ಅಹ್ಮದಾಬಾದ್‌: ಕಳೆದ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿಯಲ್ಲಿ ಪಂಜಾಬ್ ಕಿಂಗ್ಸ್ ಪರ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ತೋರಿದ್ದ ಕ್ರಿಸ್‌ ಗೇಲ್ ಹಾಗೂ ನಿಕೋಲಸ್‌ ಪೂರನ್ ಅವರು ಪ್ರಸಕ್ತ ಆವೃತ್ತಿಯಲ್ಲಿ ವೈಫಲ್ಯ ಅನುಭವಿಸುತ್ತಿರುವುದಕ್ಕೆ ಮುಖ್ಯ ಕಾರಣವನ್ನು ಮಾಜಿ ಕ್ರಿಕೆಟಿಗರಾದ ವಿರೇಂದ್ರ ಸೆಹ್ವಾಗ್ ಹಾಗೂ ಪ್ರಗ್ಯಾನ್ ಓಜಾ ಬಹಿರಂಗಪಡಿಸಿದ್ದಾರೆ.ಸೋಮವಾರ ಇಲ್ಲಿನ ನರೇಂದ್ರ ಮೋದಿ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಕೋಲ್ಕತಾ ನೈಟ್‌ ರೈಡರ್ಸ್ ವಿರುದ್ಧದ ಪಂದ್ಯದಲ್ಲಿ ಕ್ರಿಸ್‌ ಗೇಲ್ ಶೂನ್ಯಕ್ಕೆ ವಿಕೆಟ್‌ ಒಪ್ಪಿಸಿದ್ದರು. ಇನ್ನು ಸತತ ವೈಫಲ್ಯ ಅನುಭವಿಸಿತ್ತಾ ಬಂದಿರುವ ನಿಕೋಲಸ್‌ ಪೂರನ್ ಅವರು 19 ಎಸೆತಗಳಿಗೆ 19 ರನ್‌ ಗಳಿಸಿ ಔಟ್‌ ಆದರು. ಪಂಜಾಬ್ ಪರ ಮಯಾಂಕ್‌ ಅಗರ್ವಾಲ್‌(31) ಹಾಗೂ ಕ್ರಿಸ್‌ ಜೋರ್ಡನ್‌ (30) ಉತ್ತಮವಾಗಿ ಆಡಿದ್ದು ಬಿಟ್ಟರೆ ಇನ್ನುಳಿದ ಬ್ಯಾಟ್ಸ್‌ಮನ್‌ಗಳು ವಿಫಲರಾದರು. ಅಂತಿಮವಾಗಿ ಪಂಜಾಬ್ ತನ್ನ 20 ಓವರ್‌ಗಳ ಮುಕ್ತಾಯಕ್ಕೆ 123 ರನ್‌ಗಳಿಗೆ ಸೀಮಿತವಾಯಿತು. ಬಳಿಕ 124 ರನ್‌ ಗುರಿ ಹಿಂಬಾಲಿಸಿದ ಕೋಲ್ಕತಾ ನೈಟ್‌ ರೈಡರ್ಸ್ ತಂಡ ನಾಯಕ ಐಯಾನ್‌ ಮಾರ್ಗನ್‌(41*) ಹಾಗೂ ರಾಹುಲ್‌ ತ್ರಿಪಾಠಿ (41) ಅವರ ಜವಾಬ್ದಾರಿಯುತ ಬ್ಯಾಟಿಂಗ್‌ನಿಂದ 5 ವಿಕೆಟ್‌ಗಳ ಗೆಲುವು ಸಾಧಿಸಿತು.ಪ್ರಸಕ್ತ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿಯಲ್ಲಿ ಪಂಜಾಬ್ ಕಿಂಗ್ಸ್ ತಂಡ ಹೇರುತ್ತಿರುವ ಅನಗತ್ಯ ಒತ್ತಡದಿಂದ ಕ್ರಿಸ್‌ ಗೇಲ್ ಹಾಗೂ ನಿಕೋಲಸ್‌ ಪೂರನ್ ವಿಫಲರಾಗುತ್ತಿದ್ದಾರೆಂದು ಸೆಹ್ವಾಗ್ ಹಾಗೂ ಓಜಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಅಹ್ಮದಾಬಾದ್‌:
