಸ್ಟ್ ಪಂದ್ಯದಲ್ಲಿ 151 ರನ್‌ಗಳ ಭರ್ಜರಿ ಜಯ ಗಳಿಸಿದ್ದ ಭಾರತ ತಂಡ, ಟೆಸ್ಟ್ ಸರಣಿಯಲ್ಲಿ 1-0 ಮುನ್ನಡೆ ಗಳಿಸಿತ್ತು. ಆದರೆ, ಕಳೆದ ಹೆಡಿಂಗ್ಲೇ ಟೆಸ್ಟ್‌ನಲ್ಲಿ ಇನಿಂಗ್ಸ್ ಹಾಗೂ 76 ರನ್‌ಗಳಿಂದ ಇಂಗ್ಲೆಂಡ್ ವಿರುದ್ಧ ಕೊಹ್ಲಿ ಪಡೆ ಹೀನಾಯ ಸೋಲಿನ ಆಘಾತಕ್ಕೆ ಒಳಗಾಗಿತ್ತು. ಗೆಲುವಿನೊಂದಿಗೆ ರೂಟ್ ಪಡೆ ಸರಣಿಯಲ್ಲಿ 1-1 ಸಮಬಲ ಸಾಧಿಸಿತ್ತು. ಅಂದಹಾಗೆ ಎರಡನೇ ಪಂದ್ಯದಲ್ಲಿ ಹೀನಾಯವಾಗಿ ಸೋತಿದ್ದ ಇಂಗ್ಲೆಂಡ್ ತಂಡಕ್ಕೆ ಮೂರನೇ ಪಂದ್ಯಕ್ಕೆ ತಯಾರಿ ನಡೆಸಲು 9 ದಿನಗಳ ಸಮಯ ಲಭಿಸಿತ್ತು. ಈ ಸಮಯವನ್ನು ಸದುಪಯೋಗಪಡಿಸಿಕೊಂಡ ಇಂಗ್ಲೆಂಡ್, ಆರಂಭಿಕ ಹಸೀಬ್ ಹಮೀದ್‌ ಹಾಗೂ ಮೂರನೇ ಕ್ರಮಾಂಕ್ಕೆ ಡಾವಿಡ್‌ ಮಲಾನ್‌ ಅವರನ್ನು ಸಜ್ಜುಗೊಳಿಸಿತ್ತು. ಅದರಂತೆ ಈ ಇಬ್ಬರ ಆಗಮನದಿಂದ ಇಂಗ್ಲೆಂಡ್ ತಂಡ ಮೂರನೇ ಪಂದ್ಯ ಗೆದ್ದುಕೊಂಡಿತ್ತು. ಅಲ್ಲದೆ, ಕಳೆದ ಪಂದ್ಯದ ಪ್ರಥಮ ಇನಿಂಗ್ಸ್‌ನಲ್ಲಿ ಭಾರತವನ್ನು ಕೇವಲ 78 ರನ್‌ಗಳಿಗೆ ಆಲ್‌ಔಟ್‌ ಮಾಡಿದ್ದ ಇಂಗ್ಲೆಂಡ್ ತಂಡದ ಬೌಲಿಂಗ್ ವಿಭಾಗ ಕೂಡ ಪರಿಣಾಮಕಾರಿಯಾಗಿದೆ. ಜೇಮ್ಸ್ ಆಂಡರ್ಸನ್‌ಗೆ ಅತ್ಯುತ್ತಮ ಸಾಥ್‌ ನೀಡುತ್ತಿರುವ ಓಲ್ಲೀ ರಾಬಿನ್ಸನ್‌ ಲೀಡ್ಸ್‌ ಟೆಸ್ಟ್‌ನಲ್ಲಿ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಸ್ವೀಕರಿಸಿದ್ದರು. ಅದರಂತೆ, ಇಂಗ್ಲೆಂಡ್ ಬೌಲರ್‌ಗಳು