ಹೊಸದಿಲ್ಲಿ: ರಾಷ್ಟ್ರೀಯ ತಂಡಕ್ಕಿಂತ ಫ್ರಾಂಚೈಸಿ ಕ್ರಿಕೆಟ್ ಆಡುವುದಕ್ಕೆ ಹೆಚ್ಚಿನ ಪ್ರಾಶಸ್ತ್ಯ ನೀಡುವವರಿಗೆ 'ಗುಡ್ ಬೈ' ಹೇಳುವ ಮೂಲಕ ತಮ್ಮ ಶಕ್ತಿ ಏನೆಂಬುದನ್ನು ತೋರಿಸಿ ಎಂದು ಮಾಜಿ ನಾಯಕ ಮೈಕಲ್ ವಾನ್ ಹಾಗೂ ವೇಲ್ಸ್ ಕ್ರಿಕೆಟ್ ಮಂಡಳಿಗೆ ಸಲಹೆ ನೀಡಿದ್ದಾರೆ. ಇತ್ತೀಚಿನ ಸಂದರ್ಶನವೊಂದರಲ್ಲಿ ಇಸಿಬಿ ನಿರ್ದೇಶಕ ಆಶ್ಲೇ ಗೈಲ್ಸ್ ಅವರು ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಗಾಗಿ ರಾಷ್ಟ್ರೀಯ ಕರ್ತವ್ಯವನ್ನು ತ್ಯಜಿಸುವ ಆಟಗಾರರ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದರು. ಈ ಬಗ್ಗೆ ದಿ ಟೆಲಿಗ್ರಾಫ್ನಲ್ಲಿ ಬರೆದಿರುವ ತಮ್ಮ ಅಂಕಣದಲ್ಲಿ ತಿಳಿಸಿದ್ದಾರೆ. "ಐಪಿಎಲ್ನಲ್ಲಿ ಆಡಲು ತಮ್ಮ ಆಟಗಾರರು ಕೇಂದ್ರ ಒಪ್ಪಂದವನ್ನು ತಿರಸ್ಕರಿಸುತ್ತಾರೆ ಎಂದು ಇಸಿಬಿ ಭಾವಿಸುವುದಾದರೆ ಇಂಗ್ಲೆಂಡ್ ವ್ಯಾಮೋಹಕ್ಕೆ ಒಳಗಾಗುತ್ತಿದೆ ಎಂದರ್ಥ. ಇತ್ತೀಚೆಗೆ ಬಿಸಿಸಿಯಲ್ಲಿ ನಡೆದಿದ್ದ ನನ್ನ ಶೋನಲ್ಲಿ ಆಶ್ಲೇ ಗೈಲ್ಸ್ , 'ಹೆಚ್ಚಿನ ಸಂಖ್ಯೆಯಲ್ಲಿ ಆಟಗಾರರು ಐಪಿಎಲ್ನಲ್ಲಿ ಆಡಲು ನಾವು ಬಯಸುವುದಿಲ್ಲ. ಏಕೆಂದರೆ, ದೀರ್ಘಾವಧಿ ನಾವು ಅತ್ಯುತ್ತಮ ಆಟಗಾರರನ್ನು ಕಳೆದುಕೊಳ್ಳಬೇಕಾಗುತ್ತದೆ ಎಂದು ಅವರು ಕಳವಳ ವ್ಯಕ್ತಪಡಿಸಿದ್ದರು," ಎಂಬುದನ್ನು ವಾನ್ ಬಹಿರಂಗಪಡಿಸಿದ್ದಾರೆ. "26 ಅಥವಾ 27ನೇ ವಯಸ್ಸಿನಲ್ಲಿ ರಾಷ್ಟ್ರೀಯ ತಂಡಕ್ಕೆ ಬಂದ ಆಟಗಾರ ಇಂಗ್ಲೆಂಡ್ನ ಒಪ್ಪಂದ ಮೀರಿ ಐಪಿಎಲ್ ಫ್ರಾಂಚೈಸಿಯನ್ನು ಆರಿಸಿಕೊಳ್ಳುತ್ತಿದ್ದೇನೆ ಎಂದು ಹೇಳಿದರೆ ನನ್ನ ಪ್ರತಿಕ್ರಿಯೆ ಸರಳವಾಗಿರುತ್ತದೆ. 