ಕಳೆದ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿಯಲ್ಲಿ ಪಂಜಾಬ್ ಕಿಂಗ್ಸ್ ಪರ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ತೋರಿದ್ದ ಕ್ರಿಸ್‌ ಗೇಲ್ ಹಾಗೂ ನಿಕೋಲಸ್‌ ಪೂರನ್ ಅವರು ಪ್ರಸಕ್ತ ಆವೃತ್ತಿಯಲ್ಲಿ ವೈಫಲ್ಯ ಅನುಭವಿಸುತ್ತಿರುವುದಕ್ಕೆ ಮುಖ್ಯ ಕಾರಣವನ್ನು ಮಾಜಿ ಕ್ರಿಕೆಟಿಗರಾದ ವಿರೇಂದ್ರ ಸೆಹ್ವಾಗ್ ಹಾಗೂ ಪ್ರಗ್ಯಾನ್ ಓಜಾ ಬಹಿರಂಗಪಡಿಸಿದ್ದಾರೆ.
ಸೋಮವಾರ ಇಲ್ಲಿನ ನರೇಂದ್ರ ಮೋದಿ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಕೋಲ್ಕತಾ ನೈಟ್‌ ರೈಡರ್ಸ್ ವಿರುದ್ಧದ ಪಂದ್ಯದಲ್ಲಿ ಕ್ರಿಸ್‌ ಗೇಲ್ ಶೂನ್ಯಕ್ಕೆ ವಿಕೆಟ್‌ ಒಪ್ಪಿಸಿದ್ದರು. ಇನ್ನು ಸತತ ವೈಫಲ್ಯ ಅನುಭವಿಸಿತ್ತಾ ಬಂದಿರುವ ನಿಕೋಲಸ್‌ ಪೂರನ್ ಅವರು 19 ಎಸೆತಗಳಿಗೆ 19 ರನ್‌ ಗಳಿಸಿ ಔಟ್‌ ಆದರು.
ಪಂಜಾಬ್ ಪರ ಮಯಾಂಕ್‌ ಅಗರ್ವಾಲ್‌(31) ಹಾಗೂ ಕ್ರಿಸ್‌ ಜೋರ್ಡನ್‌ (30) ಉತ್ತಮವಾಗಿ ಆಡಿದ್ದು ಬಿಟ್ಟರೆ ಇನ್ನುಳಿದ ಬ್ಯಾಟ್ಸ್‌ಮನ್‌ಗಳು ವಿಫಲರಾದರು.
ಅಂತಿಮವಾಗಿ ಪಂಜಾಬ್ ತನ್ನ 20 ಓವರ್‌ಗಳ ಮುಕ್ತಾಯಕ್ಕೆ 123 ರನ್‌ಗಳಿಗೆ ಸೀಮಿತವಾಯಿತು. ಬಳಿಕ 124 ರನ್‌ ಗುರಿ ಹಿಂಬಾಲಿಸಿದ ಕೋಲ್ಕತಾ ನೈಟ್‌ ರೈಡರ್ಸ್ ತಂಡ ನಾಯಕ ಐಯಾನ್‌ ಮಾರ್ಗನ್‌(41*) ಹಾಗೂ ರಾಹುಲ್‌ ತ್ರಿಪಾಠಿ (41) ಅವರ ಜವಾಬ್ದಾರಿಯುತ ಬ್ಯಾಟಿಂಗ್‌ನಿಂದ 5 ವಿಕೆಟ್‌ಗಳ ಗೆಲುವು ಸಾಧಿಸಿತು.