ಕೆನ್ನಿಂಗ್ಟನ್ ಓವಲ್‌ ಟೆಸ್ಟ್‌ನಲ್ಲಿಯೂ ಭಾರತದ ಮೇಲೆ ದಾಳಿ ನಡೆಸಲು ಸಜ್ಜಾಗುತ್ತಿದ್ದಾರೆ. ಮತ್ತೊಂದೆಡೆ ಭಾರತ ತಂಡ ಕಳೆದ ಪಂದ್ಯದ ಪ್ರಥಮ ಇನಿಂಗ್ಸ್‌ನಲ್ಲಿ ಎರಡಂಕಿ ಮೊತ್ತಕ್ಕೆ ಆಲೌಟಾಗಿದ್ದ ಹೊರತಾಗಿಯೂ ದ್ವಿತೀಯ ಇನಿಂಗ್ಸ್‌ನಲ್ಲಿ ಅದ್ಭುತವಾಗಿ ಕಮ್‌ಬ್ಯಾಕ್‌ ಮಾಡಿತ್ತು. ಆದರೆ, ನಾಲ್ಕನೇ ದಿನದಾಟದ ಮೊದಲ ಅವಧಿಯಲ್ಲಿ ಓಲ್ಲೀ ರಾಬಿನ್ಸನ್‌ ಬೌಲಿಂಗ್ ದಾಳಿ ಮೆಟ್ಟಿ ನಿಲ್ಲುವಲ್ಲಿ ಭಾರತ ವಿಫಲವಾಗಿತ್ತು. ಇದೀಗ ಭಾರತ ತಂಡ ತನ್ನ ತಪ್ಪುಗಳನ್ನು ತಿದ್ದಿಕೊಂಡು ನಾಲ್ಕನೇ ಪಂದ್ಯವಾಡಲು ಸಜ್ಜಾಗುತ್ತಿದೆ.ಗುರುವಾರ ಕೆನ್ನಿಂಗ್ಟನ್ ಓವಲ್‌ನಲ್ಲಿ ಆರಂಭವಾಗಲಿರುವ ನಾಲ್ಕನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ಹಾಗೂ ಇಂಗ್ಲೆಂಡ್ ತಂಡಗಳು ಮುಖಾಮುಖಿಯಾಗಲಿವೆ. ಅಂದಹಾಗೆ 1971ರ ಬಳಿಕ ಈ ಅಂಗಳದಲ್ಲಿ ಭಾರತ ಒಂದೇ ಒಂದು ಟೆಸ್ಟ್ ಪಂದ್ಯದಲ್ಲಿಯೂ ಗೆಲುವು ದಾಖಲಿಸಿಲ್ಲ.
ಲಂಡನ್‌:
ಪ್ರಸ್ತುತ ನಡೆಯುತ್ತಿರುವ ಟೆಸ್ಟ್ ಸರಣಿಯಲ್ಲಿ 1-1 ಸಮಬಲ ಕಾಯ್ದುಕೊಂಡಿರುವ ಭಾರತ ಹಾಗೂ ಇಂಗ್ಲೆಂಡ್ ತಂಡಗಳು ಇಲ್ಲಿನ ಕೆನ್ನಿಂಗ್ಟನ್ ಓವಲ್‌ ಮೈದಾನದಲ್ಲಿ ನಾಳೆಯಿಂದ(ಗುರುವಾರ) ಆರಂಭವಾಗುವ ನಾಲ್ಕನೇ ಪಂದ್ಯದಲ್ಲಿ ಮುಖಾಮುಖಿಯಾಗಲಿವೆ. ಅಂದಹಾಗೆ 1971ರ ಬಳಿಕ ಈ ಅಂಗಳದಲ್ಲಿ ಭಾರತ ಒಮ್ಮೆಯೂ ಗೆದ್ದಿಲ್ಲ ಎಂಬುದು ಬೇಸರದ ಸಂಗತಿ.