'ಹೋಗಿ ಮತ್ತೆ, ತಡವಾಗಿ ಭೇಟಿಯಾಗೋಣ, ಗುಡ್ ಬೈ' ಆದರೆ, ಮತ್ತೆ ನೀವು ಒಂದು ವರ್ಷ ಅಥವಾ ಎರಡು ವರ್ಷಗಳ ಬಳಕ ನೀವು ನನ್ನ ಬಳಿ ಬಂದೇ ಬರುತ್ತೀರಿ, ಆಗ ನಾನು ಮಾತನಾಡುತ್ತೇನೆ,' ಎಂದು ಹೇಳಿದರು. ಇಂಗ್ಲೆಂಡ್ ತಂಡದ ಸ್ಟಾರ್ ಆಟಗಾರರಾದ ಬೆನ್ ಸ್ಟೋಕ್ಸ್ ಹಾಗೂ ಜೋಫ್ರ ಆರ್ಚರ್ ಅವರ ಕೇಂದ್ರ ಒಪ್ಪಂದವನ್ನು ಇನ್ನಷ್ಟು ವರ್ಷಗಳ ಕಾಲ ವಿಸ್ತರಿಸುವಂತೆ ಮೈಕಲ್ ವಾನ್ ಇದೇ ವೇಳೆ ಇಸಿಬಿಗೆ ಸಲಹೆ ನೀಡಿದರು. "ಇಂಗ್ಲೆಂಡ್ ತಂಡದ ಪ್ರಮುಖ ಆಟಗಾರರಿಗೆ ಸೆಂಟ್ರಲ್ ಒಪ್ಪಂದವನ್ನು ಎರಡು ಅಥವಾ ಮೂರು ವರ್ಷಗಳಿಗೆ ಇಸಿಬಿ ಏಕೆ ವಿಸ್ತರಿಸಬಾರದು? ತಂಡದಲ್ಲಿ ಅತ್ಯಂತ ಸ್ಥಿರ ಹಾಗೂ ಮ್ಯಾಚ್ ವಿನ್ನಿಂಗ್ ಪ್ರದರ್ಶನ ತೋರುವ ಆಟಗಾರರಿಗೆ ಇಂಗ್ಲೆಂಡ್ ತಂಡ ಹೆಚ್ಚಿನ ಪ್ರಾಶಸ್ತ್ಯ ನೀಡಬೇಕು. ಬೆನ್ ಸ್ಟೋಕ್ಸ್ ಹಾಗೂ ಜೋಫ್ರ ಆರ್ಚರ್ ಅವರಂಥ ಆಟಗಾರರಿಗೆ ನೀಡಿರುವ 12 ತಿಂಗಳ ಒಪ್ಪಂಧವನ್ನು ವಿಸ್ತರಿಸಬೇಕು," ಎಂದು ವಾನ್ ಹೇಳಿದರು. ಅಂತಾರಾಷ್ಟ್ರೀಯ ದ್ವಿಪಕ್ಷೀಯ ಫುಟ್ಬಾಲ್ ಪಂದ್ಯಗಳಿಗಿಂತ ಹೆಚ್ಚು ಖ್ಯಾತಿ ಗಳಿಸಿರುವ ಪ್ರೀಮಿಯರ್ ಲೀಗ್ಗೆ ಪ್ರಾಂಚೈಸಿ ಕ್ರಿಕೆಟ್ ಅನ್ನು ಮೈಕಲ್ ವಾನ್ ಇದೇ ವೇಳೆ ಹೋಲಿಸಿದರು. ಫುಟ್ಬಾಲ್ ತಲುಪಿರುವ ಸ್ಥಿತಿಗೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಕೂಡ ಒಂದು ದಿ ತಲುಪಲಿದೆ ಎಂದು ಇಂಗ್ಲೆಂಡ್ ಮಾಜಿ ನಾಯಕ ಎಚ್ಚರಿಕೆ ನೀಡಿದರು. "ಫ್ರಾಂಚೈಸಿ ಕ್ರಿಕೆಟ್ಗಾಗಿ ರಾಷ್ಟ್ರೀಯ ತಂಡದ ಒಪ್ಪಂದವನ್ನು ತೊರೆಯುವ ಹಂತ ತಲುಪಿದಾಗ ಫುಟ್ಬಾಲ್ ರೀತಿಯೇ ಕ್ರಿಕೆಟ್ ಸ್ಥಿತಿ ಉಂಟಾಗುತ್ತದೆ. ಆಗ ನಾವು ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಗುಡ್ ಬೈ ಹೇಳಬೇಕಾಗುತ್ತದೆ," ಎಂದು ಮೈಕಲ್ ವಾನ್ ಅಭಿಪ್ರಾಯ ವ್ಯಕ್ತಪಡಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3sLJAxx