ಪಂಜಾಬ್‌ಗೆ ಬ್ಯಾಟಿಂಗ್ ರಿಪೇರಿ ಮಾಡುವ ಅಗತ್ಯ
ದೊಡ್ಡ-ದೊಡ್ಡ ಹಿಟ್ಟರ್‌ಗಳನ್ನು ಒಳಗೊಂಡಿದ್ದರೂ ಪಂಜಾಬ್ ಕಿಂಗ್ಸ್ ತಂಡ, ಕೋಲ್ಕತಾ ನೈಟ್‌ ರೈಡರ್ಸ್ ವಿರುದ್ಧ ದೊಡ್ಡ ಮೊತ್ತ ಕಲೆ ಹಾಕುವಲ್ಲಿ ವಿಫಲವಾಗಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿದ ಮಾಜಿ ಆರಂಭಿಕ ಬ್ಯಾಟ್ಸ್‌ಮನ್‌ ವಿರೇಂದ್ರ ಸೆಹ್ವಾಗ್, ಪಂಜಾಬ್ ತಂಡದ ಬೌಲಿಂಗ್‌ ಪ್ರದರ್ಶನ ಅದ್ಭುತವಾಗಿದೆ ಆದರೆ, ಬ್ಯಾಟಿಂಗ್ ವಿಭಾಗದಲ್ಲಿ ಹೆಚ್ಚಿನ ರಿಪೇರಿ ಮಾಡುವ ಅಗತ್ಯವಿದೆ ಎಂದು ಹೇಳಿದ್ದಾರೆ.
"ಪಂಜಾಬ್ ಕಿಂಗ್ಸ್ ತಂಡ ವಿಶೇಷವಾಗಿ ಮೊದಲು ಬ್ಯಾಟಿಂಗ್ ಮಾಡುವಾಗ ತಮ್ಮ ಸಂಪನ್ಮೂಲಗಳನ್ನು ವಿಂಗಡಿಸಬೇಕಾಗಿದೆ. ಬೌಲಿಂಗ್‌ ಪ್ರದರ್ಶನ ಅದ್ಭುತವಾಗಿದ್ದು, ಇದರಲ್ಲಿ ಯಾವುದೇ ಅನುಮಾನವಿಲ್ಲ. ತನ್ನ ಕೊನೆಯ ಪಂದ್ಯ ಹಾಲಿ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ ವಿರುದ್ಧವೂ ಪಂಜಾಬ್ ಕಿಂಗ್ಸ್ ಅತ್ಯುತ್ತಮ ಬೌಲಿಂಗ್‌ ಪ್ರದರ್ಶನ ತೋರಿತ್ತು. ಆದರೆ, ಪಂಜಾಬ್ ಪಾಲಿಗೆ ಇದೀಗ ಮುಖ್ಯವಾಗಿರುವುದು ಬ್ಯಾಟಿಂಗ್," ಎಂದು ಸೆಹ್ವಾಗ್ ಕ್ರಿಕ್‌ಬಝ್‌ಗೆ ತಿಳಿಸಿದರು.
'ಏನು ಹೇಳಬೇಕೋ ಗೊತ್ತಾಗುತ್ತಿಲ್ಲ' ಕೆಕೆಆರ್‌ ವಿರುದ್ಧ ಸೋಲಿನ ಬಳಿಕ ಭಾವುಕರಾದ ರಾಹುಲ್‌!