ಐತಿಹಾಸಿಕ ಲಾರ್ಡ್ಸ್ ಟೆಸ್ಟ್ ಪಂದ್ಯದಲ್ಲಿ 151 ರನ್‌ಗಳ ಭರ್ಜರಿ ಜಯ ಗಳಿಸಿದ್ದ ಭಾರತ ತಂಡ, ಟೆಸ್ಟ್ ಸರಣಿಯಲ್ಲಿ 1-0 ಮುನ್ನಡೆ ಗಳಿಸಿತ್ತು. ಆದರೆ, ಕಳೆದ ಹೆಡಿಂಗ್ಲೇ ಟೆಸ್ಟ್‌ನಲ್ಲಿ ಇನಿಂಗ್ಸ್ ಹಾಗೂ 76 ರನ್‌ಗಳಿಂದ ಇಂಗ್ಲೆಂಡ್ ವಿರುದ್ಧ ಕೊಹ್ಲಿ ಪಡೆ ಹೀನಾಯ ಸೋಲಿನ ಆಘಾತಕ್ಕೆ ಒಳಗಾಗಿತ್ತು. ಗೆಲುವಿನೊಂದಿಗೆ ರೂಟ್ ಪಡೆ ಸರಣಿಯಲ್ಲಿ 1-1 ಸಮಬಲ ಸಾಧಿಸಿತ್ತು.
ಅಂದಹಾಗೆ ಎರಡನೇ ಪಂದ್ಯದಲ್ಲಿ ಹೀನಾಯವಾಗಿ ಸೋತಿದ್ದ ಇಂಗ್ಲೆಂಡ್ ತಂಡಕ್ಕೆ ಮೂರನೇ ಪಂದ್ಯಕ್ಕೆ ತಯಾರಿ ನಡೆಸಲು 9 ದಿನಗಳ ಸಮಯ ಲಭಿಸಿತ್ತು. ಈ ಸಮಯವನ್ನು ಸದುಪಯೋಗಪಡಿಸಿಕೊಂಡ ಇಂಗ್ಲೆಂಡ್, ಆರಂಭಿಕ ಹಸೀಬ್ ಹಮೀದ್‌ ಹಾಗೂ ಮೂರನೇ ಕ್ರಮಾಂಕ್ಕೆ ಡಾವಿಡ್‌ ಮಲಾನ್‌ ಅವರನ್ನು ಸಜ್ಜುಗೊಳಿಸಿತ್ತು. ಅದರಂತೆ ಈ ಇಬ್ಬರ ಆಗಮನದಿಂದ ಇಂಗ್ಲೆಂಡ್ ತಂಡ ಮೂರನೇ ಪಂದ್ಯ ಗೆದ್ದುಕೊಂಡಿತ್ತು.
ಅಲ್ಲದೆ, ಕಳೆದ ಪಂದ್ಯದ ಪ್ರಥಮ ಇನಿಂಗ್ಸ್‌ನಲ್ಲಿ ಭಾರತವನ್ನು ಕೇವಲ 78 ರನ್‌ಗಳಿಗೆ ಆಲ್‌ಔಟ್‌ ಮಾಡಿದ್ದ ಇಂಗ್ಲೆಂಡ್ ತಂಡದ ಬೌಲಿಂಗ್ ವಿಭಾಗ ಕೂಡ ಪರಿಣಾಮಕಾರಿಯಾಗಿದೆ. ಜೇಮ್ಸ್ ಆಂಡರ್ಸನ್‌ಗೆ ಅತ್ಯುತ್ತಮ ಸಾಥ್‌ ನೀಡುತ್ತಿರುವ ಓಲ್ಲೀ ರಾಬಿನ್ಸನ್‌ ಲೀಡ್ಸ್‌ ಟೆಸ್ಟ್‌ನಲ್ಲಿ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಸ್ವೀಕರಿಸಿದ್ದರು. ಅದರಂತೆ, ಇಂಗ್ಲೆಂಡ್ ಬೌಲರ್‌ಗಳು ಕೆನ್ನಿಂಗ್ಟನ್ ಓವಲ್‌ ಟೆಸ್ಟ್‌ನಲ್ಲಿಯೂ ಭಾರತದ ಮೇಲೆ ದಾಳಿ ನಡೆಸಲು ಸಜ್ಜಾಗುತ್ತಿದ್ದಾರೆ.
ಮತ್ತೊಂದೆಡೆ ಭಾರತ ತಂಡ ಕಳೆದ ಪಂದ್ಯದ ಪ್ರಥಮ ಇನಿಂಗ್ಸ್‌ನಲ್ಲಿ ಎರಡಂಕಿ ಮೊತ್ತಕ್ಕೆ ಆಲೌಟಾಗಿದ್ದ ಹೊರತಾಗಿಯೂ ದ್ವಿತೀಯ ಇನಿಂಗ್ಸ್‌ನಲ್ಲಿ ಅದ್ಭುತವಾಗಿ ಕಮ್‌ಬ್ಯಾಕ್‌ ಮಾಡಿತ್ತು. ಆದರೆ, ನಾಲ್ಕನೇ ದಿನದಾಟದ ಮೊದಲ ಅವಧಿಯಲ್ಲಿ ಓಲ್ಲೀ ರಾಬಿನ್ಸನ್‌ ಬೌಲಿಂಗ್ ದಾಳಿ ಮೆಟ್ಟಿ ನಿಲ್ಲುವಲ್ಲಿ ಭಾರತ ವಿಫಲವಾಗಿತ್ತು. ಇದೀಗ ಭಾರತ ತಂಡ ತನ್ನ ತಪ್ಪುಗಳನ್ನು ತಿದ್ದಿಕೊಂಡು ನಾಲ್ಕನೇ ಪಂದ್ಯವಾಡಲು ಸಜ್ಜಾಗುತ್ತಿದೆ.
ಭಾರತಕ್ಕೆ ಕೆನ್ನಿಂಗ್ಟನ್ ಓವಲ್‌ನಲ್ಲಿ ಅದೃಷ್ಟವಿಲ್ಲ!
ಇಲ್ಲಿನ ಕೆನ್ನಿಂಗ್ಟನ್ ಓವಲ್‌ ಮೈದಾನದಲ್ಲಿ ಭಾರತ ಹಾಗೂ ಇಂಗ್ಲೆಂಡ್ ತಂಡಗಳು ಇಲ್ಲಿಯವರೆಗೂ ಒಟ್ಟು 13 ಟೆಸ್ಟ್ ಪಂದ್ಯಗಳಲ್ಲಿ ಮುಖಾಮುಖಿಯಾಗಿವೆ. ಆದರೆ, ಇದರಲ್ಲಿ ಇಂಗ್ಲೆಂಡ್ 5ರಲ್ಲಿ ಗೆಲುವು ಪಡೆದಿದ್ದರೆ, ಭಾರತ ಒಂದೇ ಒಂದು ಪಂದ್ಯದಲ್ಲಿ ಮಾತ್ರ ಜಯ ಗಳಿಸಿದೆ. ಅಂದಹಾಗೆ 1971ರ ಬಳಿಕ ಈ ಅಂಗಳದಲ್ಲಿ ಭಾರತ ತಂಡ ಒಂದೇ ಒಂದು ಟೆಸ್ಟ್ ಪಂದ್ಯ ಗೆದ್ದಿಲ್ಲ ಎಂಬುದು ಬೇಸರದ ಸಂಗತಿಯಾಗಿದೆ. ಆದರೆ, 2018ರ ಸೆಪ್ಟಂಬರ್‌ನಲ್ಲಿ ಇದೇ ಅಂಗಳದಲ್ಲಿ ನಡೆದಿದ್ದ ಪಂದ್ಯದಲ್ಲಿ ಭಾರತ 118 ರನ್‌ಗಳಿಂದ ಸೋತಿತ್ತು.