ಇಬ್ಬರು ಬ್ಯಾಟ್ಸ್‌ಮನ್‌ಗಳು ಯಶಸ್ವಿಯಾದರೆ ಸಾಕು
"ಹಾರ್ಡ್‌ ಹಿಟ್ಟರ್‌ಗಳಾದ ಕ್ರಿಸ್‌ ಗೇಲ್ ಹಾಗೂ ನಿಕೋಲಸ್‌ ಪೂರನ್ ಸ್ಥಿರ ಪ್ರದರ್ಶನ ತೋರಿದ್ದೇ ಆದಲ್ಲಿ ಪಂಜಾಬ್ ಕಿಂಗ್ಸ್ ನಿಯಮಿತವಾಗಿ ಪಂದ್ಯಗಳನ್ನು ಗೆಲ್ಲುತ್ತದೆ. ತಂಡದ ಮೊತ್ತ 200 ರನ್‌ ಗಳಿಸಹುದಾದ ಬ್ಯಾಟಿಂಗ್ ಲೈನ್ ಅಪ್‌ ಪಂಜಾಬ್ ತಂಡದಲ್ಲಿದೆ. ನಾಲ್ಕು ಬ್ಯಾಟ್ಸ್‌ಮನ್‌ಗಳಲ್ಲಿ ಇಬ್ಬರು ಯಶಸ್ವಿಯಾದರೆ, ಪಂದ್ಯದ ದಿಕ್ಕು ಸಂಪೂರ್ಣ ಬದಲಾಗುತ್ತದೆ,' ಎಂದು ಹೇಳಿದರು.
"ಚೆನ್ನೈ ಸೂಪರ್‌ ಕಿಂಗ್ಸ್ ಅತ್ಯುತ್ತಮ ತಂಡ. ಏಕೆಂದರೆ, ಒಮ್ಮೆ ಸಿಎಸ್‌ಕೆ ತಂಡದ ಬ್ಯಾಟ್ಸ್‌ಮನ್‌ಗಳು ಫಾರ್ಮ್‌ಗೆ ಬಂದರೆ ಎಲ್ಲರೂ ತಂಡಕ್ಕೆ ಕೊಡುಗೆ ನೀಡುತ್ತಾರೆ. ತಂಡದ ಪ್ರತಿಯೊಬ್ಬರು 20 ರಿಂದ 30 ರನ್‌ಗಳನ್ನು ಗಳಿಸುತ್ತಾರೆ. ಆದರೆ, ಪಂಜಾಬ್ ಕಿಂಗ್ಸ್ ತಂಡದಲ್ಲಿ ಇದು ಆಗುತ್ತಿಲ್ಲ," ಎಂದು ಸೆಹ್ವಾಗ್ ಬೇಸರ ವ್ಯಕ್ತಪಡಿಸಿದರು.
ರವಿ ಬಿಷ್ಣೋಯ್‌ ಪಡೆದ ಸ್ಟನ್ನಿಂಗ್‌ ಕ್ಯಾಚ್‌ಗೆ ಪೀಟರ್ಸನ್‌ ಫುಲ್ ಫಿದಾ! ವಿಡಿಯೋ
160 ರಿಂದ 170 ರನ್‌ಗಳ ಬಗ್ಗೆ ಚಿಂತಿಸಬೇಕು: ಓಜಾ
ಭಾರತ ತಂಡದ ಮಾಜಿ ಸ್ಪಿನ್ನರ್‌ ಪ್ರಗ್ಯಾನ್ ಓಜಾ ಮಾತನಾಡಿ, ಪಂಜಾಬ್ ಕಿಂಗ್ಸ್ ತಂಡ ಆರಂಭದಲ್ಲಿ ಮಾಡುತ್ತಿರುವ ದೊಡ್ಡ ತಪ್ಪು ಏನೆಂದರೆ ದೊಡ್ಡ ಮೊತ್ತವನ್ನು ಗುರಿಯಾಗಿಸುತ್ತಿದೆ. ಇದನ್ನು ಬಿಟ್ಟು ನಿರ್ದಿಷ್ಟ ಪಂದ್ಯದಲ್ಲಿ ಆರಂಭಿಕರಾದ ಮಯಾಂಕ್‌ ಅಗರ್ವಾಲ್‌ ಹಾಗೂ ಕೆ.ಎಲ್‌ ರಾಹುಲ್‌ ಯಾವ ರೀತಿ ಆರಂಭ ನೀಡುತ್ತಾರೆಂಬುದನ್ನು ಆಧರಿಸಿ ಯೋಜನೆಯನ್ನು ರೂಪಿಸಬೇಕೆಂದು ಹೇಳಿದರು.