ಒಟ್ಟು ಆಡಿರುವ ಪಂದ್ಯಗಳು: 13
ಭಾರತದ ಗೆಲುವು: 01
ಇಂಗ್ಲೆಂಡ್ ಗೆಲುವು: 05
ಡ್ರಾ: 07
ರಹಾನೆ ಔಟ್‌, ಅಶ್ವಿನ್‌ ಇನ್‌? 4ನೇ ಟೆಸ್ಟ್‌ಗೆ ಭಾರತ ಪ್ಲೇಯಿಂಗ್ XIನಲ್ಲಿ 3 ಬದಲಾವಣೆ ಸಾಧ್ಯತೆ!
ವಾತಾವರಣ ಹಾಗೂ ಪಿಚ್‌ ವರದಿ
ಭಾರತ ಹಾಗೂ ಇಂಗ್ಲೆಂಡ್ ನಡುವಿನ ಓವಲ್‌ ಟೆಸ್ಟ್ ಪಂದ್ಯದ 4ನೇ ದಿನ ಹಾಗೂ 5ನೇ ದಿನ ಮಳೆಗೆ ಆಹುತಿಯಾಗುವ ಸಾಧ್ಯತೆ ಇದೆ. ಆದರೆ, ಆರಂಭಿಕ ಮೂರು ದಿನಗಳು ಮಳೆಯಾಗುವ ಸಾಧ್ಯತೆ ತೀರಾ ವಿರಳ. ಪಂದ್ಯದ ಈ ಐದು ದಿನಗಳಲ್ಲಿ ಸರಾಸರಿ ಉಷ್ಣಾಂಶ 19 ಡಿಗ್ರಿ ಸೆಲ್ಸಿಯಸ್‌ ಇರಲಿದೆ.
ಇಲ್ಲಿನ ಕೆನ್ನಿಂಗ್ಟನ್ ಓವಲ್‌ ಮೈದಾನದ ಪಿಚ್‌ ಪ್ರಥಮ ಇನಿಂಗ್ಸ್‌ನಲ್ಲಿ ಬ್ಯಾಟಿಂಗ್‌ ಸಹಕಾರಿಯಾಗಲಿದೆ. ಇನ್ನುಳಿದ ದಿನಗಳು ವೇಗದ ಬೌಲರ್‌ಗಳಿಗೆ ಅಲ್ಪ ಪ್ರಮಾಣದಲ್ಲಿ ನೆರವಾಗಲಿದೆ. ಪಂದ್ಯ ಸಾಗುತ್ತಿದ್ದಂತೆ ಇಲ್ಲಿನ ವಿಕೆಟ್‌ ನಿಧಾನಗತಿಯತ್ತಾ ತಿರುಗಲಿದೆ. ಆ ಮೂಲಕ ಇದರ ಲಾಭವನ್ನು ಸ್ಪಿನ್ನರ್‌ಗಳು ಪಡೆದುಕೊಳ್ಳಬಹುದು. ಒಟ್ಟಾರೆಯಾಗಿ ಈ ಪಿಚ್‌ನಲ್ಲಿ ಬ್ಯಾಟಿಂಗ್‌ ಹಾಗೂ ಬೌಲಿಂಗ್ ಎರಡರಲ್ಲೂ ಸಮಬಲದ ಹೋರಾಟ ನಿರೀಕ್ಷಿಸಬಹುದು.
'ರಾತ್ರೋರಾತ್ರಿ ಟೆಕ್ನಿಕ್ ಬದಲಾಯಿಸುವ ಅಗತ್ಯವಿಲ್ಲ', ಕೊಹ್ಲಿಗೆ ನೆಹ್ರಾ ಸಲಹೆ!