"ಆರಂಭದಲ್ಲಿ ಪಂಜಾಬ್ ಕಿಂಗ್ಸ್ 160 ರಿಂದ 170 ರನ್‌ಗಳ ಬಗ್ಗೆ ಯೋಚಿಸಬೇಕು. ಆದರೆ, ನಮ್ಮಲ್ಲಿ ಕ್ರಿಸ್‌ ಹಾಗೂ ನಿಕೋಲಸ್‌ ಪೂರನ್ ಸೇರಿದಂತೆ ಅತ್ಯುತ್ತಮ ಬ್ಯಾಟಿಂಗ್ ಲೈನ್ ಅಪ್‌ ಇದೆ ಎಂದು ಹೇಳಿ ದೊಡ್ಡ ಮೊತ್ತವನ್ನು ಆರಂಭದಲ್ಲಿಯೇ ನಿರೀಕ್ಷೆ ಮಾಡಿದರೆ, ಅದು ಖಂಡಿತಾ ವಿಂಡೀಸ್‌ ಬ್ಯಾಟ್ಸ್‌ಮನ್‌ಗಳ ಮೇಲೆ ಅನಗತ್ಯ ಒತ್ತಡ ಹೇರಿದಂತಾಗುತ್ತದೆ," ಎಂದು ತಿಳಿಸಿದರು.
ಪಂಜಾಬ್ Vs ಕೋಲ್ಕತಾ ಸ್ಕೋರ್‌ಕಾರ್ಡ್
ಗೇಲ್-ಪೂರನ್ ಮೇಲೆ ಒತ್ತಡ ಹೇರಲಾಗುತ್ತಿದೆ
"ಅತ್ಯುತ್ತಮ ಆರಂಭ ಸಿಕ್ಕ ಬಳಿಕ ಬೇಕಾದರೆ ನೀವು ದೊಡ್ಡ ಮೊತ್ತದ ಬಗ್ಗೆ ಯೋಚಿಸಬಹುದು. ಅಂದಿನ ಪರಿಸ್ಥಿತಿಗಳನ್ನು ಆಧರಿಸಿ ನೀವು ಯೋಜನೆಗಳನ್ನು ಬದಲಾಯಿಸಿಕೊಳ್ಳಬೇಕಾಗುತ್ತದೆ. ಆದರೆ, ನಮ್ಮ ಬಳಿ ದೊಡ್ಡ ಬ್ಯಾಟ್ಸ್‌ಮನ್‌ಗಳಿದ್ದಾರೆಂದು ಭಾವಿಸಿ ಬೃಹತ್‌ ಮೊತ್ತ ಗಳಿಸುವ ಬಗ್ಗೆ ಯೋಚನೆ ಮಾಡಿದರೆ. ಅದು ಖಂಡಿತಾ ಗೇಲ್ ಹಾಗೂ ಪೂರನ್ ಮೇಲೆ ಒತ್ತಡ ಹೇರಿದಂತಾಗುತ್ತದೆ. ಆರಂಭಿಕ ಬ್ಯಾಟ್ಸ್‌ಮನ್‌ಗಳು ಉತ್ತಮ ಆರಂಭ ನೀಡದೇ ಇದ್ದಾಗ ಅದು ಮುಂದಿನ ಬ್ಯಾಟ್ಸ್‌ಮನ್‌ಗಳನ್ನು ಒತ್ತಡಕ್ಕೆ ತಳ್ಳುತ್ತದೆ. ಈ ಕಾರಣದಿಂದಲೇ ಕ್ರಿಸ್‌ ಗೇಲ್ ಹಾಗೂ ಪೂರನ್ ಅವರಿಂದ ಉತ್ತಮ ಬ್ಯಾಟಿಂಗ್ ಬರುತ್ತಿಲ್ಲ," ಎಂದು ಓಜಾ ಅಭಿಪ್ರಾಯ ವ್ಯಕ್ತಪಡಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3vghSts