ಉಭಯ ತಂಡಗಳ ಸಂಭಾವ್ಯ ಪ್ಲೇಯಿಂಗ್ ಇಲೆವೆನ್‌
ಇಂಗ್ಲೆಂಡ್:
ರೋರಿ ಬರ್ನ್ಸ್‌, ಹಸೀಬ್ ಹಮೀದ್‌, ಡಾವಿಡ್‌ ಮಲಾನ್‌, ಜೋ ರೂಟ್ (ನಾಯಕ), ಜಾನಿ ಬೈರ್‌ಸ್ಟೋವ್‌ (ವಿ.ಕೀ), ಓಲ್ಲೀ ಪೋಪ್‌/ಡೇನಿಯಲ್‌ ಸ್ಯಾಮ್ಸ್‌, ಮೊಯೀನ್‌ ಅಲಿ, ಒಲ್ಲೀ ರಾಬಿನ್ಸನ್‌, ಕ್ರಿಸ್‌ ವೋಕ್ಸ್‌/ಸ್ಯಾಮ್‌ ಕರ್ರನ್‌, ಕ್ರೇಗ್‌ ಓವರ್ಟನ್‌/ಮಾರ್ಕ್‌ವುಡ್‌ ಹಾಗೂ ಜೇಮ್ಸ್ ಆಂಡರ್ಸನ್‌
ಭಾರತ:
ರೋಹಿತ್‌ ಶರ್ಮಾ, ಕೆ.ಎಲ್‌ ರಾಹುಲ್‌, ಚೇತೇಶ್ವರ್‌ ಪೂಜಾರ, ವಿರಾಟ್‌ ಕೊಹ್ಲಿ(ನಾಯಕ), ಅಜಿಂಕ್ಯ ರಹಾನೆ/ಹನುಮ ವಿಹಾರಿ, ರಿಷಭ್‌ ಪಂತ್‌ (ವಿ.ಕೀ), ಆರ್‌ ಜಡೇಜಾ/ಆರ್‌ ಅಶ್ವಿನ್‌, ಇಶಾಂತ್‌ ಶರ್ಮಾ/ಶಾರ್ದುಲ್‌ ಠಾಕೂರ್‌, ಜಸ್‌ಪ್ರಿತ್‌ ಬುಮ್ರಾ, ಮೊಹಮ್ಮದ್‌ ಶಮಿ ಹಾಗೂ ಮೊಹಮ್ಮದ್‌ ಸಿರಾಜ್‌
ಕೊಹ್ಲಿ ಸದ್ದಡಗಿಸಿದರಷ್ಟೇ ಸರಣಿ ಗೆಲ್ಲಲು ಸಾಧ್ಯ ಎಂದ ಜೋ ರೂಟ್!
ಪಂದ್ಯದ ವಿವರ
ಮುಖಾಮುಖಿ: ಭಾರತ vs ಇಂಗ್ಲೆಂಡ್
ದಿನಾಂಕ: ಸೆ. 2 ರಿಂದ ಸೆ. 6
ಸಮಯ: ಮಧ್ಯಾಹ್ನ 03:30ಕ್ಕೆ (ಭಾರತೀಯ ಕಾಲಮಾನ)
ಸ್ಥಳ: ಕೆನ್ನಿಂಗ್ಟನ್ ಓವಲ್‌, ಲಂಡನ್‌
ನೇರ ಪ್ರಸಾರ: ಸೋನಿ ಸಿಕ್ಸ್
ಭಾರತ ಟೆಸ್ಟ್ ತಂಡದಲ್ಲಿ ರಹಾನೆ ಸ್ಥಾನ ತುಂಬಬಲ್ಲ ಟಾಪ್‌ 3 ಬ್ಯಾಟ್ಸ್‌ಮನ್‌ಗಳು!
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3kKkI6f
